சுனந்தா (பாடகி)

சுனந்தா (Sunanda) ஓர் இந்தியத் திரைப்படப் பின்னணிப் பாடகியாவார். இவர் தமிழ், மலையாளம் ஆகிய மொழித் திரைப்படங்களில் பணியாற்றுகிறார். 1983-இல் சென்னைக்குச் செல்வதற்கு முன் கேரளாவில் தனது முதல் பட்டப்படிப்பை முடித்தார். கருநாடக இசையில் பயிற்சி பெற்றார். பின்னர் தென்னிந்தியத் திரைப்பட இசையமைப்பாளர் இளையராஜாவிற்கு அறிமுகமானார். சுனந்தா புதுமைப்பெண் திரைப்படத்தில் முதற்பாடலைப் பாடினார்.

சுனந்தா
பிறப்பு	கேரளா, இந்தியா
பணி	இந்தியத் திரைப்படப் பின்னணிப் பாடகி
செயற்பாட்டுக் காலம்	1984–1995

தொழில்

சுனந்தா தமிழில் பின்னணி பாடுவதற்கு முன், ஒரு மலையாள ஆவணப்படத்திற்காகக் கருநாடக இசைப் பாடல்களையும் சுலோகங்களையும் பாடினார். இவரது முதற் திரைப்படப் பாடல் வெற்றி பெற்றது. மேலும் 1980, 1990-களில் தமிழ் மலையாளம் ஆகிய மொழித் திரைப்படங்களில் பல வெற்றிப் பாடல்களைப் பாடினார். தனிப்பட்ட காரணங்களால் பல ஆண்டுகளாக இவரால் தொடர்ந்து பின்னணி பாட முடியவில்லை.

பாடிய பாடல்களில் சில

ஆண்டு	திரைப்படம்	இசையமைப்பாளர்	பாடல்
1984	புதுமைப் பெண்	இளையராஜா	"காதல் மயக்கம்"
1985	சின்ன வீடு	இளையராஜா	"வெள்ள மனம் உள்ள மச்சான்"
1987	எங்க ஊரு பாட்டுக்காரன்	இளையராஜா	"செண்பகமே செண்பகமே"
1988	சொல்ல துடிக்குது மனசு	இளையராஜா	"பூவே செம்பூவே"
1989	என் புருஷன்தான் எனக்கு மட்டும்தான்	இளையராஜா	"பூமுடித்து பொட்டு"
1993	வால்டர் வெற்றிவேல்	இளையராஜா	"மன்னவா மன்னவா"
1993	கிழக்குச் சீமையிலே	ஏ. ஆர். ரகுமான்	"எதுக்குப் பொண்டாட்டி"
1994	செவ்வந்தி	இளையராஜா	"செம்மீனே செம்மீனே"
1994	வீட்ல விசேஷங்க	இளையராஜா	"பூங்குயில் ரெண்டு ஒன்னுல"
1995	காதலன்	ஏ. ஆர். ரகுமான்	"இந்திரையோ இவள் சுந்தரியோ"
1996	மகாபிரபு	தேவா	"சொல்லவா சொல்லவா ஒரு"
1997	சூர்யவம்சம்	எஸ். ஏ. ராஜ்குமார்	"நட்சத்திர ஜன்னலில்"