ஜூனியஸ் ரிச்சட் ஜயவர்தனா
ஜூனியஸ் ரிச்சட் ஜயவர்தனா (செப்டம்பர் 17 1906 - நவம்பர் 1 1996), இலங்கையின் இரண்டாவது சனாதிபதியும் நிறைவேற்று அதிகாரம் கொண்ட முதலாவது சனாதிபதியுமாவார். இவர் பெயரின் சுருக்கமான ஜே.ஆர். என பிரபலமாக அறியப்பட்டார். இவர் சனாதிபதிப் பதவியை ஏற்கும் முன் அரசில் பல பதவிகளை வகித்தார். இவர் ஐக்கிய தேசியக் கட்சியைப் பிரதிநிதித்துவப்படுத்தியதோடு அதன் தலைவராகவும் செயலாற்றினார்.
ஜே. ஆர். ஜயவர்தனா | |
|---|---|
.jpg) | |
| இலங்கையின் 2வது சனாதிபதி | |
| பதவியில் பெப்ரவரி 4 1978 – ஜனவரி 1 1989 | |
| முன்னையவர் | வில்லியம் கொபல்லாவ |
| பின்னவர் | ரணசிங்க பிரேமதாசா |
| இலங்கையின் 10வது பிரதமர் | |
| பதவியில் 23 ஜூலை 1977 – பெப்ரவரி 4, 1978 | |
| குடியரசுத் தலைவர் | வில்லியம் கொபல்லாவ |
| முன்னையவர் | சிறிமாவோ பண்டாரநாயக்கா |
| பின்னவர் | ரணசிங்க பிரேமதாசா |
| அணிசேரா நாடுகளின் 6வது தலைமைச் செயலாளர் | |
| பதவியில் பெப்ரவரி 4, 1978 – செப்டம்பர் 9, 1979 | |
| முன்னையவர் | வில்லியம் கொபல்லாவ |
| பின்னவர் | பிடல் காஸ்ட்ரோ |
| தனிப்பட்ட விவரங்கள் | |
| பிறப்பு | செப்டம்பர் 17 1906 இலங்கை |
| இறப்பு | நவம்பர் 1 1996 |
| அரசியல் கட்சி | ஐக்கிய தேசியக் கட்சி |
| துணைவர் | எலேனா பண்டார ருபசிங்கே ஜயவர்தனா |
இளமைக் காலம்
தொகுஇவர் இலங்கையின் சட்டத்துறையில் பிரபலமாக விளங்கிய குடும்பமொன்றில் பிறந்தார். இலங்கையின் தலைமை நீதிபதியாக இருந்த கௌரவ நீதியரசர் இயுஜீன் வில்பிரெட் ஜயவர்தனாவுக்கும், இலங்கையின் செல்வந்த வணிகர்களுள் ஒருவரின் மகளான அக்னசு டொன் பிலிப் விஜயவர்தனாவுக்கும் பிறந்த 11 பிள்ளைகளுள் இவரே முதலாமவர். இராணியின் வழக்கறிஞர் (QC) ஹெக்டர் வில்பிரெட் ஜயவர்தனா, மருத்துவர் ரொலி ஜயவர்தனா ஆகியோர் இவரது தம்பியர்கள். கர்னல் தியடோர் ஜயவர்தனா, நீதியரசர் வலன்டைன் ஜயவர்தனா ஆகியோர் இவரது தந்தையின் உடன்பிறந்தோர். பத்திரிகைத் துறையில் பிரபலமான டி. ஆர். விஜேவர்தனா இவரது மாமா. ஓர் ஆங்கிலேய செவிலித் தாயால் வளர்க்கப்பட்ட இவர்[1] கொழும்பில் உள்ள பிசப்கல்லூரியில் ஆரம்பக் கல்வியைக் கற்றார். பின் ராயல் கல்லூரியில் இடைநிலைக் கல்வியைப் பயின்றார். பின் ராயல் கல்லூரி சங்கத்தில் செயலாளராகப் பணிபுரிந்தார்.[2][3]
மேற்கோள்கள்
தொகு- ↑ Crossette, Barbara (1996-11-02). "J. R. Jayewardene of Sri Lanka Dies at 90; Modernized Nation He Led for 11 Years" (in en-US). The New York Times. https://www.nytimes.com/1996/11/02/world/j-r-jayewardene-of-sri-lanka-dies-at-90-modernized-nation-he-led-for-11-years.html.
- ↑ Remembering the most dominant Lankan political figure பரணிடப்பட்டது 30 செப்டெம்பர் 2007 at the வந்தவழி இயந்திரம்
- ↑ JR's 10th death anniversary today
வெளியிணைப்புகள்
தொகு- ஜே.ஆர்.பற்றிய கருத்துகள் பரணிடப்பட்டது 2007-09-30 at the வந்தவழி இயந்திரம்