மேச்சேரி

சேலம் மாவட்டத்திலுள்ள ஒரு புறநகர்ப் பகுதி


மேச்சேரி (Mecheri), என்பது இந்தியாவின் தமிழ்நாடு மாநிலத்தில் அமைந்துள்ள சேலம் மாவட்டத்தின் மேட்டூர் வட்டத்தில் இருக்கும் ஒரு பேரூராட்சி ஆகும்.

மேச்சேரி
—  பேரூராட்சி  —
மேச்சேரி
இருப்பிடம்: மேச்சேரி

, தமிழ்நாடு , இந்தியா

அமைவிடம் 11°51′03″N 77°57′23″E / 11.85083°N 77.95639°E / 11.85083; 77.95639
நாடு  இந்தியா
மாநிலம் தமிழ்நாடு
மாவட்டம் சேலம்
வட்டம் மேட்டூர்
ஆளுநர் ஆர். என். ரவி[1]
முதலமைச்சர் மு. க. ஸ்டாலின்[2]
மாவட்ட ஆட்சியர் செ . கார்மேகம், இ. ஆ. ப [3]
பேரூராட்சி தலைவர் திருமதி சுமதி சீனிவாசபெருமாள் (திமுக)
மக்கள் தொகை

அடர்த்தி

25,676 (2011)

2,054/km2 (5,320/sq mi)

நேர வலயம் இந்திய சீர் நேரம் (ஒ.ச.நே + 05:30)
பரப்பளவு 12.5 சதுர கிலோமீட்டர்கள் (4.8 sq mi)
குறியீடுகள்
இணையதளம் www.townpanchayat.in/mecheri

மேச்சேரியின் புதன் கிழமை தோறும் வாரச்சந்தையில் கிடைக்க கூடிய காய்கறிகள் தரமிக்கதாகும். மேலும், வாரச்சந்தையில் கூடும் ஆட்டுச்சந்தையும் முக்கியச் சிறப்பம்சமாகும்.

அமைவிடம் தொகு

மேச்சேரி பேரூராட்சிக்கு கிழக்கில் 32 கிமீ தொலைவில் சேலம் உள்ளது. இதனருகே அமைந்த தொடருந்து நிலையம் 7 கிமீ தொலைவில் உள்ள குட்டப்பட்டியில் உள்ளது. இதன் மேற்கில் மேட்டூர் 22 கிமீ; தெற்கில் நங்கவள்ளி 12 கிமீ; வடக்கில் தர்மபுரி 42 கிமீ தொலைவில் உள்ளது.

பேரூராட்சியின் அமைப்பு தொகு

12.5 சகிமீ பரப்பும், 18 பேரூராட்சி மன்ற உறுப்பினர்களையும், 83 தெருக்களையும் கொண்ட இப்பேரூராட்சி மேட்டூர் (சட்டமன்றத் தொகுதி)க்கும், தர்மபுரி மக்களவைத் தொகுதிக்கும் உட்பட்டது.[4]

மக்கள் தொகை பரம்பல் தொகு

2011-ஆம் ஆண்டு மக்கள் தொகை கணக்கெடுப்பின்படி இப்பேரூராட்சி 6,330 வீடுகளும், 25,676 மக்கள்தொகையும், கொண்டது.[5]

பெயர் காரணம் தொகு

கன்று கறவைகளை மேய்க்கும் இடம் என்று பொருள் தரும் 'மேய்ச்சல் ஏரி' என்ற பெயரே பின்னாளில் மருவி 'மேச்சேரி' என்றானது. அக்காலத்தில் இவ்விடம் ஓர் ஏரியாக இருந்துள்ளது. இந்த ஏரியில் மாடுகளையும் ஆடுகளையும் மேய்த்து வந்ததால் இவ்விடம் மேச்சேரி என்றானது.

ஊரின் சிறப்புகள் தொகு

  • மேச்சேரி பத்ரகாளி அம்மன் இவ்வூரில் உள்ள மிக பெரிய கோவில் ஆகும். இங்கு அனைத்து நாட்களிலும் பூஜைகள் நடைபெறுகின்றன. குறிப்பாக வெள்ளி மற்றும் அமாவாசை நாட்களில் பூஜைகள் வெகு சிறப்பாக நடைபெறுகின்றன. மாசி 29 மற்றும் 30 நாட்களில் இக்கோவிலில் தேரோட்டம் நடைபெறுகிறது.
  • மேச்சேரி கால்நடைகள் சந்தை மிகவும் புகழ் பெற்ற சந்தையாகும். இது வாரத்தின் ஒரு முறை புதன்கிழமைகளில் கூடுகின்றன.
  • மேச்சேரி சாமராஜபேட்டை பகுதியில் கைத்தறி நெசவு உலகப்புகழ் பெற்றவை இந்த பகுதியில் இருந்து அனைத்து இந்திய மாநிலங்களுக்கு பட்டுப்புடவைகள் செல்கின்றது.

மேச்சேரி செம்மறி ஆடுகள் தொகு

  • இந்த இன ஆடுகள் சேலம் மாவட்டத்தில் குறிப்பாக மேச்சேரி, கொளத்தூர், நங்கவள்ளி, ஓமலூர் பகுதிகளிலும், ஈரோடு மற்றும் தருமபுரி மாவட்டங்களின் சில பகுதிகளிலும் காணப்படுகின்றன. மேச்சேரி இனச் செம்மறியாடுகள் இளம்பழுப்பு நிறம் கொண்டவை. இந்த இன ஆடுகளுக்கு கொம்புகள் கிடையாது. இதன் தோல், தரத்தில் மிக உயர்ந்தது. மேலும் மொத்த உடல் எடையில் இறைச்சி கொடுக்கும் விழுக்காடு மற்ற இனங்களைவிட அதிகம்.
  • மேச்சேரி ஆடுகள் உலக அளவில் மிகவும் பிரசித்தி பெற்ற ஆடு வகைகள் ஆகும். இதன் சுவை மற்ற ஆடுகளை காட்டிலும் சற்றே சுவை மிகுந்தது.
  • இந்த வகை ஆடுகளுக்கென்று தனி ஆராய்ச்சி நிலையம் மேச்சேரி அருகே பொட்டனேரி என்ற ஊரில் அமைந்துள்ளது.

கல்வி தொகு

மேச்சேரியின் அருகே 'காவேரி பொறியியல் கல்லூரி' அமைந்துள்ளது. மேலும் அமரம் அருகே மகளிர் கலை கல்லூரி விரைவில் அமைய உள்ளது.

இவ்வூரில் இருந்து 5.9 கி.மீ தொலைவில் உள்ள சாத்தப்பாடி என்ற ஊரில் பாலமுருகன் கலை மற்றும் அறிவியல் கல்லூரி அமைந்துள்ளன.

போக்குவரத்து தொகு

இங்கிருந்து மேட்டூர் 21கி.மீ தொலைவிலும், சேலம் 32கி.மீ தொலைவிலும், தருமபுரி 42கி.மீ தொலைவிலும் அமைந்துள்ளது.

மேலும் அருகில் உள்ள சிறு நகரங்களான ஏரியூர், பென்னாகரம், ஒகேனக்கல் போன்ற ஊர்களையும் இணைக்கும் நகரமாக திகழ்கிறது.

 
மேச்சேரி நெசவாளர்கள்

தொழில் மற்றும் விவசாயம் தொகு

மேச்சேரியின் அருகே ஜிண்டால் எஃகு நிறுவனம் தனது மிகபெரிய இரும்பு தொழிற்சாலையை அமைத்துள்ளது. இதனை சுற்றியுள்ள பகுதிகளில் வாழும் மக்கள் இந்த தொழிற்சாலையில் பணிபுரிகின்றனர். [6] [7]

மேலும் இந்த ஊரின் மக்கள் பெரும்பாலும் விவசாயத்தையும், செங்கல் சூளையும் செய்து வருகின்றனர்.

சாமராஜபேட்டை பகுதி மற்றும் அதனை சுற்றி பல பகுதியில் பெருமளவில் கைத்தறி மற்றும் விசைத்தறி நெசவாளர்கள் உள்ளனர். மேலும் இந்த பகுதியில் தேவாங்க நெசவாளர் அதிகம் உள்ளனர்.

மேச்சேரியின் சுற்றுவட்டாரப்பகுதியில் மட்டும் தோராயமாக 5000 அதிகமான பேர் நெசவுத்தொழில் செய்கிறார்கள்.

இங்கு அதிகம் கேழ்வரகு, சோளம், கம்பு, வேர்க்கடலை போன்ற பயிர்கள் பயிரிடப்படுகின்றன.

மேற்கோள்கள் தொகு

  1. "தமிழக ஆளுநர் பற்றிய குறிப்பு". tn.gov.in. தமிழ்நாடு அரசு. 2015. பார்க்கப்பட்ட நாள் நவம்பர் 3, 2015.
  2. "தமிழக முதலமைச்சர் பற்றிய குறிப்பு". tn.gov.in. தமிழ்நாடு அரசு. பார்க்கப்பட்ட நாள் நவம்பர் 3, 2015.
  3. "மாவட்ட ஆட்சியர் தொடர்பு விவரம்". tn.gov.in. தமிழ்நாடு அரசு. பார்க்கப்பட்ட நாள் நவம்பர் 3, 2015.
  4. மேச்சேரி பேரூராட்சியின் இணையதளம்
  5. Mecheri Population Census 2011
  6. https://www.gem.wiki/JSW_Steel_Salem_steel_plant
  7. "காப்பகப்படுத்தப்பட்ட நகல்". Archived from the original on 2021-05-20. பார்க்கப்பட்ட நாள் 2021-05-20.
"https://ta.wikipedia.org/w/index.php?title=மேச்சேரி&oldid=3661950" இலிருந்து மீள்விக்கப்பட்டது