குவாந்தான்
குவாந்தான் (ஆங்கிலம்: Kuantan; மலாய்: Kuantan; சீனம்: 關丹; ஜாவி: ڤكوانتن); என்பது மலேசியா, பகாங் மாநிலத்தில் ஒரு நகரம். அதுவே அந்த மாநிலத்தின் தலைநகரமாகும். மலேசியாவின் 18-ஆவது பெரிய நகரமான குவாந்தான், ஏறக்குறைய 324 சதுர கி.மீ. பரப்பளவு கொண்டது.
| குவாந்தான் | |
|---|---|
| Kuantan | |
| தலைநகரம் | |
மேலிருந்து, இடமிருந்து வலமாக: குவாந்தான் ஆற்றின் கரையில் குவாந்தான் நகரத்தின் காட்சி; சுல்தான் அகமது ஷா பள்ளிவாசல்; குவாந்தான் 188, குவாந்தான் நகராண்மைக் கட்டடம்; குவாந்தான் நீதிமன்ற வளாகம், தெலுக் செம்பெடாக் கடற்கரை, குவாந்தான் துறைமுகம் மற்றும் குவாந்தன் ஆறு | |
| நாடு |  மலேசியா |
| மாநிலம் |  பகாங் |
| மாவட்டம் | குவாந்தான் |
| நிறுவல் | 1851 |
| அமைவு | 1 ஆகஸ்து 1913 |
| நிர்வாக மையம் | 27 ஆகஸ்து 1955[1] |
| நகராண்மைக் கழகம் | 1 செப்டம்பர் 1979[2] |
| குவாந்தான் மாநகராட்சி | 21 பிப்ரவரி 2021 |
| அரசு | |
| • நகர முதல்வர் | அம்டான் உசேன்[3] |
| ஏற்றம் | 22 m (72 ft) |
| மக்கள்தொகை (2010) | |
| • மொத்தம் | 607,778 |
| நேர வலயம் | மநே (ஒசநே+8) |
| இணையதளம் | http://mpk.gov.my/ |
.jpg)
குவாந்தான் மாநகரம், குவாந்தான் ஆற்றுக்கு அருகாமையிலும்; தென் சீனக் கடலை நோக்கியவாறு அமையப் பெற்று இருக்கிறது. பகாங் மாநிலத்தின் ஆட்சி மையம், 1955-ஆம் ஆண்டு வாக்கில் கோலா லிப்பிஸ் நகரில் இருந்து குவாந்தான் மாநகரத்திற்கு மாற்றப்பட்டது.
பொதுதொகு
முதலாம் நூற்றாண்டில் சிது, ஆங்கிலம்: Chih-Tu; or Chihtu; or Ch-ih-t'u;; சமசுகிருதம்: Raktamaritika or Raktamrittika; சீனம்: 赤土国; மலாய்: Tanah Merah) எனும் பேரரசின் ஒரு பகுதியாக குவாந்தான் நகரம் இருந்தது. 'சிது' என்றால் 'சிகப்பு மண்' (Red Earth Kingdom) என்று பொருள்.[4][5]
11-ஆம் நூற்றாண்டில், குவாந்தான் நிலப்பகுதி, சயாமியர்களால் கையகப்படுத்தப் படுவதற்கு முன்பு, பெங்-கெங் (Pheng-Kheng) எனும் மற்றும் ஒரு சிறிய பேரரசால் ஆளப்பட்டது. 15-ஆம் நூற்றாண்டில், சிறிது காலம் மலாக்கா பேரரசாலும் ஆளப்பட்டது.
19-ஆம் நூற்றாண்டின் பிற்பகுதியில், சீன சுரங்கத் தொழிலாளர்கள் மற்றும் சீன வணிகர்களின் வருகையால் குவாந்தான் வளர்ச்சி பெறத் தொடங்கியது. குவாந்தான் நகரம் 1850-ஆம் ஆண்டுகளில் நிறுவப்பட்டதாகக் கூறப்படுகிறது.
இரண்டாம் உலகப் போர்தொகு
மற்றும் ஒரு வரலாற்று நிகழ்வு. 1941 டிசம்பர் 9-ஆம் தேதி, இரண்டாம் உலகப் போரின் தொடக்கத்தில், எச்.எம்.எஸ். பிரின்ஸ் ஆப் வேல்ஸ் (HMS Prince of Wales); மற்றும் எச்.எம்.எஸ். ரிபல்ஸ் (HMS Repulse) எனும் இரு போர்க் கப்பல்கள் மலாயாவின் கிழக்கு கடற்கரை வழியாகக் குவாந்தான் துறைமுகத்திற்குச் செல்லும் போது, ஜப்பானிய விமானங்களின் குண்டு வீச்சுகளுக்கு இலக்காகி தென்சீனக் கடலில் மூழ்கின.[6]
தீபகற்ப மலேசியாவின் கிழக்குக் கரையில் மிக பெரிய நகரமாக குவாந்தான் நகரம் பெயர் பெற்றது. இந்த நகரத்தில் 607,778 மக்கள் குடியிருக்கின்றனர். இந்த நகரம் தென் சீனக் கடற்கரைக்கு அருகாமையில் அமைந்து இருப்பதால், குவாந்தான் மாவட்டம் கடற்கரைகளுக்குப் பிரசித்திப் பெற்றது.
பொருளாதாரம்தொகு
குவாந்தான் மாநகரின் முக்கியப் பொருளாதார நடவடிக்கையாக அமைவது சுற்றுலாத் துறையாகும். அடுத்த நிலையில் மீன்பிடித் துறையும் விவசாயமும் முன்னிலை வகிக்கின்றன. அண்மைய காலங்களில் மின்னியல் தொழில்நுட்பத் தொழிற்சாலைகளும் குவாந்தான் நகரில் கட்டப்பட்டு உள்ளன.
தட்பவெப்ப நிலைதொகு
குவாந்தானின் தட்ப வெப்ப நிலை வெப்ப மண்டல மழைக்காடு ஆகும். தட்ப வெப்ப நிலையில் அதிகமான மாற்றங்கள் இல்லை.
| தட்பவெப்ப நிலைத் தகவல், Kuantan | |||||||||||||
|---|---|---|---|---|---|---|---|---|---|---|---|---|---|
| மாதம் | சன | பிப் | மார் | ஏப் | மே | சூன் | சூலை | ஆக | செப் | அக் | நவ | திச | ஆண்டு |
| உயர் சராசரி °C (°F) | 28.3 (83) |
30 (86) |
30.6 (87) |
31.7 (89) |
31.7 (89) |
31.7 (89) |
31.7 (89) |
31.7 (89) |
31.1 (88) |
31.1 (88) |
29.4 (85) |
27.8 (82) |
30.6 (87) |
| தாழ் சராசரி °C (°F) | 22.2 (72) |
22.2 (72) |
22.8 (73) |
23.3 (74) |
23.9 (75) |
23.3 (74) |
22.8 (73) |
23.3 (74) |
22.8 (73) |
23.3 (74) |
22.8 (73) |
22.8 (73) |
22.8 (73) |
| பொழிவு mm (inches) | 300 (11.81) |
170 (6.69) |
180 (7.09) |
170 (6.69) |
190 (7.48) |
160 (6.3) |
160 (6.3) |
170 (6.69) |
230 (9.06) |
270 (10.63) |
310 (12.2) |
440 (17.32) |
2,860 (112.6) |
| ஆதாரம்: http://www.weatherbase.com/weather/weather.php3?s=75684&refer=&units=metric | |||||||||||||
மக்கள்தொகையியல்தொகு
குவாந்தான் நகரில் 78.5% மலாய் மக்களும், 17.9% சீன மக்களும், 3.3% இந்திய மக்களும் மற்றும் 0.3% மற்ற இனத்தாரும் வாழ்கின்றனர்.
பின் விவரங்கள் மலேசிய புள்ளியியல் துறை 2010-ஆம் ஆண்டு மக்கள் தொகை கணக்கெடுப்பின் அடிப்படையில் அமைந்துள்ளது.
| பெக்கான் இனக்குழுக்கள் 2010-ஆம் ஆண்டு மக்கள் தொகை கணக்கெடுப்பு | ||
|---|---|---|
| இனம் | மக்கள் தொகை |
விழுக்காடு |
| பூமிபுத்ரா | 335,599 | 78.5% |
| சீனர் | 76,525 | 17.9% |
| இந்தியர் | 14,108 | 3.3% |
| மற்றவர் | 1,282 | 0.3% |
| மொத்தம் | 427,514 | 100% |
குவாந்தான் மாவட்டத் தமிழ்ப்பள்ளிகள்தொகு
மலேசியா; பகாங்; குவாந்தான் மாவட்டத்தில் (Kuantan District) 3 தமிழ்ப்பள்ளிகள் உள்ளன. அவற்றில் 365 மாணவர்கள் பயில்கிறார்கள். 46 ஆசிரியர்கள் பணியாற்றுகிறார்கள்.
| பள்ளி எண் |
இடம் | பள்ளியின் பெயர் மலாய் |
பள்ளியின் பெயர் தமிழ் |
அஞ்சல் குறியீடு | வட்டாரம் | மாணவர்கள் | ஆசிரியர்கள் |
|---|---|---|---|---|---|---|---|
| CBD4051 | பண்டார் இந்திரா மக்கோத்தா Bandar Indera Mahkota |
SJK(T) Bandar Indera Mahkota | பண்டார் இந்திரா மக்கோத்தா தமிழ்ப்பள்ளி | 25200 | குவாந்தான் | 287 | 25 |
| CBD4052 | பண்டார் டமான்சாரா Bandar Damansara |
SJK(T) Ladang Jeram | ஜெராம் தோட்டத் தமிழ்ப்பள்ளி (குவாந்தான்)[7] | 25990 | குவாந்தான் | 42 | 11 |
| CBD4053 | பஞ்சிங் Panching |
SJK(T) Ladang Kuala Reman | கோலா ரேமான் தோட்டத் தமிழ்ப்பள்ளி[8] | 26090 | குவாந்தான் | 36 | 10 |
இந்திரா மக்கோத்தா தமிழ்ப்பள்ளியின் செய்திப் படங்கள்தொகு
மேற்கோள்கள்தொகு
- ↑ "Establishment History". Official Portal Pahang State Government. 2018-04-07 அன்று மூலம் பரணிடப்பட்டது. 2022-06-05 அன்று பார்க்கப்பட்டது.
- ↑ "History : The Opening of Kuantan". Majlis Perbandaran Kuantan.
- ↑ primuscoreadmin (19 June 2019). "Profil YDP". 28 ஜனவரி 2020 அன்று மூலம் பரணிடப்பட்டது. 5 ஜூன் 2022 அன்று பார்க்கப்பட்டது.
- ↑ Dougald J. W. O'Reilly (2007). Early Civilizations of Southeast Asia. Rowman Altamira. பன்னாட்டுத் தரப்புத்தக எண்:0-7591-0279-1.
- ↑ Geoff Wade (2007). Southeast Asia-China interactions: reprint of articles from the Journal of the Malaysian Branch, Royal Asiatic Society. Malaysian Branch of the Royal Asiatic Society. பன்னாட்டுத் தரப்புத்தக எண்:967-9948-38-2.
- ↑ "On December 10, 1941, the battlecruiser HMS Repulse and battleship HMS Prince of Wales sank off the east coast of Malaysia". History Of Diving Museum. 31 May 2022 அன்று பார்க்கப்பட்டது.
- ↑ "SJK T Ladang Jeram di bandar Kuantan". my.worldorgs.com.
- ↑ Reman, Ladang Kuala (11 September 2016). "SEJARAH SEKOLAH". SJK(T) LADANG KUALA REMAN (ஆங்கிலம்). 6 June 2021 அன்று பார்க்கப்பட்டது.
வெளி இணைப்புகள்தொகு
