பெஞ்சல் புயல்
பெஞ்சல் புயல் (Cyclone Fengal) என்பது இந்தியப் பெருங்கடல் பகுதியில் உருவாகிய புயல் ஆகும். இது 2024 வடகிழக்குப் பருவமழைக் காலத்தில் ஏற்பட்ட இரண்டாவது புயலும், 2024 ஆம் ஆண்டின் நான்காவது புயலுமாகும்.[1] பெஞ்சல் என்பது சவூதி அரேபிய நாடு பரிந்துரைத்த பெயர் ஆகும்.[2] இப்புயல் 2024 நவம்பர் 30 அன்று பிற்பகல் காரைக்கால்- மாமல்லபுரம் இடையே கரையைக் கடக்கும் என இந்திய வானிலை ஆய்வுத் துறை கணித்தது. இருப்பினும் இரவு 11.30 மணியளவில் புதுச்சேரி அருகே இப்புயல் கரையைக் கடந்தது.
 பெஞ்சல் புயல் கடந்த பாதை | |
| தொடக்கம் | நவம்பர் 23, 2024 |
|---|---|
| மறைவு | நவம்பர் 30, 2024 இரவு 11.30 |
| இறப்புகள் | 37+ |
| 2024 வட இந்தியப் பெருங்கடல் சூறாவளிப் பருவம்-இன் ஒரு பகுதி | |
புயல் உருவாதல்
தொகு
நிலநடுக் கோட்டை ஒட்டிய, கிழக்கு இந்தியப் பெருங்கடல், அதனை ஒட்டிய தென்கிழக்கு வங்கக்கடல் பகுதியில், கடந்த 2024 நவம்பர் 23 அன்று புதிய காற்றழுத்த தாழ்வுப் பகுதி உருவானதாக இந்திய வானிலை ஆய்வுத் துறை அறிவித்தது. 2024 நவம்பர் 24 நிலவரப்படி, அதே பகுதியில் ஆழ்ந்த காற்றழுத்த தாழ்வு மண்டலமாக 26 நவம்பர் 2024 இல் இரவு 11.30 மணியளவில் சென்னையில் இருந்து தெற்கு தென்கிழக்கே 670 கி.மீ. தொலைவில் நிலை கொண்டிருந்ததாகவும், அது வடக்கு வடமேற்கு திசையில் நகர்ந்து, 2024 நவம்பர் 27 அன்று புயலாக வலுப்பெறக் கூடும் எனவும் இது அடுத்த இரு நாட்களில் மேலும் வடக்கு வடமேற்கு திசையில் இலங்கை கடலோரப் பகுதிகளை ஒட்டிய தமிழ்நாட்டின் கடலோரப் பகுதிகளை நோக்கி நகரக் கூடும் என்றும், சென்னை வானிலை ஆய்வு மையம் கணித்தது.[3]
புயலாக மாறுவதில் தாமதம்
தொகு2024 நவம்பர் 28 அன்று இந்திய வானிலை ஆய்வு மையம் வெளியிட்ட வானிலை அறிக்கையின் படி ஆழ்ந்த காற்றழுத்த தாழ்வு நிலையின் நகர்வு வேகம் குறைந்து ஒரு கட்டத்தில் பல மணி நேரங்களாக நகர்வின்றி ஒரே இடத்தில் நிலை கொண்டதால் ஆழ்ந்த காற்றழுத்தம் வலுவிழந்து புயல் உருவாகும் வாய்ப்பு குறைந்துள்ளதாகவும் தற்காலிக புயலாக கரையை கடக்கும் வாய்ப்புள்ளதாகவும் அறிவித்தது.[4]
பெஞ்சல் புயலாக மாறுதல்
தொகு2024 நவம்பர் 29 பிற்பகல் 2.30 மணி நிலவரப்படி ஆழ்ந்த காற்றழுத்த தாழ்வு நிலை புயலாக மாறியதாகவும், இப்புயலானது வடமேற்கு திசையை நோக்கி நகர்ந்து காரைக்கால்- மகாபலிபுரம் இடையே 2024 நவம்பர் 30 அன்று பிற்பகல் புயலாகவே கரையை கடக்கும் எனவும், புயல் கரையை கடக்கும் போது மணிக்கு 70 முதல் 80 கி.மீ. வேகத்திலும் இடையிடையே 90 கி.மீ. வேகத்திலும் கரையை கடக்கும் எனவும், இந்திய வானிலை ஆய்வு மைய தென் மண்டல இயக்குநர் பாலச்சந்திரன் தெரிவித்தார்.
முன்னெச்சரிக்கை நடவடிக்கைகள்
தொகுபெஞ்சல் புயல் காரணமாக இலங்கை, தென்னிந்திய மாநிலங்களான தமிழ்நாடு, ஆந்திர பிரதேசம், புதுச்சேரி மாநில அரசுகள் முன்னெச்சரிக்கை நடிவடிக்கைகளை மேற்கொண்டன. தமிழக முதல்வர் மு. க. ஸ்டாலின் 2024 நவம்பர் 26 அன்று மயிலாடுதுறை, விழுப்புரம், நாகப்பட்டினம், திருவாரூர், தஞ்சாவூர், கடலூர் மாவட்ட ஆட்சியர்களுடன் புயல் முன்னெச்சரிக்கை தொடர்பாக காணொளிக் காட்சி வாயிலாக ஆலோசனை மேற்கொண்டார்.[5] 2024 நவம்பர் 28 அன்று புதுச்சேரி முதல்வர் என். ரங்கசாமி பேரிடர் மேலாண்மை, பொதுப்பணித்துறை மற்றும் நகராட்சி அதிகாரிகளுக்கு அவசர நடவடிக்கை எடுக்க அறிவுறுத்தினார். தாழ்வான பகுதிகளில் வசிப்பவர்களை நிவாரண முகாம்களுக்கு மாற்ற வேண்டும் என்று வலியுறுத்தினார். புதுச்சேரியில் 24/7 கட்டுப்பாட்டு அறையும் அமைக்கப்பட்டது. ஆழ்ந்த காற்றழுத்த தாழ்வு மண்டலம் காரணமாக கனமழை பெய்து வந்ததால் புதுச்சேரியில் உள்ள பள்ளிகள், கல்லூரிகளுக்கு 2024 நவம்பர் 28 அன்றும் விடுமுறை அளிக்கப்பட்டது.
அரசு நிகழ்ச்சிகள் இரத்து
தொகுவிழுப்புரம் மாவட்டத்தில் கனமழை பெய்யக்கூடும் என்ற இந்திய வானிலை ஆய்வு மையத்தின் அறிவிப்பைத் தொடர்ந்து நவம்பர் 28, 29 ஆகிய நாட்களில் விழுப்புரத்தில் தமிழக முதலமைச்சர் தலைமையில் நடைபெறவிருந்த அரசு நிகழ்ச்சியும், கள ஆய்வு கூட்டமும் இரத்து செய்யப்படுவதாக தமிழ்நாடு அரசு அறிவித்தது.[6]
கல்வி நிறுவனங்களுக்கு விடுமுறை
தொகுபெஞ்சல் புயல் காரணமாக தமிழ்நாட்டின் பல மாவட்டங்களில் கன மழை பெய்தது. 2024 நவம்பர் 27 அன்று கன மழை பெய்த விழுப்புரம், நாகப்பட்டினம், கடலூர், மயிலாடுதுறை , திருவாரூர், திருவள்ளூர், தஞ்சாவூர், திருச்சி, இராமநாதபுரம் ஆகிய மாவட்டங்களில் பள்ளி, கல்லூரிகளுக்கு விடுமுறை அளிக்கப்பட்டுள்ளது. புதுச்சேரி, காரைக்காலில் உள்ள பள்ளி, கல்லூரிகளுக்கும் விடுமுறை அளிக்கப்பட்டுள்ளது. சென்னை, செங்கல்பட்டு, காஞ்சிபுரம், புதுக்கோட்டை, சிவகங்கை, அரியலூர் மாவட்டங்கள், திண்டுக்கல் கொடைக்கானல் ஒன்றியம் மட்டும் ஆகிய மாவட்டங்களில் பள்ளிகளுக்கு மட்டும் விடுமுறை அளிக்கப்பட்டது. புயல் கரையை கடக்கும் பகுதி என்பதால் கடலூர் மாவட்டத்திற்கு நவம்பர் 28,29,30 ஆகிய தேதிகளில் பள்ளி கல்லூரிகளுக்கு மாவட்ட ஆட்சியர் விடுமுறையை அறிவித்தார்.
மீனவர்களுக்கு எச்சரிக்கை
தொகுபுயல் காரணமாக பலத்த காற்று வீசக்கூடும் என்பதால் மீனவர்கள் 2024 திசம்பர் 2 வரை மீன் பிடிக்க கடலுக்கு செல்ல வேண்டாம் என தமிழ்நாடு அரசின் மீன்வளத்துறை எச்சரிக்கை விடுத்தது.[7]
தாக்கம்
தொகுஇலங்கை
தொகுகாற்றழுத்தத் தாழ்வு மண்டல நிலையிலான பெஞ்சல் புயலால் இலங்கையில், குறிப்பிடத்தக்க சேதத்தை ஏற்படுத்தியது. கிட்டத்தட்ட 480,000 பேர் இடம்பெயர்ந்தனர், 17 பேர் இறந்தனர், 20 பேர் காயமடைந்தனர், 103 வீடுகள் அழிந்தன, 2,635 வீடுகள் சேதமடைந்தன.[8]
இந்தியா
தொகுதிருவண்ணாமலையில் நிலச்சரிவினால், ஏழு பேர்[9] நீரில் மூழ்கி இருவர், மின்சாரம் தாக்கியதால் ஒருவர்,[10] என மொத்தம் 10 பேர் பலியாயினர். 130 மிமீ (5.1 அங்குலம்) வரை கனமழை பெய்ததால் சென்னையில் கடுமையான வெள்ளப்பெருக்கு ஏற்பட்டது, இதன் விளைவாக மின்சாரம் தாக்கி நான்கு பேர் இறந்தனர்.[11] உதகையில் பெய்த கனமழையால் வீடு இடிந்து விழுந்ததில் 45 வயது மதிக்கத்தக்க ஒருவர் உயிரிழந்தார்.[12] கூடுதலாக, புதுச்சேரியில் நான்கு பேரும் வேலூரில் மற்றொருவரும் இறந்தனர்.[13] நாகப்பட்டினத்தில் 800 ஏக்கர் விவசாய நிலங்கள் வெள்ளத்தில் மூழ்கின. பெஞ்சல் புயல் எதிரொலியாக தென்பெண்ணையாறு நீர்பிடிப்பு பகுதியில் வெள்ளப் பெருக்கு ஏற்பட்டதன் எதிரொலியாக சாத்தனூர் அணைக்கு நீர் வரத்து அதிகரித்தது. டிசம்பர் 2 அதிகாலை நீர்வரத்து விநாடிக்கு 1.68 லட்சம் கனஅடியாக கிடுகிடுவென அதிகரித்து, அணையின் நீர்மட்டம், முழு கொள்ளவான 119 அடியை நெருங்கியது. அணையின் பாதுகாப்பு கருதி, அணைக்கு வந்த தண்ணீர் முழுவதும், தென்பெண்ணை ஆற்றில் வெளியேற்றப்பட்டது. இதனால், தென்பெண்ணையாறு கரையோரங்களில் உள்ள திருவண்ணாமலை, கள்ளக்குறிச்சி மாவட்டம் திருக்கோவிலூர், விழுப்புரம் மற்றும் கடலூர் மாவட்டங்கள் வெள்ளக்காடாக மாறியது.[14][15][16] வெள்ளப் பெருக்கில் திறந்து மூன்று மாதங்களே ஆன திருவண்ணாமலை மாவட்டம் அகரம்பள்ளிப்பட்டு - தொண்டமானூரை இணைக்கும் உயர்மட்ட பாலம் அடித்துச் செல்லப்பட்டது.[17]
இழப்பீடுகள்
தொகு2024 நவம்பர் 3 அன்று பெஞ்சல் புயலாலும், மழை வெள்ளத்தாலும் பாதிக்கப்பட்ட மக்களுக்கு நிவாரண உதவிகள் வழங்குவது தொடர்பான ஆலோசனைக் கூட்டம் தமிழ்நாடு முதலமைச்சர் மு. க. ஸ்டாலின் தலைமையில் நடைபெற்றது. இக்கூட்டத்தில் எடுக்கப்பட்ட முடிவுகளின் படி, புயலால் அதிக பாதிப்புகளை சந்தித்த கடலூர், விழுப்புரம், கள்ளக்குறிச்சி ஆகிய மாவட்டங்களில் வெள்ளம் சூழ்ந்த பகுதிகளில் வசிக்கும் மக்களுக்கு குடும்ப அட்டை அடிப்படையில் 2 ஆயிரம் ரூபாய் வழங்கவும், வட தமிழ்நாடு மாவட்டங்களில் புயல் காரணமாக இறந்தவர்களின் குடும்பங்களுக்கு இழப்பீட்டுத் தொகையாக 5 இலட்சம் ரூபாய் வழங்கவும், வீடுகள் சேதம், கால்நடைகள் இழப்பு போன்றவற்றுக்கும் இழப்பீடுகள் வழங்கப்பட இருப்பதாகவும் அறிவிக்கப்பட்டது.[18]
புதுச்சேரி மாநிலத்தில் புயலாலும், மழை வெள்ளத்தாலும் பாதிக்கப்பட்ட அனைத்து குடும்ப அட்டைதாரர்களுக்கும் ரூபாய் 5 ஆயிரம் வழங்கப்படும் எனவும், புயல் காரணமாக இறந்தவர்களின் குடும்பங்களுக்கு இழப்பீடாக ரூபாய் 5 இலட்சம் வழங்கப்படும் எனவும் முதலமைச்சர் என். ரெங்கசாமி அறிவித்தார்.[19]
மேற்கோள்கள்
தொகு- ↑ https://www.maalaimalar.com/news/tamilnadu/cyclone-likely-to-hit-tamil-nadu-today-heavy-rain-lashes-several-parts-748758
- ↑ https://tamil.oneindia.com/weather/cyclone-fengal-will-intensify-in-bay-of-bengal-tomorrow-657463.html
- ↑ https://www.bbc.com/tamil/articles/c704p4wzpy7o
- ↑ https://www.maalaimalar.com/news/tamilnadu/temporary-storm-forming-in-tamil-nadu-met-new-update-748974
- ↑ https://www.hindutamil.in/news/tamilnadu/1341146-mk-stalin-meeting-with-delta-districts-collectors-on-heavy-rain-precautions-1.html
- ↑ https://tamil.indianexpress.com/tamilnadu/tn-cm-stalin-field-inspection-meeting-in-villupuram-cancelled-tamil-news-7610836
- ↑ https://www.dinamalar.com/news/puducherry/fishermen-warned-not-to-go-to-sea-/3788150
- ↑ "ආපදා මරණ 17ක් දක්වා ඉහළට" (in si). Ada Derana. 30 November 2024. https://sinhala.adaderana.lk/news/203904.
- ↑ "7 trapped in house after landslip found dead in Tiruvannamalai" (in en). தி இந்து. 2 December 2024. https://www.thehindu.com/news/national/tamil-nadu/7-trapped-in-house-after-landslip-found-dead/article68939762.ece1.
- ↑ "Three dead as cyclone Fengal triggers rains in Tiruvannamalai" (in en). தி நியூ இந்தியன் எக்சுபிரசு. 2 December 2024. https://www.newindianexpress.com/states/tamil-nadu/2024/Dec/02/three-dead-as-cyclone-fengal-triggers-rains-in-tiruvannamalai.
- ↑ "Four electrocuted in Chennai as cyclone Fengal makes landfall" (in en). தி டைம்ஸ் ஆஃப் இந்தியா. 1 December 2024. https://timesofindia.indiatimes.com/city/chennai/four-electrocuted-in-chennai-as-cyclone-fengal-makes-landfall/articleshow/115855005.cms.
- ↑ "Man dies in house collapse in Ooty" (in en). தி இந்து. 2 December 2024. https://www.thehindu.com/news/national/tamil-nadu/tamil-nadu-rains-man-dies-in-house-collapse-in-ooty/article68937424.ece.
- ↑ "Nine killed as Fengal drowns Puducherry, Villupuram" (in en). தி நியூ இந்தியன் எக்சுபிரசு. 2 December 2024. https://www.newindianexpress.com/states/tamil-nadu/2024/Dec/02/nine-killed-as-fengal-drowns-puddcherry-villupuram.
- ↑ வெள்ளத் துயரில் 4 மாவட்ட மக்கள் - அன்று செம்பரம்பாக்கம், இன்று சாத்தனூர் அணையா?
- ↑ Sathanur Dam: நாங்க சாத்தனூர் அணையை திறக்கலைன்னா என்ன ஆயிருக்கும் தெரியுமா? துரைமுருகன் சொன்ன பகீர் நியூஸ்!
- ↑ சாத்தனூர் அணை நீர் நிலவரம் இன்று என்ன தெரியுமா... தென்பண்ணை ஆற்றில் வரலாறு காணாத வெள்ளப்பெருக்கு!
- ↑ எங்க இங்க இருந்த பாலத்தை காணோம்? அமைச்சர் எ.வ.வேலு திறந்த 90வது நாளிலேயே தண்ணீரில் கரைந்துபோன சோகம்
- ↑ https://www.dinamalar.com/news/tamil-nadu-news/stalin-rs-2000-fengal-loss-fund-/3795761
- ↑ https://www.dinamani.com/all-editions/edition-villupuram/puducherry/2024/Dec/02/rs-5000-relief-for-family-card-holders-in-puducherry-chief-minister-n-rangasamy