தமிழ்நாடு சட்டமன்றத் தேர்தல், 1996

தமிழ்நாட்டின் பதினோறாவது சட்டமன்றத் தேர்தல் 1996 ஆம் ஆண்டு மே மாதம் நடை பெற்றது. திராவிட முன்னேற்றக் கழகம் வெற்றி பெற்று, மு. கருணாநிதி நான்காம் முறையாக தமிழகத்தின் முதல்வரானார்.

தமிழ்நாடு சட்டமன்றத் தேர்தல், 1996

சூன் 24, 1996
தமிழ்நாடு சட்டமன்றத்திற்கான 234 இடங்கள்
First party Second party   தலைவர் மு. கருணாநிதி ஜெ. ஜெயலலிதா கட்சி திமுக அதிமுக கூட்டணி ஐக்கிய முன்னணி இதேகா+ தலைவரின் தொகுதி சேப்பாக்கம் பர்கூர் (தோல்வி) வென்ற தொகுதிகள் 221 8 மாற்றம் +219 -216 மொத்த வாக்குகள் 11,423,380 5,831,383 விழுக்காடு 53.49% 27.08% மாற்றம் +23.44% -32.50%
முந்தைய தமிழ்நாட்டு முதல்வர் ஜெ. ஜெயலலிதா அதிமுக தமிழ்நாட்டு முதல்வர் மு. கருணாநிதி திமுக

தொகுதிகள்

1996 ஆம் ஆண்டு தமிழ் நாட்டில் மொத்தம் 234 சட்டமன்ற உறுப்பினர்கள் இருந்தனர். அவர்கள் 189 பொதுத் தொகுதிகளில் இருந்தும் 45 தனித் தொகுதிகளில் இருந்தும் (தாழ்த்தப்பட்டவருக்கும், பழங்குடியினருக்கும் ஒதுக்கப்பட்டவை) தேர்ந்தெடுக்கப்பட்டனர்.

அரசியல் நிலவரம்

• 1991 தேர்தலில் ராஜீவ் காந்தி படுகொலையால் மக்களிடையே ஏற்பட்ட அனுதாப அலையால் அதிமுக-காங்கிரசு கூட்டணி பெரும் வெற்றி பெற்றது. 224 தொகுதிகளில் வென்று, அதிமுகவின் தலைவி ஜெ. ஜெயலலிதா தமிழக முதல்வரானார். ஆனால் ஆட்சிப் பொறுப்பேற்ற சில காலத்திற்குள் அதிமுக-காங்கிரசு உறவில் விரிசல் விழுந்தது. காங்கிரசு சட்டமன்றத்தில் எதிர்க்கட்சியாக செயல்பட்டது. முந்தைய தேர்தலில் இரண்டே இடங்களில் மட்டும் வென்ற திமுகவிலும் உள் கட்சிப் பூசல் வெடித்தது. திமுகவின் முன்னணி தலைவர்களுள் ஒருவரான வை. கோபால்சாமி (வைகோ) கருணாநிதியுடன் ஏற்பட்ட கருத்து வேறுபாட்டால் 1993 ஆம் ஆண்டு திமுகவை விட்டு வெளியேறினார். அவ்வாண்டே மறுமலர்ச்சி திராவிட முன்னேற்றக் கழகம் (மதிமுக) என்ற புதுக்கட்சியை தொடங்கினார்.
• 1991 முதலமைச்சர் ஆக பதவி ஏற்றவுடன் ஜெயலலிதா அவர்கள் அமல் படுத்திய (கள்ள சாராயம்) மது ஒழிப்பு
• 1992 ஆம் ஆண்டில் முதல்வர் ஜெயலலிதா அவர்கள் தான் ஒரு கடவுள் மறுப்பு கொண்ட பெரியாரின் திராவிடர் கழகம் வழி வந்த எம். ஜி. ஆர் அதிமுக கட்சியின் அடிப்படை கொள்கைகளுக்கு எதிராக கும்பகோணம் மகாமம் குளத்தில் ஆடம்பரமான இறை வழிபாடு செய்த போது முதல்வர் ஜெயலலிதாவை காண வந்த மக்கள்கள் அணைவரும் கூட்ட நெரிசலில் இறந்து போனார்கள்.
• பின்பு மத்திய அரசாங்கம் கொண்டு வந்த 50% சதவீதம் இட ஒதுக்கீட்டை நீதிமன்ற தீர்ப்பால் அமல்படுத்திய போது தமிழகத்தில் பழைய 69% சதவீதம் இட ஒதுக்கீட்டுக்கு ஆபத்து வராமல் பழைய இட ஒதுக்கீடு முறையை பாதுகாத்ததால் முதல்வர் ஜெயலலிதா அவர்களை திராவிடர் கழகம் தலைவர் கி. வீரமணி அவர்கள் சமூக நீதி காத்த வீராங்கனை என்று பெயரிட்டார்.
• அதிமுக தனது ஐந்தாண்டு ஆட்சி காலத்தில் முதல்வர் ஜெயலலிதாவின் தலைமையை பயன்படுத்தி கொண்டு அக்கட்சியின் அமைச்சர்கள் மற்றும் அவரது தோழி சசிகலா பல ஊழல் குற்றச்சாட்டுகளுக்கு ஆளாகி மக்களிடையே செல்வாக்கு இழந்தது. ஜெயலலிதா மற்றும் அவரது அமைச்சர்கள் சர்வதிகாரப் போக்கில் செயல்படுவதாகவும் மக்களிடையே கடும் அதிருப்தி நிலவியது.
• ஜெயலலிதாவின் வளர்ப்பு மகன் சுதாகரன் திருமணத்தின் போது நடைபெற்ற ஆடம்பர நிகழ்வுகள் வாக்காளர்களின் அதிருப்தியை அதிகப்படுத்தின.
• அந்த திருமணத்தின் போது ஜெயலலிதாவும், சசிகலாவும் நகை வாங்கிய போது அதற்கு பணம் செலுத்தாததால் லலிதா ஜுவல்லரி உரிமையாளர் பாலு அவர்கள் மரணம் அடைந்த சம்பவங்கள்
• கடந்த அதிமுக ஆட்சியில் ஜெயலலிதா அவர்கள் கொண்டு வந்த தமிழகத்தில் அதிகரித்து வந்த பெண் சிசு பலியை தடுக்கும் விதமாக தொட்டில் குழந்தை திட்டம் என்பதை கொண்டு வந்து பெண் குழந்தையை வளர்க்க விருப்பம் இல்லாத பெற்றோர்கள் அக்குழந்தையை தனது அதிமுக அரசே முறையாக வளர்க்கும் அமைப்பை இத்திட்டத்தின் மூலம் உருவாக்கினார்.
• இத்தேர்தல் நெருங்கும் வரை எதிர்க்கட்சியாக செயல்பட்ட இந்திரா காங்கிரசு, தேர்தல் அறிவிக்கப்பட்டபின் அதிமுகவுடன் கூட்டணி அமைக்கும் என்று அதன் தேசியத் தலைவரும் அன்றைய இந்தியப் பிரதமருமான நரசிம்ம ராவ் அறிவித்தார்.
• இதனால் தமிழக காங்கிரசு பிளவுபட்டு ஜி. கே. மூப்பனார் தலைமையில் ஒரு பிரிவினர் கட்சியை விட்டு வெளியேறி தமிழ் மாநில காங்கிரசு (தமாக) என்ற புதிய கட்சியைத் தொடங்கினர்.
• திமுக தேர்தலுக்கு சிறிது காலம் முன் வரை வாழப்பாடி ராமமூர்த்தியின் திவாரி காங்கிரஸ், மருத்துவர் ராமதாசின் பாட்டாளி மக்கள் கட்சி, இந்திய மார்க்சிஸ்ட் கம்யூனிஸ்ட் கட்சி ஆகியவை உள்ளடக்கிய ஏழு கட்சிக் கூட்டணியை உருவாக்கி இருந்தது. ஆனால் அக்கூட்டணி தொகுதி உடன்பாட்டு பிரச்சனைகளால் உடைந்தது.
• பின்னர் பத்திரிக்கையாளர் சோ ராமசாமியின் சிபாரிசால் திமுக–தமாகா கூட்டணி அமைந்தது. நடிகர் ரஜினிகாந்த் இக்கூட்டணிக்கு ஆதரவு தெரிவித்து சன் தொலைக்காட்சியில் ஒரு பேட்டி அளித்தார். மேலும் இக்கூட்டணிக்கு ஆதரவாக அவரது ரசிகர் மன்ற உறுப்பினர்கள் தேர்தலில் பிரச்சாரம் செய்தனர்.
• திமுக மத்தியில் ஜனதா தளம் கட்சியின் தலைமையிலான ஐக்கிய முன்னணி இடம் பெற்று இருந்ததால். அந்த முன்னணி தலைமையில் திமுக உடன் தமாகா, சிபிஐ போன்ற கட்சிகள் ஒரே அணியில் இடம் பெற்று இருந்தனர்.
• மொடக்குறிச்சி சட்டமன்ற தொகுதியில் 1033 பேர் போட்டியிட்டனர். அரசாங்கம் தங்களுக்கு சரியான படி தண்ணீர் கிடைப்பதில் ஆர்வம் காட்டாததால் விவசாயிகள் 1028 பேர் சுயேச்சைகளாக போட்டியிட்டனர். வேட்பாளர்களுக்கு சின்னம் ஒதுக்குவதில் சிக்கல் ஏற்பட்டதால் இத்தொகுதிக்கு மட்டும் தேர்தல் மற்ற தொகுதிகளோடு சேர்ந்து நடக்கவில்லை.

கூட்டணிகள்

• இத்தேர்தலில் நான்கு முனை போட்டி காணப்பட்டது. திமுக தலைமையிலான ஐக்கிய முன்னணி கூட்டணியில் தமாகா, இந்திய கம்யூனிஸ்ட் கட்சி, இந்திய தேசிய லீக், பார்வார்டு ப்ளாக் ஆகிய கட்சிகள் ஒரு அணியாகவும்,

• அதிமுக-காங்கிரஸ் ஓரணியாகவும்,

• பாட்டாளி மக்கள் கட்சி-திவாரி காங்கிரஸ் ஓரணியாகவும் போட்டியிட்டன.

• பாரதிய ஜனதா கட்சி தனித்துப் போட்டியிட்டு ஒரு தொகுதியில் வெற்றி பெற்றது.

• சுப்ரமணியசாமியின் ஜனதா கட்சி சார்பில் போட்டியிட்ட டாக்டர் க. கிருஷ்ணசாமி ஒரு தொகுதியில் வெற்றி பெற்றார்.

• வைகோ அவர்களின் மதிமுக தலைமையிலான மக்கள் ஜனநாயக முன்னணியில் ஜனதா தளம், இந்திய மார்க்சிஸ்ட் கம்யூனிஸ்ட் கட்சி போன்ற கட்சிகளுடன் இணைந்து போட்டியிட்டு ஒவ்வொரு தொகுதிகளிலும் வெற்றி பெற்றிருந்தன. கூட்டணி தலைமை கட்சியான வைகோவின் மதிமுக ஒரு இடத்தில் கூட வெற்றி பெறவில்லை.

தேர்தல் முடிவுகள்

தேர்தல் தேதி: மே 2, 1996; முடிவுகள் அறிவிப்பு: மே 12. மொத்தம் 66.95 % பதிவாகின.

திமுக+	இடங்கள்	அதிமுக+	இடங்கள்	மற்றவர்கள்	இடங்கள்
திமுக	173	அதிமுக	4	பாமக	4
தமாக	39	காங்கிரசு	0	மதிமுக	0
சிபிஐ	8			ஜனதா தளம்	1
				சிபிஎம்	1
				ஜனதா கட்சி	1
				பாஜக	1
				சுயேட்சைகள்	1
				பார்வார்டு ப்ளாக்	1
மொத்தம் (1996)	220	மொத்தம் (1996)	4	மொத்தம் (1996)	10
மொத்தம் (1991)	4	மொத்தம் (1991)	224	மொத்தம் (1991)	9

குறிப்பு: இந்திய தேசிய லீக் கட்சியின் ஐந்து வேட்பாளர்களும், அகில இந்திய ஃபார்வார்டு ப்ளாக் கட்சியின் ஒரு பிரிவின் இரண்டு வேட்பாளர்களும் திமுகவின் “உதய சூரியன்” சின்னத்தின் போட்டியிட்டு வெற்றி பெற்றனர்.

ஆட்சி அமைப்பு

திமுக தனிப்பெரும்பான்மை பெற்று மு. கருணாநிதி நான்காம் முறையாக தமிழகத்தின் முதல்வரானார்.

விளைவுகள்

• கடந்த தேர்தலில் அதிமுகவில் இருந்து வெளியேறிய சு. திருநாவுக்கரசர் தலைமையில் ஒரு பிரிவினர் பிரிந்து சென்று நடிகர் டி. ராஜேந்திரன் தலைமையில் தாயக மறுமலர்ச்சி கழகம் என்ற தனி கட்சி தொடங்கினர். பின்பு அதில் இருந்து பிரிந்து எம். ஜி. ஆர். அண்ணா திராவிட முன்னேற்றக் கழகம் என்று புதிய கட்சியை சு. திருநாவுக்கரசர் தொடங்கினார். பின்பு இத்தேர்தலில் முதன் முதலில் போட்டியிட்ட அக்கட்சி ஒரு இடத்தில் கூட வெற்றி பெறவில்லை.

• வைகோவின் மதிமுக ஒரு இடத்தில் கூட வெற்றி பெற முடியவில்லை. மதிமுகவின் தலைமையிலான மக்கள் ஜனநாயக முன்னணியில் இடம் பெற்று இருந்த ஜனதா தளம், சிபிஎம் ஒவ்வொரு தொகுதிகளிலும் வெற்றி பெற்றது.

• இரண்டாவது முறையாக தேர்தலில் போட்டியிட்ட பாட்டாளி மக்கள் கட்சி நான்கு தொகுதிகளில் வென்றது. பாமக தேர்தலில் தனித்து போட்டியிட்டது இதுவே கடைசி முறை. அதன் பின்னர் அனைத்து தேர்தல்களிலும் திமுக அல்லது அதிமுக கூட்டணிகளில் அங்கம் வகித்து வந்தது.

• திமுக-தமாகா கூட்டணி 1996 நாடாளுமன்றத் தேர்தலிலும் தமிழ்நாடு-புதுச்சேரியில் அனைத்து (40) இடங்களை வென்றது.

• இதனால் மத்தியில் அமைந்த காங்கிரஸ் இல்லாத ஜனதா தளம் கட்சியின் தலைமையிலான ஐக்கிய முன்னணி கூட்டணியில் இரு கட்சிகளும் இந்த சட்டமன்றத் தேர்தலை சந்தித்தனர். ஐக்கிய முன்னணி கூட்டணியில் மத்தியில் இரு கட்சிகளும் இடம் பெற்றிருந்தனர்.

மேலும் பார்க்க

• தமிழ்நாட்டில் இந்திய நாடாளுமன்றத் தேர்தல், 1996
• இந்தியப் பொதுத் தேர்தல், 1996

வெளி இணைப்பு

1996 சட்டமன்ற தேர்தல் முடிவுகள்