இந்தியப் பொதுவுடைமைக் கட்சி

இந்திய அரசியல் கட்சி
(இந்திய கம்யூனிஸ்ட் கட்சி இலிருந்து வழிமாற்றப்பட்டது)

இந்தியப் பொதுவுடமைக் கட்சி அல்லது இந்தியக் கம்யூனிஸ்ட் கட்சி (Communist Party of India) ஓர் இந்திய அரசியல் கட்சியாகும். இக்கட்சி எப்பொழுது தொடங்கப்பட்டது என்பது குறித்து இந்தியக் கம்யூனிச இயக்கத்தில் இரு வேறு கருத்துகள் உள்ளன. திசம்பர் 26, 1925-ஐ தன் நிறுவன நாளாக இந்தியக் கம்யூனிஸ்ட் கட்சி குறிப்பிடுகிறது. இது இடது முன்னணியின் ஒரு அங்கமாகும். இரா. முத்தரசன் என்பவர் இந்தியக் கம்யூனிஸ்ட் கட்சியின் தமிழ்நாடு மாநிலத் தலைவராக இருக்கிறார்.

இந்தியக் கம்யூனிஸ்ட் கட்சி
Communist Party of India
சுருக்கக்குறிCPI
மக்களவைத் தலைவர்கே. சுப்பராயன்
மாநிலங்களவைத் தலைவர்பினாய் விஸ்வம்
தொடக்கம்26 திசம்பர் 1925 (94 ஆண்டுகள் முன்னர்) (1925-12-26) கான்பூர், இந்தியா (இன்றையy கான்பூர்)
தலைமையகம்புது தில்லி, இந்தியா-110002
செய்தி ஏடு
இளைஞர் அமைப்புஅனைத்திந்திய இளைஞர் கூட்டமைப்பு
பெண்கள் அமைப்புஇந்திய மகளிர் தேசிய கூட்டமைப்பு
தொழிலாளர் அமைப்புஅனைத்திந்திய தொழிற்சங்க காங்கிரசு, பாரதிய கீத் மசுதூர் ஒன்றியம்
விவசாயிகள் அமைப்புஅனைத்திந்திய கிசான் சபா
கொள்கைபொதுவுடைமை
மார்க்சியம்-லெனினியம்
அரசியல் நிலைப்பாடுஇடதுசாரி முதல் தூர-இடது
பன்னாட்டு சார்புபொதுவுடமை மற்றும் தொழிலாளர் கட்சிகளின் பன்னாட்டு மாநாடு
நிறங்கள்     சிவப்பு
இ.தே.ஆ நிலைதேசியக் கட்சி[1]
கூட்டணிஇடது முன்னணி (மேற்கு வங்காளம்), இடது முன்னணி (திரிப்புரா), இடதுசாரி ஜனநாயக முன்னணி (கேரளா), ஐக்கிய முற்போக்குக் கூட்டணி (இந்தியா)(தமிழ்நாடு), பஞ்சாப் சனநாயகக் கூட்டமைப்பு
தேசியக் கூட்டுநர்சு. சுதாகர் ரெட்டி
மக்களவை உறுப்பினர்கள் எண்.,
2 / 545
மாநிலங்களவை உறுப்பினர்கள் எண்.,
2 / 245
சட்டமன்ற உறுப்பினர்கள் எண்.,
()
19 / 140
(கேரள சட்டமன்றம் (2016))
1 / 294
(மேற்கு வங்காள சட்டமன்றம் 2016)
தேர்தல் சின்னம்
Indian Election Symbol Ears of Corn and Sickle.png

ஆரம்ப கால வரலாறுதொகு

ரஷ்யப் புரட்சி அக்டோபர் 1917ல் வெற்றி பெற்ற பிறகு மேற்கத்திய நாடுகளிலும் கீழ்த் திசை நாடுகளிலும் [மார்க்சியம்||மார்க்சியக்] கொள்கைகளில் ஈடுபாடு கொண்டிருந்த படித்த அறிவாளிகள் கம்யூனிஸ்ட் கட்சிகளை அமைக்கத் தொடங்கினார்கள். அதே போன்று இந்தியாவிலும் வெளிநாடுகளிலும் இருந்த படித்த எம். என். ராய் போன்ற அறிவாளிகளின் சில குழுக்கள் மார்க்சியத்தின் பொதுவான கோட்பாடுகளை இந்தியாவின் சூழ்நிலைக்கு ஏற்ப, பழைய சோவியத் ஒன்றியத்தில் இருந்த தாஷ்கண்ட் நகரத்தில், இந்தியப் பொதுவுடமைக் கட்சியைத் தெடங்கினார்கள்.[2]

1925 களின் முதல் பாதியில் இந்தக் குழுக்கள் [கம்யூனிஸ்ட் அகிலம்|கம்யூனிஸ்ட் அகிலத்தின்] (Comintern - சர்வதேச கம்யூனிஸ்ட் இயக்கத்தின் கூட்டமைப்பு) வழிகாட்டலில் ஒன்று சேர்ந்து இந்திய கம்யூனிஸ்ட் கட்சியைத் துவக்கின. மக்களை ஒன்று திரட்ட மும்பை, வங்காளம், பஞ்சாப் மற்றும் ஐக்கிய மாநிலங்களில் விவசாயிகள்-தொழிலாளர்கள் கட்சிகள் அமைக்கப்பட்டன. இந்தக் கட்சிகள் மூலமாகவும் [[அகில இந்திய தொழிற்சங்கக் காங்கிரஸ் (All India Trade Union Congress-AITUC) மூலமாகவும் விவசாயிகள், தொழிலாளர்கள் இயக்கங்களில் கம்யூனிஸ்டுகள் பங்கேற்றனர். பம்பாயில் பலம் வாய்ந்த கர்னி-காம்கார் யூனியன் மூலம் நடந்த கூலி உயர்வுக்கான போராட்டங்களுகு கம்யூனிஸ்ட்டுகள் தலைமை வகித்தனர்.

ஆங்கிலேய காலனி ஆட்சியாளர்களின் ஒடுக்குமுறைதொகு

அப்போது இந்தியாவில் ஆங்கிலேய காலனிய ஆட்சி நடந்து கொண்டிருந்தது. அவர்கள் ஆரம்ப காலத்திலிருந்து கம்யூனிஸ்டுகளை வேட்டையாடத் தொடங்கினர். ஆட்சியைக் கவிழ்க்க சதி செய்ததாக சதி வழக்குகள் போட்டு கம்யூனிஸ்டுகளின் அரசியல் நடவடிக்கைகளை முடக்க முயற்சித்தனர்.

1929 மார்ச்சில் இந்தியக் கம்யூனிஸ்ட் கட்சியின் முக்கியத் தலைவர்கள் கான்பூர், மீரட் போன்ற சதி வழக்குகளில் குற்றஞ்சாட்டப்பட்டு கைது செய்யப்பட்டனர்.

இரண்டாம் உலகப் போரின் ஆரம்பத்தில் போர் எதிர்ப்பின் காரணமாக பல தலைவர்கள் கைதாகினர். இட்லரை [சோவியத் யூனியன்|சோவியத் யூனியனை] ஆங்கிலேயருக்கு ஆதரவாக தாக்கிய போது ஆங்கிலேயர்கள் இந்தியப் பொதுவுடமைக் கட்சிக்கு ஆதரவாக இருக்க ஆரம்பித்தார்கள்.

காங்கிரசுடன் உறவுதொகு

கம்யூனிஸ்ட் கட்சி இந்திய தேசிய விடுதலை இயக்கத்தில் காங்கிரஸ் கட்சியின் தலைமையை தட்டிக் கேட்கவில்லை. தேசிய விடுதலை இயக்கத்துக்கு தலைமை ஏற்கவும் முயற்சிக்கவில்லை. காங்கிரசின் உள்ளிருக்கும் முற்போக்கு பிரிவினரை ஈர்த்து காங்கிரசுக் கட்சியை இடது சாரி திசையில் திருப்பலாம் என்று 1921 அகமதாபாத் காங்கிரஸ் மாநாட்டில் கம்யூனிஸ்டுகள் முயற்சித்தனர். முழு விடுதலையை அடைவதை காங்கிரஸ் கட்சியின் திட்டமாக நிறைவேற்றும்படி செய்யப் போராடினார்கள்.

மேற்கோள்கள்தொகு

  1. "List of Political Parties and Election Symbols main Notification Dated 18.01.2013". India: Election Commission of India (2013). மூல முகவரியிலிருந்து 24 October 2013 அன்று பரணிடப்பட்டது. பார்த்த நாள் 21 May 2013.
  2. இந்தியாவில் 100 ஆண்டுகளை கடந்த கம்யூனிஸ்ட் கட்சி வரலாறு

வெளி இணைப்புகள்தொகு