அடம் கில்கிறிஸ்ற்
அடம் கிரைக் கில்கிறிஸ்ற் (Adam Craig Gilchrist), (/ˈɡɪlkrɪst/; பிறப்பு:14 நவமபர்,1971), இவர் "கில்லி" மற்றும் "சர்ச்சி" எனவும் அழைக்கப்படும் இவர்[1] முன்னாள் ஆத்திரேலிய துடுப்பாட்ட அணியின் தலைவர் மற்றும் குச்சக் காப்பாளர் ஆவார்.[2]
| அடம் கில்கிறிஸ்ற் | |
|---|---|
.jpg) | |
| பிறப்பு | 14 நவம்பர் 1969, 14 நவம்பர் 1971 (அகவை 54) Bellingen |
| படித்த இடங்கள் |
|
| விருதுகள் | Member of the Order of Australia |
கில்கிறிஸ்ட் உலகின் தலைசிறந்த விக்கெட் காப்பாளர்களில் ஒருவராவார்.தொண்ணூற்று ஆறு டெஸ்ட் போட்டிகளில் மொத்தம் 379 பிடி எடுப்புகள்,37 ஸ்டம்பிங் என மொத்தம் 416 ஆட்டமிழப்புகளை செய்த இவர் தென் ஆபிரிக்காவின் மார்க் பவுச்சர்க்கு அடுத்ததாக டெஸ்ட் போட்டிகளில் அதிக ஆட்டமிழப்புகளை மேற்கொண்ட வீரராக காணப்படுகின்றார்.287ஒருநாள் போட்டிகளில் 417 பிடியெடுப்புகள் 55 ஸ்டம்பிங்ஸ் என மொத்தம் 472 ஆட்டமிழப்புகளை மேற்கொண்டு ஒருநாள் போட்டிகளில் குமார் சங்கக்காரவுக்கு அடுத்ததாக அதிக வீரர்களை ஆட்டமிழக்கச் செய்த இலக்குக் காப்பாளராக திகழ்கின்றார்.96 டெஸ்ட் போட்டிகளில் 17சதங்கள் 26அரைச்சதங்கள் அடங்கலாக மொத்தம் 5570 ஓட்டங்களையும் 287 ஒருநாள் போட்டிகளில் 16 சதங்கள் 55 அரைச்சதங்கள் அடங்கலாக மொத்தம் 9922 ஓட்டங்களையும் 13 T20 போட்டிகளில் மொத்தம் 272 ஓட்டங்களையும் குவித்துள்ளார்.இவர் சதமடித்த பதினாறு ஒருநாள் போட்டிகளிலும் ஆஸ்திரேலிய அணி வெற்றி பெற்றமை குறிப்பிடத்தக்கது.ஆஸ்திரேலிய அணியின் உபதலைவராகவும் ரிக்கி பாண்டிங் இல்லாத சமயங்களில் காப்டனாகவும் பணியாற்றிய கில்கிறிஸ்ட் இங்கிலாந்து பிராந்திய அணியான மிடில்செக்ஸ் அணிக்கும் ஐ.பி.எல் போட்டித் தொடரில் டெக்கான் சார்ஜர்ஸ், கிங்ஸ் லெவன் பஞ்சாப் ஆகிய அணிகளுக்கும் காப்டனாக திகழ்ந்துள்ளார்.இல் தென்னாப்பிரிக்காவில் இடம்பெற்ற ஐ.பி.எல்லின் இரண்டாவது சீசனில் தொடரின் சாம்பியனான டெக்கான் சார்ஜர்ஸ் அணியை அணித்தலைவராக இருந்து வழிநடாத்திச் சென்றவர் கில்கிறிஸ்ட் ஆவார்.இத் தொடரின் அரையிறுதியில் டெல்லி அணிக்கெதிராக பதினேழு பந்துகளில் அரைச்சதம் கடந்து ஐ.பி.எல் தொடரின் அதிவேக அரைச்சதத்தை பூர்த்தி செய்தார். அவ் அரைச்சதமானது தற்போது ஐ.பி.எல் தொடரின் அதிவேக அரைச்சதங்களில் ஐந்தாவது இடத்தில் உள்ளது.17/05/2011அன்று பஞ்சாபின் தர்மசாலாவில் நடைபெற்ற பெங்களூர் அணிக்கெதிரான போட்டியில் கில்கிறிஸ்டும் ஷோன் மார்சும் இரண்டாவது விக்கெட்டுக்காக இருநூற்று ஆறு ஓட்டங்களை பகிர்ந்து ஐ.பி.எல் போட்டி ஒன்றில் இருநூறுக்கு மேற்பட்ட ஓட்டங்களை பகிர்ந்த முதல் இணை என்ற சாதனையைப் பதிவு செய்தனர். இவ் இணைப்பாட்டமானது ஐ.பி.எல் தொடரில் எந்த ஒரு விக்கெட்டுக்காகவும் பகிரப்பட்ட அதிகூடிய ஓட்டங்கள் வரிசையில் தற்போது மூன்றாம் இடத்தில் உள்ளது. கில்கிறிஸ்ட்டின் மனைவியின் பெயர் மெலிண்டா.கில்கிறிஸ்ட் –மெலிண்டா தம்பதியினருக்கு ஹரிசன்,ரெட்,அர்ச்சி ஆகிய மூன்று மகன்களும் அன்னி ஜீன் எனப்படும் ஒரு மகளும் உண்டு.கிரிக்கெட்டில் மிக நேர்மையான வீரர்களில் ஒருவராக திகழ்ந்த கில்கிறிஸ்ட் பல தடவை நடுவர் ஆட்டமிழந்ததாக அறிவிக்காதபோதும் கூட தன் சுய முடிவின் அடிப்படையில் மைதானத்தை விட்டு வெளியேறியிருக்கிறார்.[3] [4] இரண்டாயிரத்து மூன்றாம் ஆண்டு நடந்த உலககிண்ண இலங்கைக்கு எதிரான அரையிறுதியில் இவரது சுய முடிவிலான ஆட்டமிழப்பு பலரின் கவனத்தை ஈர்த்தது.கில்கிறிஸ்ட்டின் சுயசரிதை நூலான TRUE COLOURS 2008 ஆம் ஆண்டில் வெளியானது.
இவர் 1992 ஆம் ஆண்டில் முதல் தரத் துடுப்பாட்டப் போட்டிகளிலும் , 1996 இல் இந்தியாவில் தனது முதல் ஒருநாள் போட்டிகளிலும் 1999 இல் தேர்வுத் துடுப்பாட்டப் போட்டிகளிலும் இவர் அறிமுகமானார். [5] தனது தொழில் வாழ்க்கையில், ஆஸ்திரேலியாவுக்காக 96 தேர்வு போட்டிகளிலும், 270 க்கும் மேற்பட்ட ஒருநாள் போட்டிகளிலும் விளையாடினார்.
ஆரம்பகால வாழ்க்கை தொகு
ஆடம் கில்கிறிஸ்ட் 1971 இல் நியூ சவுத் வேல்ஸின் பெல்லிங்கனில் உள்ள பெல்லிங்கன் மருத்துவமனையில் பிறந்தார். நான்கு குழந்தைகளில் இவர் இளையவர் ஆவார். இவரும் இவரது குடும்பத்தினரும் டோரிகோ, ஜூனே மற்றும் பின்னர் டெனிலிக்வின் ஆகிய இடங்களில் வசித்து வந்தனர், அங்கு தனது பள்ளியான டெனிலிக்வின் சவுத் பப்ளிக் பள்ளியில் விளையாடியபோது இவர் பிரையன் டேபர் கேடயத்தை வென்றார் ( நியூ சவுத் வேல்ஸ் கிரிக்கெட் வீரர் பிரையன் டேபரின் பெயரிடப்பட்டது). தனது 13 ஆவது வயதில், இவரது பெற்றோர்களான ஸ்டான் மற்றும் ஜூன் ஆகியோர் லிஸ்மோர் சென்றனர். அங்கு கில்கிறிஸ்ட் கடினா உயர்நிலைப்பள்ளி துடுப்பாட்ட அணியின் தலைவராக இருந்தார். [6] கில்கிறிஸ்ட் 17 வயதுக்குட்பட்ட மாநில அணிக்கு தேர்ந்தெடுக்கப்பட்டார்,.[7] 1989 ஆம் ஆண்டில் லண்டனை தளமாகக் கொண்ட ரிச்மண்ட் துடுப்பாட்ட சங்கம் [8] இவருக்கு உதவித்தொகை வழங்கியது. [8]
கில்கிறிஸ்ட் தனது உயர் பள்ளி காதலியான மெலிண்டாவைத் திருமணம் செய்து கொண்டார் ,இந்தத் தம்பதியினருக்கு மூன்று மகன்களும் ஒரு மகளும் உள்ளனர். [9]
இந்தியன் பிரீமியர் லீக் தொகு
சர்வதேச கிரிக்கெட்டில் இருந்து ஓய்வு பெற்ற சில மாதங்களுக்குப் பிறகு வீரர் ஏலத்தில் 700,000 அமெரிக்க டாலர்களுக்கு வாங்கப்பட்ட இவர், 2008 சீசனுக்கான, போட்டியின் தொடக்க சீசனுக்காக டெக்கான் அணிக்காக விளையாடினார். [10] [11]கில்கிறிஸ்ட் இந்தியன் பிரீமியர் லீக்கில் (ஐபிஎல்) மொத்தம் ஆறு பருவங்களிலும் பங்கெடுத்தார். அதில் , மூன்று முறை டெக்கான் சார்ஜர்ஸ் அணிக்காகவும் மற்றும் மூன்று முறை கிங்ஸ் லெவன் பஞ்சாப் அணிக்காகவும் விளையாடினார் .
2011 ஆம் ஆண்டில் நடைபெற்ற இந்தியன் பிரீமியர் லீக்கின் நான்காவது பருவத்திற்கான வீரர்கள் ஏலத்தில் பஞ்சாப் அணி நிர்வாகம் இவரை 900,000 அமெரிக்க டாலருக்கு ஏலத்தில் எடுத்தது.இவர் முன்னர் இருந்த டெக்கான் சார்ஜர்ஸ் அணியின் தலைமைப் பொறுப்பினை இலங்கைத் துடுப்பாட்ட அணியின் குமார் சஙகக்கரா ஏற்றுக்கொண்டார். மார்ச் 2012 இல்,நடைபெற்ற ஐபிஎல்லின் ஐந்தாவது பருவத்தில் இவர் அணியின் பயிற்சியாளராக நியமிக்கப்பட்டார். இவரது நண்பரும் முன்னாள் ஆஸ்திரேலிய அணியின் முன்னாள் வீரருமான மைக்கேல் பெவனுக்கு பதிலாக, தலைமை பயிற்சியாளராக ஒப்பந்தம் செய்யப்பட்டார். [12]
முன்பு இருந்த டெக்கான் சார்ஜர்ஸ் அணியில் கில்கிறிஸ்டுடன் பணிபுரிந்த டேரன் லெஹ்மன் தலைமை பயிற்சியாளராக நியமிக்கப்பட்டதைத் தொடர்ந்து, இவர் கிங்ஸ் லெவன் அணிக்காக மேலும் ஒரு ஐபிஎல் பருவத்தில் விளையாடத் தேர்வானார். மீண்டும் அந்த அணியின் தலைவராக நியமிக்கப்பட்டார். [13] [14]
ஐ.பி.எல். இல் தனது ஆறு பருவங்களிலும் கில்கிறிஸ்ட் மொத்தம் 82 போட்டிகளில் விளையாடினார். டெக்கான சார்ஜர்ஸ் அணிக்காக 48 போட்டிகளிலும் கிங்ஸ் லெவன் அணிக்காக 34 போட்டிகளையும் விளையாடினார். இரண்டு நூறுகள் உட்பட 2,000 ரன்களுக்கு மேல் எடுத்துள்ளார். [15]
சான்றுகள் தொகு
- ↑ Brett, Oliver (17 September 2003). "No room at the inns". BBC Sport. http://news.bbc.co.uk/sport3/cwc2003/hi/newsid_2850000/newsid_2855900/2855991.stm. பார்த்த நாள்: 23 February 2007.
- ↑ "Adam Gilchrist biography". இஎஸ்பிஎன் கிரிக்இன்ஃபோ இம் மூலத்தில் இருந்து 9 February 2007 அன்று. பரணிடப்பட்டது.. https://web.archive.org/web/20070209074739/http://content-uk.cricinfo.com/ci/content/player/5390.html. பார்த்த நாள்: 20 February 2007.
- ↑ Kesavan, Mukul (11 November 2004). "On walking". இஎஸ்பிஎன் கிரிக்இன்ஃபோ. http://content-usa.cricinfo.com/cbs/content/story/141595.html.
- ↑ Stern, John (20 September 2009). "Gilchrist walks". ESPNcricinfo. http://www.cricinfo.com/magazine/content/story/424451.html.
- ↑ "Adam Gilchrist biography". இஎஸ்பிஎன் கிரிக்இன்ஃபோ இம் மூலத்தில் இருந்து 9 February 2007 அன்று. பரணிடப்பட்டது.. https://web.archive.org/web/20070209074739/http://content-uk.cricinfo.com/ci/content/player/5390.html.
- ↑ "The double casting of Adam Gilchrist". ABC. 7 February 2007 இம் மூலத்தில் இருந்து 16 October 2007 அன்று. பரணிடப்பட்டது.. https://web.archive.org/web/20071016153726/http://abc.net.au/northcoast/stories/s1842607.htm.
- ↑ "Player Oracle AC Gilchrist". CricketArchive. https://cricketarchive.com/cgi-bin/player_oracle_reveals_results2.cgi?playernumber=4170&opponentmatch=exact&playername=Meckiff&resulttype=All&matchtype=All&teammatch=exact&startwicket=&homeawaytype=All&opponent=&endwicket=&wicketkeeper=&searchtype=InningsList&endscore=&playermatch=contains&branding=cricketarchive&captain=&endseason=&startscore=&team=&startseason=.
- ↑ 8.0 8.1 "The Adam Gilchrist Cricket Development Scholarship". AdamGilchrist.com இம் மூலத்தில் இருந்து 6 February 2007 அன்று. பரணிடப்பட்டது.. https://web.archive.org/web/20070206033750/http://www.adamgilchrist.com/Scholarship/GeneralOverview.aspx.
- ↑ "Adam Gilchrist and wife Mel welcome birth of new son Ted James". PerthNow. 23 August 2011. http://www.perthnow.com.au/entertainment/perth-confidential/adam-gilchrist-and-wife-mel-welcome-birth-of-new-son-ted-james/story-e6frg30l-1226120689578.
- ↑ "Worth the spend?". ESPN Cricinfo. 4 June 2008. http://www.espncricinfo.com/ipl/content/story/353548.html.
- ↑ "Adam Gilchrist plunders fastest century of the inaugural IPL season". Cricket Country. 19 August 2014. https://www.cricketcountry.com/articles/adam-gilchrist-plunders-fastest-century-of-the-inaugural-ipl-season-25730.
- ↑ "Adam Gilchrist to coach and lead Kings XI Punjab". இஎஸ்பிஎன் கிரிக்இன்ஃபோ. 23 March 2012. http://www.espncricinfo.com/indian-premier-league-2012/content/current/story/558442.html.
- ↑ "Adam Gilchrist to play in IPL 6". Cricket.yahoo.com. 2 November 2012. http://cricket.yahoo.com/news/adam-gilchrist-to-play-in-ipl-6.html.
- ↑ "IPL 6: Darren Lehmann to coach Kings XI Punjab". Indianexpress.com. 31 January 2013. http://www.indianexpress.com/news/ipl-6-darren-lehmann-to-coach-kings-xi-punjab/1067485/.
- ↑ Twenty20 batting and fielding for each team by Adam Gilchrist, CricketArchive. Retrieved 8 June 2019. (subscription required)