யோகன் கிரையொஃப்
யோகன் கிரையொஃப் (Johan Cruyff; இடச்சு: [ˈjoːɦɑn ˈkrœy̆f] (பிறப்பு: ஏப்ரல் 25, 1947, ஆம்ஸ்டர்டம், இறப்பு: 24, மார்ச் 2016[1]), முன்னாள் டச்சு கால்பந்து வீரராவார். சில காலம் முன்பு வரை, காத்தலோனியா தேசிய காற்பந்து அணியின் மேலாளராக இருந்தவர் ஆவார். இவர் மூன்று முறை பாலோன் தி'ஓர் (1956-2009) விருது (1971, 1973 மற்றும் 1974 ஆண்டுகளில்) வென்றிருக்கிறார்; மிச்செல் பிளாட்டினி, மார்க்கோ வான் பாஸ்டன் மற்றும் லியோனல் மெஸ்ஸி ஆகியோருடன் பாலோன் தி'ஓர் விருதை அதிகமுறை வென்றவராக திகழ்ந்தார் (2012-இல் நான்காவது முறையாக பாலோன் தி'ஓர் விருதை வென்று புதிய சாதனை படைத்தார்).
| சுய தகவல்கள் | |||
|---|---|---|---|
| முழுப் பெயர் | என்ட்ரிக் யொகன்னெசு கிரையுஃப் | ||
| பிறந்த நாள் | 25 ஏப்ரல் 1947 | ||
| பிறந்த இடம் | ஆம்ஸ்டர்டம், நெதர்லாந்து | ||
| உயரம் | 1.80 m (5 அடி 11 அங்) (5 அடி 11 அங்) | ||
| ஆடும் நிலை(கள்) | Attacking midfielder / Forward | ||
| இளநிலை வாழ்வழி | |||
| 1957–1964 | அயாக்சு | ||
| முதுநிலை வாழ்வழி* | |||
| ஆண்டுகள் | கழகம் | தோற். | (கோல்) |
| 1964–1973 | அயாக்சு | 240 | (190) |
| 1973–1978 | பார்சிலோனா | 143 | (48) |
| 1979–1980 | Los Angeles Aztecs | 27 | (14) |
| 1980–1981 | Washington Diplomats | 32 | (12) |
| 1981 | Levante | 10 | (2) |
| 1981–1983 | அயாக்சு | 36 | (14) |
| 1983–1984 | Feyenoord | 33 | (11) |
| மொத்தம் | 520 | (291) | |
| பன்னாட்டு வாழ்வழி | |||
| 1966–1977 | நெதர்லாந்து | 48 | (33) |
| மேலாளர் வாழ்வழி | |||
| 1985–1988 | அயாக்சு | ||
| 1988–1996 | பார்சிலோனா | ||
| 2009–2013 | காத்தலோனியா | ||
| *கழக உள்ளூர் சுற்றுப் போட்டிகள் தோற்றங்களும் கோல்களும் அன்று சேகரிக்கப்பட்டது. | |||
காற்பந்தாட்டத்தை விளையாடும் முறைகளில் ஒன்றான முழுமையான காற்பந்து விளையாட்டு முறையின் மிகச்சிறந்த உதாரணமாக இவர் திகழ்கிறார்.[2][3][4][5] முழுமையான காற்பந்து விளையாட்டு முறை ரைனசு மிச்செல்சு என்பவரால் வளர்த்தெடுக்கப்பட்ட ஒன்றாகும். யோகன் கிரையொஃப், வரலாற்றின் மிகச்சிறந்த கால்பந்து வீரர்களில் ஒருவராக மதிக்கப்படுகிறார்; வரலாற்றின் மிகச்சிறந்த உலகக்கோப்பை காற்பந்து அணியின் வீரராகவும் தேர்ந்தெடுக்கப்பட்டிருக்கிறார். நெதர்லாந்து தேசிய காற்பந்து அணியின் தலைவராக இருந்து 1974 உலகக்கோப்பை காற்பந்துப் போட்டியின் இறுதிப்போட்டிக்கு இட்டுச்சென்றார்; அப்போட்டித் தொடரின் மிகச்சிறந்த ஆட்டக்காரர் விருதையும் இவர் வென்றார்.
கழகக் காற்பந்து வாழ்க்கையில், இவர் டச்சு கால்பந்துக் கழகமான அயாக்சில் தொடங்கினார். அங்கு, எட்டு எரெடிவிசி வாகையர் பட்டங்களையும் மூன்று ஐரோப்பியக் கோப்பைகளையும் வென்றார். 1973-இல் பார்செலோனாவில் இணைந்தார். முதல் பருவத்திலேயே லா லீகா வாகையர் பட்டத்தையும், ஐரோப்பாவின் சிறந்த வீரர் விருதை வென்றார்.
1984-ஆம் ஆண்டில் விளையாடுவதிலிருந்து ஓய்வு பெற்ற பிறகு, அயாக்சு மற்றும் பார்சிலோனாவின் மேலாளராக மிகப்பெரும் வெற்றிகளைக் கண்டிருக்கிறார்; மேலும், அவ்விரு கால்பந்துக் கழகங்களுக்கும் மிக முக்கியமான வழிகாட்டியாகவும் திகழ்கிறார்.
1999-ஆம் ஆண்டில் பன்னாட்டு கால்பந்து வரலாறு மற்றும் புள்ளிவிவரக் கூட்டமைப்பின் ஓட்டெடுப்பில் கடந்த நூற்றாண்டின் மிகச்சிறந்த ஐரோப்பிய காற்பந்தாட்ட வீரராகத் தேர்ந்தெடுக்கப்பட்டார்; அதே ஓட்டெடுப்பில், ஃபிஃபா நூற்றாண்டின் சிறந்த வீரர் பட்டியலில் பெலேவுக்கு அடுத்தபடியாக இரண்டாம் இடத்தைப் பிடித்தார்.[6] பிரான்சு காற்பந்துப் பத்திரிகையால் நடத்தப்பட்ட முன்னாள் பாலோன் தி'ஓர் வெற்றியாளர்களின் நூற்றாண்டின் சிறந்த வீரருக்கான ஓட்டெடுப்பில் மூன்றாம் இடத்தைப் பிடித்தார்.[7] உலகக்கோப்பை வரலாற்றில் ஃபிஃபா கனவு அணியின் அங்கத்தவராகவும் தேர்ந்தெடுக்கப்பட்டிருக்கிறார்; 2004-ஆம் ஆண்டில் ஃபிஃபா-வின் 100 ஆண்டுக் கொண்டாட்டத்தின் போது வாழும் 125 மிகச்சிறந்த காற்பந்து வீரர்களில் ஒருவராகத் தேர்ந்தெடுக்கப்பட்டார்.[8]
குறிப்புதவிகள்
தொகு- ↑ "Johan Cruyff: Netherlands great dies of cancer aged 68". பி.பி.சி இணையதளம். 24 மார்ச் 2016. http://www.bbc.com/sport/football/35892775. பார்த்த நாள்: 24 மார்ச் 2016.
- ↑ The Best x Players of the Century/All-Time. Rsssf.com (5 February 2001). Retrieved on 18 January 2013.
- ↑ "MENOTTI: ""Pelé fue el más grande". Elgrancampeon.com.ar. Archived from the original on 3 ஏப்ரல் 2013. பார்க்கப்பட்ட நாள் 28 October 2013.
{{cite web}}: Check date values in:|archivedate=(help) - ↑ Interview: Alex Ferguson. Newstatesman.com. Retrieved on 18 January 2013.
- ↑ Fußball-Legenden – Die besten Fußballspieler aller Zeiten[தொடர்பிழந்த இணைப்பு]. Fussball-geschichte.com. Retrieved on 18 January 2013.
- ↑ "IFFHS' Century Elections". rsssf.com. பார்க்கப்பட்ட நாள் 22 March 2007.
- ↑ "The Best x Players of the Century/All-Time". RSSSF. பார்க்கப்பட்ட நாள் 18 March 2007.
- ↑ "Pele's list of the greatest". BBC Sport. 4 March 2004. பார்க்கப்பட்ட நாள் 16 November 2013.
வெளியிணைப்புகள்
தொகு- The World of Johan Cruyff – Explore the World of Johan Cruyff.
- Biography of Johan Cruyff – UEFA.com
- Johan Cruyff's NASL stats – nasljerseys.com
- Johan Cruyff player stats – BDFutbol.com
- Johan Cruyff manager stats – BDFutbol.com
- International Football Hall of Fame: Johan Cruyff – ifhof.com
- Profile of Johan Cruyff – Ajax.nl (டச்சு)
- Johan Cruyff Player profile பரணிடப்பட்டது 2013-11-11 at the வந்தவழி இயந்திரம் – FCBarcelona.com
- Johan Cruyff Manager profile பரணிடப்பட்டது 2013-10-30 at the வந்தவழி இயந்திரம் – FCBarcelona.com
- Johan Cruyff பன்னாட்டுக் காற்பந்துச் சங்கங்களின் கூட்டமைப்பு விளையாட்டு பதிவு