சபீதா தேவி
சபீதா தேவி (1914-1965) [1] இந்திய சினிமாவில் நடித்த இந்தி மொழி திரைப்பட நடிகை ஆவார். மெஹ்தாப், பிப்போ, துர்கா கோடே, கோஹர், தேவிகா ராணி மற்றும் சீதா தேவி ஆகியோருடன் இந்திய சினிமாவின் "முன்னோடி சகாப்தத்தின்" "முக்கிய" முன்னணி பெண்களில் ஒருவராக இவர் குறிப்பிடப்படுகிறார். இவர், பிறப்பால் ஒரு யூதர் ஆவார்.[2] இவர் தனது காலத்தின் மற்ற ஆங்கிலோ-இந்திய மற்றும் யூத நடிகைகளான சுலோச்சனா (ரூபி மியர்ஸ்), சீதா தேவி (ரெனி ஸ்மித்), மாதுரி (பெரில் கிளாசென்) மனோரமா (எரின் டேனியல்ஸ்). போன்ற நடிகைகளைப் போன்று, இந்தி சினிமாவில் ஏற்றுக் கொள்ளப்படுவதற்காக தனது பெயரை சபீதா தேவி என மாற்றினார். ஆரம்பத்தில் கல்கத்தாவில் உள்ள பிரித்தானிய டொமினியன் பிலிம்ஸ் லிமிடெட் நிறுவனத்தில் பணிபுரிந்த பிறகு, இவர் பம்பாய்க்கு மாறினார். மேலும், சாகர் மூவிடோன் தயாரித்த படங்களில் முக்கியமாக மோதிலால் உடன் நடித்தார். சர்வோத்தம் பாதாமி இயக்கிய 'டாக்டர். மதுரிகா' (1935) மற்றும் குல்வது (1937) ஆகியவை மோதிலாலின் பிரபலமான படங்கள் ஆகும். இவர்கள் இருவரும் இணைந்து நடித்த முதல் படம் ஷாஹர் கா ஜாடூ (1934), இது மோதிலாலின் முதல் படமாகும், பின்னர் லக்னா பந்தன் (1936) இந்த இரண்டு திரைப்படங்களும் காளிபிரசாத் கோஷ் இயக்கியது. இவர் மோதிலாலுடன் சில்வர் கிங் (1935) திரைப்படத்தில் நடித்தார். இது சி.எம். லுஹர் இயக்கிய ஒரு அதிரடி திரைப்படம் ஆகும். இது பெரிய வெற்றி பெற்றது.
சபீதா தேவி | |
|---|---|
 | |
| பிறப்பு | ஐரிஸ் மௌட் கேஸ்பர் 1914 |
| இறப்பு | 1998 (அகவை 83–84) சில்வர்வுட் நர்சிங் ஹோம், பீஸ்டன், நாட்டிங்ஹாம், இங்கிலாந்து |
| கல்லறை | வில்ஃபோர்ட் மயானம் மேற்கு பிரிட்ஃபோர்ட், நாட்டிங்ஹாம் |
| பணி | நடிகை |
| செயற்பாட்டுக் காலம் | 1930–1947 |
| வாழ்க்கைத் துணை | டேவிட் ட்ரெஃபர் லூயிஸ் |
| பிள்ளைகள் | 1 வளர்ப்பு குழந்தை |
இவரது காலத்தின் முதல் மூன்று பெண் கலைஞர்களில் ஒருவராகக் கணக்கிடப்பட்ட இவர், 1938 இல் சுலோச்சனா (ரூபி மியர்ஸ்) மற்றும் கோஹருக்குப் பிறகு அதிக சம்பளமாக மாதம் ரூ. 3000 வாங்கும் மூன்றாவது நடிகையாக இருந்தார், . கே.எம். முன்ஷி மற்றும் ராமன்லால் வசந்த்லால் போன்ற உன்னதமான எழுத்தாளர்கள் இவரது படங்களுக்கு கதைகள் எழுத நியமிக்கப்பட்டனர். விரிவான கலையரங்குகள் மற்றும் "சிறப்பு ஒத்திகைகள்" ஆகியவை அபரிமிதமான "வெளியீட்டுக்கு முந்தைய விளம்பரத்துடன்" வழங்கப்பட்டன.[3] சமூக வகை படங்களில் இவர் பணியாற்றிய காலத்தின் முன்னணி இயக்குநர்களில் ஒருவர் சர்வோத்தம் பாதாமி ஆவார். சபீதா தேவி, ரஞ்சித் ஸ்டுடியோவின் உதவியுடன் சர்வோத்தம் பாதாமியுடன் இணைந்து தனது சொந்த தயாரிப்பு நிறுவனமான சுதாமா பிக்சர்ஸை உருவாக்கினார்.[4] 1935-1943 வரை சபீதா பதினைந்து படங்களில் நடித்தார், அனைத்தையும் இயக்குநர் பாதாமி இயக்கினார். இவர் நடித்த ஆப் கி மர்சி (1939) மற்றும் லேடீஸ் ஒன்லி (1939) போன்ற சில நகைச்சுவைத் திரைப்படங்கள் வசூலில் பெரிய வெற்றியைப் பெற்றன.
குடும்பம்
தொகுசபீதா தேவி ஐரிஸ் கேஸ்பர் யூத குடும்பத்தில் பிறந்தார். இவரது தந்தை பெர்சி ஆஸ்போர்ன் காஸ்பர், நவம்பர் 1938 இல் பம்பாயில் இறந்தார்.[5] இவரது தாயார் இவரது மேலாளராகவும் துணையாகவும் இருந்தார். சபீதாவுக்கு ஒரு சகோதரர் மற்றும் ஒரு சகோதரி என இரண்டு உடன்பிறப்புகள் இருந்தனர்.[6]
தொழில்
தொகு.jpg)
இவரது முதல் படமான கமனர் ஆகுன் (ஃபிளேம்ஸ் ஆஃப் தி பிளெஷ்) 1930 இல், கல்கத்தா, பிரித்தானிய டொமினியன் பிலிம்ஸ் லிமிடெட் நிறுவனத்தினரால் தயாரிக்கப்பட்டது. இது தினேஷ் ரஞ்சன் தாஸ் இயக்கியது. இதில், திரேந்திரநாத் கங்குலி, டெபாகி போஸ், ரமோலா தேவி மற்றும் ராதாராணி ஆகியோர் நடித்தனர்.[7] இந்தப் படம் சித்தூர் ராணி ராணி பத்மினி, எதிரிப் படைகளைத் தவிர்ப்பதற்காக ஜவுஹர் செய்ததன் வரலாற்றுப் பதிப்பாகும்.[8]
1931 ஆம் ஆண்டில், சபீதா, பி.சி. பருவா, பானு பானர்ஜி, டின்கோரி சக்ரபர்த்தி, கேசவ் நாராயண் காலே, ராம்பியாரி மற்றும் ரோஸ் ஆகியோர் நடித்த அபராதி (குற்றவாளி) என்ற சமூக திரைப்படத்தில் நடித்தார், டெபாகி போஸ் எழுதி இயக்கினார். இது கொல்கத்தாவில் உள்ள பருவா பிலிம் யூனிட்டின் பேனரின் கீழ் உருவாக்கப்பட்ட ஒரு மௌன திரைப்படம் ஆகும்.[9] இந்த நேரத்தில் இவரது மற்ற மௌனப் படங்களில் டகே கி நா ஹே (பணத்தால் என்ன செய்ய முடியாது) (1931) ஆகியவை திரேந்திரநாத் கங்குலி இயக்கியது. இதை, கல்கத்தா பிரித்தானிய டொமினியன் பிலிம்ஸ் லிமிடெட் தயாரித்தது. இதில் திரேந்திரநாத் கங்குலி, பிசி பருவா மற்றும் ராதாராணி ஆகியோர் நடித்திருந்தனர். காந்தஹார் (டயமண்ட் நெக்லஸ்) (1939) கல்கத்தா, இந்தியன் கினிமா ஆர்ட்ஸ், நிறுவனத்திற்காக காளி பிரசாத் கோஸ் இயக்கியது மற்றும் துர்காதாஸ் பானர்ஜி, ராஜ்ஹான்ஸ் மற்றும் ரேணுபாலா ஆகியோர் நடித்தனர். பிரித்தானிய டொமினியன் பிலிம்ஸ் லிமிடெட், கல்கத்தாவுக்காக ஏ.கே. ராய் இயக்கிய மரனெர் பரே (மரணத்திற்குப் பிறகு) (1931) திரேந்திரநாத் கங்குலி, ஹேம் குப்தா, ராதாராணி மற்றும் காளிதாஸ் ஆகியோருடன் இணைந்து நடித்தனர்.[10] பாக்ய லக்ஷ்மி (மனைவியின் விதி) (1932) காளி பிரசாத் கோஸ் இயக்கத்தில் பிசி பருவா, துர்காதாஸ் பானர்ஜி, கிதிஷ் ராய் சௌத்ரி, உமாசாஷி, பீரன் கோஷ் ஆகியோருடன் இணைந்து இந்தியன் கினிமா ஆர்ட்ஸ், கல்கத்தா தயாரித்தது.[11]
1933 இல், பிரியநாத் என். கங்குலி மற்றும் துளசி லஹிரி இயக்கிய ராதா கிருஷ்ணா என்ற மதத் திரைப்படத்தில் அவர் நடித்தார். தீரஜ் பட்டாச்சார்யா, இந்துபாலா, அமர் சௌத்ரி மற்றும் கமலா ஜாரியா ஆகியோர் அவருடன் இணைந்து நடித்தனர். கிழக்கிந்திய திரைப்பட நிறுவனத்தின் தயாரிப்பான இது சுந்தர்தாஸ் பாட்டியாவின் இசையைக் கொண்டிருந்தது.[12]
1934 இல் ஷாஹர் கா ஜாது மோதிலால் நடித்த முதல் திரைப்படம் மற்றும் காளி பிரசாத் கோஸ் எழுதி இயக்கினார். இந்த சமூகத்தில் முக்கிய நட்சத்திரங்கள் சபீதா, குமார், சிதாரா தேவி, KC டே, மிஸ் குல்சார் மற்றும் தாராபாய். இப்படத்தை சாகர் மூவிடோன் நிறுவனம் தயாரித்துள்ளது. பின்னர் அவர் எஸ்ரா மிரின் ஃபர்சாண்டே ஹிந்த், பாண்டம் ஆஃப் தி ஹில்ஸ், ஒரு அதிரடி நாடகப் படத்திலும் நடித்தார். இப்படத்தில் ஜல் மெர்ச்சன்ட், யாகூப், நியாம்பள்ளி ஆகியோருடன் சபீதா நடித்தார். சாகர் தயாரித்த இப்படத்திற்கு எஸ்பி ரானே இசையமைத்துள்ளார்.[13]
கிரஹலட்சுமி (படித்த மனைவி) (1934) ஆரம்பகால பெண்களை மையமாகக் கொண்ட திரைப்படம் மற்றும் இது முந்தைய அமைதியான திரைப்படமான பனேலி பாமினியின் (1927) மறு ஆக்கம் ஆகும். சர்வோத்தம் பாதாமியால் இயக்கப்பட்டது, இது சாகர் என்பவரால் தயாரிக்கப்பட்டது மற்றும் எஸ்பி ரானே இசையமைத்திருந்தார். ஜல் மெர்ச்சன்ட், யாகூப், கேசி டே மற்றும் லலிதா தேவுல்கர் ஆகியோர் அவருடன் இணைந்து நடித்தனர். 1934 இல் ஏஆர் கர்தார் இயக்கிய சந்திர குப்தா திரைப்படம் குல் ஹமீத், நசீர், மஜார் கான் மற்றும் தீரஜ் பட்டாச்சார்யா ஆகியோர் நடித்தது . கிழக்கிந்திய திரைப்பட நிறுவனத்தால் தயாரிக்கப்பட்டது, கே.சி. டே இசையமைத்திருந்தார்.
மேற்கோள்கள்
தொகு- ↑ "Sabita Devi". muvyz.com. Muvyz, Ltd. Archived from the original on 30 செப்டம்பர் 2015. பார்க்கப்பட்ட நாள் 1 September 2015.
{{cite web}}: Check date values in:|archive-date=(help) - ↑ Patel, Baburao (December 1937). "India Has No Stars". Filmindia 3 (8): 5. https://archive.org/stream/filmindia19373803unse#page/n15/mode/2up. பார்த்த நாள்: 2 September 2015.
- ↑ Patel, Baburao (December 1937). "India Has No Stars". Filmindia 3 (8): 5. https://archive.org/stream/filmindia19373803unse#page/n15/mode/2up. பார்த்த நாள்: 2 September 2015.Patel, Baburao (December 1937). "India Has No Stars". Filmindia. 3 (8): 5. Retrieved 2 September 2015.
- ↑ Patel, Baburao (March 1939). "Editor's Mail". Filmindia 5 (3): 15. https://archive.org/stream/filmindia193905unse#page/n139/mode/2up. பார்த்த நாள்: 2 September 2015.
- ↑ Patel, Baburao (December 1938). "Notes And News". Filmindia 4 (8): 36. https://archive.org/stream/filmindia193804unse#page/n369/mode/2up/search/Sabita. பார்த்த நாள்: 2 September 2015.
- ↑ Patel, Baburao (January 1939). "Editor's Mail". Filmindia 5 (1): 17. https://archive.org/stream/filmindia193905unse#page/n27/mode/2up. பார்த்த நாள்: 2 September 2015.
- ↑ Ashish Rajadhyaksha; Paul Willemen (10 July 2014). Encyclopedia of Indian Cinema. Taylor & Francis. pp. 1994–. பன்னாட்டுத் தரப்புத்தக எண் 978-1-135-94325-7. பார்க்கப்பட்ட நாள் 30 August 2015.Ashish Rajadhyaksha; Paul Willemen (10 July 2014). Encyclopedia of Indian Cinema. Taylor & Francis. pp. 1994–. ISBN 978-1-135-94325-7. Retrieved 30 August 2015.
- ↑ Rachel Dwyer; Senior Lecturer in Indian Studies Rachel Dwyer (27 September 2006). Filming the Gods: Religion and Indian Cinema. Routledge. pp. 114–. பன்னாட்டுத் தரப்புத்தக எண் 978-1-134-38070-1. பார்க்கப்பட்ட நாள் 1 September 2015.
- ↑ T. J. S. George. The Life and Times of Nargis. Megatechnics. பன்னாட்டுத் தரப்புத்தக எண் 978-81-7223-149-1. பார்க்கப்பட்ட நாள் 1 September 2015.
- ↑ "Sabita Devi-Filmography". citwf.com. Alan Goble. பார்க்கப்பட்ட நாள் 1 September 2015.
- ↑ "Bhagya Lakshmi". citwf. Alan Goble. பார்க்கப்பட்ட நாள் 1 September 2015.
- ↑ "Radha Krishna". chiloka.com. Chiloka. பார்க்கப்பட்ட நாள் 1 September 2015.
- ↑ "Farzande Hind". chiloka.com. Chiloka.com. பார்க்கப்பட்ட நாள் 1 September 2015.