ஹர்ஷவர்தன் ராணே

ஹர்ஷ் வர்தன், ஹர்ஷவர்தனர் ஆகியோருடன் குழப்பிக் கொள்ள வேண்டாம்.

ஹர்ஷவர்தன் ராணே (Harshvardhan Rane, பிறப்பு: டிசம்பர் 16, 1983), தமிழ், தெலுங்கு மொழித் திரையுலக நடிகர் ஆவார். இவர் துள்ளி எழுந்தது காதல், நா இஷ்டம், நீ எங்கே என் அன்பே போன்ற திரைப்படங்களில் நடித்துள்ளார்.

ஹர்ஷவர்தன் ராணே
பிறப்பு	திசம்பர் 16, 1983 (1983-12-16) ராஜமுந்திரி ஆந்திரப் பிரதேசம்
மற்ற பெயர்கள்	ஹர்ஷா
பணி	நடிகர்
செயற்பாட்டுக் காலம்	2010–இன்று வரை

திரைப்பட வாழ்க்கை

2008ஆம் ஆண்டு சப் தொலைக்காட்சியில் ஒளிப்பரப்பான லெப்ட் ரைட் லெப்ட் என்ற தொடரின் 2ஆம் பாகத்தில் ரம்மி கவுர் என்ற கதாபாத்திரத்தில் நடித்தார். அதை தொடர்ந்து பல விளம்பரங்களிலும் நடித்துள்ளார்.

2010ஆம் ஆண்டு தகிட தகிட என்ற தெலுங்கு திரைப்படத்தில் நடித்தார். இந்த திரைப்படத்தில் அக்கினேனி நாகார்ஜுனா, அனுசுக்கா செட்டி, பூமிகா சாவ்லா குணச்சித்திர வேடங்களில் நடித்தனர். இந்த திரைப்படம் தமிழ் மொழியில் துள்ளி எழுந்தது காதல் என்ற பெயரில் மொழிமாற்றம் செய்யப்பட்டு வெளியானது.

2012ஆம் ஆண்டு அவுனு என்ற திரைப்படத்தில் நடிகை பூர்ணாவுடன் ஜோடியாக நடித்தார். இதே ஆண்டில் ராணா டக்குபாதி, ஜெனிலியா ஆகியோர் முன்னணி வேடத்தில் நடித்த நா இஷ்டம் என்ற திரைப்படத்தில் கிஷோர் என்ற கதாபாத்திரத்தில் நடித்தார். அதை தொடர்ந்து 2013ஆம் ஆண்டு பிரேமா இஷ்க் காதல் என்ற திரைப்படத்தில் நடித்துள்ளார்.

2014ஆம் நடிகை வித்யா பாலன் நடித்த கஹானி என்ற ஹிந்தி மொழித் திரைப்படத்தின் தமிழ், தெலுங்கு பதிப்புகளில் நயன்தாராவுடன் ஜோடியாக நடித்துள்ளார். அதை தொடர்ந்து கீதாஞ்சலி, மாயா, பிரதர் ஒப் பொம்மாலி போன்ற திரைப்படங்களில் நடித்துள்ளார்.

திரைப்படங்கள்

ஆண்டு	தலைப்பு	பாத்திரத்தில்	குறிப்புகள்
2010	துள்ளி எழுந்தது காதல்	ஸ்ரீதர் (ஸ்ரீ)
2012	அவுனு	ஹர்ஷா
2012	நா இஷ்டம்	கிஷோர்
2013	பிரேமா, இஷ்க், காதல்	ரந்தீர் / ராண்டி
2014	நீ எங்கே என் அன்பே
2014	கீதாஞ்சலி	குணச்சித்திர வேடம்
2014	மாயா	சித்தார்த் வர்மா
2014	பிரதர் ஒப் போம்மளி	ஹர்ஷா

சின்னத்திரை

ஆண்டு	தலைப்பு	பாத்திரத்தில்	சேனல்
2008	லேப்ட் ரைட் லேப்ட்	ரம்மி கவுர்	சப் தொலைக்காட்சி

வெளி இணைப்புகள்

• ஐ.எம்.டி.பி இணையத்தளத்தில் Harshvardhan Rane
• Harshvarshan Rane, website