திரவமானி
திரவமானி (Hydrometer) என்பது திரவங்களின் ஒப்படர்த்தியைக் கண்டறிய பயன்படும் ஒரு கருவியாகும். திரவத்தின் அடர்த்திக்கும், நீரின் அடர்த்திக்கும் இடையே உள்ள தகவைக் குறிப்பது ஒப்படர்த்தி ஆகும். மண்ணெண்ணெய், பெட்ரோல் மற்றும் ஆல்கஹால் போன்ற குறைந்த அடர்த்தி திரவங்களில் திரவமானி ஆழமாக மூழ்கி, உப்புக்கரைசல், பால் மற்றும் அமிலங்கள் போன்ற உயர் அடர்த்தி திரவங்களில் குறைவான ஆழத்தில் மூழ்குகிறது. திரவமானிகள் பெரும்பாலும் கண்ணாடியாலாவை. நீளமான உருளை வடிவிலான தண்டையும், குடுவை வடிவிலான அடிப்பாகத்தையும் கொண்டுள்ளது. திரவமானியை செங்குத்தாக மிதக்க வைக்க, அதன் அடிப்பாகத்தில் பாதரசம் அல்லது லேட் ஷோட்சினால் நிரப்பப்பட்டுள்ளது.
அடிப்படை தத்துவம்
தொகுஇக்கருவி ஆர்க்கிமிடீசு தத்துவமான "ஒரு பாய்மத்தினுள் (திரவம் அல்லது வாயு) அமிழ்த்தப்பட்ட ஒரு பொருளின் மீது அப்பாய்மம் செலுத்தும் மிதப்பு-விசை அப்பொருளினால் இடம்பெயர்க்கப்பட்ட பாய்மத்தின் எடைக்குச் சமம்" என்பதை அடிப்படையாகக் கொண்டு செயல்படுகிறது.[1][2]
பயன்பாடு
தொகுஇது திரவங்களின் அடர்த்தியை நீரின் அடர்த்தியோடு ஒப்பிட்டுப் பார்க்க பயன்படுகிறது.
திரவமானிகளின் வகைகள்
தொகு- லேக்டோமீட்டர்[3][4]
- சாக்ரோமீட்டர்[5]
- சிறுநீர்மானி - சிறுநீர் பகுப்பாய்விற்காக வடிவமைக்கப்பட்ட மருத்துவ திரவமானி
- மதுசாரமானி
- மின்கல நீர்மானி
- அமிலமானி(Acidometer) - அமிலங்களின் ஒப்படர்த்தியை அளவிடப் பயன்படும் திரவமானி ஆகும்.
- உப்புநீர் மானி - கடல் நீராவி கொதிகலனுக்கு பயன்படுத்தப்படும் உப்பு நீரின் அடர்த்தியை அளவிடுவதற்கு பயன்படுத்தப்படும் திரவமானி ஆகும்.
- பார்கோமீட்டர் - தோல் பதனிடும் ஆலைகளில், தோல் பதனிடுவதற்காக பயன்படுத்தப்படும் மதுபானத்தின் அடர்த்தியை கணக்கிடும் திரவமானி ஆகும்.
மதுசாரமானி
தொகு
மதுசாரமானி (Alcoholometer) என்பது எரிசாராயத்தின் அடர்த்தியைக் கண்டறியப் பயன்படும் திரவமானியின் ஒரு வகை ஆகும். எரிசாராயம் என்பது சாராயம் மற்றும் நீரின் கலவையாகும். புரூப் & ட்ரேள்ஸ் திரவமானி (proof and Tralles hydrometer) என்றும் அழைக்கப்படுகிறது. இது திரவத்தின் அடர்த்தியைக் கணக்கிடப் பயன்படுகிறது. திரவத்தில் இருக்கும் ஆல்கஹால் அளவை மதிப்பிடுவதற்கு சில அனுமானங்கள் செய்யப்படுகின்றன. மதுசாரமானி என்பது முன் கணிப்பீடு செய்யப்பட்ட குறிப்பிட்ட ஈர்ப்புத்தன்மையின் அடிப்படையில் 'சாத்தியமான ஆல்கஹால்' என்ற அளவிற்கான அளவுகோல்களைக் கொண்டிருக்கும் அளவீடுகள் உள்ளன. இந்த அளவிலான அதிக "ஆல்கஹால்" அளவீடுகள் அதிக அளவு குறிப்பிட்ட ஈர்ப்பு காரணமாக ஏற்படுகிறது. இது கரைக்கப்பட்ட சர்க்கரைகளை அறிமுகப்படுத்துவதால் ஏற்படுகிறது. நொதித்தலுக்குப் பின் மற்றும் நொதித்தலுக்கு முன் எடுக்கப்படும் அளவீடுகளைக் கழித்து வரும் விடையைக் கொண்டு சாராயத்தின் தோராயமான அடர்த்தி தீர்மானிக்கப்படுகிறது.[6]
மின்கல நீர்மானி
தொகுமின்கல நீர்மானியின் மிதவைப் பிரிவில் வெப்பமானி இணைக்கப்பட்டுள்ளது. பெட்ரோலிய (எரிபொருள் எண்ணெய்கள்) பொருள்களின் அடர்த்தியை அளவிடுவதற்கு பயன்படுகிறது. திரவத்தின் அடர்த்தியானது வெப்பநிலையைச் சார்ந்துள்ளதால், திரவத்தின் அடர்த்தியை கணக்கிடுவதற்கு முன்பு அதனை லேசாக வெப்பப்படுத்துவது அவசியம். அடர்த்தி குறைவான எண்ணெய்களை, குளிரான பைகளில் (பொதுவாக 15 °C) வைத்து அடர்த்தியை கணக்கிடுகிறோம். எளிதில் தீப்பற்றக்கூடிய எண்ணெய் பொருட்கள், மாறுபட்ட தொகுதி கொள்கலனில் மிதக்கும் பிஸ்டன் மாதிரி சாதனத்தை பயன்படுத்தி ஒளி முடிவு இழப்புகளை குறைக்கப்படுகிறது.[7]
படக்காட்சிகள்
தொகு-
மதுசாரமானி. -
பால்மானி -
மின்னேற்றத்தை அளக்கும் மின்கல நீர்மானி (~1985). -
உறைவுதவிர்ப்பு சோதிப்பான் பொறியின் குளிர்விப்பி நீர்ம உறைநிலையை அளத்தல்.
.jpg)
மேற்கோள்கள்
தொகு- ↑ Hornsey, Ian S. (2003). A history of beer and brewing (in ஆங்கிலம்). Cambridge: Royal Society of Chemistry. p. 429. பன்னாட்டுத் தரப்புத்தக எண் 978-0-85404-630-0.
- ↑ Bendick, Jeanne (2011) [1962]. Archimedes And The Door Of Science (in ஆங்கிலம்). Literary Licensing, LLC. pp. 63–64. பன்னாட்டுத் தரப்புத்தக எண் 9781258014889.
- ↑ Geisler, Joseph F. (1891). "Signification of Lactometer Tests" (in en). Journal of the American Chemical Society 13 (2): 93–98. doi:10.1021/ja02124a009. பன்னாட்டுத் தர தொடர் எண்:0002-7863. https://pubs.acs.org/doi/abs/10.1021/ja02124a009.
- ↑ "Glass lactometer, England, 1875-1900". Science Museum Group Collection (in ஆங்கிலம்). பார்க்கப்பட்ட நாள் 2024-01-01.
- ↑ Thomson, Thomas (1840). Explanation of Allan's Saccharometer: Appointed by Act of Parliament for the Use of Distillers, & C (in ஆங்கிலம்). D. & W. Millar.
- ↑ Rabin, Dan; Forget, Carl (1998). The dictionary of beer and brewing. London: Fitzroy Dearborn. பன்னாட்டுத் தரப்புத்தக எண் 9781579580780. பார்க்கப்பட்ட நாள் 2009-10-11.
- ↑ Béla G. Lipták; Kriszta Venczel, eds. (2017). Instrument and automation engineers' handbook: measurement and safety (Fifth ed.). United States: Taylor & Francis Group, CRC Press. p. 1314. பன்னாட்டுத் தரப்புத்தக எண் 978-1-4987-2764-8.
பிற இணைப்புகள்
தொகு
- Hypatia of Alexandria
- Hydrometer Information
- Guide to Brewing Hydrometers
- Jurjen Draaijer. Milk Testing. Milk Producer Group Resource Book, Food and Agriculture Organization of the United Nations
- Using Your Hydrometer, Winemaking Home Page.
- How The Hydrometer Works, Home Winemaking Techniques
{Authority control}}