மடகாசுகர் குயிற்பாறு
{{Taxobox
| name =
| மடகாசுகர் குயிற்பாறு | |
|---|---|
| |
| உயிரியல் வகைப்பாடு | |
| திணை: | |
| தொகுதி: | |
| வகுப்பு: | |
| வரிசை: | |
| குடும்பம்: | |
| பேரினம்: | |
| இனம்: | அ. மடகாசுகாரியென்சிசு
|
| இருசொற் பெயரீடு | |
| அவிசெடா மடகாசுகாரியென்சிசு | |
| |
| பரவல் | |
மடகாசுகர் குயிற்பாறு (Madagascar cuckoo-hawk)(அவிசெடா மடகாசுகாரியென்சிசு), மடகாசுகர் வல்லூறு அல்லது மடகாசுகன் குயில் வல்லூறு என்றும் அழைக்கப்படுகிறது. இது அசிபிட்ரிடே குடும்பத்தில் உள்ள கொன்றுண்ணிப் பறவை சிற்றினமாகும். இது மடகாசுகரில் மட்டுமே காணப்படும் அகணிய உயிரி ஆகும்.
விளக்கம்
தொகுமுதிர்ச்சியடைந்த மடகாசுகர் குயிற்பாறு அடர் பழுப்பு நிற மேல் பகுதிகளுடன் காணப்படும். இவற்றின் தலை வெளிர் மற்றும் வெள்ளை நிறத்தில் இருக்கும். மார்பகத்தின் அடிப்பகுதி வெண்மையானது மற்றும் மேல் மார்பகம் மற்றும் கீழ் மார்பகத்தின் பக்கங்களில் பழுப்பு நிற கோடுகள் உள்ளன. இந்த கோடுகள் பக்கவாட்டில் நன்றாக இருக்கும். வால் இரண்டு குறுகிய, வெளிர் பட்டைகளுடன் ஒரு வெளிர் முனையினைக் கொண்டுள்ளது. பறக்கப் பயன்படும் இறகுகளின் அடிப்பகுதியில் அகன்ற இருண்ட பட்டைகளைக் கொண்டிருக்கும் அதே வேளையில், கீழ் இறக்கைகளில் மறைப்புகள் பழுப்பு நிறத்தில் பட்டைகளாகக் காணப்படும். இளம் வயதுப் பறவைகள் கருமையானவை. ஆண் மற்றும் பெண் பறவைகள் 300 mm (12 அங்) நீளத்துடன் ஒரே அளவில் காணப்படும். இவற்றின் இறக்கை நீட்டம் 850 mm (33 அங்) ஆகும்.[2]
பரவல்
தொகுமடகாசுகர் குயிற்பாறு மடகாசுகர் தீவில் மட்டுமே காணக்கூடியது. இது இத்தீவின் மேற்கு, வடக்கு மற்றும் கிழக்கில் வாழ்கின்றது. இருப்பினும், இது தெற்கிலும் மத்திய பீடபூமியிலும் மிகவும் அரிதாகக் காணப்படும்.[3]
வாழ்விடம்
தொகுமடகாசுகரில் உள்ளத் தென்னை மற்றும் பிற பனைகளின் வணிகத் தோட்டங்கள் உட்பட பெரும்பாலான காடுகளில் இந்த இனம் காணப்படுகிறது. இது கடல் மட்டத்திலிருந்து 1,600 m (5,200 அடி) உயரம் வரை பதிவாகியுள்ளது.[3] பெரும்பாலான அவதானிப்புகள் காடுகளின் விளிம்புகளிலோ அல்லது வெட்டவெளிகளிலோ செய்யப்பட்டுள்ளன. இது நகரங்களிலும் காணப்படுகிறது.[2]
பழக்கவழக்கங்கள்
தொகுமடகாசுகர் குயிற்பாறு, பூச்சிகள் மற்றும் பல்லிகள் உள்ளிட்ட சிறிய முதுகெலும்பிகளைத் தேடி நாள் முழுவதும் கிளைகளில் தங்கியிருந்து வேட்டையாடும். பச்சோந்திகள் மற்றும் தரைப்பல்லி இதன் உணவில் பெரும்பகுதியை வகிக்கின்கின்றன. ஆனால் இது கூடுகளில் உள்ள குஞ்சுகள் மற்றும் வெட்டுக்கிளிகள் போன்ற பெரிய பூச்சிகளையும் எடுத்துக்கொள்கிறது. இது விடியற்காலை மற்றும் அந்தி வேளையில் மிகவும் சுறுசுறுப்பாக இருக்கும். இது பெரும்பாலும் மரங்களின் திட்டுகளுக்கு இடையில் பறப்பதைக் காணலாம்.[3] நவம்பர் மற்றும் திசம்பர் மாதங்களில் 14 மீட்டர் உயரமுள்ள மரத்தின் உச்சியில் கூடுகள் அமைத்து இனப்பெருக்கம் செய்கின்றன. சதுப்புநிலத்தை ஒட்டிய பாழடைந்த காடுகளில் இனப்பெருக்கம் செய்வது பதிவு செய்யப்பட்டுள்ளது.[4]
மேற்கோள்கள்
தொகு- ↑ BirdLife International (2016). "Aviceda madagascariensis". IUCN Red List of Threatened Species 2016: e.T22694950A93480785. doi:10.2305/IUCN.UK.2016-3.RLTS.T22694950A93480785.en. https://www.iucnredlist.org/species/22694950/93480785. பார்த்த நாள்: 11 November 2021.
- ↑ 2.0 2.1 Kemp, Alan; Kemp, Meg (1998). SASOL Birds of Prey of Africa and its Islands. New Holland. pp. 192–193. பன்னாட்டுத் தரப்புத்தக எண் 1-85974-100-2.
- ↑ 3.0 3.1 3.2 "Madagascar Cuckoo-hawk Aviceda madagascariensis". The Peregrine Fund. பார்க்கப்பட்ட நாள் 25 October 2016.
- ↑ "Madagascar Cuckoo-Hawk (Aviceda madagascariensis)". Planet of Birds. பார்க்கப்பட்ட நாள் 25 October 2016.
வெளி இணைப்புகள்
தொகு- தி ஹாக் கன்சர்வேன்சி டிரஸ்ட். மடகாஸ்கர் குக்கூ பால்கன்