நாயகன் (2008 திரைப்படம்)
நாயகன் (Nayagan) என்பது 2008 ஆம் ஆண்டு வெளிவந்த இந்தியத் தமிழ்த் திரைப்படமாகும். விஜய்குமார் ரெட்டி எழுதி, சரவண சக்தி இயக்கிய [1][2] இப்படத்தை சக்யா செல்லுலாய்டு தயாரித்தது.
| நாயகன் | |
|---|---|
| இயக்கம் | சரவண சக்தி |
| தயாரிப்பு | சக்யா செல்லுலாய்ட் |
| கதை | விஜய்குமார் ரெட்டி |
| இசை | மரியா மனோகர் |
| நடிப்பு | ஜே. கே. ரித்தீஷ் ரமணா சங்கீதி கீர்த்தி சாவ்லா அனிதா ஹசானந்தனி ரச்சனா மௌரியா ஆனந்த் ராஜ் (நடிகர்) ராதாரவி பாண்டியராஜன் சிறீமன் தேவிப்பிரியா |
| வெளியீடு | 22 ஆகத்து 2008 |
| நாடு | இந்தியா |
| மொழி | தமிழ் |
இப்படத்தில் ஜே. கே. ரித்தீஷ், ரமணா, சங்கீதா, கீர்த்தி சாவ்லா, அனிதா ஹசானந்தனி, ஆனந்தராஜ் ஆகியோர் நடித்திருந்தனர். பின்னர் இது தெலுங்கில் அங்குசம் என்ற பெயரில் மொழிமாற்றம் செய்யப்பட்டது.[3] படத்தில் ஒரு குத்தாட்டப் பாடலுக்கு அனிதா ஹசானந்தனியும், ரச்சனா மௌரியாவும் ஆடியுள்ளனர். படத்திற்கு மரியா மனோகர் இசையமைத்தார்.
2008 ஆகத்து 22 அன்று வெளியான இப்படம் இதற்கு முந்தைய ஆண்டில் வெளியான வேகம் திரைப்படத்தின் நேரடி மறு ஆக்கமாகும்.[4] இத்திரைப்படம் 2004 ஆம் ஆண்டு வெளியான செல்லுலார் என்ற அமெரிக்கத் திரைப்படத்தின் மறு ஆக்கம் ஆகும்.
கதை
தொகுடாக்டர் சந்தியா விஸ்வநாத் ( சங்கீதா ) தனது வீட்டிலிருந்து ஒரு கும்பலால் கடத்தப்பட்டு வேறு இடத்திற்கு அழைத்துச் செல்லப்படுகிறார். அங்கு அவரது கணவர் இருக்கும் இடம் குறித்து அவரிடம் விசாரிக்கப்படுகிறது. அவரது அறையில் உள்ள ஒரு தொலைபேசி கும்பலின் தலைவரால் ( ஆனந்தராஜ் ) அடித்து நொறுக்கப்படுகிறது, என்றாலும் சீரற்ற தொலைபேசி அழைப்புகளைச் செய்ய போதுமானதாக உடைந்த தொலைபேசி துண்டுகளை சேர்க்கிறார். அவரது அழைப்புகளில் ஒன்று சக்திக்கு ( ரமணா) வருகின்றது. அவன் தன் மாமன் மகளானை திவ்யாவை (கீர்த்தி சாவ்லா ) கூட்டிக்கொண்டு ஓடிவந்துள்ளதால் அவனுக்கு வேறு பிரச்சனைகள் உள்ளன. இதனால் ஆரம்பத்தில் தயக்கம் காட்டிய அவன், சந்தியாவுக்கு உதவ ஒப்புக்கொண்டு, ஒரு காவல் நிலையத்ததுக்கு தொலைபேசி அழைப்பை விடுகிறார். காவல்துறை அதிகாரி குரு ( ஜே. கே. ரித்தீஷ் ) அவளுடன் பேசுகிறார், ஆனால் மற்றொரு பிரச்சனையால் அவர் திசைதிருப்பப்படுகிறார், எனவே சந்தியா மீண்டும் சக்தியைத் தொடர்பு கொள்கிறார். பின்னர் என்ன ஆனது எப்பதே கதையின் பிற்பகுதி ஆகும்
நடிகர்கள்
தொகு- ஜே. கே. ரித்தீஷ் - குரு
- ரமணா - சக்தி
- சங்கீதா - மருத்துவர் சந்தியா விஸ்வநாத்
- கீர்த்தி சாவ்லா - திவ்யா
- அனிதா ஹசானந்தனி - நிலா
- ரச்சனா மௌரியா
- ஆனந்தராஜ் - கும்பல் தலைவர் (இரட்டை வேடம்)
- ராதாரவி
- பாண்டியராஜன்
- சிறீமன்
- தேவிப்ரியா
மேற்கோள்கள்
தொகு- ↑ "நாயகன் - விமர்சனம்!". tamil.webdunia.com.
- ↑ "Review: Nayagan". Rediff. Retrieved 2012-08-05.
- ↑ "'Nayagan' to speak in Telugu - Telugu Movie News". IndiaGlitz. 2008-09-16. Archived from the original on 2008-09-18. Retrieved 2012-08-05.
- ↑ "NAYAGAN - MOVIE REVIEW CAST Rithish Ramana Sangeetha Vaiyapuri Pandiyarajan Anandraj DIRECTION Saravanashakthi MUSIC Mariya Manogar PRODUCTION V.K. Vijayakumar Reddy stills picture image gallery". Behindwoods. 2007-12-05. Retrieved 2012-08-05.