அப்பாஸ் தியாப்ஜி
அப்பாஸ் தியாப்ஜி (Abbas Tyabji) (1 பிப்ரவரி 1854 - 9 ஜூன் 1936) குசராத்தைச் சேர்ந்த இந்திய சுதந்திரப் போராட்ட வீரரும் மகாத்மா காந்தியின் கூட்டாளியுமாவார். பரோடா மாநிலத்தின் தலைமை நீதிபதியாகவும் பணியாற்றினார். இடதுசாரி வரலாற்றாசிரியர் இவரது இர்பன் அபீப் பேரனாவார்.[2]
| அப்பாஸ் தியாப்ஜி | |
|---|---|
 1934 இல் நடந்த ஒரு கூட்டத்தைல் காந்தியுடன் அப்பாஸ் தியாப்ஜி | |
| பிறப்பு | 1 பெப்ரவரி 1854 பரோடா அரசு, பம்பாய் மாகாணம், பிரித்தானிய இந்தியா |
| இறப்பு | 9 சூன் 1936 (அகவை 82) முசோரி, ஐக்கிய மாகாணம், பிரித்தானியாவின் இந்தியப் பேரரசு |
| மற்ற பெயர்கள் | "குசராத்தின் பெரிய முதியவர்" |
| அரசியல் கட்சி | இந்திய தேசிய காங்கிரசு |
| உறவினர்கள் | சாலிம் அலி (மருமகன்)[1] |
குடும்பமும் பின்னணியும்
தொகுஅப்பாஸ் தியாப்ஜி, குசராத்திலுள்ள காம்பேயில் சுலைமானி போக்ரா அரபு குடும்பத்தில் பிறந்தார். இவர் சம்சுதீன் தியாப்ஜினுமாவார். இவரது தந்தையின் மூத்த சகோதரர் பத்ருதீன் தியாப்ஜி பம்பாய் உயர் நீதிமன்றத்தின் நீதிபதியாகவும், இந்திய தேசிய காங்கிரசின் ஆரம்பகால தலைவராகவும் இருந்தார். பிறகு பாரிஸ்டர் ஆன முதல் இந்தியர் இவர்தான்
ஆரம்ப கால வாழ்க்கை
தொகுஅப்பாஸ் தியாப்ஜி, பரோடா மாநிலத்தில் பிறந்தார். அங்கு இவரது தந்தை கெய்க்வாட் மகாராஜாவின் சேவையில் இருந்தார். இங்கிலாந்தில் படித்த இவர், அங்கு பதினொரு ஆண்டுகள் வாழ்ந்தார். பறவையியல் நிபுணர் சாலிம் அலி இவரது மருமகன்.
ஒரு நீதிபதியாக அவரது முழுமையான நேர்மை மற்றும் நேர்மை ஆகியவை இடதுசாரி காங்கிரஸ்காரர்கள் மற்றும் பிரித்தானிய எதிர்ப்பு தீவிரவாதிகளால் கூட பரவலாக அங்கீகரிக்கப்பட்டு பாராட்டப்பட்டன.[3] இங்கிலாந்தில் படித்த பாரிஸ்டர் என்ற முறையில், தியாப்ஜிக்கு பரோடா மாநில நீதிமன்றத்தில் ஒரு நீதிபதியாக வேலை கிடைத்தது. இவரது வாழ்க்கை முழுவதும், பரோடா மன்னனின் உறுதியான விசுவாசியாக இருந்தார். மேற்கத்திய முறைப்படி தன் குழந்தைகளை வளர்த்து, தன் குழந்தைகளை உயர்கல்விக்காக இங்கிலாந்துக்கு அனுப்பி, காலப்போக்கில் நீதித்துறையில் உயர்ந்து பரோடா மாநில உயர் நீதிமன்றத்தின் தலைமை நீதிபதியாகி ஓய்வு பெற்றார்.
பெண்களின் கல்வி மற்றும் சமூக சீர்திருத்தத்தை ஆதரித்தார். பெண்களின் உரிமைகளுக்கான ஆரம்பகால ஆதரவாளராக இருந்தார். பர்தா கட்டுப்பாடுகளை புறக்கணித்து, தனது மகள்களை பள்ளிக்கு அனுப்பியதன் மூலம் இவர் காலத்தின் நடைமுறையில் இருந்த வழக்கத்தை உடைத்தார்.[4][5] இவரது மகள் சோகைலா, புகழ்பெற்ற வரலாற்றாசிரியர் இர்பான் அபீப்பின் தாயார் ஆவார்.[6]
இந்திய சுதந்திர இயக்கம்
தொகு1917 இல் கோத்ராவில் நடைபெற்ற சமூக மாநாட்டில் மகாத்மா காந்தியுடன் அப்பாஸ் தியாப்ஜி கலந்து கொண்டார். அந்த நேரத்தில், இவர் ஒரு மேற்கத்திய வாழ்க்கை முறையை வழிநடத்தி, பழுதடையாத வகையில் வடிவமைக்கப்பட்ட ஆங்கில உடைகளை அணிந்து, பிரித்தானிய மாதிரியாகக் காணப்பட்டார்.[7] 1919 இல் ஜாலியன் வாலாபாக் படுகொலைக்குப் பிறகு, இந்திய தேசிய காங்கிரசால் ஒரு சுயாதீன உண்மை கண்டறியும் குழுவின் தலைவராக நியமிக்கப்பட்டபோது அது அனைத்தும் மாறியது. ரெசினால்டு டையர் செய்த அட்டூழியங்களை நேரில் கண்ட சாட்சிகள் மற்றும் பாதிக்கப்பட்ட நூற்றுக்கணக்கானவர்களை இவர் குறுக்கு விசாரணை செய்தார். இந்த அனுபவம் இவரை காந்தியை பின்பற்றுபவராக்கியது.
தனது மேற்கத்திய பாணி பிரபுத்துவ வாழ்க்கையை விட்டுவிட்டு, காந்தி இயக்கத்தின் பல சின்னங்களை ஏற்றுக்கொண்டார். ஆங்கில ஆடைகளை எரித்து, காதி நூற்று அதையே அணிந்தார்.[8] மூன்றாம் வகுப்பு ரயில் பெட்டிகளில் நாடு முழுவதும் பயணம் செய்தார், எளிய தர்மசாலைகள் மற்றும் ஆசிரமங்களில் தங்கி. தரையில் தூங்கினார். மேலும், பிரித்தானிய இந்திய அரசாங்கத்திற்கு எதிராக சத்தியாகிரகத்தை பிரசங்கித்து பல மைல்கள் நடந்து சென்றார். தன்னுடைய எழுபது வயதைக் கடந்தும் இந்தப் புதிய வாழ்க்கை முறையைத் தொடர்ந்தார். பல ஆண்டுகள் பிரித்தானிய சிறைகளில் இருந்தார். 1928 இல், இவர் சர்தார் வல்லபாய் படேலை பர்தோலி சத்தியாகிரகத்தில் ஆதரித்தார். இதில் பிரித்தானிய துணி மற்றும் பொருட்களைப் புறக்கணித்தார். தியாப்ஜியின் மகள் சோகைலா இவ்வாறு கூறுகிறார். "குடும்பத்தின் வெளிநாட்டு ஆடைகளுடன் ஒரு காளை வண்டியில் ஏற்றியது நினைவுக்கு வந்தது. அதில் தன் தாயின் "சிறந்த ஐரிஷ் துணி, படுக்கை விரிப்புகள், மேஜை கவர்கள்...", தனது தந்தையின் "அங்கர்கா, சௌகாஸ் மற்றும் ஆங்கில உடைகள்", தனது சொந்த உடைகள் "பிடித்த பட்டு மற்றும் வெல்வெட் தொப்பிகள்" அனைத்தும் ஏற்றப்பட்டு எரிக்க கொடுக்கப்பட்டது.
உப்பு சத்தியாகிரகம்
தொகு
1930 ஆம் ஆண்டின் தொடக்கத்தில், இந்திய தேசிய காங்கிரசு முழு தன்னாட்சி சாற்றல் அல்லது பிரித்தானிய இராச்சியத்திலிருந்து சுதந்திரத்தை அறிவித்தது. சட்ட மறுப்பு அல்லது சத்தியாகிரகத்தின் முதல் செயலாக, மகாத்மா காந்தி பிரித்தானிய உப்பு வரிக்கு எதிராக நாடு தழுவிய வன்முறையற்ற போராட்டத்தைத் தேர்ந்தெடுத்தார். காந்தி விரைவில் கைது செய்யப்படுவார் என்று காங்கிரசு அதிகாரிகள் நம்பினர். மேலும் காந்தி கைது செய்யப்பட்டால் உப்பு சத்தியாகிரகத்திற்கு தலைமை தாங்க காந்தியின் உடனடி வாரிசாக தியாப்ஜியைத் தேர்ந்தெடுத்தனர். 1930 ஆம் ஆண்டு மே 4 ஆம் தேதி, தண்டிக்கு உப்பு அணிவகுப்புக்குப் பிறகு, காந்தி கைது செய்யப்பட்டார். மேலும், குசராத்தில் உள்ள தாராசனா உப்பளங்களில் நடந்த உப்பு சத்தியாக்கிரகத்தின் அடுத்த கட்ட சோதனைக்கு தியாப்ஜி பொறுப்பேற்றார்.[9][10]
7 மே 1930 அன்று, தியாப்ஜி தாரசானா சத்தியாகிரகத்தைத் தொடங்கினார். சத்தியாக்கிரகிகளின் கூட்டத்தில் உரையாற்றினார், மேலும் காந்தியின் மனைவி கஸ்தூரிபாய் காந்தி இவருடன் இணைந்து அணிவகுத்து நின்றார்.[11] மே 12 அன்று, தாராசானாவை அடைவதற்கு முன்பு, தியாப்ஜி மற்றும் 58 சத்தியாக்கிரகிகள் ஆங்கிலேயர்களால் கைது செய்யப்பட்டனர். அந்த நேரத்தில், சரோஜினி நாயுடு, சத்தியாகிரகத்தை வழிநடத்த நியமிக்கப்பட்டார். இது இந்தியாவின் சுதந்திரப் போராட்டத்தின் மீதான உலக கவனத்தை ஈர்த்தது.[12]
காந்தியின் கைதுக்குப் பிறகு மே 1930 இல் உப்பு சத்தியாகிரகத்தின் தலைவராக அவருக்குப் பதிலாக எழுபத்தாறு வயதில் தியாப்ஜியை மகாத்மா காந்தி நியமித்தார். தியாப்ஜி விரைவில் பிரித்தானிய இந்திய அரசால் கைது செய்யப்பட்டு சிறையில் அடைக்கப்பட்டார். காந்தியும் மற்றவர்களும் தியாப்ஜியை "குசராத்தின் பெரிய முதியவர்" என்று மரியாதையுடன் அழைத்தனர்.[13]
இறப்பு
தொகுஅப்பாஸ் தியாப்ஜி 9 ஜூன் 1936 அன்று முசோரியில் (இப்போது உத்தராகண்டில் உள்ளது) இறந்தார் [14] இவரது மரணத்திற்குப் பிறகு, காந்தி ஹரிஜன் செய்தித்தாளில் "ஜி. ஓ. எம். ஆஃப் குஜராத்" (குஜராத்தின் கிராண்ட் ஓல்ட் மேன்) என்ற தலைப்பில் ஒரு கட்டுரை எழுதினார்.
சான்றுகள்
தொகு- ↑ Ali, Salim (1985). The Fall of a Sparrow. ஒக்ஸ்போர்ட் பல்கலைக்கழகப் பதிப்பகம். p. 18. பன்னாட்டுத் தரப்புத்தக எண் 0-19-562127-1.
- ↑ Nauriya, Anil (24 December 2002). "Memories of Another Gujarat". The Hindu இம் மூலத்தில் இருந்து 1 பிப்ரவரி 2008 அன்று. பரணிடப்பட்டது.. https://web.archive.org/web/20080201083805/http://www.hinduonnet.com/2002/12/24/stories/2002122400941000.htm.
- ↑ Ali, Salim (1988). The Fall of a Sparrow. Oxford University Press. பன்னாட்டுத் தரப்புத்தக எண் 978-0-19-562127-3.
- ↑ Forbes, Geraldine Hancock (1999). Women in Modern India. Cambridge University Press. பன்னாட்டுத் தரப்புத்தக எண் 0-521-65377-0.
- ↑ Nauriya, Anil. "Remember Abbas Tyabji?".
- ↑ Nauriya, Anil. "Memories of Another Gujarat".Nauriya, Anil (24 December 2002).
- ↑ Karlitzky, Maren (2002). "The Tyabji Clan–Urdu as a Symbol of Group Identity". Annual of Urdu Studies (Center for South Asia, University of Wisconsin–Madison) 17. http://digital.library.wisc.edu/1793/18430.
- ↑ Karlitzky, Maren (2002). "The Tyabji Clan–Urdu as a Symbol of Group Identity". Annual of Urdu Studies (Center for South Asia, University of Wisconsin–Madison) 17. http://digital.library.wisc.edu/1793/18430.Karlitzky, Maren (2002).
- ↑ Nauriya, Anil (3 August 2008). "Remember Abbas Tyabji?". தி இந்து இம் மூலத்தில் இருந்து 3 மார்ச் 2014 அன்று. பரணிடப்பட்டது.. https://archive.today/20140303102829/http://www.hindu.com/mag/2008/08/03/stories/2008080350070200.htm.Nauriya, Anil (3 August 2008).
- ↑ Ackerman, Peter (2000). A Force More Powerful: A Century of Nonviolent Conflict.
- ↑ Bakshi, Shiri Ram. Advanced History of Modern India.
- ↑ Ackerman, Peter (2000). A Force More Powerful: A Century of Nonviolent Conflict.Ackerman, Peter; DuVall, Jack (2000).
- ↑ "ONE OF MY STAUNCHEST FRIENDS GONE.
- ↑ Nauriya, Anil (3 August 2008). "Remember Abbas Tyabji?". தி இந்து இம் மூலத்தில் இருந்து 3 மார்ச் 2014 அன்று. பரணிடப்பட்டது.. https://archive.today/20140303102829/http://www.hindu.com/mag/2008/08/03/stories/2008080350070200.htm.Nauriya, Anil (3 August 2008).
குறிப்புகள்
தொகு- Ackerman, Peter; DuVall, Jack (2000). A Force More Powerful: A Century of Nonviolent Conflict. Palgrave Macmillan. பன்னாட்டுத் தரப்புத்தக எண் 0-312-24050-3.
- Ali, Salim (1988). The Fall of a Sparrow. Oxford University Press. பன்னாட்டுத் தரப்புத்தக எண் 978-0-19-562127-3.
- Bakshi, Shiri Ram (1995). Advanced History of Modern India. India: Anmol Publications. பன்னாட்டுத் தரப்புத்தக எண் 81-7488-007-0.
- Forbes, Geraldine Hancock (1999). Women in Modern India. Cambridge University Press. பன்னாட்டுத் தரப்புத்தக எண் 0-521-65377-0.
- Gandhi, Mahatma. "Collected Works of Mahatma Gandhi". GandhiServe Foundation. Archived from the original on 9 May 2008. பார்க்கப்பட்ட நாள் 27 January 2008.
- Karlitzky, Maren (2002). "The Tyabji Clan–Urdu as a Symbol of Group Identity". Annual of Urdu Studies (Center for South Asia, University of Wisconsin–Madison) 17. http://digital.library.wisc.edu/1793/18430.