திருவேற்காடு

திருவேற்காடு (ஆங்கிலம்:Tiruverkadu), இந்தியாவின் தமிழ்நாடு மாநிலத்தில் அமைந்துள்ள திருவள்ளூர் மாவட்டத்தின், பூந்தமல்லி வட்டத்தில் இருக்கும் ஒரு சிறப்பு நிலை நகராட்சி ஆகும். இது வடமேற்கு சென்னையின் ஒரு முக்கியமான புறநகர் மற்றும் வளர்ந்துவரும் குடியிருப்புப் பகுதியாகும்.

திருவேற்காடு
—  சிறப்பு நிலை நகராட்சி  —
திருவேற்காடு இருப்பிடம்: திருவேற்காடு , தமிழ்நாடு , இந்தியா
அமைவிடம்	13°04′24″N 80°07′37″E
நாடு	இந்தியா
மாநிலம்	தமிழ்நாடு
மாவட்டம்	திருவள்ளூர்
வட்டம்	பூந்தமல்லி
ஆளுநர்	ஆர். என். ரவி
முதலமைச்சர்	மு. க. ஸ்டாலின்
மாவட்ட ஆட்சியர்	த. பிரபுசங்கர், இ. ஆ. ப
நகர்மன்றத் தலைவர்
மக்கள் தொகை • அடர்த்தி	62,824 (2011) • 300/km2 (777/sq mi)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு • உயரம்	28.5 சதுர கிலோமீட்டர்கள் (11.0 sq mi) • 42 மீட்டர்கள் (138 அடி)

மக்கள் வகைப்பாடு

2011-ஆம் ஆண்டு மக்கள் தொகை கணக்கெடுப்பின்படி, 19 நகராட்சி மன்ற உறுப்பினர்களையும், 15,863 குடும்பங்களையும் கொண்ட இந்நகரத்தின் மக்கள்தொகை 62,824 ஆகும். இந்நகரத்தின் எழுத்தறிவு 84% மற்றும் பாலின விகிதம் 1000 ஆண்களுக்கு 977 பெண்கள் வீதம் உள்ளனர். 6 வயதிற்குட்பட்ட குழந்தைகளின் எண்ணிக்கை 7189 ஆகவுள்ளது. குழந்தைகள் பாலின விகிதம், 1000 ஆண் குழந்தைகளுக்கு, 988 பெண் குழந்தைகள் வீதம் உள்ளனர். பட்டியல் சமூகத்தினரும், பட்டியல் பழங்குடியினரும் முறையே 14,360 மற்றும் 235 ஆகவுள்ளனர். மக்கள்தொகையில் இந்துக்கள் 95.95%, இசுலாமியர்கள் 1.4%, கிறித்தவர்கள் 5.13% , தமிழ்ச் சமணர்கள் .04%, மற்றும் பிறர் 0.47% ஆகவுள்ளனர்.

திருத்தலங்கள்

தேவாரப்பாடல் பெற்ற திருவேற்காடு வேதபுரீஸ்வரர் கோயில் மற்றும் திருவேற்காடு கருமாரி அம்மன் கோயில் ஆகியவை திருவேற்காட்டில் அமைந்துள்ளன.

வெளியிணைப்புகள்

• திருவேற்காடு நகராட்சி இணையதளம் பரணிடப்பட்டது 2010-11-24 at the வந்தவழி இயந்திரம்