வீ. அரசு

வீ. அரசு (V. Arasu; பிறப்பு - 15 பெப்ரவரி 1954) ஒரு தமிழ்நாட்டு எழுத்தாளர், முன்னாள் பேராசிரியர், மற்றும் தமிழறிஞர் ஆவார்.

வீ. அரசு
பிறப்பு	15 பெப்ரவரி 1954 (1954-02-15) வடக்கூர், தஞ்சாவூர் மாவட்டம், மதராசு மாநிலம் (தற்போது தமிழ்நாடு), இந்தியா
தேசியம்	தமிழர்
குடியுரிமை	இந்தியர்
கல்வி	முதுகலை பட்டம்
பணி	எழுத்தாளர், ஆய்வாளர்
பெற்றோர்	மா. வீராசாமி சிவபாக்கியம்

பிறப்பு

தஞ்சாவூர் மாவட்டம் வடக்கூரில் 15 பிப்ரவரி 1954 அன்று சிவபாக்கியம் - மா.வீராசாமி இணையருக்கு மகனாகப் பிறந்த இவரின் இயற்பெயர் ராஜூ.

கல்வி

பூண்டி கல்லூரியில் முதுகலையும், சென்னை பச்சையப்பன் கல்லூரியில் ஆய்வியல் நிறைஞர் (M.Phil) பட்டமும் பெற்றார். 1984-இல் முனைவர் பட்ட ஆய்வை நிறைவு செய்தார்.

பணி

சென்னைப் பல்கலைக்கழகத்தின் தமிழ் இலக்கியத் துறையின் தலைவராகப் பணியாற்றி ஓய்வு பெற்றார். நா. வானமாமலை, தொ.மு.சி. ரகுநாதன், கா. சிவத்தம்பி, க. கைலாசபதி உள்ளிட்ட பல முன்னோடி ஆய்வாளர்களின் மரபில் தமிழாய்வில் பண்பாட்டு ஆய்வுகளுக்கு ஊக்கமளித்து வருபவர்.

கல்விப்பின்புலம், ஆராய்ச்சி நெறிமுறைகள், ஆசிரியப் பணியில் 30 ஆண்டு அனுபவம், தற்காலப் புனைவுகள், தனித்த ஆளுமைகள், அயலகத் தமிழ் இலக்கியங்கள், ஊடகங்கள் உள்ளிட்ட துறைகள், குறிப்பிடத்தக்க தனித்த ஆளுமைகளின் ஆக்கங்களை ஒட்டுமொத்தமாக கவனப்படுத்துதல் என்ற நிலைகளில் இவரது பங்களிப்பு அமைகிறது.

நூல்கள்

கீழ்க்கண்டவை உள்ளிட்ட பல நூல்களையும், கட்டுரைகளையும் இவர் எழுதியுள்ளார்.

ஆண்டு	தலைப்பு	வகை	பதிப்பகம்
2002	வ .உ. சி. நூல் திரட்டு		புதுமைப்பித்தன் பதிப்பகம்
2004	மயிலை சீனி. வேங்கடசாமி: இந்திய இலக்கியச் சிற்பிகள்		சாகித்திய அகாதமி
2006	சிறுபத்திரிக்கை அரசியல்		கங்கு வரிசை வெளியீடு
2011	புதுமைப்பித்தன் கதைகள், இதழ்வழிப் பதிப்பு முழுத்திரட்டு		அடையாளம், திருச்சி
2012	தமிழியல் கல்வி குறித்த உரையாடல்		நியூ செஞ்சுரி புக் ஹவுஸ், சென்னை
	சங்க நூல்களின் காலம்
	சித்தர் மரபு: நவீன சித்து விளையாட்டுகள்
	வேலை நிறுத்தம், 1937 முதல் 1939 வரை (ஜனசக்தி இதழில் வெளியான தலையங்கங்களின் தொகுப்பு )
	திராவிட இயக்கம் 100 ஆண்டுகள்
	இருபதாம் நூற்றாண்டுத் தமிழ்ச் சிறுகதைகள் நூறு		அடையாளம், திருச்சி
	சங்க இலக்கியம்: பன்முக வாசிப்பு		மாற்று வெளியீட்டகம், சென்னை
2013	பத்தொன்பதாம் நூற்றாண்டில் தொண்டை மண்டல சாதி - நில உறவுகள்		நியூ செஞ்சுரி புக் ஹவுஸ், சென்னை
	அத்திப்பாக்கம் அ.வெங்கடாசலனார் ஆக்கங்கள் திரட்டு	கட்டுரைத்தொகுப்பு
	ச.வையாபுரிப்பிள்ளையின் ஆய்வு வரலாறும் இலக்கிய வரலாறும்
	இருபதாம் நூற்றாண்டுச் சிறுகதைகள் நூறு		அடையாளம் பதிப்பகம், சென்னை
	மயிலை. சீனி. வேங்கடசாமி நூற்களஞ்சியம்: 20 தொகுதிகள்		தமிழ் மண், சென்னை
2016	விந்தன் உலகம்		விந்தன் நினைவு அறக்கட்டளை, சென்னை
	இது என் வாழ்நாட் பணி : பாவேந்தர் இளவரசு அவர்களின் பாவேந்தப் பயணம்		தமிழ் மண், சென்னை
2021 (பிப்)	ஒற்றைப்பண்பாடு எனும் வன்முறை : கீழடி அகழ்வாய்வு- தமிழ்ப்பண்பாடு	ஆய்வுரைகள் (குறுநூல் வடிவில்)	தடாகம், சென்னை
	வ. உ. சி.எனும் அரசியல் போராளி : தமிழ்ச்சூழல் - வ. உ. சி
	தமிழக முப்பெரும் கவிஞர் மரபில் தமிழ்ஒளி : தமிழ் மரபுக் கவிதை-வரலாறு
	இலத்தீன் அமெரிக்க ஆக்கங்கள் : தமிழ்ச்சூழல்-அமரந்தா-மொழியாக்கம்
	இருநூற்றாண்டு அச்சுப்பண்பாடு...இதழ்கள்
	சென்னை இலௌகிக சங்கம் : தமிழ்ச்சூழல்-நாத்திக அமைப்பு
	தோழர் ம. சிங்காரவேலர் எனும் சமூக அறிவியலாளர்
	அண்ணாவி இளைய பத்மநாதன் : தமிழ்ச்சூழல் - சிலப்பதிகார அரங்கத்திறம்
	சோவியத் புரட்சியும் தமிழ்ச்சமூகமும்
	ஆபிரகாம் பண்டிதரும் விபுலானந்தரும் : தமிழ் இசை-வரலாறு
?	மயிலை சீனி வேங்கடசாமி ஆய்வுக் களஞ்சியம் தமிழியல் ஆய்வு (சொல்லாய்வுகள் - வாழ்க்கை வரலாறு)		இளங்கணி பதிப்பகம், சென்னை

வெளி இணைப்புகள்

• செம்மொழித் தமிழாய்வு மத்திய நிறுவனமும் சிக்கய்ய நாய்க்கர் கல்லூரி தமிழ்த்துறையும் இணைந்து நடத்திய கருத்தரங்கு, 25 ஜனவரி 2014
• அண்ணாமலைப் பல்கலைக்கழகத் தமிழியல் துறையில் தனிநாயகம் அடிகள் குறித்த சிறப்புச் சொற்பொழிவில் ஆற்றப்பட்ட பொழிவு, 8 பிப்ரவரி 2014
• காலந்தோறும் கேரளம், நடப்பு.காம், 15 நவம்பர் 2014
• ஓநாயிடம் மாட்டிக்கொள்ளும் ஆட்டுக்குட்டிகள், வல்லினம், 1 அக்டோபர் 2015
• புத்தகங்களால் ஆன வீடு - வீ.அரசு, தடம், விகடன் 29 டிசம்பர் 2016
• வீட்டிலேயே நூலகம் அமைத்து நூல்களை சேகரிக்கும் பேராசிரியர், நியூஸ்18தமிழ்நாடு, 9 ஜனவரி 2017
• ராஜாஜிக்கு மறுப்பு நூல் எழுதிய விந்தன்: பேரா.வீ.அரசு, தீக்கதிர், 29 ஜனவரி 2017 பரணிடப்பட்டது 2017-02-05 at the வந்தவழி இயந்திரம்
• நூலகங்கள் வீ அரசு உரை
• இரு நூற்றாண்டுத் தமிழ் அச்சுப் பண்பாடு: இதழ்கள் - கண்காட்சி, தொடக்கவுரை
• தமிழ்க்கலை வரலாறு எழுதுயியல்
• சென்னை இலௌகிக சங்கம், பொன்மாலைப் பொழுது