சரவாக் மாநிலச் சின்னம்

சரவாக் மாநிலச் சின்னம் (ஆங்கிலம்: Coat of arms of Sarawak; மலாய்: Jata Sarawak) என்பது சரவாக் மாநிலத்தின் சிறப்புரிமை பெற்ற சின்னம் ஆகும்.

சரவாக் மாநிலச் சின்னம் Coat of arms of Sarawak
விவரங்கள்
பயன்படுத்துவோர்	சரவாக்
உள்வாங்கப்பட்டது	1988
விருதுமுகம்	Sarawak State Flag
ஆதரவு	ஒரு காண்டாமிருக இருவாச்சி, மாநிலச்சின்னத்தின் சுருளைப் பற்றிக் கொள்ளும் காட்சி
குறிக்கோளுரை	ஒற்றுமை, முயற்சி, சேவை (Bersatu, Berusaha, Berbakti) ("Unity, Effort, Service")

1973 ஆகஸ்டு 31-ஆம் தேதி சிறப்புரிமைச் சின்னமாக ஏற்றுக் கொள்ளப்பட்டது. இருப்பினும் இந்தச் சின்னம் 1988 ஆகஸ்டு 31-ஆம் தேதியில் புதிய உருவாக்கம் பெற்றது..

பொது

காண்டாமிருக இருவாச்சியின் இறக்கைகள் 13 இறகுகளைக் கொண்டுள்ளன. அவை மலேசியாவில் உள்ள பதின் முன்று மாநிலங்களைக் குறிக்கின்றன.[1]

செம்பருத்தி மலர் மலேசியாவின் தேசிய மலரைக் குறிக்கின்றது. Bersatu, Berusaha, Berbakti எனும் மலாய்ச் சொற்கள் "ஒற்றுமை, முயற்சி, சேவை" என்று பொருள்படும்.[1]

வரலாறு

1842-ஆம் ஆண்டில் ஒரு பிரித்தானிய அதிகாரியான ஜேம்சு புரூக் என்பவரால் சரவாக் மாநிலம் நிறுவப்பட்டது. புரூணை சுல்தானுக்கு ஜேம்சு புரூக் வழங்கிய இராணுவ உதவிக்கான வெகுமதியாக புரூணை சுல்தானால் சரவாக் மாநிலம் வழங்கப்பட்டது.

அந்தக் காலக்கட்டத்தில் (1840-ஆம் ஆண்டுகளில்) சரவாக் கடல் பகுதிகளில் கடற்கொள்ளைகள் பரவலாக இருந்தன. அந்தக் கடல் கொள்ளைகளை அடக்குவதில் ஜேம்சு புரூக் வெற்றிகரமாகச் செயல்பட்டார்.

1842-ஆம் ஆண்டில், புரூணை சுல்தான் உமர் அலி சைபுதீன், சரவாக்கின் முழு இறையாண்மையையும் ஜேம்சு புரூக்கிற்கு விட்டுக் கொடுத்தார். அந்தக் காலக் கட்டத்தில்தான் சரவாக் மாநிலத்தின் முதலாவது அரசு சின்னம் உருவாக்கப்பட்டது.

வரலாற்றுச் சின்னங்கள்

சரவாக் மாநில வரலாற்றுச் சின்னங்கள்

சரவாக் மாநிலச் சின்னம் (1988).

சரவாக் இராச்சியச் சின்னம் (1841–1941)

பிரித்தானிய சரவாக் முடியாட்சி சின்னம் (1946–1963)

சரவாக் மாநிலச் சின்னம் (1973-1988).

நகரம், மாவட்டம் மற்றும் நகராட்சி சின்னங்கள்

• 
  வடக்கு கூச்சிங் மாநகரச் சின்னம்
• 
  தெற்கு கூச்சிங் மாநகரச் சின்னம்
• 
  மிரி மாநகரச் சின்னம்
• 
  பிந்துலு மாநகரச் சின்னம்
• 
  கோத்தா சமரகான் மாநகரச் சின்னம்
• 
  படவான் மாநகரச் சின்னம்
• 
  சிபு நகராட்சி சின்னம்
• 
  சிபு கிராம மாவட்டச் சின்னம்