கௌரிமனோகரி

கௌரிமனோகரி கருநாடக இசையின் 23வது மேளகர்த்தா இராகமாகும். அசம்பூரண மேள பத்ததியில் இந்த இராகத்திற்கு கௌரீ வேளாவளி என்ற பெயர் கொடுக்கப்பட்டுள்ளது.

இலக்கணம்

கௌரிமனோகரி சுரங்கள் C யிலிருந்து தொடக்கம்

ஆரோகணம்:	ஸ ரி₂ க₂ ம₁ ப த₂ நி₃ ஸ்
அவரோகணம்:	ஸ் நி₃ த₂ ப ம₁ க₂ ரி₂ ஸ

வேத என்றழைக்கப்படும் 4வது சக்கரத்தின் 5வது மேளம்.
இந்த இராகத்தில் ஷட்ஜம், சதுஸ்ருதி ரிஷபம்(ரி₂), சாதாரண காந்தாரம்(க₂), சுத்த மத்திமம்(ம₁), பஞ்சமம், சதுஸ்ருதி தைவதம்(த₂), காகலி நிஷாதம்(நி₃) ஆகிய சுரங்கள் வருகின்றன.

பிரத்தியாகத கமகம் இந்த இராகத்திற்கு அழகைக் கொடுக்கின்றது.
கருணைச்சுவை நிரம்பியது. எப்பொழுதும் பாடலாம்.
இதன் மத்திமத்தை பிரதி மத்திமாக மாற்றினால் இராகம் தர்மவதி (59வது மேளகர்த்தா) ஆகும்.
மூர்ச்சனாகாரக மேளம். இதன் ரிஷப, மத்திம, பஞ்சம சுரங்கள் கிரக பேதத்தின் வழியக முறையே நாடகப்பிரியா (10), வாசஸ்பதி (64), சாருகேசி (26) ஆகிய மேளங்களைத் தோற்றுவிக்கின்றன.
ஐரோப்பிய இசையில் உள்ள Melodic Minor Scale என்ற சுரக்கோர்வையின் ஆரோகணம் கௌரிமனோகரி மேளத்தை ஒத்துள்ளது. (அதன் அவரோகணம் 20 வது மேளமான நடபைரவியை ஒத்துள்ளது.)

கௌரிமனோகரியின் ஜன்ய இராகங்கள்: