உமா சக்ரவர்த்தி
உமா சக்கரவர்த்தி (Uma Chakravarti;பிறப்பு 20 ஆகத்து 1941) ஓர் இந்திய வரலாற்றாசிரியரும் திரைப்படத் தயாரிப்பாளரும் ஆவார். 1980களில் தொடங்கி, இந்திய வரலாற்றில் பாலினம், சாதி, வர்க்கம் தொடர்பான பிரச்சினைகளை முன்னிலைப்படுத்தி உமா சக்கரவர்த்தி விரிவாக எழுதினார். இருடைய வாழ்க்கையின் போது ஏழு புத்தகங்களை வெளியிட்டார். இவருடைய வேலை அமைப்பு பெரும்பாலும் பௌத்தத்தின் வரலாற்றிலும், பண்டைய மற்றும் 19 ஆம் நூற்றாண்டு இந்தியாவின் வரலாற்றிலும் கவனம் செலுத்தியது.
 2015இல் உமா சக்ரவர்த்தி | |
| பிறப்பு | 20 ஆகத்து 1941 தில்லி இந்தியா |
|---|---|
| Major works |
|
கேரளாவின் பாலகாட்டில் ஒரு அரசுப் பணி அதிகாரிக்குப் பிறந்த இவர், தில்லி மற்றும் பெங்களூரில் பள்ளிக்குச் சென்றார். இவர் பனாரசு இந்து பல்கலைக்கழகத்தில் தனது முதுகலை பட்டப்படிப்பை முடித்து, கற்பிக்கும் முயற்சியில் இறங்கினார். 1966 முதல் 1998 வரை கற்பித்த தில்லி பல்கலைக்கழகத்தின் மிராண்டா கல்லூரியில் கல்வியாளராக ஒரு தொழிலை நிறுவினார். 1987 இல் தனது முனைவர் பட்ட ஆய்வின் ஒரு பகுதியாக இவர் 'ஆரம்பகால புத்த மதத்தின் சமூக பரிமாணங்கள்' என்ற தனது முதல் புத்தகத்தை வெளியிட்டார்.
இவரது அடுத்தடுத்த எழுத்துக்கள், மிகவும் வெற்றிகரமான "வரலாற்றை மீண்டும் எழுதுதல்: பண்டித ராமபாயின் வாழ்க்கை மற்றும் காலங்கள்" (Rewriting History: The Life and Times of Pandita Ramabai) (1998) மற்றும் ஒரு பெண்ணிய கண் மூலம் சாதியும் பாலினமும் (Gendering Caste through a Feminist Lens) (2002)ஆகிய இரண்டும் பார்வையாளர்களிடமும் சக கல்வியாளர்களிடமும் நல்ல வரவேற்பைப் பெற்றது.
துணைக்கண்டத்தில் பெண்களின் வரலாறு பற்றியும், பெண்ணிய வரலாற்றை பற்றியும் எழுதும் முன்னணி அறிஞரான இவர் இந்தியாவில் பெண்கள் இயக்கத்தின் நிறுவனத் தாய் என்று அழைக்கப்படுகிறார். பெண்ணிய பிரச்சினைகளில் ஈடுபடுவதைத் தவிர, இவர் ஒரு ஜனநாயக உரிமை ஆர்வலராகவும் பணியாற்றியுள்ளார். குசராத்துக்கான நீதி தொடர்பான சர்வதேச தீர்ப்பாயம் உட்பட பல உண்மை கண்டறியும் குழுக்களில் பங்கேற்றார்.[1][2] பெண்களின் உரிமைகள் மற்றும் மனித உரிமைகள் தொடர்பான சமகால பிரச்சினைகள் குறித்து இவர் செய்தித்தாள் பத்திகளை எழுதுகிறார்.
ஆரம்ப கால வாழ்க்கை
தொகுஉமா சக்கரவர்த்தி 20 ஆகத்து 1941 அன்று தில்லியில் பிறந்தார்.[3] இவரது தந்தை ஒரு அரசு ஊழியர். கேரளாவில் பால்காட்டைச் சேர்ந்த உமா தில்லி பொதுப்பள்ளியிலும், பின்னர் , பெங்களூரு மவுண்ட் கார்மல் கல்லூரியிலும் படித்தார் . பின்னர், பெங்களூரு சட்டக் கல்லூரியில் சட்டம் பயின்றார், அதே நேரத்தில் பனாரசு இந்து பல்கலைக்கழகத்தில் வரலாற்றில் முதுகலைப் பட்டம் பெற்றார்.[3]
தொழில்
தொகு1966 இல் தில்லி பல்கலைக்கழகத்தின் முதன்மை மகளிர் கல்லூரியான மிராண்டா கல்லூரியில் சேர்ந்தார்.[4] அங்கு இவர் 1988 வரை, பௌத்தம், ஆரம்பகால இந்திய வரலாறு, 19 ஆம் நூற்றாண்டின் வரலாறு மற்றும் சமகால பிரச்சினைகள் ஆகியவற்றை பணியாற்றினார். இவர் 7 புத்தகங்களையும் 50க்கும் மேற்பட்ட ஆராய்ச்சி கட்டுரைகளையும் எழுதியுள்ளார்.[1][2]
1970களில் இருந்து, இவர் பெண்கள் இயக்கம் மற்றும் ஜனநாயக உரிமைகளுக்கான இயக்கத்துடன் தொடர்பு கொண்டார் . மனித உரிமை மீறல்கள், வகுப்புவாத கலவரங்கள் மற்றும் அரசு ஒடுக்குமுறை ஆகியவற்றை விசாரித்த பல உண்மை கண்டறியும் குழுக்களில் இவர் பங்கேற்றார்.[1] சமீபத்தில், இவர் இரண்டு திரைப்படங்களையும் இயக்கியுள்ளார். ஒன்று இந்திய சுதந்திர இயக்கத்தில் பங்குபெற்ற குழந்தை மணமகள் சுப்புலட்சுமியின் வாழ்க்கை மற்றும் இரண்டாவதாக உழைக்கும் ஆண்களுடனும் பெண்களுடன் பணிபுரிந்தவரும், அவர்களின் அடக்குமுறைகளை ஆவணப்படுத்தியவரும் எழுத்தாளருமான மைதிலி சிவராமன் அவர்களைப் பற்றியது.[3] [5]
ஜவகர்லால் நேரு பல்கலைக்கழக வரலாற்றாசிரியர் கும்கும் ராய் இவரை கௌரவிக்கும் வகையில் இவரது அறிவார்ந்த கட்டுரைகளின் தொகுப்பைத் திருத்தி வெளியிட்டுள்ளார். மேலும் இவர் "தலைமுறை ஆசிரியர்கள், மாணவர்கள் மற்றும் நண்பர்களை ஊக்கப்படுத்தியதாகக்" கூறினார்.[6] நியூயார்க் நகர பல்கலைக்கழகத்தைச் சேர்ந்த ஆஷ்லே டெலிஸ் கூறுகையில், இவர் "இளம் அறிஞர்கள் மற்றும் ஆர்வலர்களின் வாழ்க்கை மற்றும் வேலைகளில் ஆழ்ந்த செல்வாக்கு செலுத்தியதாகவும், இந்தியப் பெண்ணிய வரலாற்றையும் இந்திய பெண்கள் இயக்கத்தையும் எழுதும் ஒரு "நிறுவனத் தாயாக" இருந்தார்" என்றார்.[7]
சொந்த வாழ்க்கை
தொகுஉமா சமூகவியலாளர் ஆனந்த் சக்கரவர்த்தி என்பவரை மணந்தார். இவர்களுக்கு உபாலி என்ற மகளும் சித்தார்த்தா என்ற மகனும் உள்ளனர். இவர் தனது கணவர் மற்றும் மகளுடன் தில்லியில் வசிக்கிறார்.[3]
மேற்கோள்கள்
தொகு- ↑ 1.0 1.1 1.2 Dr Uma Chakravarti (bio) பரணிடப்பட்டது 2015-05-29 at the வந்தவழி இயந்திரம், Leiden University, retrieved 2015-12-11.
- ↑ 2.0 2.1 WGST Visiting Scholar: Uma Chakravarti பரணிடப்பட்டது 2018-02-10 at the வந்தவழி இயந்திரம், Drew University, 22 October 2012, retrieved 2015-12-15.
- ↑ 3.0 3.1 3.2 3.3 Julia Dutta, Uma Chakravarti, a larger than life picture, Dignity Dialogue, November 2013, retrieved 2015-12-15.
- ↑ Chakravarti 2014.
- ↑ Kumkum Roy, Insights and Interventions 2011, ப. 13-14.
- ↑ Kumkum Roy, Insights and Interventions 2011.
- ↑ Tellis, Ashley (2007), "Book Review: Uma Chakravarti, Everyday Lives, Everyday Histories: Beyond the Kings and Brahmanas of 'Ancient' India", Social Scientist, JSTOR 27644220
{{citation}}: Missing or empty|url=(help)
ஆதாரங்கள்
- Chakravarti, Uma (23 July 2014), "Oppositional Imaginations: Multiple Lineages of Feminist Scholarship", in Pande, Rekha (ed.), A Journey Into Women's Studies: Crossing Interdisciplinary Boundaries, Palgrave Macmillan, pp. 74–, பன்னாட்டுத் தரப்புத்தக எண் 978-1-137-39574-0
- Omvedt, Gail (22 January 2000), "Review: Towards a Theory of 'Brahmanic Patriarchy'", எக்னாமிக் அண்டு பொலிடிகல் வீக்லி, 35 (4): 187–190, JSTOR 4408843
- Roy, Kumkum (2011), Insights and Interventions: Essays in Honour of Uma Chakravarti, Primus Books, பன்னாட்டுத் தரப்புத்தக எண் 978-93-80607-22-1
மேலும் படிக்க
தொகு- Baxi, Pratiksha, Uma Chakravarti, Suman Bisht and Janaki Abraham (2008) "Reclaiming Spaces: Gender Politics on a University Campus," In Radhika Coomaraswamy and Nimanthi Perera-Rajasingham (eds) Constellations of Violence: Feminist Interventions in South Asia. Women Unlimited, Delhi.
வெளி இணைப்புகள்
தொகு- Interview: Dr. Uma Chakravarti, Gender Studies Journal, Vol. I(3), Gender Studies Journal, Vol. I(4), Delhi University, November 2011.
- Conceptualising Brahmanical Patriarchy in Early India: Gender, Caste, Class and State. EPW, April 3, 1993. Pdf.