சீதாபூர்

சீதாப்பூர் (Sitapur), வட இந்தியாவில் உள்ள உத்தரப் பிரதேசம் மாநிலத்தின் சீதாப்பூர் மாவட்டத்தின் நிர்வாகத் தலைமையிட நகரம் மற்றும் நகராட்சி ஆகும். மாநிலத் தலைநகரான லக்னோவிற்கு வடக்கே 88 கிலோ மீட்டர் தொலைவில் சீதாபூர் நகரம் உள்ளது.

சீதாப்பூர்
நகரம்
சீதாப்பூர் இந்தியாவின் உத்தரப் பிரதேச மாநிலத்தில் சீதாபூர் நகரத்தின் அமைவிடம் சீதாப்பூர் சீதாப்பூர் (இந்தியா)
ஆள்கூறுகள்: 27.57°N 80.66°E / 27.57; 80.66
நாடு	இந்தியா
மாநிலம்	உத்தரப் பிரதேசம்
மாவட்டம்	சீதாபூர் மாவட்டம்
நிறுவப்பட்ட ஆண்டு	1857
பெயர்ச்சூட்டு	சீதை
ஏற்றம் (in meters)	138 m (453 ft)
மக்கள்தொகை  (2011)
• மொத்தம்	1,77,351
• அடர்த்தி	630/km2 (1,600/sq mi)
மொழிகள்
• அலுவல் மொழிகள்	இந்தி மொழி, உருது
நேர வலயம்	ஒசநே+5:30 (இந்திய சீர் நேரம்)
அஞ்சல் சுட்டு எண்	261001
வாகனப் பதிவு	UP-34
இணையதளம்	sitapur.nic.in

மக்கள் தொகை பரம்பல்

2011 இந்திய மக்கள் தொகை கணக்கெடுப்பு படி வார்டுகளும், வீடுகளும் கொண்ட நகரத்தின் மக்கள் தொகை 177,234 ஆகும். அதில் ஆண்கள் 92,696 மற்றும் பெண்கள் 84,538 ஆக உள்ளனர். பாலின விகிதம் 1000 ஆண்களுக்கு 912 பெண்கள் வீதம் உள்ளனர். இதன் மக்கள் தொகையில் 6 வயதிற்குட்பட்ட குழந்தைகள் 19,794 ஆகவுள்ளனர். இதன் சராசரி எழுத்தறிவு 80.57% ஆகவுள்ளது. இதன் மக்கள் தொகையில் இந்துக்கள் 71.21%, இசுலாமியர் 27.66%, சீக்கியர்கள் 0.42%, கிறித்தவர்கள் 0.28 % மற்றும் பிறர் 0.43% ஆகவுள்ளனர்.

போக்குவரத்து

இருப்புப் பாதைகள்

சீதாபூர் இரண்டு இரயில் நிலையங்களைக் கொண்டது. ஒன்று சீதாப்பூர் கண்டோன்மெண்ட் இரயில் நிலையம். மற்றொன்று சீதாப்பூர் சந்திப்பு இரயில் நிலையம் ஆகும். லக்னோ, கரக்பூர், மொராதாபாத் போன்ற நகரங்களுடன் இருப்புப் பாதை மூலம் இணைக்கப்பட்டுள்ளது.

சாலைப்போக்குவரத்து

லக்னோ-புது தில்லியை இணைக்கும் தேசிய நெடுஞ்சாலை எண் 24 மற்றும் 30 சீதாப்பூர் நகரம் வழியாகச் செல்கிறது.

குறிப்பிடத்தக்கவர்கள்

• இறப்பிற்கு பிறகு பரம் வீர் சக்கரம் விருது பெற்ற கேப்டன் மனோஜ் குமார் பாண்டே சீதாப்பூர் நகரத்தைச் சேர்ந்தவர்.

வெளி இணைப்புகள்

• NIC Website
• Sitapur travel guide