மலேசிய பகாங் பல்கலைக்கழகம்

மலேசிய பகாங் பல்கலைக்கழகம்
University Malaysia Pahang
Universiti Malaysia Pahang Al-Sultan Abdullah
முந்தைய பெயர்	University College of Engineering and Technology Malaysia (2002–2007); Universiti Malaysia Pahang (2007–2022);
குறிக்கோளுரை	பொறியியல், தொழில்நுட்பம், படைப்பாற்றல் ; (Engineering, Technology, Creativity) ; (Kejuruteraan, Teknologi, Kreativiti)
வகை	பொதுத்துறை பல்கலைக்கழகம் ; தொழில்நுட்ப பல்கலைக்கழகம்
உருவாக்கம்	பெப்ரவரி 16, 2002; 22 ஆண்டுகள் முன்னர்
நிதிநிலை	RM 224,020,000
வேந்தர்	சுல்தான் அப்துல்லா
துணை வேந்தர்	யுசுரி சைனுடின் ; (Yuserrie bin Zainuddin)
கல்வி பணியாளர்	814
நிருவாகப் பணியாளர்	992
மாணவர்கள்	17925
பட்ட மாணவர்கள்	10835
பட்டப்பின் படிப்பு மாணவர்கள்	1423
அமைவிடம்	பெக்கான், பகாங், மலேசியா
வளாகம்	பல வளாகங்கள்
சேர்ப்பு	ASAIHL; MTUN
இணையதளம்	ump.edu.my

மலேசிய பகாங் பல்கலைக்கழகம் (ஆங்கிலம்:(University Pahang Malaysia; மலாய்: Universiti Pahang Malaysia) (UMPSA) என்பது மலேசியா, பகாங், பெக்கான் நகரில் உள்ள ஒரு பொதுத்துறை பல்கலைக்கழகம்; மற்றும் பல்துறை தொழில்நுட்ப பல்கலைக்கழகம் ஆகும்.

தொடக்கத்தில் இந்தப் பல்கலைக்கழகம் மலேசிய பல்கலைக்கழகப் பொறியியல் மற்றும் தொழில்நுட்பக் கல்லூரி (ஆங்கிலம்:(University College of Engineering and Technology Malaysia; மலாய்: Kolej Universiti Kejuruteraan dan Teknologi Malaysia)) (UTEC / KUKTEM) எனும் பெயரில் நிறுவப்பட்டது.^[2] பின்னர் பொறியியல் மற்றும் தொழில்நுட்பத்தில் நிபுணத்துவம் பெற்ற ஒரு தொழில்நுட்ப பல்கலைக்கழகமாகத் தகுதி உயர்த்தப்பட்டது.

28 நவம்பர் 2015 அன்று, இந்தப் பல்கலைக்கழகத்திற்கு தன்னாட்சித் தகுதி வழங்கப்பட்டது.

வரலாறு

2002-ஆம் ஆண்டில், மலேசிய பல்கலைக்கழகப் பொறியியல் மற்றும் தொழில்நுட்பக் கல்லூரியின் பகாங் வளாகம் எனும் பெயரில் மலேசிய பகாங் பல்கலைக்கழகம் தொடங்கப்பட்டது. 1999-ஆம் ஆண்டு, குவாந்தான் பண்டார் இந்திரா மக்கோத்தா நகரில் ஒரு சிறிய வளாகத்தில் இருந்து இயங்கி வந்தது.^[3]^[4]

மலேசியப் பிரதமர் நஜீப் ரசாக் சிந்தனையின் விளைவாக இந்தப் பல்கலைக்கழகம் நிறுவப்பட்டது. நஜீப் ரசாக் அப்போது மலேசிய கல்வி அமைச்சராகப் பதவியில் இருந்தார்.

இந்தப் பல்கலைக்கழகத்தின் முதன்மை வளாகம் பெக்கான் நகரில் உள்ளது. 27 சூலை 2009-இல் அதன் செயல்பாட்டைத் தொடங்கியது. முதன்மை வளாகத்தில் 10,000 மாணவர்கள் மற்றும் 2,000 கல்விப் பணியாளர்கள் வரை தங்குவதற்கான வசதிகள் உள்ளன.

துறைகள்

மின்னியல் மற்றும் மின்னணுவியல் துறை - (Faculty of Electrical and Electronics Engineering)
இயந்திரவியல் மற்றும் தானுந்து பொறியியல் துறை - (Faculty of Mechanical and Automotive Engineering Technology)
உற்பத்தி மற்றும் நுண் ஒளித்துகளியல் தொழில்நுட்ப துறை - (Faculty of Manufacturing and Mechatronic Engineering Technology)
கணினியல் துறை - (Faculty of Electrical and Electronics Computing)
நவீன மொழிகளுக்கான மையம் - (Centre for Modern Languages)