பயனர் பேச்சு:Sengai Podhuvan/தொகுப்பு 6

சங்ககால இலங்கை

இலங்கை, ஈழம் என்பன பழந்தமிழ்ச் சொற்கள். இலங்கை என்னும் சொல்லுக்கு ‘ஒளி பொருந்திய நாடு’ என்பதும், ஈழம் என்னும் சொல்லுக்குக் ‘கிழக்குநாடு’ என்பதும் பொருள்.

ஈழத்துச் சங்க காலப் புலவர்

ஈழத்துப் பூதன்தேவனார் என்னும் புலவரின் ஏழு பாடல்கள் சங்கநூல் தொகுப்பில் இடம்பெற்றுள்ள. இவை எல்லாமே அகத்திணைப் பாடல்கள். அக்கால அரசர்கள் யாரையும் இவர் பாடவில்லை என்பதை எண்ணும்போது, இவரை ஈழத்திலிருந்து தமிழ்நாட்டுக்கு வந்து வாழ்ந்தவர் எனக் கொள்வதை விட, ஈழத்தில் இருந்துகொண்டு இவர் பாடிய பாடல்கள் தொகுப்பில் சேர்க்கப்பட்டுள்ளன எனக் கொள்வது மேலானது எனத் தோன்றுகிறது.

ஈழத்து உணவு

கரிகாலன் ஆட்சிக் காலத்தில், புகார் நகரச் சந்துபொந்துகளிலெல்லாம் குவிக்கப்பட்டிருந்த செல்வ வளங்களில் ஈழத்து உணவும், காழகத்து ஆக்கமும் கடல் கடந்த நாடுகளிலிருந்து வந்தவை. காழகத்து ஆக்கம் என்பது பர்மாத் தேக்குப் பொருள்கள்.

தொன்மாவிலங்கை

இலங்கையைச் சங்கப் பாடல்கள் குறிப்பிடுகின்றன. சிறுபாணாற்றுப்படை இலங்கையைத் ‘தொன்மாவிலங்கை’ இன்று குறிப்பிடுகிறது. சிலப்பதிகாரம் இதனை வழிமொழிந்து ‘தொல் இலங்கை’ என்று குறிப்பிடுகிறது.

தமிழ்நாட்டில் இலங்கை

இலங்கைத் தீவைப் போலத் தமிழ்நாட்டிலும் ஓர் இலங்கை. இதனை ‘நன்மா இலங்கை’ என்றும், ‘பெருமா இலங்கை’ என்றும் சங்கப்பாடல்கள் குறிப்பிடுகின்றன. இவ்வூர் திண்டிவனம் பகுதியில் உள்ளது. சங்ககாலத்தில் இப்பகுதி ஓய்மானாடு எனப்பட்டது. இங்கு ஓவியர், ஒளியர் ஆகிய மக்கள் வாழ்ந்து வந்தனர். ஒளிர்வது ஓவியம். ஒளியும் ஓவியமும் ‘ஓய்’ என மருவின. இதனால் ஒளியர், ஓவியர் குடிகளின் தலைமகன் ‘ஓய்மான்’ எனப்பட்டான்.

தமிழகத்தில் ஒளிநாட்டின் தலைநகர் நன்மாவிலங்கை. பெருமாவிலங்கை என்றெல்லாம் சுட்டப்பட்ட இலங்கை. ஈழநாட்டின் தலைநகர் பண்டைக் காலத்தில் இலங்கை. இப்போது கொழும்பு. கொழுவிய நகரம் கொழும்பு. கொழுவியது இலங்கும். அதாவது ஒளிரும். ஆகவே இலங்கை கொழும்பு ஆயிற்று.

இராமன், சீதை பற்றிய குறிப்புகள்

இராமன் இலங்கையை வென்ற செய்தியைத் தமிழின் பழமையான நூல்கள் குறிப்பிடுகின்றன. சங்கப் பாடல்களில் இராமாயணம்

கயவாகு

• கி.பி. இரண்டாம் நூற்றாண்டுக் கயவாகு செங்குட்டுவன் கோயில் கட்டி நடத்திய கண்ணகி விழாவுக்கு வந்திருந்தான்.

• கயவாகு இலங்கையில் கோயில் எடுத்துக் கண்ணகியை வழிபட்டான்.

ஈழம் வென்ற கிள்ளி

உறையூரைத் தலைநகராகக் கொண்டு ஆண்ட சோழமன்னன் கிள்ளி காஞ்சிபுரத்தையும், தஞ்சாவூரையும், ஈழத்தையும் தாக்கிப் போரிட்டான் என முத்தோள்ளாயிரம் என்னும் நூல் குறிப்பிடுகிறது. தஞ்சைச்சோழர் பற்றிக் குறிப்பிடும் இந்த நூல் சங்ககாலத்துக்குப் பின் ஒன்பதாம் நூற்றாண்டுக்கு முன் நோன்றியது.

ஈழத்துப் பிராமி கல்வெட்டு

வெல்லாவெளிப் பிராமி எழுத்துக் கல்வெட்டு ஒன்று ‘பருமக நாவிக’ என்று ஒருவன் பெயரைக் குறிப்பிடுகிறது. இது ‘பெருமகன் நாவிகன்’ என்னும் தமிழ் வடிவத்தின் சிதைவு. நாவாய் வணிகத் தலைவன் நாவிகன். சிலப்பதிகாரம் நாவாய் கணிகத் தலைவனை ‘நாய்கன்’ எனக் குறிப்பிடுகிறது. இது கிறித்து காலத்துக்கு முன்பே ஈழநாட்டில் தமிழ் புழக்கத்தில் இருந்த்தை மெய்ப்பிக்கிறது.

ஈழத்துச் சொற்கள்

ஈழத்துத் தமிழ்ச்சொற்கள் தமிழின் திசைச்சொற்களாகக் கொள்ளப்பட்டன.

முடிபு

இந்தியாவோடு ஒட்டிக்கொண்டிருந்த நிலப்பரப்பு முதற்சங்கக் கடற்கோளுக்குப் பின்னர் விலகித் தனித் தீவாக மாறியது. சிலப்பதிகார உரையில் அடியார்க்கு நல்லார் குறிப்பிடும் ஏழ்தெங்கநாட்டின் பகுதியாக இலங்கை விளங்கியது எனலாம். பௌத்தம் பரவுவதற்கு முன்னர் ஈழத்தில் பேசப்பட்ட மொழி தமிழே. சிங்களம் வடமோழியோடு தொடர்புடையது.

தமிழ் ஆவண மாநாடு 2013 ஆய்வுக்கட்டுரைகளுக்கான அழைப்பு

• தமிழ் ஆவண மாநாடு 2013 ஆய்வுக்கட்டுரைகளுக்கான அழைப்பு முநூ
• ஆய்வுக்கட்டுரை சமர்ப்பது பற்றி பரிசீலிக்கவும். நன்றி. --Natkeeran (பேச்சு) 01:48, 26 நவம்பர் 2012 (UTC)
• தமிழ் அவண மாநாட்டுக்கு ஆய்வுக் கட்டுரை அளிக்கிறேன். காலம் கணித்துத் தாருங்கள். அன்புள்ள --Sengai Podhuvan (பேச்சு) 06:17, 27 நவம்பர் 2012 (UTC)

இம் மாநாட்டுக்கு கட்டுரை எழுத, நேரடியாகப் பங்களிக முடிந்தால் சிறப்பு. கட்டுரையின் பொழிவு வரும் சனவரி 15 திகதி முன் அனுப்பலாம். ஆவணவியல் தலைப்புகளில் மட்டும் அல்லாமல் விரிந்த தலைப்புகளில் கட்டுரைகள் எழுத முடியும். அனுப்பப்படும் கட்டுரைகள் மாநாட்டு இதழிலோ (conference proceedings) இலோ அல்லது வெளிவரவுள்ள நூலகம் ஆய்விதழ் (journal) இலோ இடம்பெறலாம். நன்றி. கேள்விகள் எதுவும் இருப்பின் கூறவும்.

சங்ககாலப் பகுதியில் இலங்கைத் தமிழர்கள் பற்றி எதுவாது செய்திகள் இருப்பின் அது தொடர்பாக ஒரு கட்டுரை எழுதினால் சிறப்பாக இருக்கும். நன்றி ஐயா. --Natkeeran (பேச்சு) 19:30, 26 திசம்பர் 2012 (UTC)

தொகுத்துப் பார்க்கிறேன். அன்புள்ள --Sengai Podhuvan (பேச்சு) 20:22, 26 திசம்பர் 2012 (UTC)

சமீபத்தில் அண்டன் ஆலமரத்தடியில் இலங்கைத் தமிழ் பிராமி கல்வெட்டு ஒன்றின் இணைப்பை பகிர்ந்திருந்தார். அதில் நாவிதன் (நாவாய் என்ற தமிழ் வார்த்தையின் வழி வந்திருக்கலாம்) என்ற சொல் காணப்படுகிறது. அதுவும் சங்ககாலம் தான் அதையும் நிங்கள் ஆய்வு கட்டுரை எழுதுவீர்களாயின் செர்த்துக் கொள்ளுங்கள்.--தென்காசி சுப்பிரமணியன் (பேச்சு) 06:00, 2 சனவரி 2013 (UTC)

• அருள்கூர்ந்து அண்டன் ஆலமரத்தடி பகுதியோடு இணைப்பு தாருங்கள். பார்க்கிறேன். அன்புள்ள --Sengai Podhuvan (பேச்சு) 06:49, 2 சனவரி 2013 (UTC)

http://www.battinews.com/2012/09/Batticaloaancient.html?fb_comment_id=fbc_425815090810106_4240856_426061074118841# இது தான் அண்டனார் பகிர்ந்த இணைப்பு. இதில் முக்கிய வரி இது தான். பருவக நாவிக--தென்காசி சுப்பிரமணியன் (பேச்சு) 15:56, 2 சனவரி 2013 (UTC)

ஆஹா அண்டனார் இதை பத்தி ஒரு பத்தியே போட்டுவிட்டார். http://ta.wikipedia.org/s/2fl9--தென்காசி சுப்பிரமணியன் (பேச்சு) 16:05, 2 சனவரி 2013 (UTC)

• அன்புள்ள தேனியாருக்கு, ஆற்றுப்படுத்தியமைக்கு நன்றி. இப்போது அவருடைய கட்டுரையைப் பாருங்கள். அன்புள்ள --Sengai Podhuvan (பேச்சு) 11:13, 4 சனவரி 2013 (UTC)
• அன்புள்ள நற்கீரன், அடியில் தரப்பட்டுள்ள 'சங்ககால இலங்கை' என்னும் கட்டுரையை எனது சார்பில் முறைப்படி தாங்களே அனுப்பிவைக்க வேண்டுகிறேன். அல்லது அனுப்பவேண்டிய தொடர்பைத் தந்து உதவுங்கள். அன்புள்ள --Sengai Podhuvan (பேச்சு) 20:23, 6 சனவரி 2013 (UTC)