தேவா (இசையமைப்பாளர்)
தேவா (Deva, பிறப்பு:20 நவம்பர் 1950) என்று அழைக்கப்படும் தேவநேசன் சொக்கலிங்கம், பெரும்பாலும் தமிழ்த் திரைப்படங்களில் பணியாற்றும் தென்னிந்தியத் திரைப்பட இசையமைப்பாளரும் பாடகருமாவார். ஏறத்தாழ 36 ஆண்டுகால வாழ்க்கையில் தமிழ், கன்னடம், தெலுங்கு, மலையாளம் ஆகிய மொழித் திரைப்படங்களுக்கு பாடல்களையும், பின்னணி இசையையும் வழங்கியுள்ளார். 400இற்கும் மேற்பட்ட திரைப்படங்களுக்கு இசையமைத்துள்ளார்.[2]
| தேவா | |
|---|---|
 | |
| பின்னணித் தகவல்கள் | |
| பிறப்பு | நவம்பர் 20, 1950 [1] தமிழ்நாடு,  இந்தியா |
| தொழில்(கள்) | இசையமைப்பாளர், பாடகர் |
இவரது பூர்வீகம் வேலூர் மாவட்டம், ஆற்காடு அருகிலுள்ள மாங்காடு கிராமமாகும். தேவா பல கானா பாடல்களை எழுதியும், அப்பாடல்களை தானே பாடியும் உள்ளார். இவருடைய கானா பாடல்கள் பெரும்பாலும் சென்னைத் தமிழில் இருக்கும். இவர் மேற்கத்திய இசைக் கருவிகளை கையாளும் திறன்படைத்த மாஸ்டர் தன்ராஜிடம் மேற்கத்திய இசையைப் பயின்றவர். இவர் தேனிசைத் தென்றல் என்று அழைக்கப்படுகிறார்.[3]
தனிப்பட்ட வாழ்க்கை
தொகுதேவா 1950 நவம்பர் 20 அன்று மா. சொ. சொக்கலிங்கம், மா. சொ. கிருஷ்ணவேணி ஆகியோருக்கு மகனாகப் பிறந்தார். சிறுவயதில் கூட, தேவா இசையுலகில் ஈர்க்கப்பட்டார். சந்திரபோசுடன் இணைந்து, இவர் பல இசை நிகழ்ச்சிகளை நிகழ்த்தினார். ஜே. பி. கிருஷ்ணாவின் கீழ் பாரம்பரிய இசையைக் கற்றுக்கொள்ளத் தொடங்கிய இவர், தன்ராஜுடன் தொடர்ந்து இலண்டனிலுள்ள டிரினிட்டி இசைக் கல்லூரியில் மேற்கத்திய இசையில் ஒரு படிப்பை முடித்துள்ளார். இவரது மகன் சிறீகாந்து தேவாவும் ஒரு இசையமைப்பாளராவார். அதே போல இவரது சகோதரர்களான சபேஷ்-முரளி இரட்டையர்களாக உருவாகியுள்ளனர். இவரது மருமகன் ஜெய் ஒரு நடிகராவார்.
தொழில் வாழ்க்கை
தொகுதிரைப்படத்திற்கு வருவதற்கு முன்பு, தேவா தூர்தர்ஷன் பொதிகை தொலைக்காட்சியில் சிறிது காலம் பணியாற்றினார். வயலும் வாழ்வும் என்ற நிகழ்ச்சியின் பாடல்களுக்கு இசையமைத்தார்.[4] அந்நாட்களில், தேவாவின் சகோதரர்கள் இளையராஜாவுடனும் பிற இசையமைப்பாளர்களின் இசைக்குழுக்களில் இசைக் கருவிகளை வாசித்து வந்தனர். இவரது முதல் திரைப்படம் மனசுக்கேத்த மகராசா 1989 இல் வெளியிடப்பட்டது. பின்னர் வைகாசி பொறந்தாச்சு என்ற திரைப்படத்தில் பணியாற்ற அழைக்கப்பட்டார். வைகாசி பொறந்தாச்சு வெளிவந்த பிறகு, இவரது பெயர் தமிழ்ச் சமூகம் முழுவதும் அறியப்பட்டது.
சிறந்த இசையமைப்பாளர் எம். எஸ். விஸ்வநாதன் இவரை "தேனிசைத் தென்றல்" என்று அழைத்தார். இதுவரை, தமிழ், தெலுங்கு, கன்னடம், மலையாளம் ஆகிய மொழிகளில் ஏறத்தாழ 400 இற்கும் மேற்பட்ட திரைப்படங்களுக்கு இசையமைத்துள்ளார். சமயப் பக்தித் திரைப்படங்களின் பாடல்களுக்காகவும் இவர் பிரபலமானவர். ரஜினிகாந்த் நடித்த அண்ணாமலை (1992), பாட்ஷா (1995) ஆகிய திரைப்படங்களில் இசையமைத்ததற்காக இவர் பரவலாக பாராட்டப்பட்டார்.
தேவா 1996 இல், 36 திரைப்படங்களுக்கு இசையமைத்தார். நடிகர் அஜித் விஜய் ஆகியோருக்கு இவரது இசை பெரும் பங்கு வகித்தன. ஆசை (1995) காதல் கோட்டை (1996) நேருக்கு நேர் (1997) நினைத்தேன் வந்தாய் (1998) பிரியமுடன் (1998) வாலி (1999) குஷி (2000) போன்ற வெற்றித் திரைப்படங்கள் இவர்களை அடுத்த தலைமுறையின் சிறந்த நடிகர்களாக தங்களை நிலைநிறுத்த உதவியது.[5]
2014 இல், அனிருத் இரவிச்சந்தரனின் மான் கராத்தே படத்தில் ஒரு கானா பாடலைப் பாட தேவாவைத் தேர்ந்தெடுத்தார்.[6]
விருதுகள்
தொகு1990 இல், தனது முதல் சிறந்த இசையமைப்பாளருக்கான தமிழ்நாடு மாநில திரைப்பட விருதைப் பெற்றார். 1992இல் தமிழக அரசின் கலைமாமணி விருதைப் பெற்றார். 1995 இல், ஆசை படம் இவருக்கு மற்றொரு மாநில திரைப்பட விருதைப் பெற்றுத் தந்தது. பாட்ஷா படத்திற்காக, தமிழ்நாடு கலை மற்றும் கலாச்சார அகாதமி விருதைப் பெற்றார். கதை எழுதுவதிலிருந்து திரையிடுதல் வரை உலகிலேயே மிக வேகமாக முடிக்கப்பட்ட திரைப்படமான சிவப்பு மழை படத்திற்காக கின்னஸ் உலக சாதனை விருது பெற்றார். தினகரன், சினிமா எக்ஸ்பிரஸ், இசுகிரீன் போன்ற பிரபல பத்திரிகைகளின் விருதுகளையும் இவர் பெற்றுள்ளார். கன்னட திரைப்படமான அம்ருத வர்சினி சிறந்த இசையமைப்பாளருக்கான பிலிம்பேர் விருதை வென்றார்.[7][8]
இசையமைத்த திரைப்படங்களில் சில
தொகுதமிழ்த் திரைப்படங்கள்
தொகுதிரையில் தோன்றியவை
தொகு| ஆண்டு | திரைப்படம் | குறிப்புகள் |
|---|---|---|
| 1998 | உன்னிடத்தில் என்னைக் கொடுத்தேன் | அவராகவே |
| 1999 | சின்ன ராஜா | அவராகவே |
| 2004 | அடி தடி | "தகடு தகடு" பாடலில் சிறப்புத் தோற்றம் |
| 2009 | மோதி விளையாடு | "மோதி விளையாடு" பாடலில் சிறப்புத் தோற்றம் |
மேற்கோள்கள்
தொகு- ↑ http://www.filmibeat.com/celebs/deva/biography.html
- ↑ "Deva tamil music director". behindwoods.com. பார்க்கப்பட்ட நாள் 20 July 2014.
- ↑ கல்யாணி பாண்டியன், ed. (20 நவம்பர் 2020). அஜித், விஜய் முதல் ரஜினி வரை: 90ஸ் கிட்ஸ்களின் நினைவில் நீங்கா தேவாவின் திரையிசை!. புதியதலைமுறை தொலைக்காட்சி.
- ↑ ஒளரங்கசீப் (21 January 1996). "சினிமா உலகம் பணத்தை மதிக்கிறது!" (PDF). கல்கி. pp. 6–8. பார்க்கப்பட்ட நாள் 18 May 2023.
- ↑ "How Tamil composer Deva rolled out the hits: 'A film song should immediately register with people'". 24 June 2018.
- ↑ "Deva sings for Anirudh !". தி டைம்ஸ் ஆஃப் இந்தியா. 14 April 2014. https://timesofindia.indiatimes.com/entertainment/malayalam/music/deva-sings-for-anirudh-/articleshow/33736059.cms.
- ↑ "45th Annual Filmfare Best Kannada Music Director : Santosh : Free Dow…". archive.is. 5 February 2017. Archived from the original on 5 February 2017.
- ↑ "deva_won_filmfare__best_kannada_music_director : santosh : Free Downl…". archive.is. 5 February 2017. Archived from the original on 5 February 2017.
- ↑ http://www.filmibeat.com/celebs/deva/filmography.html