விக்கிப்பீடியா

இந்தியப் பாரம்பரியத் திரைப்பட அறக்கட்டளை

இந்திய இலாப நோக்கற்ற அமைப்பு

பாரம்பரியத் திரைப்பட அறக்கட்டளை (Film Heritage Foundation) என்பது இந்தியாவின், மும்பையை தளமாக கொண்ட ஒரு இலாப நோக்கற்ற அமைப்பாகும். இது திரைப்படச் சுருள் பாதுகாப்பு, மறு பிரதியாக்கம், இந்தியாவின் பாரம்பரியத் திரைப்படங்களை காப்பகப்படுத்தல் உள்ளிட்ட நோக்கங்களுக்காக உருவாக்கபட்டுள்ளது.[1]

இந்தியப் பாரம்பரியத் திரைப்பட அறக்கட்டளை
உருவாக்கம்2014
நிறுவனர்சிவேந்திர சிங் துங்கர்பூர்
வகைஇலாப நோக்கற்ற அமைப்பு
நோக்கம்திரைச் சுருள் பாதுகாப்பு, மறுபடியாக்கம், ஆவணக் காப்பகம்
தலைமையகம்
வலைத்தளம்filmheritagefoundation.co.in

வரலாறு

தொகு

பாரம்பரியத் திரைப்பட அறக்கட்டளையானது 2014 இல் சிவேந்திர சிங் துங்கர்பூர் என்பவரால் நிறுவப்பட்டது.[2][3]

2015 ஏப்ரலில் சிட்னியில் நடைபெற்ற பன்னாட்டு திரைப்பட ஆவணக் காப்பகங்களின் (எப்.ஐ.ஏ.எப்) பொதுச் சபையில் செயற்குழுவால் அதன் இணை உறுப்பினராக பாரம்பரித் திரைப்பட அறக்கட்டளை ஏற்றுக்கொள்ளப்பட்டது. அதன் நிறுவன இயக்குநரான சிவேந்திர சிங் துங்கர்பூர் எப்.ஐ.ஏ.எப்-இன் செயற்குழு உறுப்பினராக நான்கு முறை தேர்ந்தெடுக்கப்பட்டுள்ளார்.[4]

பாரம்பரியத் திரைப்பட அறக்கட்டளையின் செயல்பாடுகளாக திரைப்படங்கள் மற்றும் திரைப்படம் தொடர்பான நினைவுச் சின்னங்களை பாதுகாத்தல், ஆவணக் காப்பகப் பணியை செய்தல், திரைப்பட மறு பிரதியாக்கம், பயிற்சியளித்தல், கல்வி, சேகரிக்கவேண்டிய திரைப்படங்களைத் தேர்ந்தெடுத்தல், மக்கள் தொடர்பாடல், பரப்புரை உள்ளிட்ட திரைப்படப் பாதுகாப்பு தொடர்பான முழு பணிகளையும் உள்ளடக்கியது. பாரம்பரியத் திரைப்பட அறக்கட்டளையின் முக்கிய நடவடிக்கைகளில் செல்லுலாய்டு மற்றும் எண்ணிம படங்கள், திரைப்படம் தொடர்பான நினைவுச் சின்னங்கள் போன்றவற்றைப் பாதுகாத்தல் போன்வை அடங்கும்.[5][6]

அறக்கட்டளையின் முதன்மை நோக்கமாக படங்கள், திரைப்படம் தொடர்பான நினைவுச் சின்னங்களைப் பாதுகாக்கும் இரண்டு செயல்கள் உள்ளன.[7][8] 2015 ஆம் ஆண்டில், அறக்கட்டளையானது தங்களது திரைப்பட பாதுகாப்புப் பணி மற்றும் மறு பிரதியாக்கப் பட்டறை போன்றவற்றிற்காக வணிகர்கள், பாலிவுட் நடிகர்கள் போன்றோரிடம் நிதி திரட்டியது.[9]

இந்த அறக்கட்டளை கல்வி மற்றும் பயிற்சி திட்டங்களையும் நடத்துகிறது. நாடு முழுவதும் பழையத் திரைப்படங்களைப் பாதுகாத்தல் மற்றும் மறு பிரதியாக்கம் குறித்த பயிற்சிப் பட்டறைகளை தோடர்ந்து நடத்துகிறது.[10] 2019 ஆம் ஆண்டில், அறக்கட்டளையானது இந்திய நடிகரான ராஜ் கபூரின் நினைவுப் பொருட்களை பாதுகாக்கும் நோக்கத்துடன் பெற்றது.[11] இந்த அறக்கட்டளை 2018 ஆம் ஆண்டில் வாய்வழி வரலாற்றுத் திட்டத்தைத் துவக்கியது. அதில் நிரந்தர வரலாற்று மற்றும் கலாச்சார பதிவுக்காக, இந்தியாவின் மிகச் சிறந்த திரைப்பட ஆளுமைகளில் சிலரான அடூர் கோபாலகிருஷ்ணன், புத்ததேப் தாஸ்குப்தா, மணிரத்னம், அமிதாப் பச்சன், சௌமித்திர சாட்டர்ஜி, கௌதம் கோஸ் மற்றும் அபர்ணா சென் ஆகியோரை நேர்காணல் செய்தது.[12][13] டாடா அறக்கட்டளை 2017 ஆம் ஆண்டில் மூன்று ஆண்டு மானியத்துடன் இவர்களின் வருடாந்திர திரைப்பட பாதுகாப்பு மற்றும் மறு பிரதியாக்கம், பயிற்சிப் பட்டறைகளில் பங்கேற்பாளர்களுக்கு உதவித்தொகை வழங்கியது.[14]

2015 இல், மார்ட்டின் ஸ்கோர்செசியின் திரைப்பட அறக்கட்டளை மும்பையில் பாரம்பரியத் திரைப்பட அறக்கட்டளையின் முதல் திரைப்பட பாதுகாப்பு மற்றும் மறுப் பிரதியாக்கப் பட்டறைக்கு தங்கள் உதவியை அளித்தது.[15][16]

பத்தாண்டுகளாக இந்தியாவின் பாரம்பரித் திரைப்படங்களைப் பாதுகாத்து மீட்டெடுப்பதில் அறக்கட்டளையின் பணியைக் கொண்டாடும் வகையில், மும்பை வி.டி. இல் உள்ள பொது அஞ்சல் அலுவலகத்தில் (GPO) 14, சூன், 2024 அன்று நடந்த விழாவில் இந்திய அஞ்சல் துறை சிறப்பு அஞ்சலட்டை மற்றும் நீக்க முத்திரையை ஆகியவற்றை வெளியிட்டது. அந்த நிகழ்வுக்கு புகழ்பெற்ற திரைப்படப் படைப்பாளி சியாம் பெனகல், கவிஞர், எழுத்தாளர், பாடலாசிரியர், திரைப்படப் படைப்பாளி குல்சார், மகாராட்டிர மற்றும் மும்பை தலைமை போஸ்ட் மாஸ்டர் ஜெனரல்கள் நிகழ்ச்சிக்கு தலைமை தாங்கினர். மும்பையின் அஞ்சல்தலை பணியகத்தில் உள்ள பொது அஞ்சல் அலுவலகத்தில் (ஜிபிஓ) இந்த சிறப்பு அஞ்சல் அட்டை விற்ப்பனை செய்யபட்டது.[17][18]

ஆவணக் காப்பகப்பணி

தொகு
திரைப்படச் சேகரிப்பு

அறக்கட்டளையின் சேகரிப்பில் தற்போது நாட்டின் அனைத்துப் பிரிந்தியங்களிலிருந்தும் சேகரிக்கபட்ட பழமையான 35 மிமீ, 16 மிமீ, சூப்பர் 8 மற்றும் 8 மிமீ வடிவங்களில் சுமார் 500 சேகரிப்புகளைக் கொண்டுள்ளது. திரைப்படங்களைத் தவிர, 1930 கள் மற்றும் 40 களைச் சேர்ந்த முக்கியமான வரலாற்றுக் காட்சிகள், விடுதலை இயக்கத்தின் காட்சிகள், விடுதலைக்கு முந்தைய காலத்திய அரிய வீட்டுத் திரைப்படங்கள் போன்றவை குளிர்பதன வசதிகொண்ட சேமிப்பகங்களில் பாதுகாக்கப்பட்டுள்ளன. மேலும் அமிதாப் பச்சன், சியாம் பெனகல், மணி ரத்னம், விஷால் பரத்வாஜ், குமார் ஷஹானி, ஃபர்ஹான், சோயா அக்தர், கோவிந்த் நிஹலானி, என்.என். சிப்பி, புத்ததேப் தாஸ்குப்தா, கௌதம் கோஸ், பீம்சைன், குரானா, சித்ரா பாலேகர், ஓனிர், ஷாத் அலி, சுமித்ரா பாவே, சுனில் சுக்தங்கர் போன்ற முன்னணி திரைப்பட பிரமுகர்களின் படங்களும் உள்ளன.[19]

திரைப்படம் தொடர்பான நினைவுச் சின்னங்கள் காப்பகம்

திரைப்பட சுவரொட்டிகள், ஒளிப்படங்கள், எழுத்தாக்கங்கள், லாபி கார்டுகள், பாடல் கையேடுகள், பிரபல திரைப்பட ஆளுமைகளின் கலைப்பொருட்கள் போன்ற திரைப்படம் தொடர்பான நினைவுச் சின்னங்களையும் இந்த அறக்கட்டளை பாதுகாக்கிறது.[20]

ஏ.ஆர். கர்தார், சோராப் மோடி, ராஜ் கபூர், கிதார் சர்மா, சயீத் மிர்சா, ஷியாம் பெனகல், ஜி. அரவிந்தன், வி.கே. மூர்த்தி, சாஹிர் லூதியான்வி, சாதனா, ஜேபிஎச் வாடியா, புத்ததேவ் தாஸ்குப்தா, கிரிஷ் காசரவல்லி, பிலிம் நியூஸ் ஆனந்தன், கௌதம் கோஸ், கோவிந்த் நிஹலானி, ஜமுனா ஜே, குந்தன் ஷா, அருணா ராஜே, ஆஷிம் அலுவாலியா, பிரான் மற்றும் அனைத்து பிராந்தியத் திரைப்படத் துறைகளைச் சேர்ந்த பலரின் கலைப் பொருட்கள் இந்த சேகரிப்பில் உள்ளன.[21][22]

இந்த சேகரிப்பில் 30,000 ஒளிப்படங்கள், 10,000 ஒளிப்பட நெகட்டிவ்கள், 15,000 சுவரொட்டிகள், 10,000 லாபி அட்டைகள், 15,000 செய்தித்தாள் கட்டுரைகள், 6000 பாடல் கையேடுகள் மற்றும் ஏராளமான 3-டி பொருள்கள் உள்ளன.[23]

வாய்வழி வரலாறு திட்டம்

தொகு

பாரம்பரியத் திரைப்பட அறக்கட்டளை ஆஸ்கார் விருதுக்காக அறியப்பட்ட அகாதமி ஆப் மோசன் பிக்சர் ஆர்ட்ஸ் அண்ட் சயின்சஸ் உடன் இணைந்து, சர்வதேச முறைகளைப் பின்பற்றி ஒரு முன்னோடி திட்டமாக இந்தியாவில் திரைப்பட பாரம்பரியத்திற்கான வாய்வழி வரலாற்றின் காட்சி வரலாற்று திட்டத்தை செயல்படுத்தியது. அதன்படி நடிகர்கள், தொழில்நுட்ப வல்லுநர்கள், இசையமைப்பாளர்கள் வரை - என திரைப்படத் தயாரிப்பு தொடர்பான பலரின் ஒலி மற்றும் காணொளி நேர்காணல்களை பதிவு செய்வது, சேகரிப்பது மற்றும் பாதுகாக்கும் பிணியை மேற்கொண்டு வருகிறது.[24]

மேற்கோள்கள்

தொகு
  1. ↑ Urvi Malvania (12 March 2016). "Film Heritage Foundation: Aims to ramp up film preservation & restoration in India | Business Standard News". Business Standard India (Business-standard.com). https://www.business-standard.com/article/beyond-business/film-heritage-foundation-aims-to-ramp-up-film-preservation-restoration-in-india-116031200619_1.html. பார்த்த நாள்: 2020-06-02. 
  2. ↑ Dungarpur, Shivendra Singh (5 March 2016). "The man who saved India's cinematic heritage". https://www.thehindu.com/news/cities/mumbai/pk-nair-cinema-obituary/article8317562.ece. 
  3. ↑ "Bring back the past!". Deccanchronicle.com. 7 October 2017. பார்க்கப்பட்ட நாள் 2020-06-02.
  4. ↑ "International Federation of Film Archives". www.fiafnet.org.
  5. ↑ Malvania, Urvi (12 March 2016). "Film Heritage Foundation: Aims to ramp up film preservation & restoration in India". Business Standard India.
  6. ↑ Raghavendra, Nandini. "Film Heritage Foundation gets corporate funds to preserve old Indian cinema". The Economic Times.
  7. ↑ Urvi Malvania (21 February 2015). "Viacom18, Film Heritage Foundation launch film preservation workshop | Business Standard News". Business-standard.com. 
  8. ↑ Srinivasan, Madhumitha (12 November 2017). "For posterity and beyond". 
  9. ↑ "Film Heritage Foundation gets corporate funds to preserve old Indian cinema - The Economic Times". Economictimes.indiatimes.com. 2015-02-21. பார்க்கப்பட்ட நாள் 2020-06-02.
  10. ↑ Bhattacharya, Suryasarathi (November 19, 2018). "At Film Heritage Foundation's workshops, experts from across the globe aim to give new life to India's iconic works". Firstpost.com. பார்க்கப்பட்ட நாள் 2020-06-02.
  11. ↑ "Memorabilia of Raj Kapoor films passed on to Film Heritage Foundation - entertainment". Mid-day.com. 2019-09-25. பார்க்கப்பட்ட நாள் 2020-06-02.
  12. ↑ "On-camera accounts of legends who shaped Indian cinema to be archived - Times of India". The Times of India. பார்க்கப்பட்ட நாள் 2020-11-24.
  13. ↑ Uday Bhatia (2019-08-09). "The art of the unhurried interview". Livemint.com. பார்க்கப்பட்ட நாள் 2020-06-02.
  14. ↑ "The guardians of India's reel heritage - Transforming lives". Tata Trusts. 2019-02-27. பார்க்கப்பட்ட நாள் 2020-06-02.
  15. ↑ Chatterjee, Anupriya (May 11, 2017). "30 yrs after PK Nair, Dungarpur elected to FIAF executive body". Pune Mirror. பார்க்கப்பட்ட நாள் 2020-11-19.
  16. ↑ "The Preservation Man". www.dainikgomantak.com. பார்க்கப்பட்ட நாள் 2020-11-19.
  17. ↑ "Only Shivendra Singh Dungarpur could think of cinema beyond cinema: Gulzar". The Times of India. 17 June 2024.
  18. ↑ "India Post Releases special postal cover in honour of Film Heritage Foundation". TheDailyGuardian (in ஆங்கிலம்).
  19. ↑ Dundoo, Sangeetha Devi (19 August 2019). "A workshop on saving India's cinema heritage to be held in Hyderabad". The Hindu. பன்னாட்டுத் தர தொடர் எண்:0971-751X. https://www.thehindu.com/entertainment/movies/film-preservation-and-restoration-workshop-india-in-hyderabad/article29144420.ece. பார்த்த நாள்: 2020-11-19. 
  20. ↑ Layak, Suman. "A man's crusade to save India's cinematic heritage from decay". The Economic Times. https://economictimes.indiatimes.com/magazines/panache/a-mans-crusade-to-save-indias-cinematic-heritage-from-decay/articleshow/61167025.cms?from=mdr. பார்த்த நாள்: 2020-11-19. 
  21. ↑ "On-camera accounts of legends who shaped Indian cinema to be archived - Times of India". The Times of India (in ஆங்கிலம்).
  22. ↑ Bhatia, Uday (9 August 2019). "The art of the unhurried interview". mint (in ஆங்கிலம்).
  23. ↑ Das, Mohua. "Covid plays villain with film preservation efforts, rare material ruined | Mumbai News - Times of India". The Times of India (in ஆங்கிலம்).
  24. ↑ "Viacom18 partners with Film Heritage Foundation to preserve India's cinematic heritage - Exchange4media". Exchange4media (in ஆங்கிலம்).
"https://ta.wikipedia.org/w/index.php?title=இந்தியப்_பாரம்பரியத்_திரைப்பட_அறக்கட்டளை&oldid=4069800" இலிருந்து மீள்விக்கப்பட்டது