விக்கிப்பீடியா:நலமுரண்
|
இது தமிழ் விக்கிப்பீடியாவின் கொள்கைகள் மற்றும் வழிகாட்டல்களின் கீழ் வருகின்றது. இந்தக் கொள்கைக்குப் பயனர்களின் பரவலான ஒப்புதல் உண்டு. இந்தக் கொள்கையையும் வழிகாட்டல்களையும் அனைவரும் மதித்து செயல்படவேண்டும் என்று எதிர்பார்க்கப்படுகின்றது. புதுக் கருத்துக்களையும், மாற்றுக் கருத்துகளையும் உரையாடல் பக்கத்தில் தெரிவிக்கலாம். குறிப்பிடத்தக்க மாற்றங்களை ஏற்படுத்துவதாக இருந்தால், அந்த மாற்றங்களை நோக்கி இணக்க முடிவை எட்டிய பின்னர் ஏற்படுத்தவும். |
| தமிழ் விக்கிபீடியாவின் கொள்கைகள் |
|---|
|
ஐந்து தூண்கள் |
| தமிழ் விக்கிபீடியாவின் உள்ளடக்கம் |
|
நடுநிலை நோக்கு |
| தமிழ் விக்கிபீடியாவில் பங்கேற்புச் சூழல் |
|
கண்ணியம் |
 | இப்பக்கம் சுருக்கமாக: உங்கள் நலன் சார்ந்தோ உங்களுக்குத் தொடர்புடைய ஆளுமைகள், நிறுவனங்கள் நலன் சார்ந்தோ விக்கிப்பீடியாவில் பங்களிக்காதீர்கள். |
நலமுரண் பங்களிப்பு என்பது உங்களைப் பற்றியோ உங்கள் உறவினர்கள், நண்பர்கள், வாடிக்கையாளர்கள், வேலை அளிப்பவர்களைப் பற்றியோ நிதி முதலிய பிற காரணங்களால் நீங்கள் கொண்டுள்ள தொடர்புகளைப் பற்றியோ விக்கிப்பீடியாவில் பங்களிப்பதைக் குறிக்கும். இத்தகைய வெளியுறவுகள் நலமுரணுடன் செயற்படத் தூண்டுதலாக அமையலாம்.
நலமுரண் என்பது ஒருவரின் உண்மையான சாய்வினைக் குறித்தது அன்று. இது ஒருவர் இரு வேறு பொறுப்புகளைக் கொண்டிருக்கும் போது முன்னுரிமைகள் முரண்படுவதால் சாய்வுடன் செயற்படுவதற்கான வாய்ப்பிருக்கிறது என்பதைச் சுட்டுகிறது. இது ஒருவரின் மனநிலையைப் பற்றியோ நேர்மையைப் பற்றியோ எந்த ஒரு முன்முடிவையும் எடுப்பதன்று. நலமுரண் ஏற்படுவதற்கான சூழலை மட்டுமே இது குறிக்கிறது.
விக்கிப்பீடியா நலமுரணுடன் பங்களிப்பதைத் தவிர்க்குமாறு கடுமையாக வலியுறுத்துகிறது. ஏனெனில், இவ்வாறான செயற்பாடுகள் பொதுமக்கள் விக்கிப்பீடியாவின் மீது கொண்டிருக்கும் நம்பிக்கையைக் குலைப்பதோடு தொடர்புடைய நபர்களுக்குப் பொதுவெளியில் உளைச்சலைத் தரலாம். நலமுரண் பங்களிப்புகள் வழமையான விக்கிப்பீடியா செயற்பாடுகளுக்கு இடையூறாக இருக்கும் போது தொடர்புடைய பயனர் கணக்குகள் தடை செய்யப்படக்கூடும்.
இவ்வாறு உங்களுக்குத் தொடர்புடைய கட்டுரைகளில் மாற்றங்கள் வேண்டுமெனில், குறித்த கட்டுரையின் பேச்சுப் பக்கத்தில் வேண்டுகோள் இடலாம்.