மெலிந்த அலகு கழுகு
மெலிந்த அலகு கழுகு (Slender-billed vulture, Gyps tenuirostris) என்பது இமயமலை துணைப் பகுதிகள் மற்றும் தென்கிழக்கு ஆசியாவைச் சேர்ந்த ஒரு பழைய உலக கழுகு சிற்றினமாகும். இதன் எண்ணிக்கை இந்தியத் துணைக்கண்டத்தில் வேகமாகக் குறைந்து வருவதால் 2002ஆம் ஆண்டு முதல் இது மிக அருகிய இனம் என்ற நிலையில் உள்ளது. 2021ஆம் ஆண்டு நிலவரப்படி, 870க்கும் குறைவான பறவைகளே எஞ்சியுள்ளன.[1]
| மெலிந்த அலகு கழுகு | |
|---|---|
.jpg)
| |
| மெலிந்த அலகு கழுகு அருணாச்சலப் பிரதேசம், இந்தியாஅ | |
உயிரியல் வகைப்பாடு 
| |
| திணை: | விலங்கு
|
| தொகுதி: | |
| வரிசை: | |
| குடும்பம்: | |
| பேரினம்: | |
| இனம்: | G. tenuirostris
|
| இருசொற் பெயரீடு | |
| Gyps tenuirostris கிரே, 1844[2][3][4] | |
| |
| பரம்பல் ஊதா வண்ணத்தில் | |
| வேறு பெயர்கள் | |
|
ஜிப்சு இண்டிகசு தெனுரோசிரிசு | |
இது கருங்கழுத்துப் பாறின் கீழ் "நீண்ட அலகு கழுகு" என்ற பெயரில் பயன்படுத்தப்பட்டது. இருப்பினும், இந்த இரண்டு சிற்றினங்களும் ஒன்றுடன் ஒன்று காணப்படாத வாழிட வரம்புகளைக் கொண்டுள்ளன. இந்தியக் கழுகு கங்கையின் தெற்கே மட்டுமே காணப்படுகிறது. மலை முகடுகளில் இனப்பெருக்கம் செய்கிறது. மெல்லிய-அலகு கழுகுகளின் கூடுகளை மரங்களில் காணலாம்.
விளக்கம்
தொகு80 முதல் 95 cm (31 முதல் 37 அங்), நீளத்தில், இந்த நடுத்தர அளவிலான கழுகு இதன் சகோதர இனமான கருங்கழுத்து பாறு போன்ற அதே அளவில் உள்ளது.[7] இந்த கழுகு பெரும்பாலும் சாம்பல் நிறத்தில் வெளிறிய தொடை மற்றும் சாம்பல் நிற வால் மறைப்புகளுடன் காணப்படும். தொடையின் கீழ்ப்பகுதி வெண்மையாக இருக்கும். கழுத்து நீளமாகவும், வெறுமையாகவும், ஒல்லியாகவும், கருப்பாகவும் இருக்கும். கறுப்புத் தலையானது கோணமாகவும், குறுகலாகவும் இருண்ட அலகு குறுகலான நடுப்பகுதியுடன் காணப்படும். காது துளை முக்கியமானது மற்றும் நன்கு தெரியுமாறு உள்ளது.[8]
பரவலும் வாழ்விடமும்
தொகுமெலிந்த அலகு கழுகு இந்தியாவில் வடக்கே கங்கை சமவெளியிலிருந்து, மேற்கே இமாச்சலப் பிரதேசம் வரையும், தெற்கே வடக்கு ஒடிசா வரையிலும், கிழக்கே அசாம் வரையும் காணப்படுகிறது.[9] இது வடக்கு மற்றும் மத்திய வங்காளதேசம், தெற்கு நேபாளம், பர்மா மற்றும் கம்போடியாவிலும் காணப்படுகிறது.[9]
நிலை மற்றும் பாதுகாப்பு
தொகுஇந்தச் சிற்றினம் சமீபத்திய ஆண்டுகளில் இதன் எண்ணிக்கையில் குறிப்பிடத்தக்கச் சரிவைச் சந்தித்துள்ளது. இந்த சிற்றினம் மற்றும் இந்திய கழுகுகளின் எண்ணிக்கை ஒட்டுமொத்தமாக 97% குறைந்துள்ளது. இந்தியாவில் 2000-2007க்கு இடையில் இரண்டு சிற்றினங்களின் வருடாந்திர வீழ்ச்சி விகிதம் சராசரியாக 16%ஆக இருந்தது. இயற்வாழிட மக்கள்தொகை வடக்கு மற்றும் கிழக்கு இந்தியா தெற்கு நேபாளம் மற்றும் வங்காளதேசம் பர்மாவில் சிறிய எண்ணிக்கையுடன் உள்ளது. தென்கிழக்கு ஆசியாவில் உள்ள ஒரே இனப்பெருக்க கூட்டமைப்பு கம்போடியாவின் இசுடீங் ட்ரெங் மாகாணத்தில் உள்ளது. இந்த கூட்டமைப்பில் சுமார் 50-100 கழுகுகள் இருப்பதாகக் கருதப்படுகிறது. கம்போடியாவில் கழுகுகள் உயிர் பிழைத்திருக்கலாம், ஏனெனில் கழுகுகளுக்கு விசமான டைக்ளோஃபீனாக் இங்கு விநியோகத்தில் இல்லை. பறவைகள் பாதுகாப்பிற்கான அரச சங்கம் 2009ஆம் ஆண்டில் சுமார் 1,000 என்ற எண்ணிக்கையில் வாழும் மெல்லிய அலகு கழுகுகளின் தோராயமான எண்ணிக்கை அடுத்த பத்தாண்டுகளில் மொத்த அழிவை எதிர்கொள்ளும் எனக் கணித்துள்ளது.[10][11]
மெல்லிய அலகு கழுகு என்பது பிற்சேர்க்கை II பட்டியலில் பட்டியலிடப்பட்ட ஒரு பாதுகாக்கப்பட்ட இனமாகும். ஏனெனில் இதன் எண்ணிக்கை வேகமாகக் குறைந்துள்ளது. வேலை செய்யும் பண்ணை விலங்குகளில் அழற்சிக்கு எதிரான இயக்க ஊக்கிகள் இல்லாத மருந்துகள் டைக்ளோஃபீனாக்கினைப் பயன்படுத்துவதால் இதன் சரிவு பெரும்பாலும் ஏற்படுகிறது. டைக்ளோபீனாக்கு கழுகுகளுக்கு நச்சுத்தன்மையுடையது. சிறுநீரகச் செயலிழப்பை ஏற்படுத்துகிறது. டைக்குளோபீனாக்கின் மாற்றான நச்சுத்தன்மையற்ற மெலோக்காம் கழுகுகளுக்கு பாதிப்பினை ஏற்படுத்துகிறது.[12] டைக்குளோபீனாக்கின் சில்லறை விற்பனை இந்தியாவில் சட்டத்தால் தடைசெய்யப்பட்டுள்ளது. இருப்பினும், டைக்குளோபீனாக்கின் இன்னும் சட்டவிரோதமாகக் கையகப்படுத்தப்பட்டு கால்நடைகளுக்குப் பயன்படுத்தப்படுகிறது.[10]
இந்தியாவில் பாதுகாக்கப்பட்ட-இனப்பெருக்கத் திட்டங்கள் இந்தச் சிற்றினங்களைப் பாதுகாப்பதை நோக்கமாகக் கொண்டுள்ளன. மேலும் டைக்குளோபீனாக் இல்லாத சூழலில் கழுகுகளை மீண்டும் காடுகளில் விடுவிக்க முடியும் என்று நம்பப்படுகிறது.[10] பறவைகள் பாதுகாப்பிற்கான அரச சங்கம் மற்றும் இலண்டன் விலங்கியல் சங்கம் ஆகியவற்றின் இடையேயான கூட்டு முயற்சிகள் 2009[10] ஆண்டில் முதல் வெற்றிகரமான சிறைபிடிக்கப்பட்ட கழுகுகளின் இனப்பெருக்கத்திற்கு வழிவகுத்தன. இம்முயற்சியின் மூலம் அரியானா மற்றும் மேற்கு வங்கத்தில் இரண்டு மெல்லிய கழுகுகள் குஞ்சு பொரித்து தனித்தனியாகப் பராமரிக்கப்பட்டன.[11][12]
மேற்கோள்கள்
தொகு
- ↑ 1.0 1.1 BirdLife International (2021). "Gyps tenuirostris". IUCN Red List of Threatened Species 2021: e.T22729460A204781113. https://www.iucnredlist.org/species/22729460/204781113. பார்த்த நாள்: 11 May 2022.
- ↑ Gray, G.R. (1844). "Vulturinae, or Vultures". The genera of birds : comprising their generic characters, a notice of the habits of each genus, and an extensive list of species referred to their several genera. Vol. 1. London: Longman, Brown, Green, and Longmans. p. 5–6.
- ↑ Hume, A. O. (1878). "Gyps tenuirostris Hodgson". Stray Feathers 7: 326. https://archive.org/details/strayfeathersjou71878hume/page/326/mode/2up.
- ↑ Deignan, H. G. (1946). "The correct names of three Asiatic birds". Ibis 88: 402–403. doi:10.1111/j.1474-919X.1946.tb03492.x. http://darwin.biology.utah.edu/PubsHTML/LicePubPages/LicePDF%27s/1946/Clay1946mallophaganparasites.pdf. பார்த்த நாள்: 2022-09-05.
- ↑ Baker, ECS (1927) Bull. Brit. Orn. Club 47:151
- ↑ Rand, A. L.; Fleming, R. L. (1957). "Birds from Nepal". Fieldiana: Zoology 41 (1): 55. https://archive.org/details/birdsfromnepal411rand.
- ↑ Vulture facts பரணிடப்பட்டது 2011-08-11 at the வந்தவழி இயந்திரம் (2011).
- ↑ Rasmussen, PC & JC Anderton (2005). Birds of South Asia: The Ripley Guide. Volume 2. Smithsonian Institution & Lynx Edicions. p. 90.
- ↑ 9.0 9.1 Rare Birds Yearbook 2008. England: MagDig Media Lmtd. 2007. pp. 124–125. பன்னாட்டுத் தரப்புத்தக எண் 978-0-9552607-3-5.
- ↑ 10.0 10.1 10.2 10.3 Alleyne, R. (2009). "Endangered vulture could be saved thanks to help from RSPB". Telegraph இம் மூலத்தில் இருந்து 2009-08-10 அன்று. பரணிடப்பட்டது.. https://web.archive.org/web/20090810000238/http://www.telegraph.co.uk/earth/wildlife/5977503/Endangered-vulture-could-be-saved-thanks-to-help-from-RSPB.html.
- ↑ 11.0 11.1 "Indian vulture births are hailed". BBC News. 2009-08-06. http://news.bbc.co.uk/2/hi/south_asia/8187533.stm.
- ↑ 12.0 12.1 Press Association (2009-08-06). "Boost for endangered vultures after captive breeding success". Guardian. https://www.theguardian.com/environment/2009/aug/06/endangered-vultures-breed.