ஜமால் முகமது கல்லூரி

ஜமால் முகமது கல்லூரி (Jamal Mohamed College) திருச்சிராப்பள்ளி மாநகரில் உள்ள கல்லூரிகளில் ஒன்றாகும். இக்கல்லூரி கலை, அறிவியல் மற்றும் வணிகவியல் துறைகளில் இளங்கலைக் கல்வி பட்டப்படிப்புகளை வழங்குகிறது. சென்னைப் பல்கலைக்கழகத்தின் கீழ் இயங்கிய இக்கல்லூரி 1982 இல் பாரதிதாசன் பல்கலைக்கழகம் உருவாக்கப்பட்ட போது அதன்கீழ் இணைக்கப்பட்டது. தேசிய அளவிலான தரவரிசையில் 59-ஆம் இடத்தையும் பெற்றுள்ளது.

ஜமால் முகமது கல்லூரி (தன்னாட்சி)

குறிக்கோளுரை	எங்களை நேர்வழியில் நடத்துவாயாக!!
உருவாக்கம்	ஜூலை 11, 1951
உருவாக்குனர்	மு. ஜமால் முகமது சாகிப் மற்றும் நெ. மு. காஜாமியான் ராவுத்தர்
தலைவர்	ஹாஜி. எம்.ஜே. ஜமால் முகமது பிலால்
முதல்வர்	முனைவர் து.இ.ஜார்ஜ் அமலரெத்தினம்
நிருவாகப் பணியாளர்	483
மாணவர்கள்	10,450
அமைவிடம்	7, ரேஸ் கோர்ஸ் ரோடு, காஜா நகர், திருச்சி, 620020
விளையாட்டுகள்	கூடைப்பந்து, மட்டை பந்து
சேர்ப்பு	பாரதிதாசன் பல்கலைக்கழகம்
இணையதளம்	[[1]]

11-7-1951 ஆம் ஆண்டு ஜமால் முகமது கல்லூரி தொடங்கப்பட்ட நேரத்தில் அன்றைய முதல்வர் குமாரசாமி ராஜா,ஆளுனர் பாவ்நகர்வாலா மற்றும் அவர் மனைவி,காஜாமியான் ராவுத்தர்,புரவலர் செய்யது இப்ராஹிம்,ஜமால் முகமது மகனார் ஜமால் முகைதீன்,காயிதேமில்லத் தம்பி KTM அகமது இப்ராஹிம் மற்றும் AK ஜமாலி சூழ நடுவில் காயிதேமில்லத்.

கல்லூரியின் தோற்றம்

• ஜமால் முஹம்மது கல்லூரி 1951ஆம் ஆண்டு 110 ஏக்கர் பரப்பளவில் திருச்சியில் நிறுவப்பட்டது. உருவாக்கப்பட்டபோது சென்னை பல்கலைக்கழகத்தால் அங்கீகரிக்கப்பட்ட இக்கல்லூரி 1982-ஆம் ஆண்டு திருச்சிராப்பள்ளியில் பாரதிதாசன் பல்கலைக்கழகம் உருவாக்கப்பட்டபோது அதனோடு இணைக்கப்பட்டது.

• இக்கல்லூரி 1951 ஆம் ஆண்டு சூலை 11-ஆம் நாள் அப்போதைய சென்னை மாகாணத்தின் முதலமைச்சாரான மேதகு பி. எஸ். குமாரசுவாமிராஜா அவர்களின் முன்னிலையில் திறக்கப்பட்டது. அப்போது சென்னை பல்கலைக்கழகத்தின் கீழும் 1982-இல் திருச்சி பாரதிதாசன் பல்கலைக்கழகம் துவங்கப்பட்டபோது அதன் கீழும் உறுப்பு கல்லூரியாக இயங்கி வருகின்றது.

• தென்னிந்தியாவின் அலிகார் முஸ்லிம் பல்கலைக்கழகம் என புகழப்படும் இக்கல்லூரி தமிழக இசுலாமிய மக்களின் கலாச்சார மற்றும் பண்பாட்டு மையமாகவும் கருதப்படுகிறது.

நிறுவனர்கள்

ஜனாப் எம். ஜமால் முஹம்மது சாகிப் மற்றும் என். எம் காஜா மியான் இராவுத்தர் ஆகியோர் இதனை நிறுவியவர்களாவர்.

துறைகள்

மொழி

• தமிழ்
• அரபி
• ஆங்கிலம்
• இந்தி
• உருது
• பிரெஞ்சு

அறிவியல்

• தாவரவியல்
• வேதியியல்
• கணினி அறிவியல்
• கணிதம்
• இயற்பியல்
• விலங்கியல்
• உயிரித் தொழில்நுட்பம்
• உயிரி-தகவலியல்
• நுண்ணுயிரியல்
• உணகவியல்
• ஊட்டச்சத்தியல்
• கணிணி பயன்பாட்டியல்

கலை

• பொருளியல்
• வரலாறு

வணிகம்

• வர்த்தக நிர்வாகம்
• வர்த்தக மேலாண்மை
• வணிகவியல்

பிற

• சமூகபணிகள்
• ஆடை வடிவமைப்பு

மத்திய அரசின் தேசிய விருது

திருச்சி ஜமால் முகமது கல்லூரி சிறந்த நாட்டு நலப்பணித்திட்ட சேவை புரிந்தமைக்காக இந்திராகாந்தி தேசிய நாட்டு நலப்பணித்திட்ட தேசிய விருது 2015 நவம்பர் 19-ந் தேதி டெல்லியில் நடந்த நிகழ்ச்சியில் குடியரசுத் தலைவர் பிரணாப் முகர்ஜியால் வழங்கப்பட்டது.

இங்கு படித்த பிரபலங்கள்

பெயர்	துறை	கல்வி
எம். அப்துல் ரஹ்மான்	முன்னாள் மக்களவை உறுப்பினர் (வேலூர்)	முதுகலை பொருளியல்
எல். கணேசன்	சட்டமன்ற, நாடாளுமன்ற உறுப்பினர் (தி.மு.க)
கே. என். நேரு	முன்னாள் போக்குவரத்துத் துறை அமைச்சர் (தி.மு.க)
ஜேம்ஸ் வசந்தன்	தொலைக்காட்சி நிகழ்ச்சிதொகுப்பாளர்	முதுகலை ஆங்கிலம்

வெளி இணைப்புகள்

• கல்லூரி இணையதளம்