காங்கேசன்துறை தொடருந்து நிலையம்

காங்கேசன்துறை தொடருந்து நிலையம் (Kankesanthurai railway station) இலங்கையின் வடக்கே காங்கேசன்துறை நகரில் அமைந்துள்ள ஒரு தொடருந்து நிலையம். வடக்கையும் தலைநகர் கொழும்பையும் இணைக்கும் வடக்குப் பாதையின் ஒரு பகுதியாக, இலங்கை ரெயில்வே திணைக்களத்தினால் இலங்கையின் நடுவண் அரசின் கீழ் இந்நிலையம் நிருவகிக்கப்படுகிறது. வடக்குப் பாதையில் உள்ள கடைசிப் தொடருந்து நிலையம் இதுவாகும். ஈழப்போரின் காரணமாக வடக்கின் ஏனைய தொடருந்து நிலையங்களைப் போன்று காங்கேசன்துறை தொடருந்து நிலையமும் 1990 முதல் 2015 வரை இயங்காமல் இருந்து வந்தது. வடக்குப் பாதையின் யாழ்ப்பாணத்திற்கும், காங்கேசன்துறைக்கும் இடையேயான போக்குவரத்து 2015 சனவரி 2 இல் ஆரம்பிக்கப்பட்டது.

காங்கேசன்துறை
இலங்கை தொடருந்து நிலையம்
பொது தகவல்கள்
அமைவிடம்	காங்கேசன்துறை இலங்கை
ஆள்கூறுகள்	9°48′52.10″N 80°02′54.10″E
உரிமம்	இலங்கை தொடருந்து போக்குவரத்து
தடங்கள்	வடக்குப் பாதை
மற்ற தகவல்கள்
நிலை	இயங்குகின்றது
வரலாறு
மறுநிர்மாணம்	2 சனவரி 2015
மின்சாரமயம்	இல்லை

சேவைகள்

காங்கேசன்துறை தொடருந்து நிலையத்தில் இருந்தும் இந்நிலையம் வரையும் பின்வரும் சேவைகள் இயங்கி வருகின்றன:

«		சேவை		»
மாவிட்டபுரம் கொழும்பு கோட்டையில் இருந்து		4017 நகரிடை		முடிவிடம்
முடிவிடம்		4018 நகரிடை		மாவிட்டபுரம் கொழும்பு கோட்டை நோக்கி
சுன்னாகம் கல்கிசையில் இருந்து கொழும்பு கோட்டை ஊடாக		4021 நகரிடை (குளிர்)		முடிவிடம்
முடிவிடம்		4022 நகரிடை (குளிர்)		சுன்னாகம் கல்கிசை நோக்கி கொழும்பு கோட்டை ஊடாக
மாவிட்டபுரம் யாழ்ப்பாணத்தில் இருந்து		4442 உள்ளூர்		முடிவிடம்
முடிவிடம்		4882 உள்ளூர்		மாவிட்டபுரம் யாழ்ப்பாணம் நோக்கி