ஆதித்தியன்

இக்கட்டுரை இசையமைப்பாளர் பற்றியது. 1993 தமிழ்த் திரைப்படம் பற்றிய கட்டுரைக்கு ஆதித்யன் (திரைப்படம்) கட்டுரையைப் பார்க்க.

ஆதித்தியன் (இயற்பெயர்: டைட்டஸ், 9 ஏப்ரல், 1954 - 6 டிசம்பர், 2017) என்பவர் இந்தியத் திரைப்பட இசையமைப்பாளர் ஆவார். இவர் தமிழ்த் திரைப்படங்களுக்கு மட்டுமல்லாது தெலுங்கு, மலையாளம் போன்ற திரைப்படங்களுக்கும் இசையமைத்துள்ளார். மேலும் இவர் தான் இசையமைத்த படங்களிலும், பிற இசையமைப்பாளர்கள் இசையமைப்பிலும் பல பாடல்களைப் பாடியுள்ளார். இவர் இந்தியாவிலும், மலேசியாவிலும் பல தமிழ் பாப் & ரீமிக்ஸ் ஆல்பங்களை உருவாக்கி வெளியிட்டுள்ளார். ஜெயா தொலைக்காட்சியில் இவரது சமையல் நிகழ்ச்சியான 'ஆதித்யன் கிச்சன்' என்ற நிகழ்ச்சியை 8 ஆண்டுகள் நடத்தினார். இவர் ஒரு ஓவியக் கலைஞராகவும் இருந்தார், இவரது ஓவியங்கள் பல வீட்டுச் சுவர்களை அலங்கரிக்கின்றன. இவர் 2017 திசம்பர் 5 அன்று உடல்நலக் குறைவால் ஹைதராபாத்தில் தன் 63 வயதில் காலமானார்.

ஆதித்யன்
இயற்பெயர்	டைட்டஸ்
பிறப்பு	ஏப்ரல் 9, 1954 தமிழ்நாடு, தஞ்சாவூர்
இறப்பு	திசம்பர் 6, 2017(2017-12-06) (அகவை 63) ஆந்திரப் பிரதேசம், ஐதராபாத்து
தொழில்(கள்)	இசையமைப்பாளர்
இசைத்துறையில்	1992–2003

வாழ்க்கை

ஒலி வடிவமைப்பாளராக தனது வாழ்க்கையைத் துவங்கிய இவர், "வெத்தல போட்ட" மற்றும் "சந்திரரே சூரியரே" போன்ற பாடல்கள் இடம்பெற்ற அமரன் (1992) படத்தில் இசையமைப்பாளராக அறிமுகமானார். மேலும் இவர் மாமன் மகள், லக்கிமேன், அசுரன், சீவலப்பேரி பாண்டி, கோவில்பட்டி வீரலட்சுமி உள்ளிட்ட 30 இக்கும் மேற்பட்ட படங்களுக்கு இசையமைத்துள்ளார்.

திரைப்படங்கள்

ஆண்டு	படம்	மொழி	குறிப்பு
1992	அமரன்	தமிழ்
1992	நாளைய செய்தி	தமிழ்
1992	டேவிட் அங்கிள்	தமிழ்
1993	மின்மினி பூச்சிகள்	தமிழ்
1994	சீவலப்பேரி பாண்டி	தமிழ்
1994	சின்னபுள்ள	தமிழ்
1995	தொட்டில் குழந்தை	தமிழ்
1995	உதவும் கரங்கள்	தமிழ்
1995	லக்கி மேன்	தமிழ்
1995	அசுரன்	தமிழ்
1995	மாமன் மகள்	தமிழ்
1996	அருவா வேலு	தமிழ்
1996	கிழக்கு முகம்	தமிழ்
1996	துறைமுகம்	தமிழ்
1997	மை இந்தியா	தமிழ்
1997	ரோஜா மலரே	தமிழ்
1998	கலர் கனவுகள்	தமிழ்
1998	ஆசைத் தம்பி	தமிழ்
1999	சிவன்	தமிழ்
1999	காமா	தமிழ்
2000	அதே மனிதன்	தமிழ்
2001	சூப்பர் குடும்பம்	தமிழ்
2003	கோவில்பட்டி வீரலட்சுமி	தமிழ்