முதன்மை பட்டியைத் திறக்கவும்

இந்திய முதன்மைக் குழுப் போட்டிகள்

(இந்தியன் பிரீமியர் லீக் இலிருந்து வழிமாற்றப்பட்டது)

இந்திய முதன்மைக் குழுப் போட்டிகள் (ஐபிஎல்) என்பது இந்தியாவில் நடைபெறும் ஒரு தொழில்முறை இருபது20 துடுப்பாட்டப் போட்டித் தொடர் ஆகும், இது ஒவ்வொரு ஆண்டும் மார்ச் அல்லது ஏப்ரல் மற்றும் மே மாதங்களில் இந்தியாவின் வெவ்வேறு நகரங்களைப் பிரதிநிதித்துவப்படுத்தும் எட்டு அணிகளால் போட்டியிடப்படுகிறது. இத்தொடர் 2008 ஆம் ஆண்டில் இந்திய கிரிக்கெட் கட்டுப்பாட்டு வாரியத்தால் (பிசிசிஐ) துவங்கப்பட்டது. ஐசிசியின் எதிர்கால சுற்றுப்பயண திட்டத்தில் ஐபிஎல் ஒரு பிரத்யேக விதிவிலக்கைக் கொண்டுள்ளது. அதன்படி ஏப்ரல் மற்றும் மே மாதங்களில் பன்னாட்டுப் போட்டிகள் எதுவும் நடத்தப்படாது.

இந்திய முதன்மைக் குழுப் போட்டி
நாடு(கள்) இந்தியாவின் கொடி இந்தியா
நிர்வாகி(கள்) இந்தியத் துடுப்பாட்டக் கட்டுப்பாடு வாரியம்
துடுப்பாட்ட வடிவம் இருபது20
முதலாவது போட்டி 2008
கடைசிப் போட்டி 2019
சுற்றுப் போட்டி வடிவம் குழுநிலை, முதல் தோல்வியில் நீக்கம்
மொத்த அணிகள் 8 (தற்போது)
தற்போதைய வெற்றியாளர் மும்பை இந்தியன்ஸ் (4 முறை)
தகைமை இருபது20 சம்பியன்ஸ் லீக்
அதிகூடிய ஓட்டங்கள் இந்தியாவின் கொடி விராட் கோலி (5412), பெங்களூர் ராயல் சேலஞ்சர்ஸ் (தற்போது)
அதிகூடிய விக்கெட்டுகள் இலங்கையின் கொடி லசித் மாலிங்க (170), மும்பை இந்தியன்ஸ் (தற்போது)
வலைத்தளம் www.iplt20.com

ஐபிஎல் உலகிலேயே அதிக பார்வையாளர்கள் பங்கேற்ற துடுப்பாட்டப் போட்டித் தொடர் ஆகும், மேலும் 2014 ஆம் ஆண்டில் அனைத்து விளையாட்டுப் போட்டிகளிலும் சராசரி வருகையால் உலகளவில் ஆறாவது இடத்தைப் பிடித்தது. 2010 ஆம் ஆண்டில், ஐபிஎல் யூடியூபில் நேரடியாக ஒளிபரப்பப்பட்ட உலகின் முதல் விளையாட்டு நிகழ்வாக ஆனது. 2018 ஆம் ஆண்டில் ஐபிஎல்லின் பிராண்ட் மதிப்பு 6.3 பில்லியன் அமெரிக்க டாலராக இருந்தது என்று டஃப் & பெல்ப்ஸ் தெரிவித்துள்ளது. பிசிசிஐ தகவலின் படி, 2015 ஐபிஎல் பருவம் இந்தியப் பொருளாதாரத்தின் மொத்த உள்நாட்டு உற்பத்தியில் .5 11.5 பில்லியன் பங்களித்தது.

ஐபிஎல் போட்டியில் இதுவரை மொத்தம் பன்னிரண்டு பருவங்கள் நடைபெற்றுள்ளன. 2019 தொடரில் வென்ற மும்பை இந்தியன்ஸ் தற்போதைய ஐபிஎல் வாகையாளர் ஆவர்.

பொருளடக்கம்

அணிகள்தொகு

நடப்பு அணிகள்தொகு

அணி நகரம் சொந்த அரங்கம் அறிமுகம் உரிமையாளர்[1]
சென்னை சூப்பர் கிங்ஸ் சென்னை, தமிழ்நாடு சேப்பாக்கம் துடுப்பாட்ட அரங்கம் 2008 இந்தியா சிமெண்ட்ஸ்
டெல்லி கேபிடல்ஸ் தில்லி, தேசிய தலைநகர் வலயம் அருண் ஜெட்லி அரங்கம் 2008 GMR குழுமம், JSW குழுமம்
கிங்ஸ் லெவன் பஞ்சாப் மொகாலி (சண்டிகர்), பஞ்சாப் பஞ்சாப் துடுப்பாட்ட வாரிய அரங்கம், மொகாலி
ஓல்கர் அரங்கம், இந்தூர்
2008 பிரீத்தி சிந்தா, நெஸ் வாடியா, மொகித் பர்மன், கரன் பவுல்
கொல்கத்தா நைட் ரைடர்ஸ் கொல்கத்தா, மேற்கு வங்காளம் ஈடன் கார்டன்ஸ் 2008 ரெட் சில்லீஸ் என்டர்டெயின்மென்ட், மெஹ்தா குழுமம்
மும்பை இந்தியன்ஸ் மும்பை, மகாராட்டிரம் வான்கேடே அரங்கம் 2008 ரிலையன்ஸ் இன்டஸ்ட்ரீஸ்
ராஜஸ்தான் ராயல்ஸ் ஜெய்ப்பூர், ராஜஸ்தான் சவாய் மான்சிங் விளையாட்டரங்கம் 2008 மனோஜ் படாலே
பெங்களூர் ராயல் சேலஞ்சர்ஸ் பெங்களூரு, கர்நாடகா எம். சின்னசுவாமி அரங்கம் 2008 யுனைடட் ஸ்பிரிட்ஸ்
சன்ரைசர்ஸ் ஐதராபாத் ஐதராபாத், தெலங்கானா இராஜீவ் காந்தி பன்னாட்டு துடுப்பாட்ட அரங்கம் 2013 சன் குழுமம்

அணிகளின் செயல்திறன்கள்தொகு

2008 ஆம் ஆண்டு முதல் இதுவரை நடைபெற்ற பருவங்களில் அணிகளின் செயல்திறன்கள்:

பருவம்
(மொத்த அணிகள்)
2008
(8)
2009
(8)
2010
(8)
2011
(10)
2012
(9)
2013
(9)
2014
(8)
2015
(8)
2016
(8)
2017
(8)
2018
(8)
2019
(8)
அணி \ நிகழிடம்              
 
         
ராஜஸ்தான் ராயல்ஸ் வெ 6வது 7வது 6வது 7வது 3வது 5வது 4வது தடை 4வது 7வது
சென்னை சூப்பர் கிங்ஸ் அஇ 1வது 1வது 2வது 2வது 3வது 2வது தடை 1வது 2வது
கொல்கத்தா நைட் ரைடர்ஸ் 6வது 8வது 6வது 4வது 1வது 7வது 1வது 5வது 4வது 3வது 3வது 5வது
மும்பை இந்தியன்ஸ் 5வது 7வது 2வது 3வது 4வது 1வது 4வது 1வது 5வது 1வது 5வது 1வது
டெல்லி கேபிடல்ஸ் அஇ அஇ 5வது 10வது 3வது 9வது 8வது 7வது 6வது 6வது 8வது 3வது
கிங்ஸ் லெவன் பஞ்சாப் அஇ 5வது 8வது 5வது 6வது 6வது 2வது 8வது 8வது 5வது 7வது 6வது
பெங்களூர் ராயல் சேலஞ்சர்ஸ் 7வது 2வது 3வது 2வது 5வது 5வது 7வது 3வது 2வது 8வது 6வது 8வது
சன்ரைசர்ஸ் ஐதராபாத் உருவாகவில்லை 4வது 6வது 6வது 1வது 4வது 2வது 4வது
டெக்கான் சார்ஜர்ஸ் 8வது 1வது 4வது 7வது 8வது செயலிழந்தது
புனே வாரியர்ஸ் இந்தியா உருவாகவில்லை 9வது 9வது 8வது செயலிழந்தது
கொச்சி டஸ்கர்ஸ் கேரளா உருவாகவில்லை 8வது செயலிழந்தது
ரைசிங் புனே சூப்பர்ஜியான்ட்ஸ் உருவாகவில்லை 7வது 2வது செயலிழந்தது
குஜராத் லயன்ஸ் உருவாகவில்லை 3வது 7வது செயலிழந்தது

குறிச்சொல்:

  •      வெ= வெற்றியாளர்
  •      இ = இரண்டாமிடம்
  •      = அரையிறுதியாளர்
  • † = செயலிழந்த அணிகள்

பருவங்களும் முடிவுகளும்தொகு

ஐபிஎல் பருவங்களின் முடிவுகள்[2][3]
பருவம் இறுதிப்போட்டி இறுதிப்போட்டி நிகழிடம் மொத்த அணிகள் தொடர் நாயகன்
வெற்றியாளர் வெற்றி வேறுபாடு இரண்டாமிடம்
2008 ராஜஸ்தான் ராயல்ஸ்[4]
164/7 (20 நிறைவுகள்)
3 இழப்புகளால் வெற்றி
(செய்திறனட்டை)
சென்னை சூப்பர் கிங்ஸ்[4]
163/5 (20 நிறைவுகள்)
டி. ஒய். பாட்டில் அரங்கம், நவி மும்பை[4] 8[5] ஷேன் வாட்சன் (ராஜஸ்தான் ராயல்ஸ்)[4]
2009 டெக்கான் சார்ஜர்ஸ்[6]
143/6 (20 நிறைவுகள்)
6 ஓட்டங்களால் வெற்றி
(செய்திறனட்டை)
பெங்களூர் ராயல் சேலஞ்சர்ஸ்[6]
137/9 (20 நிறைவுகள்)
வேன்டரர்ஸ் அரங்கம், ஜோகானஸ்பேர்க்[6]
(தென்னாப்பிரிக்கா)
8[7] அடம் கில்கிறிஸ்ற் (டெக்கான் சார்ஜர்ஸ்)[6]
2010 சென்னை சூப்பர் கிங்ஸ்[8]
168/5 (20 நிறைவுகள்)
22 ஓட்டங்களால் வெற்றி
(செய்திறனட்டை)
மும்பை இந்தியன்ஸ்[8]
146/9 (20 நிறைவுகள்)
டி. ஒய். பாட்டில் அரங்கம், நவி மும்பை[8] 8[9] சச்சின் டெண்டுல்கர் (மும்பை இந்தியன்ஸ்)[8]
2011 சென்னை சூப்பர் கிங்ஸ்[10]
205/5 (20 நிறைவுகள்)
58 ஓட்டங்களால் வெற்றி
(செய்திறனட்டை)
பெங்களூர் ராயல் சேலஞ்சர்ஸ்[10]
147/8 (20 நிறைவுகள்)
சேப்பாக்கம் துடுப்பாட்ட அரங்கம், சென்னை[10] 10[11] கிறிஸ் கெயில் (ராயல் சேலஞ்சர்ஸ் பெங்களூர்)[10]
2012 கொல்கத்தா நைட் ரைடர்ஸ்[12]
192/5 (19.4 நிறைவுகள்)
5 இழப்புகளால் வெற்றி
(செய்திறனட்டை)
சென்னை சூப்பர் கிங்ஸ்[12]
190/3 (20 நிறைவுகள்)
சேப்பாக்கம் துடுப்பாட்ட அரங்கம், சென்னை[12] 9[13] சுனில் நரைன் (கொல்கத்தா நைட் ரைடர்ஸ்)[12]
2013 மும்பை இந்தியன்ஸ்[14]
148/9 (20 நிறைவுகள்)
23 ஓட்டங்களால் வெற்றி
(செய்திறனட்டை)
சென்னை சூப்பர் கிங்ஸ்[14]
125/9 (20 நிறைவுகள்)
ஈடன் கார்டன்ஸ், கொல்கத்தா[14] 9[15] ஷேன் வாட்சன் (ராஜஸ்தான் ராயல்ஸ்)[14]
2014 கொல்கத்தா நைட் ரைடர்ஸ்[16]
200/7 (19.3 நிறைவுகள்)
3 இழப்புகளால் வெற்றி
(செய்திறனட்டை)
கிங்ஸ் லெவன் பஞ்சாப்[16]
199/4 (20 நிறைவுகள்)
எம். சின்னசுவாமி அரங்கம், பெங்களூர்[16] 8[17] கிளென் மாக்சுவெல் (கிங்ஸ் லெவன் பஞ்சாப்)[16]
2015 மும்பை இந்தியன்ஸ்[18]
202/5 (20 நிறைவுகள்)
41 ஓட்டங்களால் வெற்றி
(செய்திறனட்டை)
சென்னை சூப்பர் கிங்ஸ்[18]
161/8 (20 நிறைவுகள்)
ஈடன் கார்டன்ஸ், கொல்கத்தா[18] 8[19] ஆன்ட்ரே ரசல் (கொல்கத்தா நைட் ரைடர்ஸ்)[18]
2016 சன்ரைசர்ஸ் ஐதராபாத்[20]
208/7 (20 நிறைவுகள்)
8 ஓட்டங்களால் வெற்றி
(செய்திறனட்டை)
பெங்களூர் ராயல் சேலஞ்சர்ஸ்[20]
200/7 (20 நிறைவுகள்)
எம். சின்னசுவாமி அரங்கம், பெங்களூர்[20] 8[21] விராட் கோலி (பெங்களூர் ராயல் சேலஞ்சர்ஸ்)[20]
2017 மும்பை இந்தியன்ஸ்[22]
129/8 (20 நிறைவுகள்)
1 ஓட்டத்தால் வெற்றி
(செய்கிறனட்டை)
ரைசிங் புனே சூப்பர்ஜைன்ட்[22]
128/6 (20 நிறைவுகள்)
இராஜீவ் காந்தி பன்னாட்டு துடுப்பாட்ட அரங்கம், ஐதராபாத்[22] 8[23] பென் ஸ்டோக்ஸ் (ரைசிங் புனே சூப்பர்ஜைன்ட்)[22]
2018 சென்னை சூப்பர் கிங்ஸ்[24]
181/2 (18.3 நிறைவுகள்)
8 இழப்புகளால் வெற்றி
(செய்திறனட்டை)
சன்ரைசர்ஸ் ஐதராபாத்
178/6 (20 நிறைவுகள்)[24]
வான்கடே அரங்கம், மும்பை 8[25] சுனில் நரைன் (கொல்கத்தா நைட் ரைடர்ஸ்)[24]
2019 மும்பை இந்தியன்ஸ்[26]
149/8 (20 நிறைவுகள்)
1 ஓட்டத்தால் வெற்றி
(செய்திறனட்டை)
சென்னை சூப்பர் கிங்ஸ்[26]
148/7 (20 நிறைவுகள்)
இராஜீவ் காந்தி பன்னாட்டு துடுப்பாட்ட அரங்கம், ஐதராபாத்[26] 8[27] ஆன்ட்ரே ரசல் (கொல்கத்தா நைட் ரைடர்ஸ்)
 
சேப்பாக்கம் துடுப்பாட்ட அரங்கில் சென்னை, கொல்கத்தா அணிகளுக்கு இடையிலான ஆட்டத்தின் போது

விருதுகள்தொகு

  • ஆரஞ்சு தொப்பி- தொடரில் அதிக ஓட்டங்கள் எடுத்த மட்டையாளருக்கு வழங்கப்படும்
  • ஊதா தொப்பி- தொடரில் அதிக மட்டையாளர்களை வீழ்த்திய பந்துவீச்சாளருக்கு வழங்கப்படும்

வீரர்கள் ஒப்பந்தமாதல்தொகு

2008 பிப்ரவரி 20 ஆம் நாள் இந்தியன் பிரீமியர் லீக்கின் அணிகளுக்கிடையில் விளையாட்டு வீரர்களைப் பங்கிடும் நோக்கிலான முதலாவது ஏலம் நடைபெற்றது.தெரிவுச் செய்யப்பட்ட சில பிரபல இந்திய துடுப்பாட்ட வீரகளுக்கு ஐக்கன் தகமை வழங்கப்பட்டு ஏலமற்ற அவர்கள் அணிகளுக்குப் பகிந்தளிக்கப்பட்டனர். ராகுல் டிராவிட், சவுரவ் கங்குலி, சச்சின் டெண்டுல்கர், யுவராஜ் சிங்,வீரேந்தர் சேவாக் ஆகியோருக்கே ஐக்கன் தகமை வழங்கப்பட்டது. விவிஎஸ் லட்சுமணுக்கு துவக்கத்தில் ஐகான் தகமை வழங்கப்பட்டிருந்தது, வீரர்களை ஏலம் எடுக்கத் தனது அணி (டெக்கான் சார்ஜர்ஸ்) கூடுதல் தொகை ஒதுக்க வழிசெய்யும் வண்ணம் பின்னர் அவர் தானாக முன்வந்து அத்தகமையைத் திருப்பியளித்து விட்டார்.[28] இரண்டாவது பருவத்திற்கும் ஏலங்கள் நடந்தன, ஆனால் பருவ ஓய்வில் அணி உரிமையாளர்கள் கட்டற்ற நிலையில் வீரர்களை ஒப்பந்தம் செய்தமையால், தரப் பட்டியலில் கீழிடத்தில் இருக்கும் அணிகளுக்கு வீரர்களை ஒப்பந்தம் செய்வதில் முதலாவதாக வாய்ப்பு வழங்கும் வகையிலான ஒரு முறைக்குக் கோரிக்கைகள் எழுந்தன.

தொலைக்காட்சி உரிமங்களும் அனுசரனைகளும்தொகு

ஐந்து முதல் பத்து ஆண்டுகளில் இந்தியன் பிரீமியர் லீக் இந்தியத் துடுப்பாட்டக் கட்டுப்பாடு வாரியத்துக்கு 1.6 பில்லியன் அமெரிக்க டாலர்களை வருவாயாக ஈட்டித் தருமென மதிபீடுச் செய்யப்பட்டுள்ளது.2017 ஆம் ஆண்டு வரை இவ்வனைத்து வருவாயும் ஒரு நடுவச் சேர்மத்தில் வைக்கப்பட்டு 40% இந்தியன் பிரீமியர் லீக்க்கிற்கும் 54% அணி உரிமையாளர்களுக்கும் 6% பரிசுத் தொகையாகவும் பகிரப்படும். 2017 ஆம் ஆண்டிற்குப் பின்னர் பகிரப்படும் விகிதம் 50% இந்தியன் பிரீமியர் லீக்க்கிற்கும் 45% அணி உரிமையாளர்களுக்கும் 5% பரிசுத் தொகையாகவும் மாற்றப்படும்.

தொலைக்காட்சி உரிமங்கள்தொகு

2008இல் இந்தியாவின் சோனி தொலைக்காட்சி நிறுவனமும் சிங்கப்பூரின் வேர்ல்டு ஸ்போர்ட் குரூப் நிறுவனமும் இணைந்த கூட்டு நிறுவனத்திற்கு 10 வருட ஒப்பந்தமாக ஒளிபரப்பு உரிமை வழங்கப்பட்டது. இந்த ஒப்பந்தத்தின் மதிப்பு 1.026 பில்லியன் அமெரிக்க டாலர்களாகும். உள்நாட்டில் சோனி நிறுவனமும் பன்னாட்டு அளவில் வேல்ர்டு ஸ்போர்ட் குரூப் நிறுவனமும் போட்டிகளை ஒளிபரப்பின.

செப்டம்பர் 2018இல் ஐபிஎல் போட்டிகளின் 5 வருட உலகளாவிய ஒளிபரப்பு ஒப்பந்தத்தை ஸ்டார் இந்தியா நிறுவனம் கைப்பற்றியது.இந்த ஒப்பந்தத்தின் மதிப்பு 2.55 பில்லியன் அமெரிக்க டாலர்களாகும். துடுப்பாட்ட வரலாற்றில் அதிக விலைக்கு விற்கப்பட்ட ஒளிபரப்பு ஒப்பந்தமான இது முந்தைய ஐபிஎல் ஒப்பந்தத்தை விட 158% அதிகமானதாகும். ஸ்டார் நிறுவனம் கைபேசியில் ஹாட்ஸ்டார் செயலி மூலமாகவும் ஐபிஎல் போட்டிகளை ஒளிபரப்புகிறது. அவற்றை சந்தா செலுத்திய பயனர்களால் மட்டுமே காண இயலும்.

அனுசரனைகள்தொகு

இந்தியாவின் மிகப்பெரிய கட்டுமானத் தொழில் குழுமமான டிஎல்எஃப் குழுமம் இந்தப் போட்டித் தொடருக்கான 5 ஆண்டுகளுக்கு முதன்மை அனுசரனையாளராக இருக்கும் பொருட்டு 50 மில்லியன் அமெரிக்க டாலர் தொகையை அளித்திருக்கிறது. இதன் படி தொடர் "டி.எல்.எஃப்.இந்தியன் பிரீமியர் லீக்" என அழைக்கப்படும்.[29]

கிங்ஃபிஷர் வான் போக்குவரத்து நிறுவனம் 1.06 பில்லியன் இந்திய ருபாய் செலுத்தி இந்தியன் பிரீமியர் லீக்க்கின் உத்தியோகப்பட்ச நடுவர் அனுசரனையாளராக ஒப்பந்தம் செய்து கொண்டது. இவ்வொப்பந்தத்தின் படி, அனைத்து நடுவர்களின் சீருடைகளிலும் மூன்றாவது நடுவரின் முடிவுகள் வெளியாகும் போது பாரிய திரைகளிலும் கிங்ஃபிஷர் வான் போக்குவரத்து நிறுவனத்தின் வர்த்தகச் சின்னத்தைக் காணப்படும்.[30]

ஈரோ ஒண்டா 5 ஆண்டு அனுசரனையாக 22.5 மில்லியன் இந்திய ருபாய் செலுத்தியுள்ளது. பெப்சி 5 ஆண்டு அனுசரனையாக 12.5 மில்லியன் இந்திய ருபாய் செலுத்தியுள்ளது. கிங்நஃபிஷர் நிறுவனம் 5 ஆண்டு அனுசரனையாக மில்லியன் 26.5 மில்லியன் இந்திய ருபாய் செலுத்தியுள்ளது.[31]

வருவாயும் இலாபமும்தொகு

ஐக்கிய இராச்சியத்தில் அமைந்துள்ள தகவுரைஞ்சு நிறுவனமான பிராண்ட் பைனாஸ், 2010 ஆண்டில் இந்தியன் பிரீமியர் லீக் 4.13 பில்லியன் அமெரிக்க டாலர் பெறுமதியுள்ளதாக மதிப்பிட்டுள்ளது.[32] இதே நிறுவனம் 2009 ஆண்டு இந்தியன் பிரீமியர் லீக் 2.01 பில்லியன் அமெரிக்க டாலர் பெறுமதியுள்ளதாக மதிப்பிட்டது.[33]

அணிகள் ஈட்டிய இலாபம்பற்றிய சீரான தகவல்கள் இல்லை. ஒரு பகுப்பாய்நரின் கருத்துப்படி 4 அணிகள் 2009 ஆண்டு இலாபம் பெற்றது.[34] இலண்டன் டைம்ஸ் சங்சிகையின் கருத்துப்படி பஞ்சாப் அணியைத் தவிர்ந்த ஏனைய அணிகள் இலாபமீட்டியுள்ளன.[35]

2010 ஆம் ஆண்டு 80 வணிக பெருட்களுக்கு உத்தியோகப்பட்ட தகமை வழங்கும் ஒப்பந்தங்கள் கிட்டும் என இந்தியன் பிரீமியர் லீக் எதிர்பாக்கிறது. சுவிட்சர்லாந்தின் பாண்டலியர் நிறுவனத்துடன் உத்தியோகப்பட்ச கடிகாரங்களைச் செய்யும் ஒப்பந்தத்தில் கைச்சாத்திட்டுள்ளது.[36]

அதிகாரமளிக்கப்பட்ட இந்தியன் பிரீமியர் லீக் நகர்பேசி செயலிகள்தொகு

டி.சி. ஐ. மொபைல் ஸ்டூடியோ நிறுவனமும் சிங்கப்பூரின் சிக்மா வென்சர்ஸ் நிறுவனமும் இணைந்து 2017 பருவம் உடப்ட 8 ஆண்டுகளுக்கு இந்தியன் பிரீமியர் லீக்கிற்கான நகர்பேசி செயலிகளை ஆக்குவதற்கான முழு உரிமைகளையும் பெற்றுக்கொண்டன. தற்போது இந்நிறுவனங்கள் இந்தியன் பிரீமியர் லீக்கிற்கான நகபேசி செயலிகள் வெளியிடப்பட்டுள்ளன.[37]

உலகளாவிய பின்பற்றல்தொகு

ஆண்டொன்றில் இந்தியாவில் ஆண்டில் நடைபெறும் மிகப் பிரபல நிகழ்வுகளில் ஒன்றாக இந்தியன் பிரீமியர் லீக் வளர்ந்துள்ளது.[38].

இந்தியாவுக்கு வெளியேயும் இந்தியன் பிரீமியர் லீக் நல்ல வரவேற்பை பெற்றுள்ளது. பாகிஸ்தானில் வரவேற்பு "மிகப்பிரம்மாண்டமானதாக" இருப்பதாக விவரிக்கப்பட்டுள்ளது. மேலும் அங்கு கொல்கத்தா நைட் ரைடர்ஸ் அணியைப் பின்பற்றுபவர் கூடுதலாக உள்ளனர்.[39] ஜியோ சூப்பர் தொலைக்காட்சி போட்டிகளை ஒளிபரப்புகிறது. இதேபோல் இலங்கையிலும் வங்க தேசத்திலும் இத்தொடருக்கு நல்ல வரவேற்பு கிட்டியுள்ளது.

தென்னாப்பிரிக்காவிலும் இங்கிலாந்திலும் வாழும் தென்னிந்தியர்களிடையே நல்ல வரவேற்பை பெற்றுள்ளது. துவக்கத்தில் ஆஸ்திரேலியாவிலும் நியூசிலாந்திலும் இந்தியன் பிரீமியர் லீக் பாரிய வரவேற்பைப் பெறவில்லை. இருப்பினும் தற்போது இந்தியன் பிரீமியர் லீக் பிரபலமடைந்து வருகின்றது.

2008 ஆண்டு பருவத்தின் ராஜஸ்தான் ராயல்ஸ் அணிக்கும் சென்னை சூப்பர் கிங்ஸ் அணிக்குமிடையில் நடைபெற்ற இறுதி ஆட்டத்தை 24 மில்லியனுக்கும் சற்றே கூடுதலான பேர் தொலைக்காட்சியில் பார்த்துள்ளதாகவும் அதே பருவத்தில் ஒரு அறைஇறுதியான ராஜஸ்தான் ராயல்ஸ் அணிக்கும் டெல்லி டேர்டெவில்ஸ் அணிகக்கும் இடையிலான போட்டியை 20 மில்லியனுக்கும் சற்றே கூடுதலான பேர் பார்த்துள்ளதாகவும், மற்றைய அறைஇறுதியான சென்னை சூப்பர் கிங்ஸ் அணிக்கும் கிங்ஸ் லெவன் பஞ்சாப் அணிக்குமிடையிலான போட்டியை 19 மில்லியன் பேர் கண்டுகளித்தனர் என்றும் கருத்துக்கணிப்பு சுட்டிக்காட்டுகிறது.[40]

விதிமுறைகள்தொகு

போட்டித்தொடருக்கான அதிகாரப்பூர்வ விதிகள் இங்கே கொடுக்கப்பட்டுள்ளன.

ஒரு அணி உரிமையாளர் ஒரு வீரரைச் சேர்ப்பதற்கு ஐந்து வழிகள் உள்ளன. வருடாந்திர ஏலத்தில், உள்நாட்டு வீரர்களை வாங்குதல், இதுவரை விளையாடியிராத வீரர்களை ஒப்பந்தம் செய்வது, பரிவர்த்தனைமூலம், மற்றும் மாற்றுவீரர்கள் வாங்குவதன் மூலம்.[41][42] பரிவர்த்தனை சாளரத்தில் ஒரு வீரரின் சம்மதம் இருந்தால் மட்டுமே அவர்மீதான பரிவர்த்தனை நிகழ வேண்டும். பழைய ஒப்பந்த விலைக்கும் புதிய ஒப்பந்த விலைக்கும் இடையிலான வித்தியாசத்தை அணி உரிமையாளர் செலுத்த வேண்டும். புதிய ஒப்பந்தம் பழையதைக் காட்டிலும் அதிகமான தொகைக்கு மேற்கொள்ளப்படுமானால், அப்போது வித்தியாசத் தொகை வீரருக்கும் வீரரை விற்கும் அணி உரிமையாளருக்கும் இடையில் பகிர்ந்து கொள்ளப்படும்.[43]

அணியின் வடிவ விதிகளில் சில பின்வருமாறு:

  • குறைந்தபட்சம் 16 வீரர்கள் ஒரு உடற்பயிற்சி ஆலோசகர் மற்றும் ஒரு பயிற்சியாளர் கொண்ட குழு.
  • அணியில் 8 வெளிநாட்டு வீரர்களுக்கு மேல் இருக்கக் கூடாது, களத்தில் இறங்கும் 11 பேர் அணியில் 4 வெளிநாட்டு வீரர்களுக்கு மேல் இருக்கக் கூடாது. 2009 ஆம் ஆண்டிற்கான தொடருக்கு அணி வீரர்கள் குழுவில் 10 வெளிநாட்டு வீரர்களுக்கு அனுமதியளிக்கப்பட்டுள்ளது. களத்தில் இறங்கும் 11 பேரில் 4 வெளிநாட்டு வீரர்களுக்கு மிகக் கூடாது என்பது மாறாமல் தொடர்கிறது.
  • ஒவ்வொரு அணியிலும் குறைந்தபட்சம் 8 உள்நாட்டு வீரர்கள் சேர்க்கப்பட வேண்டும்.
  • ஒவ்வொரு அணியிலும் பிசிசிஐ 22 வயதுக்கு குறைந்த வீரர்கள் பட்டியலிலிருந்து குறைந்தபட்சம் 2 வீரர்கள் இருக்க வேண்டும்.

"ஐகான்" அந்தஸ்து வழங்கப்பட்ட வீரர்கள்: சச்சின் டென்டுல்கர், ராகுல் டிராவிட், சவுரவ் கங்குலி, யுவராஜ் சிங் மற்றும் வீரேந்திர சேவாக். முதலாவது வீரர் ஏலத்தில் ஒரு அணி உரிமையாளர் செலவிடக் கூடிய அதிகப்பட்சத் தொகை 5மில்லியன் அமெரிக்க டாலர்களாக இருந்தது. 22 வயதுக்கு கீழ்ப்பட்ட வீரர்களுக்கு 20,000 அமெரிக்க டாலர் தொகையும், மற்றவர்களுக்கு 50,000 அமெரிக்க டாலர் தொகையும் குறைந்தபட்ச வருடாந்திர சம்பளமாகக் கொடுக்கப்பட வேண்டும். ஐகான் வீரர்களுக்கு, அந்த அணியின் மிக உயர்ந்த ஊதியம் பெறும் வீரரை விட 15% கூடுதலாகக் கொடுக்கப்பட வேண்டும்.

அதிகாரப்பூர்வ இணையதளம்தொகு

தனது இணையதளங்களை நடத்துவதற்கும் பராமரிப்பதற்கும் கனடா நாட்டு நிறுவனமான லைவ் கரண்ட் மீடியா இன்க் நிறுவனத்துடன் ஐபிஎல் ஒப்பந்த பேச்சுவார்த்தை நடத்தியது, அடுத்த 10 ஆண்டுகளுக்கான குறைந்தபட்ச உத்தரவாதத் தொகையாக 50 மில்லியன் அமெரிக்க டாலர் தொகை பேசப்பட்டிருக்கிறது.[44] போட்டித் தொடருக்கான அதிகாரப்பூர்வ இணையதளம் www.iplt20.com ஆகும்.

புள்ளிவிவரங்களும் சாதனைகளும்தொகு

மும்முறைகளின் பட்டியல்தொகு

எண்: சீசன் தேதி : ஹேட்ரிக் எடுத்தவர் ஆட்டமிழந்தவர்கள் எந்த அணிக்காக எந்த அணிக்கு எதிராக அணியின் ஹேட்ரிக் மொத்தம்
1 2008 இந்தியன் பிரீமியர் லீக் 10 மே 2008 லட்சுமிபதி பாலாஜி இர்பான் பதான், பியூஷ் சாவ்லா, விஆர்வி சிங் சென்னை சூப்பர் கிங்ஸ் கிங்ஸ் லெவன் பஞ்சாப் 1
2 2008 இந்தியன் பிரீமியர் லீக் 15 மே 2008 அமித் மிஷ்ரா த்வாரகா ரவி தேஜா, ஆர்பி சிங், பிரக்யான் ஓஜா டெல்லி டேர்டெவில்ஸ் டெக்கான் சார்ஜர்ஸ் 1
3. 2008 இந்தியன் பிரீமியர் லீக் 18 மே 2008 மகாயா நிடினி சவுரவ் கங்குலி, டெபாப்ரதா தாஸ், டேவிட் ஹஸி சென்னை சூப்பர் கிங்ஸ் கொல்கத்தா நைட் ரைடர்ஸ் 2
4 2009 இந்தியன் பிரீமியர் லீக் 1 மே 2009 யுவராஜ் சிங் ராபின் ஊத்தப்பா, மார்க் பவுச்சர், ஜாக்வஸ் காலிஸ் கிங்ஸ் XI பஞ்சாப் ராயல் சேலஞ்சர்ஸ் பெங்களூர் 1
5 2009 இந்தியன் பிரீமியர் லீக் 6 மே 2009 ரோகித் சர்மா அபிஷேக் நாயர், ஹர்பஜன் சிங், ஜேபி டுமினி டெக்கான் சார்ஜர்ஸ் மும்பை இந்தியன்ஸ் 1
6. 2009 இந்தியன் பிரீமியர் லீக் 17 மே 2009 யுவராஜ் சிங்(2வது ஹேட்ரிக்) ஹெர்செல் கிப்ஸ், ஆன்ட்ரூ சைமன்ட்ஸ், வேணுகோபால் ராவ் கிங்ஸ் XI பஞ்சாப் டெக்கான் சார்ஜர்ஸ் 2

வருவாய் மற்றும் லாபங்கள்தொகு

ஐபிஎல் முதலாவது பருவத்தின் மூலம் இந்திய அரசுக்கு 91 கோடி வரி வருவாயாகக் கிட்டியது.[45][45]

சர்ச்சைகள்தொகு

ஐபிஎல்லின் காரணத்தால் உலகெங்கும் பல்வேறு கிரிக்கெட் வாரியங்களுடன் பல மோதல்களைச் சந்திக்கும் நிலையை பிசிசிஐ எதிர்கொண்டது. ஐபிஎல் சீசன் நிகழும் அதே காலத்தில் ஒப்பந்த வீரர்களின் தேசிய அணியின் ஆட்டங்களும் நிகழும் சமயத்தில், வீரர்கள் தங்கள் தேசிய அணியின் சர்வதேச சுற்றுப்பயணங்களில் விளையாட இயலும்படி செய்ய வேண்டும் என்பதே பிரச்சினையின் சாரம். இந்தப் பிரச்சினையைத் தீர்ப்பதற்காக, ஐபிஎல் சீசனுக்காகப் பிரத்யேகமாகச் சர்வதேச சுற்றுப்பயண நிகழ்வு கால அட்டவணையில் ஐசிசி காலம் ஒதுக்கித் தர வேண்டும் என்று பிசிசிஐ அதிகாரப்பூர்வமாகக் கோரிக்கை விடுத்தது. அடுத்து நடந்த ஐசிசி கூட்டத்தில் இந்தக் கோரிக்கை ஏற்றுக் கொள்ளப்படவில்லை.[46][46]

இங்கிலாந்து மற்றும் வேல்ஸ் கிரிக்கெட் வாரியத்துடனான மோதல்கள்தொகு

முதலாவது ஐபிஎல் தொடர் கவுன்டி சாம்பியன்சிப் மற்றும் நியூசிலாந்து அணியின் இங்கிலாந்து பயணம் ஆகியவை நடைபெற இருந்த அதே சமயத்தில் வந்ததால், கலந்து கொள்ளும் வீரர்கள்குறித்த பிரச்சினையை இசிபி மற்றும் கவுன்டி கிரிக்கெட் கிளப்புகள் பிசிசிஐயிடம் எழுப்பின. ஐபிஎல்லில் விளையாடுவதற்கு ஒரு முன்நிபந்தனையாக இருக்கும் வீரர்களுக்கான ஆட்சேபமின்மை சான்றிதழ்களில் தாங்கள் கையொப்பமிடப் போவதில்லை என்பதை இசிபி தெள்ளத்தெளிவாய் கூறி விட்டது. கவுன்டி கிளப் தலைவர்களும் தாங்கள் ஒப்பந்தம் செய்துள்ள வீரர்கள் தங்கள் கிளப்புகளுக்கு அளித்துள்ள உறுதிமொழியைப் பூர்த்தி செய்ய வேண்டியது அவசியம் என்று தெளிவாய்க் கூறி விட்டனர். இதன் விளைவாக, ஐபிஎல்லின் 2008 சீசனுக்கு ஒப்பந்தமான ஒரே இங்கிலாந்து வீரராக டிமிட்ரி மஸ்கரேனஸ் மட்டும் தான் இருந்தார்.[47]

ஐபிஎல்லில் வீரர்கள் இணைவது குறித்த ECB இன் கவலைகளின் விளைவால், கட்டமைப்பில் ஐபிஎல் போன்ற தங்களது சொந்த ட்வென்டி20 போட்டித்தொடரை உருவாக்குவது என்னும் ஒரு தீவிரமான பதில்நடவடிக்கை முன்வைக்கப்பட்டது. இங்கிலீஷ் பிரீமியர் லீக் என்னும் இந்த லீக் தொடரில் 21 அணிகள் ஏழு அணிகள் கொண்ட மூன்று குழுக்களில் இடம்பெறும், இந்தத் தொடர் கோடை பருவத்தின் நிறைவுவாக்கில் நடத்தப் பெறும் என முன்மொழிவானது.[48] இந்த லீகின் வெளியீட்டிற்கு டெக்சாஸ் பில்லியனரான ஆலன் ஸ்டான்ஃபோர்டு உதவ இருப்பதாக ECB அறிவித்தது.[49] மேற்கு இந்திய தீவுகளில் வருடத்திற்கு இரண்டு முறை வெற்றிகரமாக நடைபெறும் ஒரு போட்டித் தொடரான ஸ்டான்ஃபோர்டு 20/20 தொடரின் மூளையாக இருந்தவர் தான் இந்த ஸ்டான்ஃபோர்டு. பிப்ரவரி 17, 2009 இல் ஸ்டான்ஃபோர்டுக்கு எதிராக மோசடி விசாரணை நடத்தப்படுவது குறித்த செய்திகள் பகிரங்கமாக வந்தவுடன், ஸ்பான்சர்ஷிப் விஷயத்தில் ஸ்டான்ஃபோர்டுடன் பேச்சு நடத்துவதிலிருந்து ECB மற்றும் WICB வாபஸ் வாங்கி விட்டன.[50][51] பிப்ரவரி 20 இல், ஸ்டான்ஃபோர்டுடனான தனது உறவுகளையும் முறித்துக் கொண்டு விட்டதாகவும் அவருடனான அனைத்து ஒப்பந்தங்களையும் ரத்து செய்து விட்டதாகவும் ECB அறிவித்தது.[52]

கிரிக்கெட் ஆஸ்திரேலியாவுடன் மோதல்கள்தொகு

மேற்கு இந்திய தீவுகள் சுற்றுப்பயணத்திற்கான ஆஸ்திரேலிய வீரர்கள் பங்கேற்பு நிலவரம் மற்றும் கிரிக்கெட் ஆஸ்திரேலியாவின் ஸ்பான்ஷர்களுக்கு உலகளாவிய பாதுகாப்பு அளிப்பதான விருப்பம் ஆகிய விஷயங்களில் ஆஸ்திரேலியாவின் கிரிக்கெட் வாரியமான கிரிக்கெட் ஆஸ்திரேலியாவுடன் (CA) பிசிசிஐ மோதல்களைச் சந்தித்தது. தங்கள் ஸ்பான்சர்களுடன் நேரடி போட்டியாளர்களாக ஐபிஎல்லின் (மற்றும் அதன் அணிகளின்) ஸ்பான்சர்கள் இருப்பது ஏற்கனவே செய்யப்பட்டுள்ள ஏற்பாடுகளைச் சிக்கலுக்குள்ளாக்கும் என்று கிரிக்கெட் ஆஸ்திரேலியா அஞ்சியது. இறுதியில் இந்தப் பிரச்சினை தீர்க்கப்பட்டது,[53] அத்துடன் ஆஸ்திரேலிய வீரர்கள் மேற்கு இந்திய சுற்றுப்பயணத்திற்கு முழுக்கவும் இருப்பதற்கும் ஒப்புக் கொள்ளப்பட்டது.

பாகிஸ்தான் கிரிக்கெட் வாரியத்துடனான மோதல்கள்தொகு

பாகிஸ்தான் கிரிக்கெட் அணியில் புதுப்பிக்கப்பட்ட மத்திய ஒப்பந்தங்கள் கிடைக்கப் பெறாத (அல்லது புதிய ஒப்பந்தங்களை நிராகரிக்கத் தீர்மானித்த) பல வீரர்கள் போட்டி அமைப்பான இந்தியன் கிரிக்கெட் லீகில் (ஐசிஎல்) சேர முடிவெடுத்தனர். நவீத்-உல்-ஹாசன் மற்றும் முஸ்தாக் அகமது ஆகிய இத்தகைய இரண்டு வீரர்கள் இங்கிலாந்து கவுன்டிகளுடன் ஒப்பந்தங்கள் கொண்டிருந்தனர். இந்த வீரர்கள் இப்போது பாகிஸ்தான் கிரிக்கெட் வாரிய ஒப்பந்தத்தில் இல்லை என்பதால், அவர்கள் தங்களின் கவுன்டி அணிகளில் விளையாடுவதற்கு ஆட்சேபமின்மை சான்றிதழ்கள் வழங்காமலிருக்க முகாந்திரம் இல்லை என்கிற அடிப்படையில், அவர்களுக்கு ஆட்சேபமின்மை சான்றிதழ்கள் வழங்கப் பாகிஸ்தான் வாரியம் (பிசிபி) தீர்மானித்தது. ஆனால் இது ஐசிஎல் அமைப்பில் சேர்ந்த வீரர்கள்மீது தாங்கள் கொண்டிருந்த நிலைப்பாட்டுக்கு எதிராக அமைந்ததால், பிசிசிஐக்கு இது உகந்ததாக அமையவில்லை. 2008 ஆம் ஆண்டு நடந்த மும்பை தாக்குதல் சம்பவத்திற்குப் பிறகு, தனது வீரர்கள் ஐபிஎல் விளையாட இந்தியாவிற்கு பயணம் செல்வது பாதுகாப்பற்றது என்று பாகிஸ்தான் அரசு கருதியது. ஆனால், ஐபிஎல் தென்னாப்பிரிக்காவிற்கு மாற்றப்பட்ட போது, தங்களையும் ஆட அனுமதிக்கும்படி பாகிஸ்தான் வீரர்கள் ஐபிஎல் அமைப்பாளர்கள் மற்றும் லலித் மோடியிடம் கோரிக்கை வைத்தனர், ஆனால் அணிகள் ஏற்கனவே முடிவாகி விட்டதால், பாகிஸ்தான் வீரர்களுக்கு இடமில்லை என்று அவர்கள் கூறி விட்டனர். எப்படியாயினும், இரண்டாவது ஐசிசி உலகக்கோப்பை ட்வென்டி20 தொடரைப் பாகிஸ்தான் வென்றதையடுத்து, பல ஐபிஎல் உரிமையாளர்களும் தங்களது பாகிஸ்தான் வீரர்களைத் திரும்பவும் சேர்த்துக் கொள்வதில் ஆர்வமுடன் உள்ளனர்.

மற்ற வாரியங்களுடனான மோதல்கள்தொகு

மேற்கு இந்திய தீவுகள் கிரிக்கெட் வாரியம் (WICB) மற்றும் நியூசிலாந்து கிரிக்கெட் வாரியம் (NZCB) போன்ற சிறு வாரியங்களும் தங்களது அணி வளர்ச்சியிலும் ஏற்கனவே அபாயநிலையில் இருக்கும் நிதி சூழ்நிலையிலும் ஐபிஎல் ஏற்படுத்தக்கூடிய விளைவுகள்குறித்த கவலைகளை எழுப்பியுள்ளனர். சிறு நாடுகளின் கிரிக்கெட் வீரர்களுக்குப் பெரிய அளவுக்கு ஊதியம் கிட்டுவதில்லை என்பதால், அவர்கள் ஐபிஎல்லில் சேர அதிகம் ஊக்கமுற்றவர்களாக உள்ளனர்.

ஊடக கட்டுப்பாடுகள்தொகு

ஆரம்பத்தில் பிரீமியர் லீக் ஆட்டச் செய்திகளைச் சேகரிக்கும் ஊடகங்களுக்கு ஐபிஎல் கடுமையான கட்டுப்பாடுகளை விதித்திருந்தது, ஊடக ஒளிபரப்பைப் பொறுத்தவரை இதே போன்ற விளையாட்டு லீக் தொடர்களில் வட அமெரிக்காவில் பின்பற்றப்படும் அதே மாதிரியைப் பின்பற்ற வேண்டும் என்பதான விருப்பத்தில் விளைந்ததாக இது இருந்தது. நிகழ்வின் போது எடுக்கப்படும் படங்களை லைவ் கரண்ட் மீடியா இன்க் நிறுவனத்தின் (இந்த நிறுவனம் தான் இத்தகைய படங்களுக்கான உரிமைகளைப் பெற்றிருந்தது) கிரிக்கெட்.காம் மூலம் வாங்காமல் பயன்படுத்துவதற்கு கட்டுப்பாடு, மற்றும் கிரிக்கெட் அரங்கத்திலிருந்து போட்டிகுறித்த நேரலை ஒளிபரப்புக்கான தடை ஆகியவை குறிப்பிடத்தக்க நெறிமுறைகளில் அடக்கம். ஐபிஎல் போட்டிகளின் போது எடுக்கப்படும் அனைத்து படங்களையும் அதிகாரப்பூர்வ இணையதளத்தில் பதிவேற்றுவதற்கும் ஊடக ஏஜென்சிக்கள் ஒப்புக் கொள்ள வேண்டியிருந்தது. இது ஏற்றுக் கொள்ளத்தகாததாய் உலகெங்கிலுமான அச்சு ஊடகங்கள் கருதின. அவையனைத்தும் போட்டித் தொடரைப் புறக்கணிக்கப் போவதாக அச்சுறுத்தியதை அடுத்து, கட்டுப்பாடுகள் பலவற்றை ஐபிஎல் தளர்த்தியது.[54] அச்சு ஊடகங்கள் மற்றும் ஏஜென்சிக்களுக்கு முக்கிய சலுகைகள் அளிக்கும் திருத்தப்பட்ட வழிகாட்டல்கள் தொகுப்பினை ஏப்ரல் 15, 2008 இல் ஐபிஎல் வெளியிட்டது, இதனை இந்தியன் நியூஸ்பேப்பர் சொசைட்டி ஏற்றுக் கொண்டது.[55]

இந்தத் திருத்தப்பட்ட கட்டுப்பாடுகள் வந்தும் கூட, கிரிக்கெட் சிறப்பு இணையதளங்களான கிரிக்இன்ஃபோ மற்றும் கிரிக்கெட்365 ஆகிய தளங்கள் அரங்கிலிருந்து நேரடி வர்ணனையளிப்பதற்கும் ஊடக ஏஜென்சிக்களிடமிருந்து ஆட்டப் படங்களை வாங்குவதற்கும் தொடர்ந்து தடை இருந்தது. இதனையடுத்து ஏப்ரல் 18 இல், ராய்டர்ஸ் மற்றும் AFP உள்ளிட்ட பல்வேறு பெரிய சர்வதேச ஏஜென்சிக்களும் ஐபிஎல்லை புறக்கணிப்பதான தங்கள் முடிவை அறிவித்தனர்.[56]

இந்திய கிரிக்கெட் கிளப்புடனான மோதல்தொகு

ஐபிஎல் விதிகளின் படி, முந்தைய போட்டித்தொடரின் வெற்றியாளர் தான் இறுதிப் போட்டிக்கான இடத்தை முடிவு செய்கிறார்.[57] 2009 ஆம் ஆண்டில், நடப்பு சாம்பியன்களாக இருந்த, ராஜஸ்தான் ராயல்ஸ் அணியினர் மும்பை பிரபோன் ஸ்டேடியத்தை தேர்வு செய்தனர்.

ஆனால், பெவிலியன் பயன்பாடு தொடர்பான ஒரு மோதலில் அங்கு எந்த ஐபிஎல் போட்டிகளும் நடத்த முடியாத நிலை உருவானது. ஸ்டேடியத்திற்கு சொந்தக்காரர்களான இந்திய கிரிக்கெட் கிளப் உறுப்பினர்கள் போட்டி நாட்களில் பெவிலியனுக்கு மொத்த உரிமைகளுக்கும் சொந்தக்காரர்களாய் உள்ளனர், ஆனால் ஐபிஎல்லோ தனது ஸ்பான்சர்களுக்கென பெவிலியனைக் கோரியது.[58] உறுப்பினர்களுக்கு அரங்கத்தில் இலவச இருக்கைகள் அளிக்கப்படுவதாகக் கூறப்பட்டது, ஆனால் உறுப்பினர்களைப் பெவிலியனிலிருந்து வெளியேற்ற முடியாது என்று கூறி கிளப் இதனை நிராகரித்து விட்டது.

[59][60]

குறிப்புதவிகள்தொகு

  1. "IPL 2019: Meet the owners of the 8 teams taking the field in season 12". Moneycontrol. https://www.moneycontrol.com/news/trends/sports-trends/ipl-2019-meet-the-owners-of-the-8-teams-taking-the-field-in-season-12-2542331.html. பார்த்த நாள்: 15 August 2019. 
  2. Bharath Seervi (30 May 2016). "A great tournament for captains, a poor one for spinners". பார்த்த நாள் 20 February 2019.
  3. "IPL all seasons' results". Board of Control for Cricket in India. பார்த்த நாள் 20 February 2019.
  4. 4.0 4.1 4.2 4.3 "2008 IPL Final scorecard, venue and MVP details". ESPNcricinfo. பார்த்த நாள் 20 February 2019.
  5. "IPL 2008 season squads". ESPNcricinfo. பார்த்த நாள் 20 February 2019.
  6. 6.0 6.1 6.2 6.3 "2009 IPL Final scorecard, venue and MVP details". ESPNcricinfo. பார்த்த நாள் 20 February 2019.
  7. "IPL 2009 season squads". ESPNcricinfo. பார்த்த நாள் 20 February 2019.
  8. 8.0 8.1 8.2 8.3 "2010 IPL Final scorecard, venue and MVP details". ESPNcricinfo. பார்த்த நாள் 20 February 2019.
  9. "IPL 2010 season squads". ESPNcricinfo. பார்த்த நாள் 20 February 2019.
  10. 10.0 10.1 10.2 10.3 "2011 IPL Final scorecard, venue and MVP details". ESPNcricinfo. பார்த்த நாள் 20 February 2019.
  11. "IPL 2011 season squads". ESPNcricinfo. பார்த்த நாள் 20 February 2019.
  12. 12.0 12.1 12.2 12.3 "2012 IPL Final scorecard, venue and MVP details". ESPNcricinfo. பார்த்த நாள் 20 February 2019.
  13. "IPL 2012 season squads". ESPNcricinfo. பார்த்த நாள் 20 February 2019.
  14. 14.0 14.1 14.2 14.3 "2013 IPL Final scorecard, venue and MVP details". ESPNcricinfo. பார்த்த நாள் 20 February 2019.
  15. "IPL 2013 season squads". ESPNcricinfo. பார்த்த நாள் 20 February 2019.
  16. 16.0 16.1 16.2 16.3 "2014 IPL Final scorecard, venue and MVP details". ESPNcricinfo. பார்த்த நாள் 20 February 2019.
  17. "IPL 2014 season squads". ESPNcricinfo. பார்த்த நாள் 20 February 2019.
  18. 18.0 18.1 18.2 18.3 "2015 IPL Final scorecard, venue and MVP details". ESPNcricinfo. பார்த்த நாள் 20 February 2019.
  19. "IPL 2015 season squads". ESPNcricinfo. பார்த்த நாள் 20 February 2019.
  20. 20.0 20.1 20.2 20.3 "2016 IPL Final scorecard, venue and MVP details". ESPNcricinfo. பார்த்த நாள் 20 February 2019.
  21. "IPL 2016 season squads". ESPNcricinfo. பார்த்த நாள் 20 February 2019.
  22. 22.0 22.1 22.2 22.3 "2017 IPL Final scorecard, venue and MVP details". ESPNcricinfo. பார்த்த நாள் 20 February 2019.
  23. "IPL 2017 Squads". ESPNcricinfo. பார்த்த நாள் 20 February 2019.
  24. 24.0 24.1 24.2 "2018 IPL Final scorecard, venue and MVP details". ESPNcricinfo. பார்த்த நாள் 20 February 2019.
  25. "IPL 2018 Squads". ESPNcricinfo. பார்த்த நாள் 20 February 2019.
  26. 26.0 26.1 26.2 "Full Scorecard of Mumbai Indians vs Chennai Super Kings, Indian Premier League, Final - Score Report | ESPNcricinfo.com" (en).
  27. "IPL 2019 season squads". ESPNcricinfo. பார்த்த நாள் 20 February 2019.
  28. "IPL players' auction to be held on 20 February". Cricinfo.
  29. "Kushal Pal Singh". Forbes.com (3-11-09). பார்த்த நாள் 9 March 2010.
  30. "Kingfisher Airlines named IPL's umpire partner". The Economic Times. 20 March 2008. http://economictimes.indiatimes.com/News/News_By_Industry/Transportation/Airlines__Aviation/Kingfisher_Airlines_named_IPLs_umpire_partner/articleshow/2884409.cms. பார்த்த நாள்: 2009-05-08. 
  31. "Five-year sponsorship agreements". The Globe and Mail (23 மார்ச் 10). பார்த்த நாள் 23 March 2010.
  32. "Stiff clauses leave only 4 in race for IPL teams". The Economic Times. பார்த்த நாள் 9 March 2010.
  33. [1]
  34. IPL teams become hot commodity LiveMint article
  35. Lalit Modi ambition could create problems for IPL franchises
  36. IPL targets 80 licensing and merchandising deals this year
  37. DCI Mobile studios and; Sigma Ventures acquire global mobile Applications rights for IPL T20
  38. "All about the Indian Premier League (IPL)". NDTV (2009 பிப்ரவரி 05). பார்த்த நாள் 2009-08-13.
  39. Cricinfo, "Thrills, spills, yawns"
  40. http://www.india-server.com/news/about-24-million-watched-ipl-final-1605.html
  41. அனைவரின் கண்களும் ஏலத்தின் மீதிருக்க மெதுவான பரிவர்த்தனை, வீரர்களை ஒப்பந்தம் செய்வதற்கான ஐபிஎல் விதிகள் குறித்து சுருக்கமான விவாதம்.
  42. வீரர்கள் மாற்றத்திற்கான நெறிமுறைகளை ஐபிஎல் வகுக்கிறது, மாற்றத்தின் மூலம் வீரர்களை ஒப்பந்தம் செய்வது குறித்த ஐபிஎல் விதிகள் குறித்து விவாதிக்கப்படுகிறது.
  43. http://content-usa.cricinfo.com/india/content/story/374805.html, வீரர்கள் பரிவர்த்தனையின் போதான ஐபிஎல் விதிகள்.
  44. "Live Current Media Inc. and DLF Indian Premier League To Launch IPLT20.com as Official IPL Online Destination". livecurrent.com (18 April 2008).
  45. 45.0 45.1 91 கோடி ரூபாய் மீதான இந்தியா டுடே கட்டுரை
  46. 46.0 46.1 "ICC approval for IPL, no backing for ICL". IndiaTimes Cricket/PTI.
  47. "Dimitri Mascarenhas signs for Indian Premier League". Mirror.co.uk.
  48. "Lord's and The Oval may host IPL exhibition games". Cricinfo. 2008-03-29. http://content-usa.cricinfo.com/england/content/story/344424.html. பார்த்த நாள்: 2008-04-12. 
  49. பிபிசி ஸ்போர்ட் | கிரிக்கெட் | இங்கிலாந்து | பெரும்பண ஆட்டத்தை ஏற்றுக் கொள்ள இசிபி தயார்
  50. "US tycoon charged over $8bn fraud". BBC News. February 17, 2009. http://news.bbc.co.uk/1/hi/world/americas/7895505.stm?lss. 
  51. "Cricket: ECB suspend talks with Stanford over fraud accusation". AFP. February 17, 2009. Archived from the original on May 16, 2013. http://web.archive.org/web/20130516072925/http://www.google.com/hostednews/afp/article/ALeqM5gTCBAymO-w9rs6LyZqMnXcTl2hdw. 
  52. ஆலன் ஸ்டான்ஃபோர்டுடன் இங்கிலாந்து மற்றும் வேல்ஸ் கிரிக்கெட் வாரியம் ஒப்பந்தத்தை முடித்துக் கொள்கிறது, அசோசியேடட் பிரஸ், பிப்ரவரி 20, 2009
  53. "Cricket Australia under thumb". Fox Sports. 2008 பிப்ரவரி 10. http://www.foxsports.com.au/story/0,8659,23189909-23212,00.html. பார்த்த நாள்: 2008-04-12. 
  54. "Modi climbs down on IPL media guidelines issue". The Hindu. 2008-04-13. http://www.hindu.com/2008/04/13/stories/2008041360150100.htm. பார்த்த நாள்: 2008-05-26. 
  55. "IPL sorts out issues with media". The Times of India. 2008-04-15. http://ipl.timesofindia.indiatimes.com/IPL_sorts_out_issues_with_media/articleshow/2954338.cms. பார்த்த நாள்: 2008-05-26. 
  56. "World news agencies to shun IPL due to curbs". 2008-04-18. Archived from the original on 2008-04-30. http://web.archive.org/web/20080430201021/http://afp.google.com/article/ALeqM5hyZhQPLagSrr820vmH0xSeykWASg. 
  57. "Jaipur could lose its IPL matches". Cricinfo. 2009 பிப்ரவரி 16. http://content-usa.cricinfo.com/ipl2009/content/story/391001.html. பார்த்த நாள்: 2009-03-05. 
  58. "Where should Mumbai Indians hold its IPL Matches?". Cricket 360. 2009 பிப்ரவரி 26. http://www.cricket360.com/1364-where-should-mumbai-indians-hold-its-ipl-matches.html. பார்த்த நாள்: 2009-03-05. 
  59. "CCI members oppose restricted access proposal". Times of India. 2009 பிப்ரவரி 15. http://timesofindia.indiatimes.com/Mumbai/CCI_members_oppose_restricted_access_proposal/articleshow/4129961.cms. பார்த்த நாள்: 2009-03-05. 
  60. "ATN gains Canadian broadcast rights of IPL". rsp. http://ipl2season.blogspot.com/2009/03/atn-gains-canadian-broadcast-rights-of.html. 

புற இணைப்புகள்தொகு