அந்தோனி புரூக்
அந்தோனி புரூக் அல்லது ராஜா மூடா அந்தோனி புரூக் (ஆங்கிலம்: Anthony Brooke அல்லது Anthony Walter Dayrell Brooke; மலாய்: Rajah Muda Sarawak Anthony Brooke) (பிறப்பு: 10 டிசம்பர் 1912 – இறப்பு: 2 மார்ச் 2011), என்பவர் சரவாக் மாநிலத்தில், வெள்ளை இராஜா எனும் புரூக் பரம்பரையில்; சரவாக் இராச்சியத்தில் ராஜா மூடா சரவாக் எனும் ஓர் இளவரசர்.[1]
| அந்தோனி புரூக் Anthony Brooke | |
|---|---|
| வெள்ளை இராஜா (பட்டத்திற்கு உரியவர்) | |
| முடிசூட்டுதல் | ராஜா மூடா சரவாக் Rajah Muda of Sarawak |
| பிறப்பு | 10 திசம்பர் 1912 |
| இறப்பு | 2 மார்ச்சு 2011 (அகவை 98) வாங்கனுய், நியூசிலாந்து |
| புதைத்த இடம் | |
| மரபு | புரூக் வம்சாவழி |
| அரசமரபு | வெள்ளை இராஜா |
| தந்தை | பெர்த்திராம் புரூக் |
| தாய் | கிளாடிஸ் மில்டன் பால்மர் (Gladys Milton Palmer) |
| மதம் | கிறிஸ்துவம் |
இவரின் மாமா சார்லசு வைனர் புரூக், 25 ஆகஸ்டு 1937-இல், இவரை வெள்ளை இராஜா பரம்பரையில்; ராஜா மூடா சரவாக் எனும் இளவரசர் பதவியை வழங்கினார்.
அந்தோனி புரூக்கின் தந்தையார் பெர்த்திராம் புரூக். இவர் (பெர்த்திராம் புரூக்); வெள்ளை இராஜா புரூக் பரம்பரையில் இரண்டாவது இராஜாவான சார்லசு புரூக் (Charles Brooke) என்பவரின் இரண்டாவது மகனாவார். மூன்றாவது இராஜா சார்லசு வைனர் புரூக்கின் தம்பியாவார்.[2]
பொது
தொகுவெள்ளை இராஜா, (White Rajahs அல்லது Rajah of Sarawak) என்பது சரவாக் மாநிலத்தில், சரவாக் இராச்சியம் எனும் ஆட்சியை நிறுவிய ஒரு பிரித்தானியக் குடும்பத்தின் வம்ச முடியாட்சி. அதுவே ஒரு முன்னாள் மன்னராட்சி ஆகும்.
1840-ஆம் ஆண்டுகளில், போர்னியோ தீவின் வடமேற்குப் பகுதியில் சரவாக் சுல்தானகம் எனும் சரவாக் இராச்சியம் ஆட்சி செய்தது.
வரலாறு
தொகுஅந்தோனி புரூக் இங்கிலாந்தில் பிறந்து வளர்ந்தவர். இங்கிலாந்து ஈடன் கல்லூரி (Eton College); டிரினிட்டி கல்லூரி (Trinity College); மற்றும் லண்டன் பல்கலைக்கழகம் (University of London) ஆகிய கல்வி நிலையங்களில் படித்தவர்.
1930-ஆம் ஆண்டுகளில், அந்தோனி புரூக், சரவாக் இராச்சியத்தின் அரசு பொதுச் சேவையில் நிலத்துறை மற்றும் பதிவுத் துறை (Land and Registry Department) உட்பட பல்வேறு துறைகளில் சேவை செய்தவர். பின்னர் நீதியாளராகவும் (மாஜிஸ்திரேட்) பணியாற்றினார்.
சிறப்பு ஆணையர்
தொகு1941 நவம்பரில், இரண்டாம் உலகப் போரின் போது, பிரித்தானிய இராணுவப் பணியில் சேர்ந்தார். மேலும் 1941 முதல் 1944 வரை இலங்கை, கண்டி, உளவுப் படையில் ஓர் அதிகாரியாகப் பணியாற்றினார்.
1944 முதல் 1945 வரை ஐக்கிய இராச்சியத்தில், சரவாக்கின் சிறப்பு ஆணையராகவும் சேவை செய்தவர்.
புரூக் வம்சாவழியினர்
தொகு| பெயர் | தோற்றம் | பிறப்பு | இறப்பு |
|---|---|---|---|
| ஜேம்சு புரூக் (1841–1868) |
 |
29 ஏப்ரல் 1803, இந்தியா | 11 ஜூன் 1868, இங்கிலாந்து |
| ஜோன் புரூக் Rajah Muda of Sarawak (1859–1863) |
 |
1823, இங்கிலாந்து | 1 டிசம்பர் 1868, இங்கிலாந்து |
| சார்லசு புரூக் (1868–1917) |
 |
3 ஜுன் 1829, இங்கிலாந்து | 17 மே 1917, இங்கிலாந்து |
| சார்லசு வைனர் புரூக் (1917–1946) |
 |
26 செப்டம்பர் 1874, இங்கிலாந்து | 9 மே 1963, இங்கிலாந்து |
| பெர்த்திராம் புரூக் Tuan Muda of Sarawak (1917–1946) |
8 ஆகஸ்டு 1876, சரவாக் | 15 செப்டம்பர் 1965, இங்கிலாந்து | |
| அந்தோனி புரூக் Rajah Muda of Sarawak (1939–1946) |
10 டிசம்பர் 1912, இங்கிலாந்து | 2 மார்ச் 2011, நியூசிலாந்து |
மேற்கோள்கள்
தொகு- ↑ "Brooke, Bertram Willes Darrel (BRK897BW)". A Cambridge Alumni Database. University of Cambridge.
- ↑ "Obituary: Anthony Brooke". The Daily Telegraph. 6 March 2011. Archived from the original on 9 March 2011. பார்க்கப்பட்ட நாள் 7 March 2011.
சான்றுகள்
தொகு- Barley, Nigel (2002), White Rajah, Time Warner: London. பன்னாட்டுத் தரப்புத்தக எண் 978-0-316-85920-2.
- Pybus, Cassandra (1996). The White Rajahs of Sarawak: Dynastic Intrigue and the Forgotten Canadian Heir. Vancouver: Douglas & McIntyre Ltd. பன்னாட்டுத் தரப்புத்தக எண் 1-55054-603-1.
- Ranee Margaret of Sarawak (2001). My Life in Sarawak. Oxford: Oxford University Press. பன்னாட்டுத் தரப்புத்தக எண் 0-19-582663-9.
- R.H.W. Reece (1982). The Name of Brooke, the End of White Rajah Rule in Sarawak. Kuala Lumpur: Oxford University Press. பன்னாட்டுத் தரப்புத்தக எண் 978-0-19-580474-4.