மலையகத் தமிழ்
இந்தக் கட்டுரையில் மேற்கோள்கள் அல்லது உசாத்துணைகள் எதுவும் இல்லை. |
இலங்கையில் மலையகத் தமிழ் என்பது, இலங்கையின் நடுப் பகுதியில் செறிந்து வாழுகின்ற தமிழ் மக்களிடையே வழங்கும் தமிழைக் குறிக்கிறது. இது இலங்கைத் தமிழின் ஒரு வட்டார வழக்கு ஆகும். இப்பகுதியில் வாழும் மக்கள் பிற இலங்கைத் தமிழரோடு ஒப்பிடுகையில் அண்மைக் காலத்தில் இலங்கைக்குத் தமிழ்நாட்டில் இருந்து பெருந்தோட்டங்களில் வேலை செய்வதற்காகப் பிரித்தானியரால் கூட்டி வரப்பட்டவர்கள். இதனால், இவர்களது தமிழ் வழக்கு தமிழ்நாட்டுத் தமிழ் வழக்கோடு கூடிய நெருக்கமானது. எனினும் ஏறத்தாழ ஒன்றரை நூற்றாண்டுகளாகச் சிங்களவர் பெரும்பான்மையாக வாழும் பகுதிகளில் வாழ்வதால் அவர்களது மொழி வழக்கிலும் இது தொடர்பான தாக்கங்கள் ஏற்பட்டுள்ளன. இது தவிர இப்பகுதித் தமிழ் மக்களில் பலர் தொடக்கத்தில் பெருந்தோட்டத் தொழில் துறையில் பணி புரிந்தவர்கள். இதனால், இத்துறை தொடர்பான பல சொற்களும் இவர்களது மொழியில் பொதுவாகப் புழங்குகின்றன.