செகிஞ்சான்
செகிஞ்சான் (மலாய்: Sekinchan; ஆங்கிலம்: Sekinchan; சீனம்: 适耕庄) என்பது மலேசியா, சிலாங்கூர் மாநிலத்தில், சபாக் பெர்ணம் மாவட்டத்தில் (Sabak Bernam District) உள்ள ஒரு சிறிய நகரம். மலேசியத் தலைநகரமான கோலாலம்பூரில் இருந்து 100 கி.மீ. வட மேற்கே உள்ளது.[1]
செகிஞ்சான் | |
|---|---|
| Sekinchan | |
.jpg) | |
  செகிஞ்சான் மலேசியா | |
| ஆள்கூறுகள்: 3°30′0″N 101°6′0″E / 3.50000°N 101.10000°E | |
| நாடு |  மலேசியா |
| மாநிலம் |  சிலாங்கூர் |
| மாவட்டம் | சபாக் பெர்ணம் மாவட்டம் |
| நிர்வாக மையம் | சுங்கை பெசார் |
| அரசு | |
| • ஊராட்சி | சபாக் பெர்ணம் ஊராட்சி (Sabak Bernam District Council) |
| நேர வலயம் | மலேசிய நேரம் ஒ.ச.நே + 08:00 |
| அஞ்சல் குறியீடு | 45400 |
| தொலைபேசி எண்கள் | ++60-3-3241 |
| போக்குவரத்துப் பதிவெண்கள் | B |
| இணையதளம் | www |
மலேசியாவில் நெல் உற்பத்திக்கு பிரபலமாக விளங்கும் இந்த நகரம்; மலேசியாவில் இயற்கைச் சுற்றுலா தலங்களில் ஒன்றாகவும் விளங்குகிறது. இங்கு குறைந்த அளவிற்கு மலேசியத் தமிழர்களும் நெல் விவசாயம் செய்கின்றனர்.[2]
செகிஞ்சான் கிராம நகர்ப்புறத்தைச் சுற்றியுள்ள பரந்த பகுதியில், நீர்ப்பாசனம் முறை நன்கு திட்டமிடப்பட்டு செயல்படுத்தப் படுகிறது. நாட்டிலேயே அதிக நெல் விளைச்சல் தரும் இடங்களில் இதுவும் ஒன்றாகும்.
பொது
தொகு
செகிஞ்சான் அதன் கடல் உணவுக்காகப் பெயர் பெற்றது. அதற்காக சிலாங்கூர் மாநிலத்தில் உள்ளவர்கள் அடிக்கடி வருகை தருவது வழக்கம். அத்துடன் கோலாலம்பூர் மற்றும் ஈப்போவில் இருந்தும் உணவு அருந்துபவர்கள் வருவதும் வழக்கம். மேலும், உள்நாட்டில் உற்பத்தி செய்யப்படும் அரிசியை கொள்முதல் செய்யும் சில அரிசி ஆலைகளும் இப்பகுதியில் உள்ளன.
செகிஞ்சானில் ஒரு நீர் பூங்கா உள்ளது. அதன் பெயர் செக்கின் ஓண்டர்லேண்ட் (MSekin Wonderland). 2021-இல் திறக்கப்பட்ட இந்தப் பூங்கா, கடற்கரையில் இருந்து வெகு அருகில் உள்ளது.[3]
நிலவியல்
தொகுசெகிஞ்சான் வடமேற்கு சிலாங்கூர் சமவெளியில் அமைந்துள்ளது. இது தஞ்சோங் காராங்கில் இருந்து சபாக் பெர்ணம் மற்றும் மலாக்கா நீரிணை (Straits of Malacca) வரை நீடிக்கிறது. கடலோரங்களில் மீன்பிடி கிராமங்கள் உள்ளன.
தட்டையான சமவெளியில் அமைந்து இருப்பதால் இந்தச் சமவெளியை "சிலாங்கூர் அரிசி கிண்ணம்" (Rice bowl of Selangor) என்றும் அழைக்கிறார்கள்.
சபாக் பெர்ணம் மாவட்டம்
தொகுசபாக் பெர்ணம் மாவட்டம், சிலாங்கூர் மாநிலத்தின் நெல் விளையும் கேந்திரப் பகுதியாகும். அந்த வகையில் சபாக் பெர்ணம் மாவட்டத்தின் முக்கியப் பொருளாதார நடவடிக்கை விவசாயம். இந்த மாவட்டம் சிலாங்கூரின் அதி மேற்குப் பகுதியில் உள்ள மாவட்டம். மலேசியத் தலைநகர் கோலாலம்பூரில் இருந்து 100 கி.மீ. தொலைவில் அமைந்து உள்ளது.
இந்த மாவட்டத்திற்கு வடக்கில் பேராக் மாநிலம்; கிழக்கில் உலு சிலாங்கூர் மாவட்டம்; தெற்கில் கோலா சிலாங்கூர் மாவட்டம்; மேற்கில் மலாக்கா நீரிணை ஆகியவை உள்ளன.
சபாக் பெர்ணம் மாவட்டத்தின் முக்கிய நகரங்கள்: சபாக்; சுங்கை பெசார்; செகிஞ்சான். இந்த மாவட்டத்தின் முக்கிய நகரம் சபாக் பெர்ணம் நகரம் ஆகும்.
மேற்கோள்கள்
தொகு- ↑ "Sekinchan, Selangor". 2014-12-05. Archived from the original on 2019-11-10. பார்க்கப்பட்ட நாள் 2019-11-10.
- ↑ "Sekinchan is a small fishing village, not much public transports are available there. It is well known for its paddy fields. Farmers of Sekinchan plant rice twice a year" (in பிரிட்டிஷ் ஆங்கிலம்). 3 April 2022. பார்க்கப்பட்ட நாள் 1 May 2023.
- ↑ "Sekinchan's 1st Water Park Opens And It's Only RM20 To RM25 Per Entry". SAYS. 14 Dec 2021. https://says.com/my/lifestyle/msekin-waterpark-opens-in-sekinchan.