வெண்ணிக்குளம் கோபால குறுப்பு
வெண்ணிக்குளம் கோபால குறுப்பு (ஆங்கிலம்:Vennikkulam Gopala Kurup) (1902-1980) ஓர் இந்திய கவிஞரும், நாடக ஆசிரியரும், மொழிபெயர்ப்பாளரும், அகராதி தொகுப்பாளரும், மலையாளக் கதை எழுத்தாளரும் ஆவார். பல கவிதைத் தொகுப்புகளின் ஆசிரியராக இருந்த அவர், அபிஞான சாகுந்தலம், துளசி ராமாயணம், திருக்குறள், சுப்பிரமணிய பாரதியின் கவிதைகள், எட்வின் அர்னால்டின் தி லைட் ஆஃப் ஆசியாவின் இரண்டு பாடல்கள் ஆகியவற்றை மலையாளத்தில் மொழிபெயர்த்தார். கைரளி கோஷம் என்ற அகராதியைத் தயாரிப்பதிலும் அவர் பங்களித்தார். ஓடக்குழல் விருதும், திருக்குறள் விருதும், 1966 ஆம் ஆண்டில் கவிதைக்கான கேரள சாகித்ய அகாதமி விருதும் பெற்றார். சாகித்ய அகாதமி 1974 ஆம் ஆண்டில் இவருக்கு வருடாந்திர விருதை வழங்கி கௌரவித்தது.
சுயசரிதை
தொகு
கோபால குறுப்பு 1902 மே 10 ஆம் தேதி தென்னிந்திய மாநிலமான கேரளாவின் பத்தனம்திட்டா மாவட்டத்தில் வெண்ணில்குளம் கல்லுப்பாறயில் செறுகட்டுமடத்தில் பத்மநாப குறுப்புக்கும், லட்சுமி குஞ்சம்மாவுக்கும் பிறந்தார்.[1] தனது தந்தையிடமிருந்து சமசுகிருதத்தின் அடிப்படைகளைக் கற்றுக்கொண்ட பிறகு, உள்ளூர் ஆசிரியரான கொச்சு பிள்ளையின் கீழ் தனது ஆரம்பக் கல்வியை முடித்தார். மேலும் உள்ளூர் பள்ளியிலும் சேர்ந்தார். அங்கு கவியூர் வெங்கிடாச்சலம் ஐயர், ஏ.சகஸ்ரநாம ஐயர் ஆகியோரின் கீழ் ஏழாம் வகுப்பு படித்து தேர்ச்சிப் பெற்றார். பின்னர், அவர் 1917 ஆம் ஆண்டில் ஆசிரியராக தனது வாழ்க்கையைத் தொடங்கினார். ஆனால் வித்வான் தேர்வில் தேர்ச்சி பெறுவதற்காக தனது மீண்டும் படிப்பைத் தொடர்ந்தார். பின்னர் அவர் 1918 இல் கந்ததில் வர்கீஸ் மாப்பிள்ளை தொடங்கிய ஆங்கிலப் பள்ளியில் சேர்ந்தார். பின்னர், 1924 ஆம் ஆண்டில் எம்.ஜி.எம் உயர்நிலைப் பள்ளியில் சேர திருவல்லாவுக்கு சென்றார். அங்கு மலையாள சொல்லகராதி, மாநில கையெழுத்துப் பிரதி நூலகம், இன்றைய ஓரியண்டல் ஆராய்ச்சி நிறுவனம் ஆகியவற்றுக்கு பொறுப்பு வகித்தார்.[2] திருவல்லயில் அவர் பணியாற்றிய காலத்தில், அவர் மலையாள மனோரமாவோடு தொடர்பு கொண்டிருந்தார். அங்கு வார இதழில் வெளியிடுவதற்கான கவிதைகளைத் தேர்ந்தெடுப்பதில் உதவினார். 1826 இல் கோட்டயம் பழமைவாத இறையியல் பள்ளியில் குறுப்பு ஆற்றிய ஒரு உரையில் கே.சி.மம்மன் மாப்பிள்ளை ஈர்க்கப்பட்டபோது அவருக்கு கிடைத்த ஒரு பணி இது. அவர் 1961 இல் பணியிலிருந்து ஓய்வு பெற்றர்.
கோபால குறுப்பு 1932 இல் மெப்ரல் மங்காடுவெட்டில் மாதவி பிள்ளையை மணந்தார்.[3][4] குறுப்பு 1980 ஆகஸ்ட் 20, அன்று தனது 78 வயதில் இறந்தார்.[5]
ஆளுமை
தொகுஇவர் 15 கவிதைத் தொகுப்பு நூல்களை உள்ளடக்கியது. இரண்டு நாடகங்கள் உட்பட. காளிதாசன்டெ கண்மணி, பிரியம்வதா நாட்டுப்புறக் கதைகளின் ஒரு புத்தகம், தச்சோளி ஓத்தேனன், கதா நட்சத்திரங்கள் என்ற தலைப்பில் குழந்தைகள் இலக்கிய புத்தகம் ஆகியவை.[6] வள்ளத்தோள் நாராயண மேனனால் தாக்கம் பெற்றது என்று அறியப்பட்ட அவரது கவிதைகள் அவற்றின் ஆன்மீக உறுதிப்பாட்டால் குறிப்பிடப்படுகின்றன.[7] கையெழுத்துப் பிரதி நூலகத்தில் பணிபுரிந்தபோது, கைரளி கோஷம் என்பதை தயாரிப்பதில் ஈடுபட்டார் . தவிர, அபிஞான சாகுந்தலம், துளசி ராமாயணம், திருக்குறள் போன்றவைகளும், கவிதைகளில் பாரதியுடே கவிதைகள் என்றத் தலைப்பில் சுப்ரமணிய பாரதியின் கவிதைகள் ஆகியவற்றை மொழி பெயர்த்தார். இரண்டு கான்டோக்கள் கொண்ட எட்வின் அர்னால்டின் தி லைட் ஆஃப் ஆசியா என்பதை மலையாளத்தில் மொழி பெயர்த்தார். அவர் தனது சுயசரிதையை ஆத்மரேகா என்ற தலைப்பில் வெளியிட்டார் .[8]
விருதுகளும் கௌரவங்களும்
தொகுகேரள சாகித்ய அகாடமி 1966 இல் குறுப்பின் கவிதைத் தொகுப்பான மாணிக்கவீணாவை அந்த ஆண்டின் கவிதைக்கான விருதுக்குத் தேர்ந்தெடுத்தது.[9] மூன்று ஆண்டுகளுக்குப் பிறகு, அவரது மொழிபெயர்ப்பான துளசிதாசராமாயணம் அவருக்கு 1969 ஓடக்குழல் விருதைப் பெற்றது .[10] கடிதங்களின் தேசிய அகாடமியான சாகித்ய அகாதமி, 1974 ஆம் ஆண்டில் அவரது காமசுரபிக்காக சாகித்திய அகாதமி விருதை வழங்கி கௌரவித்தது.[11] கொச்சி மகாராஜாவால் சாகித்ய நிபுணன் என்றும், தட்சிண பாரதி இந்தி பிரச்சார சபையின் கேரளப் பிரிவால் 'சாகித்யகலாநிதி' என்ற பட்டமும் அவருக்கு வழங்கப்பட்டன .[12] டெல்லி, கல்கத்தாவிலும் பெங்களூரிலும் நடைபெற்ற தேசிய கவிஞர்களின் கூட்டங்களில் கேரளாவைப் பிரதிநிதித்துவப்படுத்திய குறுப்பு,[1] திருக்குறள் விருதும், கான்பூர் பல்கலைக்கழகத்தின் டாக்டர் ஆஃப் லெட்டர்ஸின் மதிப்புறு முனைவர் பட்டத்தையும் பெற்றார்.[2]
குறிப்புகள்
தொகு- ↑ 1.0 1.1 "Biography on Kerala Sahitya Akademi portal". Biography on Kerala Sahitya Akademi portal. 2019-04-09. Archived from the original on 2018-01-24. பார்க்கப்பட்ட நாள் 2019-04-09.
- ↑ 2.0 2.1 "Vennikkulam Gopala Kurup - Veethi profile". veethi.com. பார்க்கப்பட்ட நாள் 2019-04-09.
- ↑ Akhilavijnanakosam; D.C.Books; Kottayam
- ↑ Sahithyakara Directory ; Kerala Sahithya Academy,Thrissur
- ↑ "Biography of Eminent Nairs". Nairs Academy of Information Research and Services. பார்க்கப்பட்ட நாள் 24 June 2018.
- ↑ "List of works". Kerala Sahitya Akademi. 2019-04-09. பார்க்கப்பட்ட நாள் 2019-04-09.[தொடர்பிழந்த இணைப்பு]
- ↑ "Welcome to Kerala window". www.keralawindow.net. Archived from the original on 2018-02-04. பார்க்கப்பட்ட நாள் 2019-04-09.
- ↑ Gopala Kurup, Vennikkulam. "Atmarekha: Autobiography". S.P.C.S. பார்க்கப்பட்ட நாள் 2019-04-09.
- ↑ "Kerala Sahitya Akademi Award for Poetry". Kerala Sahitya Akademi. 2019-04-09. Archived from the original on 2018-06-26. பார்க்கப்பட்ட நாள் 2019-04-09.
- ↑ "Winners of Odakkuzhal Award". www.keralaculture.org (in ஆங்கிலம்). 2019-04-09. பார்க்கப்பட்ட நாள் 2019-04-09.
- ↑ "KENDRA SAHITYA ACADEMY AWARDS (MALAYALAM)". web.archive.org. 2007-05-24. Archived from the original on 2007-05-24. பார்க்கப்பட்ட நாள் 2019-04-09.
{{cite web}}: CS1 maint: unfit URL (link) - ↑ Encyclopaedia of Indian Literature: Devraj to Jyoti.
வெளி இணைப்புகள்
தொகு- "Portrait commissioned by Kerala Sahitya Akademi". Kerala Sahitya Akademi. 2019-04-05. Archived from the original on 2014-09-04. பார்க்கப்பட்ட நாள் 2019-04-05.
- "Handwriting". Kerala Sahitya Akademi. 2019-04-05. பார்க்கப்பட்ட நாள் 2019-04-05.[தொடர்பிழந்த இணைப்பு]
- "WorldCat Identities". WorldCat. 2019-04-09. Archived from the original on 2019-12-09. பார்க்கப்பட்ட நாள் 2019-04-09.
- R. Raman Nair; L. Sulochana Devi (2010). Chattampi Swami: An Intellectual Biography. South Indian Studies. pp. 447–. பன்னாட்டுத் தரப்புத்தக எண் 978-81-905928-2-6.