நிசாத் தோட்டம், காஷ்மீர்
நிசாத் தோட்டம் (Nishat Bagh) என்பது இந்தியாவின் ஜம்மு-காஷ்மீர் மாநிலத்தில் ஸ்ரீநகருக்கு அருகில் உள்ள தால் ஏரியின் கிழக்குப் பகுதியில் கட்டப்பட்ட மொட்டை மாடி தோட்டமாகும் . இது காஷ்மீர் பள்ளத்தாக்கின் மிகப்பெரிய முகலாய தோட்டமாகவும் இருக்கிறது. ஷாலிமார் தோட்டம், இது தால் ஏரியின் கரையில் அமைந்துள்ளது. 'நிசாத் தோட்டம்' என்பது உருது மொழியில், அதாவது "மகிழ்ச்சியின் தோட்டம்" எனப்பொருள்படும். [1]
வரலாறு
தொகு
தால் ஏரியின் கரையில் அமைந்துள்ள ஜபர்வான் மலைகள் அதன் பின்னணியாக அமைந்துள்ள நிசாத் தோட்டம், பிர் பஞ்சால் மலைத்தொடரின் அடியில் ஏரியின் காட்சிகளைக் கொண்ட ஒரு அழகிய தோட்டமாகும். 1633 ஆம் ஆண்டில் நூர் ஜஹானின் மூத்த சகோதரர் ஆசிப் கான் இந்த தோட்டத்தை வடிவமைத்து கட்டியுள்ளார். [2] [3]
ஷாஜகான் இந்த தோட்டத்தைப் பார்த்தபோது, 1633 இல் அது முடிந்தபின், அதன் ஆடம்பரத்தையும் அழகையும் அவர் மிகுந்த பாராட்டினார். அதை அவருக்கு பரிசாக வழங்குவார் என்ற நம்பிக்கையுடன் அவர் தனது பாராட்டுகளை தனது மாமனார் ஆசிப் கானிடம் வெளிப்படுத்தியதாக நம்பப்படுகிறது. ஆசிப் கான் அத்தகைய வாய்ப்பை வழங்காததால், ஷாஜகான் தோட்டத்திற்கு நீர் வழங்கலை மூட உத்தரவிட்டார். இத்தகைய மகிழ்ச்சியான தோட்டத்தைப் பார்ப்பதில் பேரரசர் ஷாஜகானுக்கு ஏற்பட்ட பொறாமையால், தோட்டம் ஏறக்குறைய சிறிது காலம் நேரம் மூடப்பட வேண்டியதாயிற்று.
முகலாய இளவரசி ஜுஹ்ரா பேகம் இந்தத் தோட்டத்தில் அடக்கம் செய்யப்பட்டார். அவர் இரண்டாம் முகலாய பேரரசர் ஆலம்கீர் மகள், மற்றும் பேரரசர் ஜஹந்தர் ஷாவின் பேத்தியாவார்.
அமைப்பு
தொகுநிசாத் தோட்டத்தின் அமைப்பானது பாரசீக தோட்டங்களின் அடிப்படை கருத்தியல் மாதிரியை அடிப்படையாகக் கொண்டிருந்தாலும், காஷ்மீர் பள்ளத்தாக்கில் தேர்ந்தெடுக்கப்பட்ட இடத்தில் நிலப்பரப்பு மற்றும் நீர் ஆதார நிலைமைகளுக்கு ஏற்றவாறு அதை மறுவடிவமைக்க வேண்டியிருந்தது. இது ஒரு சதுர தளவமைப்பைக் காட்டிலும் செவ்வக அமைப்பைத் திட்டமிடுவதற்கு வழிவகுத்தது. கிழக்கு-மேற்கு நீளம் 548 மீட்டர் (1,798 அடி) மற்றும் அகலம் 338 மீட்டர் (1,109 அடி) கொண்ட செவ்வக அமைப்பாக கட்டப்பட்டது.[1]
நிசாத் தோட்டம் மொட்டை மாடி போன்று அமைக்கப்பட்டிருக்கும் ஒரு பரந்த அடுக்காகும். இது சினார் மற்றும் சைப்ரஸ் மரங்களால் வரிசையாக அமைந்துள்ளது. இது ஏரிக்கரையிலிருந்து தொடங்கி மலை முனையில் ஒரு செயற்கை முகப்பில் அடைகிறது. மேல் முனையிலிருந்து தோட்டத்தின் வழியாக ஓடும் மத்திய கால்வாய் 4 மீட்டர் (13 அடி) அகலமும் 20 சென்டிமீட்டர் (7.9 அங்குலம்) ஆழமும் கொண்டது. சாலை மட்டத்தில் முதல் மொட்டை மாடிக்கு மேலே இருந்து ஒரு அடுக்கில் நீர் பாய்கிறது, இது தால் ஏரியிலிருந்து ஒரு ஷிகாரா சவாரி வழியாக அணுகலாம்.
பார்வையாளர் தகவல்
தொகு
ஸ்ரீநகர் மாவட்டத்தில் அமைந்துள்ள நிசாத் தோட்டம் நகர மையத்திலிருந்து 11 கிலோமீட்டர் (6.8 மைல்) தொலைவில் உள்ளது. அருகிலுள்ள விமான நிலையம் ஹம்ஹாமாவில் 25-30 கிலோமீட்டர் (16–19 மைல்) தொலைவில் உள்ளது. விமான நிலையம் இந்தியாவின் அனைத்து முக்கிய நகரங்களுடனும் இணைகிறது. 300 கிலோமீட்டர் (190 மைல்) தொலைவில் உள்ள ஜம்மு அருகிலுள்ள ரயில் நிலையமாகும். தேசிய நெடுஞ்சாலை NH1A காஷ்மீர் பள்ளத்தாக்கை நாட்டின் பிற பகுதிகளுடன் இணைக்கிறது. தோட்டத்திற்கு வருகைக்கான ஒரு வழி காஷ்மீரின் புகழ்பெற்ற "வாட்டர் டாக்ஸி" எனப்படும் ஷிகாராவைப் பயன்படுத்தும் தால் ஏரி வழியாகும். [4]
மேலும் காண்க
தொகுகுறிப்புகள்
தொகு- ↑ 1.0 1.1 "Shalimar Gardens in Srinagar". Archnet.org. Archived from the original on 2010-08-18. பார்க்கப்பட்ட நாள் 2009-12-29.
- ↑ "Dal Lakes". Archived from the original on 2012-05-09. பார்க்கப்பட்ட நாள் 2009-12-29.
- ↑ "Srinagar Attractions: Nagin Lake". Archived from the original on 2012-05-09. பார்க்கப்பட்ட நாள் 2009-12-28.
- ↑ "Nishat Garden". Archived from the original on 1999-11-28. பார்க்கப்பட்ட நாள் 2009-12-31.
வெளி இணைப்புகள்
தொகு