ராஜ்காட் கோட்டை

ராஜ்காட் கோட்டை
ராஜ்காட் கோட்டை
	பகுதி: மகாராட்டிரம்
	புனே
	ராஜ்காட் கோட்டை
	ராஜ்காட் கோட்டை ராஜ்காட் கோட்டைமகாராட்டிரம்
ஆள்கூறுகள்	18°14′46″N 73°40′56″E / 18.2459862°N 73.6821929°E
வகை	மலைக்கோட்டை
இடத் தகவல்
உரிமையாளர்	*மராட்டியப் பேரரசு (1656–1689; 1707–1818) முகலாயப் பேரரசு (1689–1707); பிரித்தானிய கிழக்கிந்திய நிறுவனம் (1818–1858); பிரித்தானியப் பேரரசு (1858–1947); இந்திய அரசு (1947–முதல்);
மக்கள்; அனுமதி	ஆம்
இட வரலாறு
உயரம்	1376 மீ

ராஜ்காட் கோட்டை (ராஜ்காட் என்றால் ஆளும் கோட்டை என்று பொருள்) என்பது இந்தியாவின் மகாராட்டிராவின் புனே மாவட்டத்தில் அமைந்துள்ள ஒரு மலைப்பகுதி கோட்டை ஆகும். முன்பு முரும்பதேவ் என்று அழைக்கப்பட்ட இந்தக் கோட்டை, சத்ரபதி சிவாஜி ஆட்சியின் கீழ் கிட்டத்தட்ட 26 ஆண்டுகள் மராட்டியப் பேரரசின் முதல் தலைநகராக இருந்தது. இதன் பிறகு தலைநகரம் ராய்காட் கோட்டைக்கு மாற்றப்பட்டது. அருகிலுள்ள தோர்னா என்ற கோட்டையிலிருந்து கண்டுபிடிக்கப்பட்ட புதையல்கள் ராஜ்காட் கோட்டையை முழுமையாகக் கட்டவும் பலப்படுத்தவும் பயன்படுத்தப்பட்டன.

ராஜ்காட் கோட்டை புனேவின் தென்மேற்கில் சுமார் 60 கிமீ (37 மைல்) தொலைவிலும், சகயாதிரி மலைத்தொடரில் நசுராபூருக்கு மேற்கே சுமார் 15 கிமீ (9.3 மைல்) தொலைவில் அமைந்துள்ளது. இந்தக் கோட்டை கடல் மட்டத்திலிருந்து 1,376 m (4,514 அடி) மீ (4,514 ) உயரத்தில் அமைந்துள்ளது. கோட்டையின் அடிவாரத்தின் விட்டம் சுமார் கி.மீ. (25 மைல்) ஆகும். இதனால் இதை எதிரிகளால் முற்றுகையிடுவது கடினமாக இருந்தது. இது இதன் மூலோபாய மதிப்பை அதிகரித்தது. கோட்டையின் இடிபாடுகளில் அரண்மனைகள், நீர்த் தொட்டி மற்றும் குகைகள் உள்ளன. இந்தக் கோட்டை முரும்பதேவி தோங்கர் (முரும்பா தேவியின் மலை) என்ற மலையில் கட்டப்பட்டது. இந்தக் கோட்டையில் சத்ரபதி சிவாஜி அதிக நாட்கள் தங்கியிருந்ததாக ராஜ்காட் பெருமை கொள்கிறது.

வரலாறு

சத்ரபதி சிவாஜி மகன் முதலாம் இராஜாராம் பிறப்பு, சிவாஜி மனைவி சாய்பாய் இறப்பு, ஆக்ரா சிவாஜி திரும்பியது, பலே கில்லாவின் மகாதர்வாஜா சுவர்களில் அப்சல் கானின் தலையை அடக்கம் செய்தல், சிவாஜிக்கு சோனோபந்த் தபீர் கூறிய கடுமையான வார்த்தைகள் உள்ளிட்ட பல குறிப்பிடத்தக்க வரலாற்று நிகழ்வுகளுக்கு இந்தக் கோட்டை சாட்சியாக இருந்து வருகிறது.

1665-இல் முகலாயப் படைகளின் தலைவரான முதலாம் முகலாய ஜெய் சிங்குடன் புரந்தர் ஒப்பந்தத்தில் கையெழுத்திட்டபோது சிவாஜி வைத்திருந்த 12 கோட்டைகளில் ராஜ்காட் கோட்டையும் ஒன்றாகும். இந்த ஒப்பந்தத்தின் கீழ், 23 கோட்டைகள் முகலாயர்களிடம் ஒப்படைக்கப்பட்டன.^[1]

காலவரிசை நிகழ்வுகளின் பட்டியல்


1647		சத்ரபதி சிவாஜி மகாராஜ் கோட்டையைக் கைப்பற்றினார்.
1649		கோட்டையில் பழுதுபார்ப்பு தொடங்கியது. சாம்ராவ் நீலகாந்த் ரன்சேகர் பேஷ்வாவாக நியமிக்கப்பட்டார்.
1654		கோட்டை "ராஜ்காட்" என மறுபெயரிடப்பட்டது. புதிய கோட்டைகள் மற்றும் கட்டிடங்கள் கட்டும் பணி தொடங்கியது.
1658	14 சனவரி	சத்ரபதி சிவாஜி மகாராஜ் வட கொங்கனைக் கைப்பற்றி ராஜ்காட் திரும்பினார்.
1659	11 சூலை	அப்சல் கானுடன் போரிடுவதற்காக சத்ரபதி சிவாஜி மகாராஜ் பிரதாப்காட் நகருக்கு மாறினார்.
1659	5 செப்டம்பர்	மகாராணி சாய்பாய் (சத்ரபதி சிவாஜி மகாராஜின் மனைவி) ராஜ்காட் கோட்டையில் இறந்தார்.
1660	சூலை	சத்ரபதி சிவாஜி மகாராஜ் சித்தி ஜௌஹரின் பன்காலா முற்றுகையிலிருந்து தப்பி ராஜ்காட் வந்தார்.
1661	சூலை	பிரதாப்காட்டில் நிறுவப்படவிருந்த பவானிமாதா சிலையை முதலில் ராஜ்காட் கொண்டு வந்து ஜிஜாபாய் பார்வையிட்டார்.
1662	சனவரி	ராஜ்காட் கோட்டையின் கட்டுமானம் நிறைவடைந்தது. சத்ரபதி சிவாஜி மகாராஜ் பென் மற்றும் கல்யாணைக் கைப்பற்றிய பிறகு கோட்டைக்குத் திரும்பினார்.
1664	பிப்ரவரி	சூரத்தின் கொள்ளை ராஜ்காட் கொண்டு வரப்பட்டது.
1665	30 ஏப்ரல்	முகலாயர்கள் கோட்டையைத் தாக்கியதில் தோல்வியடைந்தனர்.
1665	சூன	தோல்வியை ஏற்றுக்கொண்ட சத்ரபதி சிவாஜி மகாராஜின் கடிதம் ஜெய்சிங்குக்கு அனுப்பப்பட்டது.
1670	24 பிப்ரவரி	ராஜாராம் கோட்டையில் பிறந்தார்.
1671		10,000 கெளரவ செலவில் கோட்டையின் பழுதுபார்ப்பு தொடங்கியது.
1674	6 சூன்	சத்ரபதி சிவாஜி மகாராஜின் முடிசூட்டு விழா ரியாகார்ட் கோட்டையில் நடந்தது
1689	சூன்	சாம்பாஜி கொல்லப்பட்ட பிறகு முகலாயர்களால் கோட்டை கைப்பற்றப்பட்டது.
1692		சங்கர்ஜி நாராயண் முகலாயர்களிடமிருந்து கோட்டையைக் கைப்பற்றினார்.
1697		ராஜாராம் மகாராட்டிராவுக்குத் திரும்பி ராஜ்காட்டை தனது புதிய தலைநகராக்கினார்
1701	4 ஆகத்து	சாகாஜி மோகிதே பத்மாவதி மச்சியின் காவால்தாராக்கப்பட்டார்
1704	18 பிப்ரவரி	ஒப்பந்தத்தின் ஒரு பகுதியாக அவுரங்கசீப்பிடம் கோட்டை ஒப்படைக்கப்பட்டது. கோட்டைக்கு நபிசாகாட் என்று பெயர் மாற்றம் செய்யப்பட்டது. சிடோஜிராவ் தோப்டே மற்றும் சாந்தாஜி சிலிம்கர் அவுரங்கசீப்பால் இங்கு கொல்லப்பட்டனர்.
1707	29 மே	குணாஜி சாவந்த் கோட்டையைக் கைப்பற்றினார் மராட்டிய சுதந்திரப் போர் முடிவுக்கு வந்தது.
1709		சாகுஜி கோட்டையைப் பழுதுபார்ப்பதற்கான ஏற்பாடுகளைச் செய்தார்.
1818		ராஜ்காட் கோட்டை ஆங்கிலேயர்களின் கைகளுக்கு சென்றது.

சுற்றுலா

ராஜ்காட் கோட்டை ஒரு குறிப்பிடத்தக்க சுற்றுலாத் தலமாகும். குறிப்பாக பருவமழை காலத்தில் இது மிகவும் விரும்பப்படும் சுற்றுலாத் தளமாக உள்ளது. இந்தக் கோட்டை மிகப் பெரியது என்றும் ஒரே நாளில் இதைக் கண்டுகளிக்க முடியாது என்றும் கருதி பார்வையாளர்கள் கோட்டையில் இரவு தங்க விரும்புகிறார்கள். கோட்டையில் உள்ள பத்மாவதி கோவிலில் சுமார் 50 பேர் தங்கலாம். இங்குள்ள நீர் நிலைகள் ஆண்டு முழுவதும் நன்னீரை தேவையினைப் பூர்த்திச் செய்கின்றன. ராஜ்காட் அடிவாரத்தைச் சேர்ந்த கிராமவாசிகள் உள்ளூர் பழங்கால பொருட்களை சுற்றுலாப் பயணிகளுக்கு விற்று வருவாய் ஈட்டுகிறார்கள்.