சின்னா (திரைப்படம்)

சின்னா (Chinna) என்பது 2005 ஆம் ஆண்டு சுந்தர் சி.யின் எழுத்து இயக்கத்தில் வெளியான காதல் திரில்லர் திரைப்படமாகும். இத்திரைப்படத்தில் அர்ஜுன், சினேகா மற்றும் விக்ரமாதித்யா ஆகியோர் முக்கிய கதாபாத்திரங்களில் நடித்திருந்தனர். இத்திரைப்படம் 15 சூலை 2005 இல் வெளியாகி, கலவையான விமர்சனத்தை பெற்றது.

சின்னா
இயக்கம்	சுந்தர் சி.
தயாரிப்பு	ஸ்ரீநிவாசா ராஜா
கதை	சுந்தர். சி
திரைக்கதை	சுந்தர். சி
இசை	டி. இமான்
நடிப்பு	அர்ஜுன், சினேகா, விஜயகுமார், விக்ரமாதித்யா
ஒளிப்பதிவு	பிரசாத் முரெல்லா
படத்தொகுப்பு	மு. காசிவிசுவநாதன்
கலையகம்	ஸ்ரீ ஸ்ரீ சித்ரா
வெளியீடு	15 சூலை 2005 (2005-07-15)
ஓட்டம்	150 நிமிடங்கள்
நாடு	இந்தியா
மொழி	தமிழ்

இது பின்னர் தெலுங்கில் "கொடி" என்ற பெயரில் மொழி பெயர்க்கப்பட்டதுடன், ஒடியா மொழியில் "கிரிமினல்" என்ற பெயரில் மறு ஆக்கம் செய்யப்பட்டது.

கதை

காயத்ரியை (சினேகா) ஏதோவொரு நினைவில் மூழ்கி இருக்கும் போது அவள் அறியாமலேயே அவளின் விருப்பமின்றி ஒரு நீர்ப்பாசனப் பொறியியலாளர் (விக்ரமாதித்யா) அவளது கழுத்தில் தாலி கட்டி அவளைத் திருமணம் செய்வதிலிருந்து படம் துவங்குகிறது. திருமணம் ஆன கையோடு காயத்ரி அவளது கணவருடன் ஊட்டிக்கு அழைத்து வரப்படுகிறாள். அங்கு முதலிரவில் அவள் அவளது கணவருடன் தாம்பத்திய வாழ்க்கையை துவங்க விருப்பமின்றி தனியே உறங்குகிறாள். அப்போது அவளின் கடந்தகால நினைவுகள் ஓடுகின்றன. அவர் பவளப் பாறைகள் மற்றும் ஏனைய கடல் சூழல் அமைப்புக்கள் சம்பந்தமாக படிப்பதற்கு இராமேஸ்வரம் செல்கிறார். அங்கு அவருடைய மாமனார் வினுசக்ரவர்த்தி மீனவ தொழில் செய்து வருகிறார்.

அங்கு காயத்ரி சின்னா (அர்ஜுன்) மற்றும் அவரது உதவியாளர்களான மன்சூர் அலி கான் உள்ளிட்டவர்களை சந்திக்கின்றனர். இவர்கள் உள்ளூரில் வன்செயல் புரியும் குழு ஒன்றுக்கு வேலை செய்பவர்களாவர். காயத்ரி சின்னாவை உள்ளூர் எஸ்.பி. (விஜயகுமார்) இடம் சிக்க வைக்க எத்தனிக்க, அவரது மாமா தடுத்து விடுகிறார்.

கடல் பற்றி அறிய காயத்ரியின் மாமா அவரை சின்னாவிடம் அனுப்பி வைக்கிறார். சில நாட்களில் இருவரும் காதல் வயப்படுகின்றனர். ஆனால், காயத்ரியின் பெற்றோர் அவரை ஒரு நீர்ப்பாசன பொறியியலாளருக்கு திருமணம் செய்து வைக்கிறார்கள்.

படத்தின் இரண்டாம் பகுதியில் சின்னா, காயத்ரியை அடைந்து கொள்வதற்காக பலரை கொலை செய்கிறார். இறுதியில் காயத்ரியுடன் இணைந்தாரா என்பது மீதிக்கதை.

நடிகர்கள்

• அர்ஜுன் - சின்னா
• சினேகா - காயத்ரி
• விக்ரமதித்யா - காயத்ரியின் கணவர்
• விஜயகுமார் - காயத்ரியின் மாமனார் மற்றும் ஓய்வுபெற்ற பொலிஸ் அதிகாரி
• வடிவேலு - குமார்
• லிவிங்ஸ்டன் - பொலீஸ் அதிகாரி
• மன்சூர் அலி கான் - சின்னாவின் நண்பர்
• பொன்னம்பலம் - சின்னாவின் நண்பர்
• வினு சக்ரவர்த்தி - காயத்ரியின் மாமனார்
• ஜெயப்பிரகாஷ் ரெட்டி - சின்னாவின் முன்னாள் முதலாளி
• மணிவண்ணன் - சபாபதி
• எம். எசு. பாசுகர்
• ரியாஸ் கான்
• பெசன்ட் ரவி
• ஸ்ரீ குமார் - சூசாய்
• ஆர்த்தி - மகா
• கிரண் ராத்தோட் - குத்து பாடலில் சிறப்பு தோற்றம்

இசை

இந்த படத்திற்கு டி. இமான் என்பவர் இசையமைத்துள்ளார்.

பட்டியல்
#	பாடல்	பாடகர்(கள்)	நீளம்
1.	"பெயிலரே பெயிலரே"	சுனிதா சாரதி	4:25
2.	"காலங்கதள"	கிருஷ்ணகுமார் குன்னத், அனுராதா ஸ்ரீராம்	4:30
3.	"ஒஸ்தர பிலுஸ்துனர"	கார்த்திக், தேவன் ஏகாம்பரம், ரஞ்சித்	4:25
4.	"தோலைதூற நிலவே"	டி. இமான்	4:30
5.	"யார் யாரோ"	எஸ். பி. பாலசுப்பிரமணியம்	5:15

வெளி இணைப்புகள்

• இணையதள திரைப்பட தரவுத்தளத்தில் சின்னாரி