மலேசியப் பிரதமர் துறை அமைச்சர்

மலேசியப் பிரதமர் துறை அமைச்சர் (ஆங்கிலம்: Minister in the Prime Minister's Department; மலாய்: Menteri di Jabatan Perdana Menteri Malaysia) என்பவர் மலேசியப் பிரதமர் துறையின் அமைச்சர் ஆகும். இவர் மலேசிய அமைச்சரவையில் ஓர் உறுப்பினராக உள்ளார்; மற்றும் அவர் பிரதமர் துறையின் மூலமாக ஒரு துறையை நிர்வாகம் செய்கிறார்.

பிரதமர் துறை அமைச்சர் Minister in the Prime Minister's Department Menteri di Jabatan Perdana Menteri
தற்போது அசுலினா ஒசுமான் (சட்டம் மற்றும் நிறுவன சீர்திருத்தம்) முகமது நயிம் மொக்தார் (மத விவகாரங்கள்) சலேகா முசுதபா (கூட்டாட்சி பிரதேசம்)
மலேசியப் பிரதமர் துறை
உறுப்பினர்	மலேசிய அமைச்சரவை
அறிக்கைகள்	மலேசிய நாடாளுமன்றம்
அலுவலகம்	பெர்டானா புத்ரா, மத்திய அரசு நிர்வாக மையம், 62502 புத்ராஜாயா
நியமிப்பவர்	மலேசிய பேரரசர்; (மலேசியப் பிரதமரின் பரிந்துரை)
உருவாக்கம்	சூலை1957
முதலாமவர்	அப்துல் ரகுமான் தாலிப் (துறை இல்லாத அமைச்சர்)
துணை பிரதமர் துறை அமைச்சர் Minister in the Prime Minister's Department Menteri di Jabatan Perdana Menteri	டாக்டர் சுல்கிப்லி அசான் (மத விவகாரங்கள்) & எம். குலசேகரன் (சட்டம் மற்றும் நிறுவன சீர்திருத்தம்)
இணையதளம்	www.jpm.gov.my

அரசாங்கத்தின் அனைத்துப் பிரிவுகளின் சேவைகளும்; கொள்கை, சட்டம், ஒழுங்குமுறைகள் மூலமாக முறையாகச் செயல்படுத்தப் படுவதைக் கண்காணிப்பது மலேசியப் பிரதமர் துறையின் நோக்கம் ஆகும்.

பொது

இந்தத் துறைக்கு மலேசியப் பிரதமர் தலைமை தாங்குகிறார். அவருக்கு உதவியாகப் பிரதமர் துறை அமைச்சர்கள் உள்ளனர்.

மலேசியப் பிரதமர் துறையில்; மலேசியப் பிரதமர் அலுவலகம் (Prime Minister's Office), மலேசிய துணைப் பிரதமர் அலுவலகம் (Deputy Prime Minister's Office) மற்றும் 50-க்கும் மேற்பட்ட பிற அரசு நிறுவனங்களைக் கொண்டுள்ளது.

மலேசியப் பிரதமர் துறை ஜூலை 1957-இல் நிறுவப்பட்டது. இதன் தலைமையகம் பெர்டானா புத்ரா (Perdana Putra), புத்ராஜெயாவில் (Putrajaya) உள்ளது.

கட்டமைப்பு

மலேசியப் பிரதமர் துறை, பிரதமர் துறையின் பொது நிர்வாகம் (General Administration) என முன்பு அழைக்கப்பட்டது.

1. புத்தாக்கம் மற்றும் மனிதவள மேலாண்மைப் பிரிவு (Innovation and Human Resource Management Division);
2. நிதிப் பிரிவு (Finance Division),
3. வளர்ச்சிப் பிரிவு (Development Division),
4. கணக்குப் பிரிவு (Accounts Division),
5. மேலாண்மைச் சேவைப் பிரிவு (Management Services Division),
6. உள் தணிக்கைப் பிரிவு (Internal Audit Division),
7. பெருநிறுவனத் தொடர்புப் பிரிவு (Corporate Communications Unit),
8. நிகழ்வுகள் மேலாண்மைப் பிரிவு (Events Management Division)
9. சட்ட ஆலோசகர் அலுவலகம் (Legal Advisor Office Division)

வெளி இணைப்புகள்

• பொதுவகத்தில் Prime Ministers Office (Malaysia) தொடர்பாக ஊடகக் கோப்புகள் உள்ளன.
• Prime Minister's Department official portal பரணிடப்பட்டது 2020-12-04 at the வந்தவழி இயந்திரம்