வேதாந்தா ரிசோர்செசு
வேதாந்தா ரிசோர்சஸ் பிஎல்சி (Vedanta Resources plc, LSE: VED) அல்லது தமிழாக்கம் வேதாந்தா வளங்கள் பொதுவில் வரையறுக்கப்பட்ட நிறுவனம் சுரங்கத்தொழில் மற்றும் உலோகஙகளில் உலகளவில் ஈடுபடும் ஓர் நிறுவனமாகும். ஐக்கிய இராச்சியத்தின் இலண்டனில் தலைமையகத்தைக் கொண்டுள்ளது. இரும்பல்லாத உலோகங்களில் இந்தியாவின் மிகப்பெரும் சுரங்கங்களைக் கொண்டுள்ள இந்த நிறுவனத்திற்கு ஆத்திரேலியா மற்றும் சாம்பியாவில் சுரங்கங்கள் இருக்கின்றன.[2] முதன்மையான ஆக்கப் பொருட்களாக செப்பு, துத்தநாகம், அலுமினியம், ஈயம் மற்றும் இரும்புத்தாது உள்ளன.[2][3] இந்தியாவில் வணிகநோக்கில் மின் நிலையங்களை ஒரிசாவிலும் (2,400மெகாவாட்) பஞ்சாபிலும் (1,980 மெகாவாட்) அமைத்து வருகிறது. [4]
 | |
| வகை | பொதுப் பங்கு நிறுவனம் இலண்டன் பங்குச் சந்தை:VED |
|---|---|
| நிறுவுகை | 1976, மும்பை, இந்தியா |
| நிறுவனர்(கள்) | அனில் அகர்வால் |
| தலைமையகம் | இலண்டன், ஐக்கிய இராச்சியம் |
| சேவை வழங்கும் பகுதி | உலகளவில் |
| முதன்மை நபர்கள் | அனில் அகர்வால் (செயல் தலைவர்) நவீன் அகர்வால் (துணை செயல் தலைவர்) மகிந்திர மேத்தா (CEO) |
| தொழில்துறை | சுரங்கங்கள் மற்றும் இயற்கை வளங்கள் |
| உற்பத்திகள் | செப்பு, அலுமினியம், துத்தநாகம், ஈயம், தங்கம், இரும்புத்தாது, வார்ப்பிரும்பு மற்றும் உலோகவியல் கல்கரி |
| வருமானம் | ▲ $7.873 billion (2010)[1] |
| இயக்க வருமானம் | ▲ $1.653 பில்லியன்(2010)[1] |
| இலாபம் | ▲ $598 மில்லியன்(2010)[1] |
| மொத்தச் சொத்துகள் | ▲ $23.887 பில்லியன்(2010)[1] |
| மொத்த பங்குத்தொகை | ▲ $11.357 பில்லியன்(2010)[1] |
| பணியாளர் | 30,000 (2010)[1] |
| உள்ளடக்கிய மாவட்டங்கள் | ஸ்டெர்லைட் இன்டஸ்ட்ரீஸ் பால்கோ HZL சீசா கோவா மால்கோ வேதாந்தா அலுமினியம் ஸ்டெர்லைட் எனர்ஜி ஆத்திரேலிய செப்பு சுரங்கங்கள் கொட்கோலா செப்புச் சுரங்கங்கள் |
| இணையத்தளம் | Vedantaresources.com |
இலண்டன் பங்குச் சந்தையில் பட்டியலிடப்பட்டுள்ள இதன் பங்குகள் ஃபுட்சி 100 குறியீட்டில் அங்கமாயுள்ளது.
குழுமம்
தொகுசெப்பு
தொகுஸ்டெர்லைட் இன்டஸ்ட்ரீஸ் (இந்தியா) லிமிடெட்.: ஸ்டெர்லைட் தமிழ்நாட்டின் தூத்துக்குடியைத் தலைமையகமாகக் கொண்ட நிறுவனமாகும். 1988ஆம் ஆண்டு முதல் இந்தியாவில் பொதுவில் பங்குகள் பட்டியலிடப்பட்ட நிறுவனமாக உள்ளது. இதன் பங்குகள் மும்பை மற்றும் தேசிய பங்குச் சந்தைகளிலும் அமெரிக்க நியூயார்க் பங்குச் சந்தையில் ஏடிஎசுகளாகவும் பங்கேற்கின்றன. வேதாந்தா குழுமம் இந்த நிறுவனத்தில் 53.9% பங்குகளை கைக்கொண்டு நிறுவன மேலாண்மை பெற்றுள்ளது.
கொன்கோலா செப்பு சுரங்கங்கள்: 79.4% பங்குகளை உரிமைக்கொண்டு வேதாந்தா நிறுவன மேலாண்மையை பெற்றுள்ளது. சாம்பியா அரசிற்கு சொந்தமான சாம்பியா செப்பு சுரங்க முதலீடு நிறுவனம் பிற பங்குகளுக்கு உரிமையாளராக உள்ளது.
டாசுமானியா செப்புச் சுரங்கங்கள் (CMT): இந்நிறுவனம் டாசுமானியாவின் குயின்ஸ்டௌனில் தலைமையகம் கொண்டுள்ளது. 100% உரிமையுடன் நிறுவன மேலாண்மை கொண்டுள்ளது.
ஐசுவர்யா எண்ணெய் வயல்
தொகுஇராசத்தான் மாநிலத்தில் பார்மர் மாவட்டத்தில் அமைந்த வேந்தாந்த குழுமத்தின் ஐசுவர்யா எண்ணெய் வயல்கள், இந்தியாவின் இரண்டாவது மிகப்பெரிய எண்ணெய் வயல் கண்டுபிடிப்பு என இது கருதப்படுகிறது. வேதாந்தா குழும நிறுவனங்களில் ஒன்றான கெய்ர்ன் ஆற்றல் நிறுவன நிர்வாகிகள் இந்த எண்ணெய் வயலை ஓர் 'உயிருள்ள தெய்வம்' என்று விவரிக்கிறார்கள்.[5][6] 2013 ஆம் ஆண்டு மார்ச்சு மாதம் ஐசுவர்யா எண்ணெய் வயல் தனது உற்பத்தியைத் தொடங்கியது. ஒரு நாளைக்கு 30,000 பீப்பாய்கள் என்ற அளவில் இங்கு எண்ணெய் உற்பத்தி செய்யப்பட்டது.
15 சூன் 2021 முடிய எட்டு ஆண்டு காலத்தில் ஐசுவர்யா எண்ணெய் வயல் மூலம் 54 மில்லியன் பேரல் கச்ச எண்ணெய் எடுக்கப்பட்டுள்ளது. ஐசுவர்யா எண்ணெய் வயல் இந்திய நாட்டிற்கு $ 18 பில்லியன் அமெரிக்க டாலர் மதிப்புள்ள கச்சா எண்ணெயைக் ஈட்டிக் கொடுத்துள்ளது.[7]
மேற்கோள்கள்
தொகு- ↑ 1.0 1.1 1.2 1.3 1.4 1.5 "2010 Form 10-K, Vedanta Resources plc". Hoover's.
- ↑ 2.0 2.1 "About Us". Vedanta Resources plc. Archived from the original on 16 மே 2013. பார்க்கப்பட்ட நாள் 1 September 2010.
- ↑ "What We Do". Vedanta Resources plc. Archived from the original on 9 பிப்ரவரி 2010. பார்க்கப்பட்ட நாள் 1 September 2010.
{{cite web}}: Check date values in:|archive-date=(help) - ↑ "Commercial Power Generation Business". Vedanta Resources plc. Archived from the original on 9 பிப்ரவரி 2010. பார்க்கப்பட்ட நாள் 1 September 2010.
{{cite web}}: Check date values in:|archive-date=(help) - ↑ "Cairn Energy to name its oil field after Ash". ஹிந்துஸ்தான் டைம்ஸ். http://sayanythinguwish.blogspot.in/2005/12/cairn-energy-to-name-its-oil-field.html.
- ↑ "Miss World is immortalised in oil". த டெயிலி டெலிகிராப். https://www.telegraph.co.uk/finance/comment/citydiary/2926999/Business-diary.html.
- ↑ Vedanta’s Aishwarya oil field completes eight years of production
வெளியிணைப்புகள்
தொகு- Vedanta Resources பரணிடப்பட்டது 2008-12-27 at the வந்தவழி இயந்திரம்
- Vedanta Resources profile on the Business & Human Rights Resource Centre பரணிடப்பட்டது 2011-04-08 at the வந்தவழி இயந்திரம்
- London Stock Exchange company listing பரணிடப்பட்டது 2009-03-30 at the வந்தவழி இயந்திரம் 88
- Environmental Protection Group, Orissa பரணிடப்பட்டது 2016-03-10 at the வந்தவழி இயந்திரம்
- Survival International - Mine story of a sacred mountain
- Mountain and mine (video) - report by Al-Jazeera English on the Vedanta mining operations in the Niyamgiri hills
- தூத்துக்குடி ஸ்டெர்லைட் ஆலையில் நிபுணர் குழு ஆய்வு - வைகோ பங்கேற்பு