கு. சுப்பராயன்
கு. சுப்பராயன் (K. Subbarayan, பிறப்பு: 10 ஆகத்து, 1947) ஓர் இந்திய அரசியல்வாதியும், 14 ஆவது மக்களவையின் உறுப்பினர் ஆவார். இவர், இந்திய கம்யூனிஸ்டு கட்சியில் 1976ஆம் ஆண்டு முதல் உறுப்பினராக இருக்கிறார். திருப்பூரில் கட்சியின் முழுநேர ஊழியாகச் செயற்படுகிறார். ஏஐடியூசியின் பல்வேறு தொழிற்சங்களுக்குப் பொறுப்பாளர்.[1] தமிழ்நாட்டில் கோயம்புத்தூர் மக்களவைத் தொகுதியிலிருந்து தேர்ந்தெடுக்கப்பட்டு 2004ஆம் ஆண்டு முதல் 2009ஆம் ஆண்டு வரையும் திருப்பூர் மக்களவைத் தொகுதியிலிருந்து தேர்ந்தெடுக்கப்பட்டு 2019ஆம் ஆண்டு முதல் 2024ஆம் ஆண்டு வரை நாடாளுமன்ற மக்களவை உறுப்பினராகச் செயற்பட்டார்.[1] முன்னதாக 1985, 1996ஆம் ஆண்டுகளில் நடைபெற்ற தமிழ்நாடு சட்டமன்றத் தேர்தல்களில் திருப்பூர் (சட்டமன்றத் தொகுதி)யிலிருந்து சட்டப்பேரவை உறுப்பினராகத் தேர்ந்தெடுக்கப்பட்டார்.[1]
கு. சுப்பராயன் | |
|---|---|
| நாடாளுமன்ற உறுப்பினர் | |
| பதவியில் 2019 - தற்போது வரை | |
| முன்னையவர் | சத்யபாமா |
| தொகுதி | திருப்பூர் |
| நாடாளுமன்ற உறுப்பினர் | |
| பதவியில் 2004 - 2009 | |
| முன்னையவர் | கோ. போ. இராதாகிருஷ்ணன் |
| பின்னவர் | பி. ஆர். நடராஜன் |
| தொகுதி | கோயம்புத்தூர் |
| தனிப்பட்ட விவரங்கள் | |
| பிறப்பு | 10 ஆகத்து 1947 திருப்பூர், தமிழ்நாடு |
| அரசியல் கட்சி | இந்திய கம்யூனிஸ்டு கட்சி |
| துணைவர் | ஆர். மணிமேகலை |
| பிள்ளைகள் | 1 மகன் |
| பெற்றோர் | குப்புசாமி கவுண்டா் - சுப்பாத்தாள் |
| வாழிடம்(s) | கோயம்புத்தூர், தமிழ்நாடு |
As of 22 செப்டம்பர், 2006 மூலம்: [1] | |
மக்களவை உறுப்பினராக
தொகுதமிழ்நாட்டில் இந்திய கம்யூனிஸ்டு கட்சி திராவிட முன்னேற்றக் கழகத்துடன் ஐனநாயக முற்போக்குக் கூட்டணி என்ற பெயரில் 2004 ஆம் ஆண்டின் நாடாளுமன்றத் தேர்தலுக்கான தேர்தல் உடன்பாடு கொண்டிருந்தது. இந்திய கம்யூனிஸ்டு கட்சிக்கு தேர்தல் தொகுதிப் பங்கீட்டு உடன்பாட்டின்படி இரண்டு தொகுதிகள் ஒதுக்கப்பட்டன. இதன்படி, கோயம்புத்துார் நாடாளுமன்றத் தொகுதியில் சுப்பராயன் போட்டியிட்டார்.[2] இத்தொகுதி முதன்மையாக துணி நெசவுத் தொழில் சார்ந்த பொருளாதாரத்தைச் சார்ந்திருந்த காரணத்தால், முன்னதாக நடந்த விரும்பத்தகாத நிகழ்வுகளின் காரணமாக பின்னடைவைச் சந்தித்திருந்ததால், 1998 மற்றும் 1999 ஆம் ஆண்டுகளில் பாரதிய ஜனதா கட்சியைச் சார்ந்த சி. பி. இராதாகிருஷ்ணனால் வெற்றி கொள்ளப்பட்டிருந்தது. கடுமையான வறட்சி, குடிநீர் தட்டுப்பாடு மற்றும் வேலையில்லாத் திண்டாட்டம் உள்ளிட்ட மாநிலம் சார்ந்த பிரச்சனைகளை முன்வைத்து நடந்த 2004 ஆம் ஆண்டு பிரச்சாரத்தின் விளைவாக வெற்றி எளிதாக இருந்தது. முன்னதாக, கோவையில் இசுலாமிய அடிப்படைவாத அல் உம்மா அமைப்பால் நிகழ்த்தப்பட்டதாக கருதப்பட்ட மதக்கலவரங்கள் மற்றும் குண்டுவெடிப்புகள் குறித்த பிரச்சனை இத்தேர்தலில் முக்கியப் பிரச்சனையாக இல்லை.[3]
பின்னர் 2019 ஆம் ஆண்டு நடந்த இந்திய மக்களவைத் தேர்தலில், திருப்பூர் தொகுதியிலிருந்து, இந்தியப் பொதுவுடைமைக் கட்சி சார்பில் போட்டியிட்டு, இந்திய நாடாளுமன்றத்திற்குத் தேர்ந்தெடுக்கப்பட்டார்.[4][5]
சட்டமன்ற உறுப்பினராக
தொகுசுப்பராயன் முன்னதாக திருப்பூர் (சட்டமன்றத் தொகுதி)யில் இருந்து இருமுறை தமிழ்நாடு சட்டப்பேரவைக்கு 1984-89 மற்றும் 1996-2001 இல் தேர்ந்தெடுக்கப்பட்டார். திருப்பூர் சுப்பராயனின் சொந்த ஊர் ஆகும். 1989 ஆம் ஆண்டில் நடைபெற்ற சட்டமன்றத் தேர்தலில் திருப்பூர் தொகுதியில் இந்திய பொதுவுடமைக் கட்சியின் (மார்க்சியம்) சி. கோவிந்தசாமியிடம் தோற்றுப்போனார்.[6]
தமிழ்நாடு சட்டமன்றத் தேர்தல் 2016 இல்[7] இவர் போட்டியிடுவதில்லை என முடிவெடுத்திருந்தார்.
மேற்கோள்கள்
தொகு- ↑ 1.0 1.1 1.2 இந்து தமிழ்திசை, 2024 03 19, பக்.6
- ↑ "CPI to field Subbarayan, Appadurai for LS polls". Zee News. 17 February 2004. http://zeenews.india.com/home/cpi-to-field-subbarayan-appadurai-for-ls-polls_146497.html. பார்த்த நாள்: 2017-05-16.
- ↑ "Coimbatore". Hindustan Times. PTI. http://www.hindustantimes.com/india/coimbatore/story-sFB65bVc5EnieSjvUqfQlN.html. பார்த்த நாள்: 2017-05-16.
- ↑ "திருப்பூர் நாடாளுமன்ற தொகுதியில், இந்திய கம்யூனிஸ்டு வேட்பாளர் கே.சுப்பராயன் வெற்றி". தினத்தந்தி (மே 23, 2019)
- ↑ "தமிழ்நாடு தேர்தல் முடிவுகள் 2019 - 38 தொகுதிகள் வெற்றியாளர்களின் முழு பட்டியல்".பிபிசி தமிழ் (மே 23, 2019)
- ↑ "Statistical Report on General Election 1989 for the Legislative Assembly of Tamil Nadu" (PDF). Election Commission of India. pp. 287–288. பார்க்கப்பட்ட நாள் 2017-05-15.
- ↑ Kumar, R. Vimal (21 April 2016). /article8501458.ece "Two sitting MLAs to seek election from within the district". The Hindu. http://www.thehindu.com/news/national/tamil-nadu/two-sitting-mlas-to-seek-election-from-within-the-district /article8501458.ece. பார்த்த நாள்: 2017-05-16.