சென்னைப் பெருநகர் வளர்ச்சிக் குழுமம்

சென்னைப் பெருநகர் வளர்ச்சிக் குழுமம் (Chennai Metropolitan Development Authority) சென்னை மற்றும் அதன் புறநகர்ப் பகுதிகளில் வளர்ச்சிக்கான திட்டமிடும் முகாமையாகும்.

வரலாறு

சென்னைப் பெருநகர் வளர்ச்சி குழுமம் 1972 -ஆம் ஆண்டு நிறுவப்பட்டு, 1974 - ஆம் ஆண்டு, "1971 தமிழ்நாடு நகர வளர்ச்சி மற்றும் திட்டமிடல்" மசோதாவின் படி இன்றியமையா நிறுவனம் என்ற தகுதியின் அடிப்படையில் அங்கீகரிக்கப்பட்டது.

உறுப்பினர்கள்

எண்	உறுப்பினர் மாண்பு	பொறுப்பு	உறுப்பினர் எண்ணிக்கை
1	அமைச்சர் - தகவல் துறை	தலைவர்	1
2	துணை தலைவர், சென்னை பெருநகர் வளர்ச்சி குழுமம்	துணை தலைவர்	2
3	உறுப்பினர் - செயலர், சென்னை பெருநகர் வளர்ச்சி குழுமம்	உறுப்பினர்	1
4	அரசு செயலர், வீட்டு வசதித்துறை	உறுப்பினர்	1
5	அரசு செயலர், நிதித்துறை	உறுப்பினர்	1
6	அரசு செயலர், தொழில் துறை	உறுப்பினர்	1
7	அரசு செயலர், போக்குவரத்து துறை	உறுப்பினர்	1
8	ஆணையர், சென்னை மாநகராட்சி	உறுப்பினர்	1
9	மேலாண் இயக்குனர், சென்னை குடிநீர் வழங்கல் மற்றும் கழிவுநீர் அகற்று வாரியம்	உறுப்பினர்	1
10	இயக்குனர், நகர வளர்ச்சி மற்றும் திட்டமிடல் பிரிவு	உறுப்பினர்	1
11	தலைமை நகர திட்டவினைஞர், சென்னை பெருநகர் வளர்ச்சி குழுமம்	உறுப்பினர்	1
12	தலைமை பொறியாளர், நெடுஞ்சாலை மற்றும் ஊரகப்பனித்துறை	உறுப்பினர்	1
13	அரசு தலைமை கட்டிடக்கலைஞர்	உறுப்பினர்	1
14	இணை இயக்குனர், நகர வளர்ச்சி மற்றும் திட்டமிடல் பிரிவு	உறுப்பினர்	1
15	தலைவர், தமிழ்நாடு வீட்டு வசதி வாரியம்	உறுப்பினர்	1
16	தலைவர், தமிழ்நாடு குடிசை மாற்று வாரியம்	உறுப்பினர்	1
17	சட்டமன்ற உறுப்பினர், தமிழக சட்டபேரவை	உறுப்பினர்	2
18	சென்னை பெருநகர் பரப்பின் நகராட்சி மன்ற உறுப்பினர்	உறுப்பினர்	4
19	உறுப்பினர் - செயலர், தமிழ்நாடு மாசுக்கட்டுப்பாடு வாரியம்	சிறப்பு அழைப்பாளர்	1

குழுமத்தின் செயல்பாடுகள்

1) சென்னை பெருநகர் பரப்பின் பகுதிகளில் களப்பணியாற்றி, அதன் அடிப்படையில் அறிக்கைகள் அளித்தல்.

2) சென்னை பெருநகர் பரப்பிற்கு வரைவு திட்டம் ஆயத்தம் செய்தல்; விரிவான கட்டமைப்பு திட்டம் ஆயத்தம் செய்தல்; புதிய நகர்களை உருவாக்கும் திட்டங்களை ஆயத்தம் செய்தல்.

3) செயல்பாட்டில் இருக்கும் அண்மைய நிலப்பயன்பாட்டு வரைபடத்தை தயாரித்தல்; புதிய திட்டங்களுக்காக தேவைப்படுகின்ற வரைபடங்களை ஆயத்தம் செய்தல்.

4) புதிய திட்டப்பணிகளை விரைந்து முடித்தல்

5) சென்னை பெருநகர பரப்பின் பகுதிகளில் ஒரு பிரிவு அல்லது முழுமையான பரப்பளவை புதிய நகர் என்று தீர்மானித்து கீழ்கண்ட செயல்பாடுகளை செய்தல்.

- குறிக்கப்பட்ட பகுதிகளில் புதிய நகர் படைப்பதர்க்கான வரைவை தயாரித்தல்

- குறிக்கப்பட்ட பகுதிகளில் புதிய நகர் உருவாவது புதிய நகர திட்டமிடலின் படி அமைக்கப்படுவதை வரையறை செய்தல்.

குழுமத்தால் நிறைவேற்றப்பட்ட திட்டங்கள்

(1) சென்னை புறநகர் பேருந்து நிலையம், கோயம்பேடு

(2) கோயம்பேடு வணிக வளாகம்

(3) வெளி வட்ட சாலை

சென்னை பெருநகர வளர்ச்சி குழுமத்தின் எல்லைகள் விரிவாக்கம்

20 அக்டோபர் 2022 முடிய சென்னை பெருநகர் திட்டப்பகுதி சென்னை மாநகராட்சி, ஆவடி மாநகராட்சி, தாம்பரம் மாநகராட்சி [ 5 நகராட்சிகள், 3 பேரூராட்சிகள், 10 ஊராட்சி ஒன்றியங்களில் உள்ள 179 கிராமங்களை உள்ளடக்கி 1,189 சதுர கிலோ மீட்டர் பரப்பைக் கொண்டிருந்தது.

21 அக்டோபர் 2022 அன்று தமிழ்நாடு அரசு வெளியிட்ட அரசாணையின் படி சென்னை பெருநகர் வளர்ச்சிக் குழுமம் 4 மாநகராட்சிகள், 12 நகராட்சிகளுடன் 5,904 சதுர கிலோ மீட்டர் பரப்பளவுக்கு விரிவடைகிறது. இதனால் சென்னை மாநகரம் இந்தியாவின் மூன்றாவது பெருநகரம் என்ற தகுதி பெறுகிறது. இந்த விரிவாக்கத்தால் 1,225 கிராமங்கள் கூடுதலாக சேர்ந்துள்ளது.^[1] இதன்மூலம் சென்னை பெருநகர மக்கள் தொகை அளவு 1.59 கோடியாக இருக்கும்.^[2]^[3]^[4]

விரிவாக்கப்படும் சென்னை பெருநகரில், நகர மற்றும் ஊரமைப்பு இயக்ககத்தின் கட்டுப்பாட்டில் உள்ள செங்கல்பட்டு, கும்மிடிப்பூண்டி, மாமல்லபுரம், திருவள்ளூர், அரக்கோணம், காஞ்சிபுரம், திருத்தணி பகுதிகளில் 1,617 சதுர கிலோ மீட்டரும், சென்னை பெருநகர வளர்ச்சிக் குழுமம் (சிஎம்டிஏ)வின் கீழ் தற்போது உள்ள 1,189 சதுர கிலோ மீட்டரையும், திட்டமிடப்படாத பகுதிகளான 3,098 சதுர கிலோ மீட்டரும் இணைக்கப்பட்டுள்ளது.

மேற்கோள்கள்

வெளி இணைப்புகள்

செ.பெ.வ.கு பற்றி (தமிழில்) (இத்தளத்தின் ஆங்கிலப் பதிப்பும் உள்ளது)

[1] Chennai Metropolitan Planning Area

[2] 4 மாநகராட்சிகள், 12 நகராட்சிகளுடன் 5,904 சதுர கிமீ பரப்பளவுக்கு விரிவடையும் சென்னை - இந்தியாவின் 3-வது பெரு நகரமாகிறது

[3] Chennai Metropolitan Area to become larger by over 1,000 villages

[4] Order issued for expansion of Chennai to 5,904 sq. km; over 1,200 villages set to be added

[1]

[2]

[3]

[4]