நேச்சர் (இதழ்)

நேச்சர் (Nature) என்பது 1869 ஆம் ஆண்டு நவம்பர் 4 ஆம் நாள் தொடங்கி இன்றும் தொடர்ந்து ஆங்கில மொழியில் வெளிவந்து கொண்டிருக்கும் உயர்தரமான ஓர் அறிவியல் ஆய்விதழ். இது இங்கிலாந்திலிருந்து வெளியாகும் இதழ். உலகின் மிக உயர்ந்த உள்ளொழுக்கமுள்ள அறிவியல் ஆய்விதழ்களில் ஒன்றாக இது பார்க்கப்படுகிறது. பெரும்பாலான அறிவியல் சார்ந்த ஆய்விதழ்கள் தற்காலத்தில் தனிச்சிறப்பு பெற்றுள்ளன. அவற்றுள் நேச்சர் போன்ற சில ஆய்விதழ்களான, சயன்சு மற்றும் த புரோசிடிங்சு ஆஃவ் த நேசனல் அக்காடமி ஆஃவ் சயன்சு போன்ற, மற்ற கிழமை (வார) ஆய்விதழ்களையும் மிகச்சிறந்த எடுத்துக்காட்டாகக் குறிப்பிடலாம். இவை இன்றளவும் அறிவியல் சார்ந்த துறைகளில் நேர்த்தியான ஆய்வுக்கட்டுரைகளைப் பெருமளவில் வெளியிட்டு வருகின்றன. பல்வேறு அறிவியல் சார்ந்த ஆய்வுத்துறைகளில் மேற்கொள்ளப்படும் முக்கிய வளர்ச்சி மற்றும் நேர்த்தியான ஆய்வு உள்ளிட்ட நிகழ்வுகள் நேச்சர் ஆய்விதழில் கட்டுரையாகவோ அல்லது கடிதம் (மடல்) அல்லது செய்திக்குறிப்பு வடிவிலோ வெளியிடப்படுகிறது.

Nature நேச்சர்
First title page, November 4, 1869
சுருக்கமான பெயர்(கள்)	Nature
துறை	பல்துறை
மொழி	ஆங்கிலம்
வெளியீட்டு விவரங்கள்
பதிப்பகம்	நேச்சர் பதிப்பகக் குழுமம் (ஐக்கிய இராச்சியம்)
வரலாறு	1869 முதல் இன்றுவரை
வெளியீட்டு இடைவெளி:	கிழமைதோறும்
தாக்க காரணி	31.434 (2008)
குறியிடல்
ISSN	0028-0836 (அச்சு) 1476-4687 (இணையம்)
CODEN	NATUAS
OCLC	01586310
இணைப்புகள்
Journal homepage Online access Online archive  RSS (?)

ஆய்வுகளை நடத்தி மேற்கொண்டுவரும் அறிவியலாளர்களே இந்த ஆய்விதழுக்கு முதன்மையான பார்வையாளர்களாவர். அதே சமயம் தொகுப்புகள் மற்றும் தொடர் கட்டுரைகள் உள்ளிட்டவை மிகவும் முக்கிய ஆவணங்களை மற்ற துறைகளில் உள்ள பொது மக்கள் மற்றும் அறிவியாளர்கள் புரிந்துகொள்ள வழிவகை செய்து தருகின்றன. தற்போதைய நடப்புகள், அறிவியலுக்காக ஒதுக்கப்பட்ட நிதி, வியாபாரம், அறிவியல் நோக்கிலான நன்னெறிகள் மற்றும் ஆய்வு குறித்த முன்னேற்றங்கள் உள்ளிட்ட நிகழ்வுகளை அறிவியலாளர் அறிந்து கொள்ளும் வகையில் வெளியிடப்படும் செய்திகள், கட்டுரைகள் மற்றும் தலையங்கங்கள் ஆகியவை ஆய்விதழின் முக்கிய பகுதிகளாகும். நூல்கள் பற்றிய திறனாய்வுப்பகுதிகளும் இதில் உள்ளன. பத்திரிகையின் மீதமிருக்கும் பகுதியானது பெரும்பாலும் பெரிய தொழில்நுட்பத்தை விவரிக்கும்படியான ஆய்வுக் கட்டுரைகளைக் கொண்டிருக்கும். கட்டுப்பாடுகளின் காரணமாக கட்டுரையின் நீளத்தைக் குறைக்க வேண்டியுள்ளது. பல்வேறு சூழ்நிலைகளில் கட்டுரையைக் குறித்த சிறிய தொகுப்புகளே வெளியிடப்படுகின்றன. அத்துடன் அக்கட்டுரை தொடர்பான கூடுதலான ஆவணங்கள் பத்திரிகையின் வலைத்தளப் பக்கத்தில் வெளியிடப்படுகின்றன.

நேச்சர் ஆய்விதழ் (அறிவியலுடன் இணைந்து) செய்திகள் மற்றும் மனித நேயத்திற்கான பிரின்சு ஆஃவ் ஆத்துரியசுப் பரிசை 2007 ஆம் ஆண்டில் வென்றது.

வரலாறு

அறிவியல் தொடர்பான இதழ்களும் நேச்சருக்கு முன்பிருந்த இதழ்களும்

19 ஆம் நூற்றாண்டில் இங்கிலாந்து நாடு அறிவியலில் பெரிய வளர்ச்சியைக கண்டது; குறிப்பாக 19 ஆம் நூற்றாண்டின் பிற்பகுதியில் இங்கிலாந்து மிகப்பெரிய தொழில்நுட்பம், தொழில் தொடர்பான மாற்றமும் முன்னேற்றமும் கண்டது. ராயல் சொசைட்டி என்ற பத்திரிகை அந்தச் சமயத்தில் மிகவும் புகழ்பெற்ற அறிவியல் சார்ந்த ஆய்விதழாக விளங்கியது என்பதுடன், சார்லசு டார்வினின் முந்தைய பணிகளின் வாயிலாக ஐசக் நியூட்டன் மற்றும் மைக்கேல் பாரடே போன்றோரின் பல்வேறு பணிகளைக் குறித்த செய்திகளை வெளியிட்டது. கூடுதலாக அக்காலத்தில், 1850 ஆம் ஆண்டு முதல் 1860 ஆம் ஆண்டு வரை, புகழ்பெற்ற அறிவியல் சார்ந்த ஆய்விதழ்களின் எண்ணிக்கை இருமடங்காகக் கூடியது. பொதுமக்களை அறிவியல் உலகத்துடன் இணைப்பதற்காக, "அறிவியல் சார்ந்த செய்திகளை" வெளியிடும் முயற்சியில் ஆய்விதழ்கள் ஈடுபட்டுள்ளன என்று இத்தகைய புகழ்பெற்ற அறிவியல் சார்ந்த ஆய்விதழ்களின் பதிப்பாசிரியர்களின் கூறியுள்ளனர்.

1869 ஆம் ஆண்டு நேச்சர் முதன் முதலில் உருவாக்கப்பட்டது என்பதுடன், ஆய்விதழ் என்ற கண்ணோட்டத்தில் அது உருவாக்கப்படவில்லை. 1859 ஆம் ஆண்டு நேச்சுரல் ஃகிசிட்ரி என்ற ஓர் இதழ் நேச்சர் என்ற தலைப்பில்Recreative Science: A Record and Remembrancer of Intellectual Observation கட்டுரைகளை எழுதி வந்தது என்பதுடன் இயற்பியல் தொடர்பான ஆய்வுகள், தொழில்நுட்பக் கருத்துகள் மற்றும் குறைந்த அளவிலான வரலாற்று நிகழ்வுகள் ஆகியவற்றை உள்ளடக்கிய செய்திகளை வெளியிட்டு வந்தது. அந்த இதழ் தனது பெயரைப் பின்னர் இன்டலெக்சுவல் அப்சர்வர்: எ ரெவீவ்யூ ஆஃவ் நேச்சுரல் ஃகிசிட்ரி, மைக்ரோசுக்கோபிக் ரிசர்ச், அன்ட் ரிகிரியேட்டிவ் சயின்சு என்று மாற்றிக்கொண்டது. பின்னர் மீண்டும் அது தனது பெயரை ஸ்டூடன்ட் அன்ட் இன்டலெக்சுவல் அப்சர்வர் ஆஃவ் சயின்சு, லிட்ரேச்சர், அன்ட் ஆர்ட் (அறிவியல், இலக்கியம், கலை ஆகியவற்றின் மாணவரும் அறிவுநோக்கப் பார்வையாளர்) என்று மாற்றியது. ரெக்கிரியேட்டிவ் சயின்சு என்ற பிரிவு வானியல் மற்றும் தொல்பொருளியல் உள்ளிட்ட இயற்பியல் அறிவியல் தகவல்களை சேகரிக்கும் வேலையை மேற்கொண்டது. அதே சமயம் இன்டலெக்சுவல் அப்சர்வர் என்ற பிரிவு இலக்கியம் மற்றும் கலை உள்ளிட்ட செய்திகளை சேகரித்தது. 1862 ஆம் ஆண்டு ரெக்கிரியேட்டிவ் சயின்சு என்பது பாப்புலர் சயின்சு ரிவ்யூ என்று பெயரிடப்பட்டு அறிவியல் சார்ந்த இதழாக வெளியிடப்பட்டது. மேலும் அவ்விதழ் சயின்டிஃவிக் சம்மரி அல்லது குவார்டெர்லி ரெட்ரோஸ்பெக்ட் என்ற துணைத் தலைப்புகளை உருவாக்கி, நூல் மதிப்பாய்வு, அண்மைய அறிவியல் தொடர்பாக மேற்கொள்ளப்பட்ட பணிகள் மற்றும் வெளியீடுகள் குறித்த கருத்துக்களின் உதவியுடன் பல்வேறு அறிவியல் துறைக்குமான தகவல்களை அதில் அளித்து வந்தது. இங்கிலாந்தில் நேச்சர் இதழ் உருவாவதற்கு முன்பாக, குவார்டெர்லி சர்னல் ஆஃவ் சயின்சு மற்றும் சயின்டிஃவிக் ஒப்பினியன் ஆகிய இரண்டு இதழ்கள் முறையே 1864 ஆம் ஆண்டும் 1868 ஆம் ஆண்டும் தொடங்கப்பட்டன. 1864 ஆம் ஆண்டு தொடங்கப்பட்ட தி ரீடர் என்ற பத்திரிகை தனது பதிப்புரை மற்றும் வெளியீட்டுப் பாணி ஆகியவற்றின் அடிப்படையில் நேச்சர் இதழை ஒத்திருந்தது எனலாம்; இலக்கியம் மற்றும் கலையுடன் கூடிய அறிவியல் நிகழ்வுகளை அவ்விதழ் வெளியிட்டது என்பதுடன், பாப்புலர் சயின்சு ரிவ்யூ இதழைப் போன்று இவ்விதழும் அறிவியல் தொடர்பான நிகழ்வுகளை பொதுமக்களிடம் கொண்டுசேர்க்கும் முயற்சியில் ஈடுபட்டது.

இவ்விதழ்கள் அனைத்தும் தோல்வியையே சந்தித்தன. பாப்புலர் சயின்சு ஆஃவ் ரிவ்யூ என்ற இதழ் மட்டும் தொடர்ந்து 20 ஆண்டு காலம் இயங்கி வந்தது என்பதுடன், அது தனது வெளியீட்டை 1881 ஆம் ஆண்டுடன் முடித்துக்கொண்டது; ஸ்டூடன்ட் அன்ட் இன்டலெக்சுவல் அப்சர்வர் என்ற இதழைப் போன்று ரிக்கிரியெட்டிவ் சயின்சு இதழும் 1871 ஆம் ஆண்டு நிறுத்தப்பட்டது. குவார்டர்லி சர்னல் என்ற இதழ் தனது தலையங்கத்தைப் பலமுறை மாற்றிய பின்னர், 1885 ஆம் ஆண்டு தனது வெளியீட்டை நிறுத்திக்கொண்டது. தி ரீடர் என்ற இதழ் 1867 ஆம் ஆண்டு நிறுத்தப்பட்டது என்பதுடன், அதற்கு இரண்டு ஆண்டுகள் கழித்து 1870 ஆம் ஆண்டு சூன் மாதம் சயின்டிபிக் ஒப்பினியன் இதழும் நிறுத்தப்பட்டது.

நேச்சர் ஆய்விதழின் உருவாக்கம்

தி ரீடர் இதழ் முடிவுக்கு வந்ததற்கு வெகு விரைவிலேயே அதன் ஆசிரியரான நார்மன் லாக்கியர் நேச்சர் என்ற புதிய ஆய்விதழைத் தொடங்கத் தீர்மானித்தார். இந்தத் தலைப்பை வில்லியம் வேர்ட்ஸ்வொர்த்தின் " To the solid ground of nature trusts the Mind that builds for aye" என்ற வரியிலிருந்து பெற்றார். அலெக்சாண்டர் மேக்மிலன் என்பவரால் நேச்சர் ஆய்விதழ் முதலில் நடத்தப்பட்டு வந்தது, "வாசகர்களின் அறிவியல் சார்ந்த அறிவை மேம்படுத்தும் வகையில் செய்திகளை வெளியிடுவதில்" நேச்சர் பத்திரிகை மற்ற அனைத்து இதழ்களுக்கும் முன்னோடியாகத் திகழ்ந்தது. "அப்போதிருந்த அறிவியல் சார்ந்த மற்ற இதழ்களைக் காட்டிலும் நேச்சர் இதழ் செய்திகளை மிகவும் வெளிப்படையாக வெளியிட்டது. அத்துடன் நேச்சர் இதழ் கருவுற்று, பிறந்து வளர்ந்ததே இது போன்ற செய்திகளை வெளியிடத்தான்" என்று சானெட் பிரௌனே புகழாரம் சூட்டினார். நேச்சர் இதழின் முந்தைய பதிப்புகளில் வெளிவந்த கட்டுரைகள் அனைத்தும் எக்ஸ் கிளப் என்ற குழுவைச் சார்ந்த அறிவியலாளர்களால் எழுதப்பட்டது என்பதுடன், நடுநிலைமை, முற்போக்குச் சிந்தனை, மற்றும் அந்தச் சமயத்தில் இருந்த முரண்பாடான அறிவியற் கொள்கைகளில் நம்பிக்கை வைத்திருந்தது போன்ற பல்வேறு காரணங்களுக்காக அந்த குழுவைச் சார்ந்த அறிவியலாளர்கள் அனைவரும் புகழ்பெற்று விளங்கினர். தாமஸ் ஹென்ரி ஹக்ஸ்லே என்பவரால் தொடங்கப்பட்ட அந்தக் குழுவில் ஜோசப் ஹூக்கர், ஹெர்பெர்ட் ஸ்பென்சர், மற்றும் ஜான் டின்டால் போன்ற புகழ்பெற்ற அறிவியலாளர்கள் இருந்தனர் என்பதுடன், கூடுதலாக அவர்களுடன் ஐந்து அறிவியலாளர்கள் மற்றும் கணித வல்லுநர்கள் இருந்தனர்; இந்த அறிவியலாளர்கள் அனைவரும் பொது மரபு வழி்த் தோன்றலைக் குறித்து ஆர்வம் கொண்டிருந்ததைப் போல, டார்வினின் படிமலர்ச்சிக் கொள்கைகள் குறித்து மிகவும் ஆர்வம் கொண்டிருந்தனர். அதே சமயம் 19 ஆம் நூற்றாண்டின் பிற்பகுதியில் டார்வின் கொள்கைகள் பழமையை விரும்பும் அறிவியலாளர்களுக்கு நடுவில் மிகப்பெரிய சர்ச்சையை உருவாக்கியது. இருந்தபோதும், நேச்சர் இதழ் இக்கொள்கை குறித்த செய்தியை வெளியிட்டது. இந்நிகழ்வே அந்த ஆய்விதழ் மற்ற அனைத்திற்கும் முன்னோடியாக விளங்கியதற்குக் காரணமாக அமைந்தது. 1966 ஆம் ஆண்டிலிருந்து 1973 ஆம் ஆண்டு வரையிலும், பின்னர் 1980 ஆம் ஆண்டிலிருந்து 1995 ஆம் ஆண்டு வரையிலும் ஜான் மேடாக்ஸ் என்பவர் நேச்சர் ஆய்விதழ்ழின் பதிப்பாசிரியராக பணியாற்றினார் என்பதுடன், அவர் அவ்வாய்விதழின் நூற்றாண்டின் விழாவை ஒட்டி நடத்தப்பட்ட உணவு விருந்தில் அவர் சிறப்பு விருந்தினர்களுள் ஒருவராக அழைக்கப்பட்டிருந்தார். மேலும் "இதழியல் அறம்" என்பது "ஒருவருக்கொருவர் அறிமுகமில்லாத மக்களை இணைப்பதற்கான அறிவுசார்ந்த ஒரு வழியை உருவாக்குவதாகும். இதையே லாக்கியரின் இதழ் முதலிலிருந்து செய்து வந்தது" என்று மேடாக்ஃசு கருத்து தெரிவித்தார். அவ்விதழ் தொடங்கிய முதலாம் ஆண்டில் பொருளாதார ஆதாரவைப் பெரும் பொருட்டு, மேக் மிலன் குடும்பத்தினர் மற்ற அறிவியல் சார்ந்த இதழைக் காட்டிலும் அவ்விதழை விடுபாட்டியல்போடு செயற்பட அனுமதித்தனர் என்று மேடாக்ஃசு மேலும் தெரிவித்தார்.

20 ஆம் நூற்றாண்டு மற்றும் 21 ஆம் நூற்றாண்டின் முற்பகுதியில் நேச்சர்

20 ஆம் நூற்றாண்டின் போது நேச்சர் பத்திரிகை குறிப்பிடத்தகுந்த முறையில் வளர்ச்சி கண்டது என்பதுடன், குறிப்பாக 1990 ஆம் ஆண்டுகளுக்கு பின் அப்பத்திரிகை மிகப்பெரிய வளர்ச்சியை அடைந்தது.

பதிப்பாசிரியர்கள்

நேச்சர் பத்திரிகையை நிறுவிய லாக்கியர் இம்பெரியல் கல்லூரியில் பேராசிரியராகப் பணியாற்றியவராவார். அப்பத்திரிகையின் இரண்டாம் பதிப்பாசிரியரான ரிச்சர்ட் கிரிகரியின் உதவியால் லாக்கியர் 1919 ஆம் ஆண்டில் ஆசிரியரானார். சர்வதேச அறிவியல் சார்ந்த சமூகத்தில் நேச்சர் பத்திரிகையை நிறுவுவதற்கு கிரிகரி உதவினார். கிரிகரியின் இறப்பு குறித்து ராயல் சொசைட்டி பின்வருமாறு தெரிவித்தது: "சர்வதேச அறிவியல் சார்ந்த செய்திகளைச் சேகரிப்பதில் கிரிகரி எப்பொழுதுமே ஆர்வம் கொண்டவராக இருப்பார், மேலும் சர்வதேச அறிவியல் சார்ந்த அமைப்புகள் நேச்சர் பத்திரிகையில் மேற்கொள்ளும் அனைத்து நடவடிக்கைகளுக்கு கிரிகரி தனது முழு ஒத்துழைப்பையும் அளிப்பார்." 1945 ஆம் ஆண்டு முதல் 1973 ஆம் ஆண்டிற்குள், நேச்சர் பத்திரிகையில் மூன்று பதிப்பாசிரியர்கள் மாற்றப்பட்டனர் என்பதுடன், 1945 ஆம் ஆண்டில் முதலில் ஏ.ஜெ.வி கேல் மற்றும் எல்.ஜெ.எஃப் பிரிம்பிள் (இவர் 1958 ஆம் ஆண்டு தனிப்பட்ட பதிப்பாசிரியராக இருந்தவர்) இருவரும் பதிப்பாசிரியர்களாக இருந்தனர். அதற்கடுத்து 1965 ஆம் ஆண்டு ஜான் மேடாக்ஸ் என்பவர் அதன் பதிப்பாசிரியராக இருந்தார். பின்னர் 1973 ஆம் ஆண்டு இறுதியாக டேவிட் என்பவர் அதன் பதிப்பாசிரியராக பொறுப்பேற்றுக் கொண்டார். 1980 ஆம் ஆண்டில், மேடாக்ஸ் மீண்டும் பதிப்பாசிரியராக பொறுப்பேற்றுக் கொண்டதுடன், 1995 ஆம் ஆண்டு வரை அப்பொறுப்பில் இருந்தார். நேச்சர் பத்திரிகையின் அனைத்து வெளியீடுகளுக்கும் பிலிப் கேம்பெல் என்பவர் முதன்மைப் பதிப்பாசிரியராக இருந்தார்.

நேச்சர் பத்திரிகையின் விரிவாக்கம் மற்றும் வளர்ச்சி

1970 ஆம் ஆண்டு நேச்சர் பத்திரிகை முதன் முதலில் வாசிங்டனில் தனது அலுவகத்தைத் தொடங்கியது; 1985 ஆம் ஆண்டில் நியூயார்க்கிலும், 1987 ஆம் ஆண்டில் டோக்கியோ மற்றும் முனிச்சிலும், 1989 ஆம் ஆண்டில் பாரிசிலும், 2001 ஆம் ஆண்டில் சான் பிரான்சிஸ்கோவிலும், 2004 ஆம் ஆண்டில் பாஸ்டனிலும் மற்றும் 2005 ஆம் ஆண்டில் ஹாங்காங்கிலும் அப்பத்திரிகையின் மற்ற கிளை அலுவலகங்கள் தொடங்கப்பட்டன. 1980 ஆம் ஆண்டில் அப்பத்திரிகை தனது மிகப்பெரிய விரிவாக்கத்தைத் தொடங்கியது என்பதுடன், பத்திற்கும் மேற்பட்ட புதிய பத்திரிகைகளை வெளியிடத் தொடங்கியது. இந்த புதிய பத்திரிகைகள் 1999 ஆம் ஆண்டு உருவாக்கப்பட்ட நேச்சர் பப்ளிஷிங் குரூப்பில் சேர்த்துக்கொள்ளப்பட்டது. நேச்சர், நேச்சர் ரிசர்ச் ஜர்னல்ஸ், ஸ்டாக்டன் பிரஸ் ஸ்பெஷலிஸ்ட் ஜர்னல்ஸ் மற்றும் மேக்மிலன் ரெபரன்சஸ் (என்பிஜி ரெபரன்ஸ் என்று பெயர் மாற்றம் செய்யப்பட்டுள்ளது) உள்ளிட்டவைகளும் அதனுடன் இணைக்கப்பட்டுள்ளது.

1997 ஆம் ஆண்டு, நேச்சர் பத்திரிகை டபிள்யூடபிள்யூடபிள்யூ.நேச்சர்.காம் என்ற வலைதள முகவரியில் தனது சொந்த வலைதளப் பக்கத்தை உருவாக்கியது என்பதுடன், 1999 ஆம் ஆண்டு நேச்சர் பப்ளிஷிங் குரூப் தனது வரிசையில் நேச்சர் ரெவீவ்யூஸ் என்ற புதிய பத்திரிகையைத் தொடங்கியது. சில கட்டுரைகள் மற்றும் ஆவணங்களை நேச்சர் வலைதளப் பக்கத்தில் இருந்து இலவசமாகப் பதிவிறக்கம் செய்ய இயலும். தேவைப்படும் மற்ற ஆவணங்களை கட்டணத்தைச் செலுத்தியே பதிவிறக்கம் செய்ய இயலும்.

300,000க்கும் மேற்பட்ட மூத்த விஞ்ஞானிகள் மற்றும் செயற்குழுவினர்கள் நேச்சர் பத்திரிகையைத் தொடர்ந்து பயன்படுத்தி வருகின்றனர். மேலும் அப்பத்திரிகை 600,000க்கும் அதிகமான மொத்த வாசகர்களைக் கொண்டுள்ளது. ஏறத்தாழ 65,000 வாசகர்கள் அப்பத்திரிகையைப் படிப்பதாகத் தெரிவித்தாலும், சராசரியாக ஒரு பிரதியை பத்து வாசகர்கள் பங்கிட்டுக்கொள்கின்றனர் என்று ஒரு ஆய்வு தெரிவி்க்கிறது.

2008 ஆம் ஆண்டு அமெரிக்க அதிபர் தேர்தலில் பாரக் ஒபாமா தனது தேர்தல் பிரச்சாரத்தை மேற்கொண்டபோது, நேச்சர் பத்திரிகை முதன் முறையாக 2008 ஆம் ஆண்டு அக்டோபர் 30 ஆம் தேதி அமெரிக்க அதிபர் தேர்தலில் போட்டியிடும் வேட்பாளர்களை ஆதரித்தது.

நேச்சர் பத்திரிக்கையில் பதிப்புகள்

நேச்சர் பத்திரிகையில் கட்டுரைகளை வெளியிடுவது மிகப்பெரிய கௌரவமாகக் கருதப்படுகிறது. மேலும் அப்பத்திரிகையில் வெளியிடப்படும் கட்டுரைகள் மற்ற காரணங்களுக்காக அடிக்கடி பயன்படுத்தப்படும் என்பதுடன், ஊக்கப்படுத்துதல், நிதி உதவி அளித்தல், மற்றும் அதைப் பாதுகாத்தல் போன்ற பல ஆதாயங்கள் முக்கிய ஊடகங்களால் அக்கட்டுரைகளுக்கு வழங்கப்படுகின்றன. இதுபோன்ற நேர்மறையான நிகழ்வுகளின் காரணமாக, நேச்சர் மற்றும் அதன் முக்கிய போட்டியாளரான சயின்ஸ் ஆகிய மிகப்பெரிய பத்திரிகைகளில் கட்டுரைகளை வெளியிடுவதற்கு விஞ்ஞானிகளுக்கிடையே மிகவும் கடுமையான போட்டி நிலவுகிறது. நேச்சரின் செயல் விளைவுக் காரணியான ஒரு பத்திரிகை மற்ற படைப்புக்களில் எத்தனை சான்றுகளைக் காட்டியிருக்கிறது என்பது 2008 ஆம் ஆண்டில் 31.434 என்ற அளவிற்கு இருந்தது (தாம்ஸன் ஐஎஸ்ஐ ஆல் மதிப்பிடப்பட்டதன்படி) இது மற்ற அறிவியல் பத்திரிகைகளைக் காட்டிலும் மிக அதிகமானது.

பெரும்பாலான செய்திகள் மற்றும் கட்டுரைகள் அனைத்தும் பதிப்பாசிரிகயர்களால் ஆய்வுக்கு உட்படுத்தப்படுகின்றன. அதைத் தொடர்ந்து அக்கட்டுரை வெளியிடுவதற்கு முன்பாக உயர் மதிப்பாய்வு (பதிப்பாசிரியர்களால் தேரந்தெடுக்கப்படும் ஆராய்ச்சியில் ஈடுபடாத மற்ற விஞ்ஞானிகள் ஒரு துறையில் அனுபவமுள்ளவர்களாக இருக்கின்றனர் என்பதுடன், அக்கட்டுரைகளைப் படித்து கருத்துக்களை அளிக்கின்றனர்) செய்யப்படுகிறது. நேச்சர் பத்திரிகையால் மதிப்பாய்வு செய்யும் கட்டுரைகள் குறித்து விவாதம் எழும்போது, அப்பத்திரிகை அவ்விவாதத்தை நிறைவு செய்யும்வகையில் ஆழ்ந்த விளக்கங்களை அளிக்கின்றது. அதே சமயம் சமர்ப்பிக்கப்பட்ட பெரும்பாலான கட்டுரைகள் மதிப்பாய்வு செய்யப்படாமலே நிராகரிக்கப்படுகின்றன என்ற குற்றச்சாட்டும் நிலவுகிறது.

நேச்சர் பத்திரிகையின் திட்ட அறிக்கையின்படி:

It is intended, FIRST, to place before the general public the grand results of Scientific Work and Scientific Discovery; and to urge the claims of Science to a more general recognition in Education and in Daily Life; and, SECONDLY, to aid Scientific men themselves, by giving early information of all advances made in any branch of Natural knowledge throughout the world, and by affording them an opportunity of discussing the various Scientific questions which arise from time to time.

— 20, 20, Nature, 1869

இது 2000 ஆம் ஆண்டில் மதிப்பாய்வு செய்யப்பட்டது:

First, to serve scientists through prompt publication of significant advances in any branch of science, and to provide a forum for the reporting and discussion of news and issues concerning science. Second, to ensure that the results of science are rapidly disseminated to the public throughout the world, in a fashion that conveys their significance for knowledge, culture and daily life.

— 20, 20, Nature, 2000

தனித்துவமான ஆய்வுக் கட்டுரைகள்

நவீன வரலாற்றில் குறிப்பிடும்படியான பல அறிவியல் முன்னேற்றங்கள் குறித்த கட்டுரைகள் முதலில் நேச்சர் பத்திரிகையில் வெளியிடப்படும். பின்வருவன அனைத்தும் தேர்ந்தெடுக்கப்பட்டு நேச்சர் பத்திரிகையில் வெளியிடப்பட்ட அறிவியல் சார்ந்த ஆய்வுக் கட்டுரைகள் என்பதுடன், அனைத்துக் கட்டுரைகளும் மிகவும் முக்கியத்துவம் வாய்ந்தவை ஆகும்.

• எக்ஸ்-ரேய்ஸ் — W. C. Röntgen (1896). "On a new kind of rays". Nature 53: 274–276. doi:10.1038/053274b0. 
• அணுக்களின் அலை வடிவம் — C. Davisson and L. H. Germer (1927). "The scattering of electrons by a single crystal of nickel". Nature 119: 558–560. doi:10.1038/119558a0. 
• நியூட்ரான் — J. Chadwick (1932). "Possible existence of a neutron". Nature 129: 312. doi:10.1038/129312a0. 
• அணுப் பிளவு — L. Meitner and O. R. Frisch (1939). "Disintegration of uranium by neutrons: a new type of nuclear reaction". Nature 143: 239–240. doi:10.1038/143239a0. 
• டிஎன்ஏவின் வடிவமைப்பு — J. D. Watson and F. H. C. Crick (1953). "Molecular structure of Nucleic Acids: A structure for deoxyribose nucleic acid". Nature 171: 737–738. doi:10.1038/171737a0. 
• முதல் மூலக்கூறு புரத கட்டமைப்பு (மையோகுளோபின்) மூலக்கூறின் - J. C. Kendrew, G. Bodo, H. M. Dintzis, R. G. Parrish, H. Wyckoff and D. C. Phillips (1958). "A three-dimensional model of the myoglobin molecule obtained by X-ray analysis". Nature 181: 662–666. doi:10.1038/181662a0. 
• உலோகத் தகட்டை உருவாக்கும் கலை — J. Tuzo Wilson (1966). "Did the Atlantic close and then re-open?". Nature 211 (5050): 676–681. doi:10.1038/211676a0. 
• துடுப்பு விண்மீன்கள் — A. Hewish, S. J. Bell, J. D. H. Pilkington, P. F. Scott & R. A. Collins (1968). "Observation of a Rapidly Pulsating Radio Source". Nature 217: 709–713. doi:10.1038/217709a0. 
• ஓசோன் துளை — J. C. Farman, B. G. Gardiner and J. D. Shanklin (1985). "Large losses of total ozone in Antarctica reveal seasonal ClOx/NOx interaction". Nature 315 (6016): 207–210. doi:10.1038/315207a0. 
• ஒரு பாலூட்டியின் முதல் குளோனிங் (டாலி ஆடு) - I. Wilmut, A. E. Schnieke, J. McWhir, A. J. Kind and K. H. S. Campbell (1997). "Viable offspring derived from fetal and adult mammalian cells". Nature 385 (6619): 810–813. doi:10.1038/385810a0. 
• மனித மரபுத்தொகுதி — International Human Genome Sequencing Consortium (2001). "Initial sequencing and analysis of the human genome". Nature 409 (6822): 860–921. doi:10.1038/35057062. 

நிபுணர்கள் ஆய்வுசெய்த முறையற்ற ஆய்வுக் கட்டுரைகள்

2000-2001 ஆம் ஆண்டின் போது, ஜேன் ஹென்ரிக் ஸ்கான் என்பவரால் தொடர்ச்சியாக ஐந்து தவறான ஆவணங்கள் நேச்சர் பத்திரிகையில் வெளியிடப்பட்டது. அந்த ஆவணங்கள் அனைத்தும் மீக்கடத்தல் பற்றிய தவறான தரவுகளைக் கொண்டிருந்ததுடன், மற்ற அறிவியல் சார்ந்த முறைகேடுகளையும் கொண்டிருந்தன. 2003 ஆம் ஆண்டு அந்த ஆவணங்கள் நேச்சர் பத்திரிகையால் திரும்பப் பெறப்பட்டன. நேச்சர் பத்திரிகை மட்டும் ஸ்கானின் தவறான ஆவணங்களை திரும்பப் பெறவில்லை. மாறாக சயின்ஸ் மற்றும் பிசிக்கல் ரெவீவ்யூ உள்ளிட்ட மற்ற புகழ்பெற்ற பத்திரிகைகளும் ஸ்கானின் ஆவணங்களைத் திரும்பப் பெற்றன.

வாட்சன் மற்றும் கிரிக் ஆகியோரால் 1953 ஆம் ஆண்டு உருவாக்கப்பட்ட டிஎன்ஏவின் வடிவமைப்பு குறித்த கட்டுரையில் இருந்த மிகவும் புகழ்பெற்ற கண்டுபிடிப்புகள் அனைத்தும் வெளியிடப்படுவதற்கு முன்பாக, நேச்சர் பத்திரிகை அக்கட்டுரை தொடர்பான ஆவணங்களை மதிப்பாய்வு செய்ய அனுப்பி வைக்கவில்லை. நேச்சர் பத்திரிகையின் பதிப்பாசிரியர் ஜான் மேடாக்ஸ் பின்வருமாறு விவரிக்கிறார்: "வாட்சன் மற்றும் கிரிக் ஆகியோரின் கட்டுரை நேச்சர் பத்திரிகையால் ஆய்வு செய்யப்படவில்லை ... காரணம் அதன் திருத்தம் மற்றும் நம்பகத்தன்மை குறித்து எங்களால் ஒரு முடிவுக்கு வர முடியவில்லை. இந்தத் துறையில் பணியாற்றும் நடுவர்கள் யாரும் கட்டுரையின் வடிவமைப்பைக் கண்டதும் வாய்மூடி நிற்பதில்லை".

என்ரிகோ பெர்மியின் புதிய கண்டுபிடிப்பான பீட்டா சிதைவின் பின்தங்கிய விளைவுகள் குறித்த ஆவணங்களை அளித்தார். பின்னர் மதிப்பாய்வு மேற்கொண்டதில் அதில் பிழைகள் இருப்பது கண்டறியப்பட்டது. நேச்சர் பத்திரிகை அவரின் கட்டுரையை நிராகரித்தது. அதற்குக் காரணம் அவரின் ஆவணங்கள் உண்மைக்கு மாறாக இருந்ததே ஆகும். பெர்மியின் கட்டுரை பின்னர் செயிட்ஸ்கிரிப்ட் பர் பிசிக் என்ற பத்திரிகையால் 1934 ஆம் ஆண்டு வெளியிடப்பட்டது. அதே சமயம் அதற்கு ஐந்து வருடங்கள் கழித்து பெர்மியின் ஆவணங்கள் பெருமளவில் ஏற்றுக்கொள்ளப்பட்ட பிறகு, நேச்சர் பத்திரிகை அவரின் கட்டுரையை வெளியிட்டது.

உடலியல் அல்லது மருத்துவ ஆராய்ச்சிக்கான நோபல் பரிசை வென்ற பவுல் லாட்டெர்பர் மற்றும் பீட்டர் மேன்ஸ்பீல்ட் ஆகியோரின் கட்டுரை தொடக்கத்தில் நேச்சர் பத்திரிகையால் நிராகரிக்கப்பட்டது என்பதுடன், லாட்டெர்பர் நிராகரிப்பை எதிர்த்து மேல் முறையீடு செய்த பின்னரே அவரின் கட்டுரை வெளியிடப்பட்டது. மேலும் நேச்சர் பத்திரிகை "மதிப்பாய்வில் நிராகரிக்கப்பட்டவை" என்ற தலைப்பில் அதிகமான கட்டுரைகளை நிராகரித்ததன் மூலம் தவறான நடவடிக்கையை மேற்கொண்டது எனலாம்.

[T]here are unarguable faux pas in our history. These include the rejection of Cerenkov radiation, Hideki Yukawa’s meson, work on photosynthesis by Johann Deisenhofer, Robert Huber and Hartmut Michel, and the initial rejection (but eventual acceptance) of Stephen Hawking’s black-hole radiation.

நேச்சர் மற்றும் அதுசார்ந்த பத்திரிக்கைகளின் பதிப்புக்கள்

நேச்சர் பத்திரிகை நேச்சர் பப்ளீசிங் குரூப்பால் பதிப்பு செய்யப்பட்டு இங்கிலாந்தில் வெளியிடப்படுகிறது, மேலும் மேக்மிலன் பப்ளீசர் பத்திரிகையை கியார்க் வான் ஹோல்ட்ஸ்பிரின்க் பப்ளீசிங் குரூப் வாங்கியது. லண்டன், நியூயார்க் சிட்டி, சான் பிரான்ஸிஸ்கோ, வாஷிங்டன் டி.சி, பாஸ்டன், டோக்கியோ, ஹாங்காங், பாரிஸ், முனிச், மற்றும் பேசிங்ஸ்டோக் உள்ளிட்ட நகரங்களில் நேச்சர் பத்திரிகை தனது அலுவலகத்தைக் கொண்டிருக்கிறது. நேச்சர் நியூரோசயின்ஸ் , நேச்சர் பயோடெக்னாலஜி , நேச்சர் மெத்தேட்ஸ், நேச்சர் கிலினிக்கல் பிராக்டீஸ், நேச்சர் ஸ்டரக்சரல் அன்ட் மாலிகுலர் பயாலஜி மற்றும் நேச்சர் ரெவீவ்யூஸ் உள்ளிட்ட மற்ற பத்திரிகைகளையும் நேச்சர் பப்ளீசிங் குரூப் பிரசுரித்து வந்தது.

நேச்சர் பாட்கேஸ்ட் உதவியுடன் நேச்சர் பத்திரிகையின் ஒவ்வொரு பிரச்சினைகளும் தீர்க்கப்பட்டு வருகிறது. மேலும் அது ஒவ்வொரு பிரச்சினைகளையும் தெளிவாக அலசி ஆராய்வதுடன், கட்டுரைகள் தொடர்பான ஆசிரியர்கள் மற்றும் பதிப்பாசிரியர்களுடன் சந்திப்பை ஏற்படுத்துவதன் மூலம் ஆராய்ச்சியாளர்களுக்கு பெரும் உதவியைச் செய்து வருகிறது. ஆடம் ரூத்தர்போர்ட் மற்றும் கெர்ரி ஸ்மித் ஆகியோர் நேச்சர் பாட்கேஸ்ட்டை நிர்வகித்து வருகின்றனர் என்பதுடன், சமீபத்திய ஆராய்ச்சி குறித்து விஞ்ஞானிகளுடனும், நேச்சர் பத்திரிகையின் பதிப்பாசிரியர்கள் மற்றும் பத்திரிகையாளர்களுடன் நேர்காணலை நடத்தி வருகின்றனர். நேச்சர் பாட்கேஸ்ட் 'போடியம்' என்றழைக்கப்படும் நேர்காணலை தொடர்ச்சியாக நடத்தி வருகிறது என்பதுடன், அறிவியலின் சக்தி என்ற நிகழ்ச்சியும் அதில் அடங்கும். மேலும் தொடர்ச்சியான நேர்காணலானது அறிவியல் தொடர்பான இசை அல்லது மற்ற அறிவியல் குறித்த ஒலிப்பதிவுகள் ஆகியவற்றை உள்ளடக்கியது. மேற்கூறிய நேர்காணலானது கேம்பிரிட்ஜ் பல்கலைக்கழகம் மற்றும் தி நேக்ட் சயின்டிஸ்ட் ஆகியவற்றின் சார்பில் கிறிஸ் ஸ்மித் என்பவரால் நடத்தப்பட்டு வருகிறது.

நேச்சர் பப்ளிசிங் குரூப்பின் கிலினிக்கல் பார்மகாலஜி & தெரேபடிக்ஸ் பத்திரிகை, "அமெரிக்கன் சொசைட்டி ஆப் கிலினிக்கல் பார்மகாலஜி & தெராபடிக்சின் அதிகாரப்பூர்வ பத்திரிகை" மற்றும் அமெரிக்கன் சொசைட்டி ஆப் ஜீன் தெராப்பியின் அதிகாரப்பூர்வ பத்திரிகையான மாலிகுலர் தெராப்பி , அதே போன்று இன்டர்நேஷனல் சொசைட்டியின் மைக்ரோபயல் ஈகாலஜி (ஐஎஸ்எம்இ) பத்திரிகை உள்ளிட்டவை 2007 ஆம் ஆண்டு வெளிவரத் தொடங்கியது. நேச்சர் பப்ளிஷிங் குரூப் 2007 ஆம் ஆண்டு நேச்சர் போட்டோனிக்ஸ் என்ற பத்திரிகையையும், 2008 ஆம் ஆண்டு நேச்சர் ஜியோசயின்ஸ் என்ற பத்திரிகையையும் வெளியிட்டது. நேச்சர் கெமிஸ்டிரி தனது முதல் பதிப்பை 2009 ஆம் ஆண்டு ஏப்ரல் மாதம் வெளியிட்டது.

நேச்சர் பப்ளிசிங் குரூப் கட்டுரை ஆசிரியர்களின் பதிவுகளைச் சேகரிப்பதை ஆதரிக்கிறது. மேலும் கட்டுரையாசிரியர்கள் தங்களின் பதிப்புரிமையை அனுப்புவதற்குப் பதிலாக நேச்சர் பப்ளிசிங் குரூப்பின் தனிப்பட்ட வலைதளத்தில் தங்களின் கட்டுரையை பிரசுரம் செய்வதற்கான உரிமையைக் கோருவதற்கான வசதி 2002 ஆம் ஆண்டு ஏற்படுத்தப்பட்டது. இதுபோன்ற வசதியை ஏற்படுத்தித் தந்த முதல் வெளியீட்டாளர் என்ற பெருமையை நேச்சர் பப்ளிசிங் குரூப் பெற்றது. 2007 ஆம் ஆண்டு டிசம்பரில், முதல் முறையாக உடலுறுப்பு மரபணுவின் முதன்மைத் தொடரை பதிப்பிக்கும் நேச்சர் பத்திரிக்கைகளில் வரும் கட்டுரைகளுக்கான பங்குவீதம் போன்ற உரிமத்தை நேச்சர் பப்ளிஷிங் குரூப் அறிமுகப்படுத்தியது. 2008 ஆம் ஆண்டு, ஜான் எஸ். பாரிங்டன் என்பவர் நேச்சர் பத்திரிகையிலிருந்து சேகரிக்கப்பட்ட கட்டுரைகளை ஹெச். ஜி. வெல்ஸ் இன் நேச்சர், 1893-1946: ஏ ரிசெப்சன் ரீடர் என்ற தலைப்பின் கீழ் பதிப்பித்தார் என்பதுடன், பீட்டர் லேங் அதை வெளியிட்டார்.

நேச்சர் பத்திரிகைகளின் குடும்பம்

நேச்சர் பத்திரிகைக்கும் மேலாக நேச்சர் முத்திரை உள்ள மூன்று வகையினங்கள் நேச்சர் பப்ளிஷிங் குரூப்பால் பதிப்பிக்கப்படுகின்றன:

ஆய்வுப் பத்திரிகைகள் :

• நேச்சர் பயோடெக்னாலஜி
• நேச்சர் செல் பயாலஜி
• நேச்சர் கெமிக்கல் பயாலஜி
• நேச்சர் கெமிஸ்டரி
• நேச்சர் ஜெனிடிக்ஸ்
• நேச்சர் ஜியோசயின்ஸ்
• நேச்சர் இமுனாலஜி
• நேச்சர் மெடீரியல்ஸ்
• நேச்சர் மெடிசின்
• நேச்சர் மெதேட்ஸ்
• நேச்சர் நேனோடெக்னாலஜி
• நேச்சர் நியூரோசயின்ஸ்
• நேச்சர் போட்டானிக்ஸ்
• நேச்சர் பிசிக்ஸ்
• நேச்சர் ஸ்டரக்சரல் அன்ட் மாலிகுலர் பயாலஜி

நெறிமுறை:

• நேச்சர் புரோட்டோகால்ஸ்

மதிப்பாய்வு செய்யும் பத்திரிகைகள்:

• நேச்சர் ரெவீவ்யூ கேன்சர்
• நேச்சர் ரெவீவ்யூவ்ஸ் டிரக் டிஸ்கவரி
• நேச்சர் ரெவீவ்யூஸ் ஜெனிடிக்ஸ்
• நேச்சர் ரெவீவ்யூஸ் இம்முனாலஜி
• நேச்சர் ரெவீவ்யூ மைக்ரோபயாலஜி
• நேச்சர் ரெவீவ்யூ மாலிகுலர் செல் பயாலஜி
• நேச்சர் ரெவீவ்யூஸ் நியூரோசயின்ஸ்

நேச்சர் பத்திரிகையின் மருத்துவப் பயிற்சி தொடர்பான முன்னாள் பத்திரிகைகள்:

• நேச்சர் ரெவீவ்யூஸ் கார்டியாலஜி
• நேச்சர் ரெவீவ்யூஸ் என்டோகிரினாலஜி
• நேச்சர் ரெவீவ்யூஸ் கேஸ்ட்ரோஎன்டராலஜி & ஹெப்தாலஜி
• நேச்சர் ரெவீவ்யூஸ் நெஃப்ராலஜி
• நேச்சர் ரெவீவ்யூஸ் நியூராலஜி
• நேச்சர் ரெவீவ்யூஸ் கிலினிக்கல் ஆன்காலஜி
• நேச்சர் ரெவீவ்யூஸ் ரெமாடாலஜி
• நேச்சர் ரெவீவ்யூஸ் யூராலஜி

நேச்சர் பத்திரிகையின் இணையதள வெளியீடுகள் :

• நேச்சர் சீனா
• நேச்சர் இந்தியா

நூல் விவரத் தொகுப்பு

• (1953). "Richard Arman Gregory, 1864–1952." Obituary Notices of Fellows of the Royal Society 8(22).
• (1970). "The 'Nature' Centenary Dinner." Notes and Records of the Royal Society of London 25(1).
• 2006). "Nature Publishing Group: History." Retrieved November 15, 2006, from http://npg.nature.com/npg/servlet/Content?data=xml/02_history.xml&style=xml/02_history.xsl பரணிடப்பட்டது 2006-11-15 at the வந்தவழி இயந்திரம்
• 2006). "About the journal: Nature." Retrieved November 20, 2006, from http://www.nature.com/nature/about/index.html
• Barton, R. (1996). "Just Before Nature: The Purposes of Science and the Purposes of Popularization in Some English Popular Science Journals of the 1860s." Annals of Science 55: 33.
• Browne, J. (2002). Charles Darwin: The Power of Place . New York, Alfred A. Knopf, Inc.
• Siegel, R. S. a. G. E. (|2006 "A Cooperative Publishing Model for Sustainable Scholarship " Journal of Scholarly Publishing 37(2): 13.

புற இணைப்புகள்

• The Nature website
• An electronic version of the first issue from 1869
• Nature archive, 1869–2008
• The Nature Reviews website
• Nature Clinical Practice website
• Interview with Timo Hannay, director of web publishing for Nature Publishing Group
• History of the journal Nature