பத்தாங் பெனார் கொமுட்டர் நிலையம்

அமைவிடம்
	பத்தாங் பெனார் நிலையம்

KB10

பத்தாங் பெனார் கொமுட்டர் நிலையம்
Batang Benar Komuter Station
KB10 பத்தாங் பெனார் கொமுட்டர் நிலையம் ; Batang Benar Komuter Station
பொது தகவல்கள்
அமைவிடம்	பத்தாங் பெனார், சிரம்பான் மாவட்டம், நெகிரி செம்பிலான், மலேசியா
ஆள்கூறுகள்	2°49′48″N 101°49′36″E / 2.83000°N 101.82667°E
உரிமம்	மலாயா தொடருந்து
இயக்குபவர்	மலாயா தொடருந்து நிறுவனம்
தடங்கள்	பத்துமலை-புலாவ் செபாங் ; மலாயா மேற்கு கடற்கரை ; (கேடிஎம் கொமுட்டர்)
நடைமேடை	2 பக்க நடைமேடை
இருப்புப் பாதைகள்	4
கட்டமைப்பு
தரிப்பிடம்
துவிச்சக்கர வண்டி வசதிகள்	உண்டு
மாற்றுத்திறனாளி அணுகல்	உண்டு
மற்ற தகவல்கள்
நிலையக் குறியீடு	KB10
வரலாறு
திறக்கப்பட்டது	KB10 1995
மறுநிர்மாணம்	1995
மின்சாரமயம்	1995
சேவைகள்
அமைவிடம்
	பத்தாங் பெனார் நிலையம்

பத்தாங் பெனார் கொமுட்டர் நிலையம் (ஆங்கிலம்: Batang Benar Komuter Station; மலாய்: Stesen Komuter Batang Benar) என்பது மலேசியா, நெகிரி செம்பிலான், சிரம்பான் மாவட்டம், பத்தாங் பெனார் நகர்ப்பகுதியில் அமைந்துள்ள கொமுட்டர் நிலையம் ஆகும்.^[1]

இந்த நிலையம் பாஜம் சாலையில் இருந்து 4 கிலோமீட்டர் தொலைவிலும்; பழைய நீலாய் நகரம்; மற்றும் நீலாய் கொமுட்டர் நிலையம்; ஆகியவற்றில் இருந்து 4 கிலோமீட்டர் தொலைவிலும் உள்ளது. இந்த நிலையம் பத்தாங் பெனார் நகரத்தில் அமைந்துள்ளதால் அந்த நகரத்தின் பெயரில் அதற்கும் பெயரிடப்பட்டது.^[2]

சிரம்பான் வழித்தடம் அல்லது காஜாங் வழித்தடம் என்று முன்பு அழைக்கப்பட்ட புலாவ் செபாங் வழித்தடம் மூலமாக இந்த நிலையம் சேவை செய்யபடுகிறது.

பொது

இந்த நிலையத்தில் 2 பக்க நடைமேடைகள்; 4 வழித்தடங்கள் உள்ளன. பத்தாங் பெனார் நிலையத்தில் நிற்காத தொடருந்துகள், நிலையத்தின் நடுவில் உள்ள இரண்டு வழித்தடங்களைப் பயன்படுத்திக் கொள்கின்றன. பத்துமலை-புலாவ் செபாங் வழித்தடத்தில் அமைந்துள்ள இந்த நிலையம் கேடிஎம் கொமுட்டர் தொடருந்துகளால் சேவை செய்யப்படுகிறது. இந்த நிலையம் 1995-ஆம் ஆண்டில் திறக்கப்பட்டது.^[3]

நிலையத்தில் பயணச் சீட்டு வழங்கிடம் மற்றும் இரண்டு பயணச் சீட்டு விற்பனை இயந்திரங்களும் உள்ளன. இந்த நிலையம் ஒரு சிறிய தொடருந்து ஊழியர் குழுவினரைக் கொண்டு செயல்படுகிறது.

பத்தாங் பெனார் பயணிகள்

பத்தாங் பெனார் நகரத்திற்கு அருகாமையில் இருப்பதால், இந்த நிலையத்தை அதிக அளவிலான பத்தாங் பெனார் நகரத்தின் பயணிகள் பயன்படுத்திக் கொள்கிறார்கள். இந்த நிலையத்தின் வாகன நிறுத்துமிடம் ஓரளவிற்கு வசதியாக உள்ளது. நிலையத்திற்கு வெளியே சிறிய அங்காடிக் கடைகள் உள்ளன. இந்தக் கடைகளில் பழங்கள், குளிர்பானங்கள், நொறுக்குத் தீனிப் பொருட்கள் விற்கப் படுகின்றன.