ஈரோடு சந்திப்பு தொடருந்து நிலையம்

ஈரோடு சந்திப்பு தொடருந்து நிலையம் (Erode Junction railway station, நிலையக் குறியீடு:ED), இந்தியாவின், தமிழ்நாட்டின் முக்கிய நகரான ஈரோடு நகரில் உள்ள தொடருந்து நிலையமாகும். தமிழகத்தின் முக்கிய தொடருந்து நிலையங்களுள் ஒன்றான இந்த நிலையம், தென்னக இரயில்வே கட்டுப்பாட்டின் கீழ் உள்ளது. ஈரோடு மத்திய பேருந்து நிலையத்திலிருந்து 3 கிமீ தொலைவில் அமைந்துள்ளது. மேலும், சீர்தரத்துக்கான அனைத்துலக நிறுவனத்தின் (ISO) அங்கீகாரம் பெற்ற டீசல் எந்திர தளமும், மின்மய எந்திர தளமும் ஒருங்கே பெற்றுள்ளது. இந்தியாவின் திருநாட்டின் மூன்றாவது தூய்மையான தொடர்வண்டி சந்திப்பு என பெயர்பெற்றது.

ஈரோடு சந்திப்பு
தொடருந்து நிலையம்
ஈரோடு சந்திப்பின் முகப்பு வாயில்
பொது தகவல்கள்
அமைவிடம்	ஈரோடு, தமிழ்நாடு, இந்தியா
ஆள்கூறுகள்	11°21′00″N 77°44′00″E
ஏற்றம்	183 மீட்டர்கள் (600 அடி)
உரிமம்	இந்திய இரயில்வே
தடங்கள்	ஜோலார்பேட்டை - ஷொறணூர் வழித்தடம் ஈரோடு - திருச்சிராப்பள்ளி வழித்தடம்
நடைமேடை	4
இருப்புப் பாதைகள்	12
கட்டமைப்பு
கட்டமைப்பு வகை	உயர்த்தப்பட்ட நிலையம்
தரிப்பிடம்	உண்டு
துவிச்சக்கர வண்டி வசதிகள்	உண்டு
மற்ற தகவல்கள்
நிலை	இயக்கத்தில்
நிலையக் குறியீடு	ED
பயணக்கட்டண வலயம்	தென்னக இரயில்வே
வரலாறு
திறக்கப்பட்டது	1862 (1862)
மின்சாரமயம்	ஆம், 1990
பயணிகள்
பயணிகள்	50000
அமைவிடம் ஈரோடு சந்திப்பு தமிழக வரைபடத்தில் உள்ள இடம் ஈரோடு சந்திப்பு இந்திய வரைபடத்தில் உள்ள இடம்

ஈரோட்டிலிருந்து செல்லும் பாதைகள்

எண்.	சேருமிடம்	மார்க்கம்	இருப்புப் பாதையின் வகை	மின்மயம்	ஒருவழி/ இருவழி
1	கோயம்புத்தூர்	திருப்பூர்	அகலப்பாதை	ஆம்	இருவழிப் பாதை
2	சேலம்	சங்ககிரி	அகலப்பாதை	ஆம்	இருவழிப் பாதை
3	கரூர்	கொடுமுடி	அகலப்பாதை	ஆம்	ஒருவழிப் பாதை

வரலாறு

இந்நிலையமானது 1947ம் ஆண்டு சென்னை சென்ட்ரலில் இருந்து மின்மயம் மற்றும் அகலப்பாதையுடன் இணைவு பெற்றது. தமிழகத்தின் முக்கிய தொடர்வண்டி நிலையங்களுள் ஒன்றான இந்த நிலையம், முக்கிய மாநகரங்களான சென்னை, மதுரை, கோவை ஆகிய முக்கிய மாநகரங்களுடன் இணைந்துள்ளது.

வசதிகள்

WAP-4 வகை மின்மய தொடர்வண்டி, ஈரோடு

இந்நிலையத்தில், பயணியர்களுக்காக 4 நடைமேடை உள்ளது. நெடுந்தூர தொடர்வண்டிகளுக்காக தண்ணீர் நிரப்பவும், உணவு பரிமாறவும், கழிவறைகளை சுத்தம் செய்யவும் இங்கு வசதிகள் ஏற்படுத்தப்பட்டுள்ளது. மேலும் காவல் நிலையம், புத்தகக் கடைகள், உணவகங்கள், உறைவிடங்கள், ஏடிஎம், போதுமான கழிவறைகள் மற்றும் குட் தண்ணீர் வசதிகளும் உள்ளன. தொடுதிரை தகவல் சேகரிப்பு மையம், தொடர்வண்டி கால அட்டவணை, நிலையத்தை கடந்து செல்லும் தொடர்வண்டிகளின் விபரம் தாங்கிய மின்னணு பலகைகளும் உள்ளது. பயணிகளின் வசதிக்காக ஒரு முன்பதிவு மையமும் செயல்பட்டு வருகின்றது.

உந்துப்பொறிகளின் உறைவிடம்

இந்தியாவில், டீசல் மற்றும் மின்மய உந்துப்பொறிகளின் உறைவிடங்கள் மிகச் சிலவே. அவைகளுள் ஈரோடு சந்திப்பும் ஒன்றாகும். இங்கு மொத்தம், 338 மின்மய மற்றும் டீசல் உந்துப்பொறிகள் உள்ளன. இதுவே இந்திய இரயில்வே துறையின் மிகப்பெரிய உந்துப்பொறிகளின் உறைவிடமாகும். ISO தரச்சான்றிதழ் பெற்ற இங்கு 108 WAP-4 வகை உந்துகளும், மின்மய தொடருந்தின் புது வகையான WAG-7ம் உள்ளது. 1962 முதல், WDM-2 WDM-3A வகை டீசல் தொடருந்துகளும் கையாளப்படுகின்றது. மேலும், இந்நிலையத்தை கடந்து செல்லும் நெடுந்தொலைவு தொடருந்துகளுக்கும் இங்கு பராமரிப்பு மேற்கொள்ளப்படுகின்றது.

ஈரோட்டிலிருந்து புறப்படும் தொடர் வண்டிகள்

வண்டி எண்.	பெயர்	வகை	நாட்கள்	சேருமிடம்	மார்க்கம்
16669/70	ஏற்காடு அதிவிரைவு	அதிவிரைவு	தினமும்	சென்னை சென்ட்ரல்	சேலம் சந்திப்பு
56100	மேட்டூர் அணை பயணிகள் இரயில்	பயணிகள் இரயில்	தினமும்	மேட்டூர் அணை	சேலம் சந்திப்பு
56843	திருச்சிராப்பள்ளி பயணிகள் இரயில்	பயணிகள் இரயில்	தினமும்	திருச்சிராப்பள்ளி சந்திப்பு	கரூர்
56844	திருச்சிராப்பள்ளி பயணிகள் இரயில்	பயணிகள் இரயில்	தினமும்	திருச்சிராப்பள்ளி சந்திப்பு	கரூர்
56840	ஜோலார்பேட்டை பயணிகள் இரயில்	பயணிகள் இரயில்	தினமும்	ஜோலார்பேட்டை	சேலம் சந்திப்பு
56846	ஜோலார்பேட்டை பயணிகள் இரயில்	பயணிகள் இரயில்	தினமும்	ஜோலார்பேட்டை	சேலம் சந்திப்பு
56825	திருநெல்வேலி பயணிகள் இரயில்	பயணிகள் இரயில்	தினமும்	திருநெல்வேலி சந்தப்பு	மதுரை சந்தப்பு

ஈரோட்டை கடந்து செல்லும் தொடர் வண்டிகள்

தினமும் நூற்றுக்கணக்கான தொடர் வண்டிகள் ஈரோட்டை கடந்து செல்கின்றன.