விக்கிப்பீடியா

அலெக்ஸ் ஃபெர்குஸன்

சர் அலெக்ஸ் அல்லது ஃபெர்ஜி என்று பிரபலமாக அறியப்படும் சர் அலெக்சாண்டர் சாப்மேன் “அலெக்ஸ்” பெர்குசன் Kt, CBE, (பிறப்பு கிளாஸ்கோ, கோவான். டிசம்பர் 31, 1941) ஒரு ஸ்காட்லாந்து கால்பந்து மேலாளர் மற்றும் முன்னாள் வீரர் ஆவார். இப்போது மான்செஸ்டர் யுனைடெட் அணியை நிர்வகித்து வருகிறார். 1986 ஆம் ஆண்டு முதல் இந்த அணியின் பொறுப்பில் அவர் இருந்து வருகிறார்.

அபெர்தீன் மேலாளராக வெற்றிகரமாக உலாவரும் முன்னதாக கிழக்கு ஸ்டிர்லிங்ஷயர் மற்றும் செயிண்ட் மிரன் அணிகளுக்கு அவர் மேலாளராய் இருந்தார். ஜாக் ஸ்டெயினின் மரணத்தை அடுத்து தற்காலிகமாக ஸ்காட்லாந்து தேசிய அணியின் மேலாளராக இருந்த இவர் 1986 ஆம் ஆண்டு நவம்பரில் மான்செஸ்டர் யுனைடெட் அணியின் மேலாளராய் நியமிக்கப்பட்டார்.

23 ஆண்டுகள் மான்செஸ்டர் யுனைடெட் அணியில் மேலாளராக இருந்த இவர் சர் மேட் பஸ்பிக்கு பிறகு இந்த அணியின் வரலாற்றில் அதிக காலம் சேவை செய்த மேலாளர் என்னும் பெயர்பெற்றார். இப்போதிருக்கும் லீக் மேலாளர்கள் அனைவரிலும் இவருடையது தான் நீளமான காலமாகும். இந்த காலத்தில் பெர்குசன் ஏராளமான விருதுகளை வென்றிருப்பதோடு பிரித்தானிய கால்பந்து வரலாற்றில் அநேக சமயங்களில் ஆண்டின் சிறந்த மேலாளர் பட்டத்தையும் வென்றிருக்கிறார். 2008 ஆம் ஆண்டில், ஐரோப்பிய கோப்பையை ஒருமுறைக்கும் மேலாக வென்ற மூன்றாவது பிரித்தானிய மேலாளராக அவர் ஆனார்.

இங்கிலீஷ் கால்பந்து விளையாட்டுக்கு இவரது சேவைகளைப் பாராட்டி இங்கிலீஷ் கால்பந்து பெருமைமிகு கூடத்தில் துவக்க அங்கத்தினராய் இவர் இடம்பெற்றார். 1999 ஆம் ஆண்டில் ராணி இரண்டாம் எலிசபெத் இவருக்கு நைட் (knight) பட்டமளித்தார். 1980களின் ஆரம்பம் முதல் மத்திய காலம் வரையான காலத்தில் பெரும் பல கோப்பைகளுக்கான போட்டிகளில் நகரின் கால்பந்து கிளப்புக்கு மேலாளராய் பணியாற்றியிருக்கும் இவர் நகருக்கு செய்த சேவைக்காக இப்போது ஃப்ரீடம் ஆஃப் தி சிட்டி ஆஃப் அபர்தீன் சுழல்பட்டத்தை கொண்டிருக்கிறார்.

ஆரம்ப வாழ்க்கை

தொகு
 
ஓல்டு டிராஃபோர்டில் பெர்குசன்

கப்பல் கட்டும் துறையில் உதவியாளராய் வேலைபார்த்த அலெக்சாண்டர் பீடன் பெர்குசன் மற்றும் அவரது மனைவி எலிஸெபெத் ஹார்டி[1] தம்பதியருக்கு மகனாய் 31 டிசம்பர் 1941 அன்று கோவான் ஷீல்டுஹால் சாலையில் இருக்கும் தனது பாட்டியின் வீட்டில் அலெக்ஸ் பெர்குசன் பிறந்தார். ஆனால் வளர்ந்ததெல்லாம் 667 கோவான் சாலையில் இருக்கும் ஒரு குடியிருப்பு மனையில் தான் (பின் அது இடிக்கப்பட்டு விட்டது). இங்கு அவர் தனது பெற்றோருடனும் தம்பி மார்ட்டின் உடனும் வசித்து வந்தார்.

ப்ரூம்லோன் சாலை ஆரம்பப் பள்ளி மற்றும் பின்னால் கோவான் உயர்நிலைப் பள்ளியில் இவர் படித்தார். பின்னர் ரேஞ்சர்ஸ் அணியை ஆதரித்தார்.[சான்று தேவை]

விளையாட்டு வாழ்க்கை

தொகு

குவீன்ஸ் பார்க் அணியில் 16 வயதில் ஒரு அமெச்சூர் ஸ்ட்ரைக்கர் வீரராய் தனது விளையாட்டு வாழ்க்கையைத் துவக்கினார். தனது முதல் ஆட்டம் “கெட்ட கனவு” என்று இவர் வர்ணித்தார்,[2] ஆயினும் ஸ்ட்ரான்ரேர் அணிக்கு எதிரான 2-1 கோல் கணக்கிலான தோல்வியில் குவீன் பார்க் அணியின் கோலை இவர் தான் அடித்தார். குவீன் பார்க் அணி அமெச்சூர் அணியாக இருந்ததால், க்ளைடெ கப்பல்துறையில் பயிற்சித் தொழிலாளராகவும் அவர் வேலை செய்தார். அங்கு அவர் செயலூக்கமிக்க தொழிற்சங்க உற்பத்தித் தள பிரதிநிதியாக ஆனார். குவீன் பார்க் அணியில் இவரது குறிப்பிடத்தகுந்த ஆட்டமாக அமைந்தது 1959 ஆம் ஆண்டில் பாக்ஸிங் தினத்தன்று நடந்த குவீன் ஆஃப் தி சவுத் அணிக்கு எதிரான ஆட்டமாகும். 7-1 என்ற கோல் கணக்கில் குவீன் பார்க் தோல்வியைத் தழுவிய இந்த ஆட்டத்தில் முன்னாள் இங்கிலாந்து அணியின் சர்வதேச வீரரான ஐவர் பிராடிஸ் குவீன் ஆஃப் தி சவுத் அணிக்காக நான்கு கோல்கள் அடித்தார். குவீன்’ஸ் பார்க் அணி எடுத்த ஒரே கோலை பெர்குசன் அடித்தார்.[3]

குவீன் பார்க் அணிக்காக தான் விளையாடிய 31 ஆட்டங்களில் 20 கோல்களை இவர் அடித்திருந்த போதும், அவரால் அணியில் நிரந்தரமாக இடம் பிடிக்க முடியாமல் போனது. இவர் 1960 ஆம் ஆண்டில் செயிண்ட் ஜான்ஸ்டோனுக்கு இடம்பெயர்ந்தார். அவர் செயிண்ட் ஜோன்ஸில் தொடர்ந்து கோல்கள் அடித்தார் என்றாலும், அங்கும் அவரால் நிரந்த இடத்தில் இருக்க முடியாமல் போனது, தொடர்ந்து மாற்ற கோரிக்கைகளை எதிர்கொள்ள வேண்டியதானது. இந்த கிளப்பில் பெர்குசன் திருப்தியான ஆதரவைப் பெற இயலாத நிலையில் அவர் கனடாவுக்கு[4] குடிபெயர்வதைக் கூட சிந்திக்கத் துவங்கியிருந்தார். ஆயினும் அந்த சமயத்தில் ஒரு ஃபார்வர்டு வீரரை ஒப்பந்தம் செய்ய செயிண்ட் ஜான்ஸ்டோனால் இயலாமல் போனதையடுத்து அணி மேலாளர் ரேஞ்சர்ஸ் அணிக்கு எதிரான ஒரு போட்டிக்கு ஃபெர்குஸனை தேர்வு செய்தார், இதில் அவர் ஹேட்ரிக் கோல் போட்டு ஒரு ஆச்சரிய வெற்றிக்கு வழிவகுத்தார். இதற்கடுத்து வந்த கோடையில் (1964) டன்ஃபெர்ம்லைன் அவரை ஒப்பந்தம் செய்தது, பெர்குசன் ஒரு முழு-நேர தொழில்முறை கால்பந்து வீரராக ஆனார்.

அடுத்து வந்த பருவத்தில் (1964-65), ஸ்காட்டிஷ் லீகிற்கான உறுதியான சவாலளிக்கும் அணியாக டன்ஃபெர்ம்லைன் இருந்தது, ஸ்காட்டிஷ் கோப்பை இறுதிக்கும் வந்தது. ஆனால் செயிண்ட் ஜான்ஸ்டோன் அணிக்கு எதிரான லீக் ஆட்டத்தில் சரியாக விளையாடாததால் இறுதிப் போட்டிக்கு பெர்குசன் தேர்வு செய்யப்படவில்லை. இறுதிப் போட்டியை செல்டிக் அணியிடம் 3-2 என்ற கோல் கணக்கில் இழந்த டன்ஃபெர்ம்லைன், பின் லீகை ஒரு புள்ளியில் வெல்ல முடியாமல் போனது. 1965-66 பருவத்தில் டன்ஃபெர்ம்லைன் அணிக்காக தான் விளையாடிய 51 ஆட்டங்களில் பெர்குசன் 45 கோல்கள் அடித்திருந்தார். ஸ்காட்டிஷ் லீகில் 31 கோல்கள் போட்டு செல்டிக் அணியின் ஜோ மெக்பிரைட் உடன் சேர்ந்து முதலிடத்தைப் பகிர்ந்து கொண்டார்.[5]

அதன் பின் £65,000 தொகைக்கு ரேஞ்சர்ஸ் அணியுடன் ஒப்பந்தமானார், இது இரண்டு ஸ்காட்டிஷ் கிளப்களுக்கு இடையிலான ஒரு மாற்றத்திற்கு அப்போது ஒரு சாதனை தொகையாக இருந்தது. 1969 ஆம் ஆண்டின் ஸ்காட்டிஷ் கோப்பை இறுதிப் போட்டியில்,[6] செல்டிக் அணித் தலைவரான பில்லி மெக்நீலைக் கையாள இவர் ஒதுக்கப்பட்டிருந்த நிலையில், எதிரணி கோல் போட முடிந்ததற்கு இவர் செய்த தவறு தான் காரணம் எனக் குற்றம் சாட்டப்பட்டது. இதனையடுத்து கிளப்பின் முதன்மை அணிக்குப் பதிலாக ஜூனியர் அணியில் விளையாட அவர் நிர்ப்பந்தமுற்றார்.[7] இந்த அனுபவம் ஃபெர்குஸனுக்கு மிகவும் வேதனை தந்தது எனவும் அவர் தனது தோல்விப் பதக்கத்தை தூக்கியெறிந்தார் என்றும் அவரது சகோதரர் தெரிவிக்கிறார்.[8] கத்தோலிக்கரான[9] கேத்தியை இவர் மணந்து கொண்ட பின் தான் ரேஞ்சர்ஸில் அவர் பாகுபாட்டை எதிர்கொண்டார் என்பதான கூற்றுகளும் உண்டு. ஆனால் தன் மனைவி ஒரு கத்தோலிக்கர் என்பது தான் அந்த கிளப்பில் சேரும் போதே அவர்களுக்குத் தெரியும் என்றும், கோப்பையின் இறுதி ஆட்டத் தவறு குறித்து குற்றம் சாட்டப்பட்டதையடுத்தே தான் மிகவும் தயக்கத்துடன் அந்த அணியில் இருந்து வெளியேறியதாகவும் ஃபெர்குஸனே தனது சுயசரிதையில்[10] தெளிவுபடுத்துகிறார்.

அடுத்து வந்த அக்டோபர் மாதத்தில், நாட்டிங்ஹாம் ஃபாரஸ்ட் அணி ஃபெர்குஸனை கையொப்பமிட விரும்பியது,[11] ஆனால் அவரது மனைவிக்கு இங்கிலாந்து செல்ல விருப்பமில்லாததை அடுத்து அவர் அதற்குப் பதிலாய் ஃபால்கிர்க் அணியில் சேர்ந்து விட்டார். அங்கு அவர் வீரர்-பயிற்சியாளராய் ஊக்குவிக்கப்பட்டார், ஆனால் ஜான் பிரெண்டிஸ் அங்கு மேலாளராய் ஆனபோது ஃபெர்குஸனின் பயிற்சிப் பொறுப்புகளை அகற்றி விட்டார். இதனையடுத்து தன்னை இடம் மாற்றுமாறு பெர்குசன் கோர, அவர் எய்ர் யுனைடெட் அணிக்கு மாற்றப்பட்டார். இங்கு தனது விளையாட்டு வாழ்க்கையை இவர் 1974 ஆம் ஆண்டில் முடித்தார்.

ஆரம்ப கால மேலாளர் வாழ்க்கை

தொகு

கிழக்கு ஸ்டர்லிங்ஷயர்

தொகு

1974 ஆம் ஆண்டு ஜூனில் பெர்குசன் கிழக்கு ஸ்டர்லிங்ஷயர் அணியின் மேலாளராய் நியமிக்கப்பட்டார், அப்போது அவருக்கு வயது வெறும் 32 தான். பகுதி நேர வேலையான அதற்கு வாரத்திற்கு £40 ஊதியம் பேசப்பட்டது. அந்த சமயத்தில் கிளப்பில் ஒரு கோல்கீப்பர் கூட ஒப்பந்தம் செய்யப்படாதிருந்தது.[12] ஒழுக்கத்தில் கண்டிப்பானவராக அவர் உடனடியாக அறியப் பெற்றார். கிளப் ஃபார்வர்டு பாபி மெக்கலி பின்னர் கூறுகையில் தான் “யாருக்கும் முன்னர் பயந்தது இல்லை என்றும் ஆனால் ஃபெர்குஸனைக் கண்டு ஆரம்பத்திலேயே பயம் தோன்றி விட்டதாகவும்” கூறினார்.[13] ஆயினும் அவரது தந்திர உத்தி முடிவுகளை வீரர்கள் போற்றினர், கிளப்பின் முடிவுகள் கணிசமான முன்னேற்றம் கண்டன.

அடுத்து வந்த அக்டோபரில், செயிண்ட் மிரன் அணிக்கு மேலாளர் ஆக ஃபெர்குஸனுக்கு அழைப்பு வந்தது. லீகில் அவர்கள் கிழக்கு ஸ்டர்லிங்ஷயருக்கு கீழே இருந்தனர் எனினும் அவர்கள் ஒரு பெரிய கிளப் தான். கிழக்கு ஸ்டர்லிங்ஷயரை நோக்கி ஃபெர்குஸனுக்கு கொஞ்சம் விசுவாச எண்ணம் இருந்தபோதிலும், ஜாக் ஸ்டீனின்[14] ஆலோசனைக்குப் பின் செயிண்ட் மிரனில் இணைய அவர் தீர்மானித்தார்.

செயிண்ட் மிரென்

தொகு

1974 ஆம் ஆண்டு முதல் 1978 ஆம் ஆண்டு வரை பெர்குசன் செயிண்ட் மிரென் அணியின் மேலாளராய் இருந்தார், அதன்பின் வெறும் 1000 ரசிகர்களை மட்டுமே கொண்டு பழைய இரண்டாவது டிவிஷனில் கீழ் பாதியில் இருந்த ஒரு அணியை 1977 ஆம் ஆண்டில் முதல் டிவிஷன் சாம்பியன்களாக மாற்றிக் காட்டினார்; இச்சமயத்தில் பில்லி ஸ்டார்க், டோனி ஃபிட்ஸ்பேட்ரிக், லெக்ஸ் ரிச்சர்ட்சன், ஃபிராங்க் மெக்கார்வே, பாபி ரெய்ட் மற்றும் பீட்டர் வேய்ர் போன்ற அற்புதமான தாக்குதல் ஆட்ட[15] வீரர்களைக் கண்டறிந்தார். லீகை வென்ற அணியின் சராசரி வயது 19, கேப்டன் ஃபிட்ஸ்பேட்ரிக்குக்கு வயது 20.[16]

ஃபெர்குஸனை பணிநீக்கம் செய்த ஒரே கிளப் செயிண்ட் மிரென் தான். இந்த நீக்கம் தவறானது என்று கூறி அவர் தீர்ப்பாயம் ஒன்றில் வழக்குத் தொடுத்தார், ஆனால் அவரது வழக்குத் தோற்றதோடு மேல்முறையீடுக்கும் அவருக்கு அனுமதி கிட்டவில்லை. வீரர்களுக்கு அங்கீகாரமில்லாமல் தொகைகளை வழங்கியது உட்பட பல்வேறு ஒப்பந்த மீறல்களுக்காக பெர்குசன் நீக்கப்பட்டதாக அதிகாரப்பூர்வ தகவல் கூறுகிறது என்று 1999 ஆம் ஆண்டு மே 30ம் தேதி பில்லி ஆடம்ஸ் சண்டே ஹெரால்டு செய்தி கூறியது.[15] வீரர்களுக்கு சில செலவுகள் வரி இல்லாமல் வழங்கப்பட வேண்டும் என்று கூறி அலுவலக செயலரிடம் பயமுறுத்தும் வகையில் நடந்து கொண்டதாக அவர்மீது குற்றம் சாட்டப்பட்டது. அந்த பெண்மணியிடம் அவர் ஆறு வாரங்கள் பேசவில்லை, அத்துடன் அவரது சாவிகளை பறிமுதல் செய்து வைத்துக் கொண்டதோடல்லாமல் தனது 17 வயது உதவியாளர் ஒருவரின் மூலமாகத் தான் அவருடன் பேசினார். பெர்குசன் “குறிப்பாக அற்பமாக”வும் “முதிர்ச்சியற்ற வகையிலும்” நடந்து கொண்டதாக தீர்ப்பாயம் தீர்மானித்தது.[17] தீர்ப்பாய விசாரணையின் போது செயிண்ட் மிரென் தலைவரான வில்லி டோட் ஃபெர்குஸனுக்கு “நிர்வாகத் திறமை இல்லை” என்று கூறியதாக செய்திகள் வெளியாயின.

மே 31, 2008 அன்று, அத்தனை வருடங்களுக்கு முன்பு ஃபெர்குஸனை பணிநீக்கம் செய்திருந்த டோட் (அப்போது அவருக்கு வயது 87) உடனான ஒரு பேட்டியை தி கார்டியன் இதழ் வெளியிட்டது. அபெர்தீன் அணியில் பெர்குசன் இணைவதற்கு ஒப்புக் கொண்டது தொடர்பான ஒப்பந்தமீறல் தான் அவரது நீக்கத்திற்கான அடிப்படைக் காரணம் என்று அவர் விளக்கினார். அபெர்தீனுக்கு தன்னுடன் வருவதற்கு குறைந்தது ஒருவீரரை தான் கேட்டுக் கொண்டதாக டெய்லி மிரர் செய்தியாளரான ஜிம் ரோட்ஜரிடம் பெர்குசன் தெரிவித்தார். அத்துடன் செயிண்ட் மிரென் ஊழியர்களிடம் தான் விலகப் போவதைத் தெரிவித்தார். நடந்த விஷயங்கள் குறித்து டோட் வருந்தினார் என்றாலும் ஊதிய விவகாரம் தொடர்பாக தனது கிளப்பை அணுகாததற்கு அபெர்தீன் அணியை அவர் குறைகூறினார்.[18]

அபெர்தீன் அணியின் மேலாளர்

தொகு

ஆரம்ப ஏமாற்றம்

தொகு

அபெர்தீன் மேலாளராக 1978 ஆம் ஆண்டு ஜூன் மாதத்தில் பெர்குசன் இணைந்தார், முன்னதாக இருந்த பில்லி மெக்நீல் அங்கு ஒரு பருவம் மட்டுமே இருந்தார், அதன்பின் செல்டிக் மேலாளராக வாய்ப்பு கிட்டி சென்று விட்டார். அபெர்தீன் ஸ்காட்லாந்தின் முக்கிய கிளப்களில் ஒன்றாக இருந்தது என்றாலும், 1955 ஆம் ஆண்டு முதல் அவர்கள் லீக் வென்றதில்லை. ஆயினும், அணி நன்கு விளையாடி வந்தது, முந்தைய டிசம்பரில் இருந்து ஒரு லீக் போட்டியில் கூட தோற்காது விளையாடிக் கொண்டிருந்தது. முந்தைய பருவத்தின் லீகில் இரண்டாவது இடத்தையும் பிடித்திருந்தது.[19] பெர்குசன் மேலாளராகி இப்போது நான்கு வருடங்கள் ஆகி இருந்தது என்றாலும், இன்னும் அவர் சில வீரர்களைக் காட்டிலும் பெரிய வயது வித்தியாசமுடையவராய் இருக்கவில்லை. ஜோ ஹார்பர் போன்ற மூத்த வீரர்களின் மரியாதையை வெல்வதில் அவருக்குப் பிரச்சினைகள் இருந்தது.[20] அந்த பருவம் குறிப்பாக சிறப்பாக செல்லவில்லை, அபெர்தீன் ஸ்காட்டிஷ் எப்.ஏ.கோப்பையில் அரை-இறுதியையும் லீக் கோப்பையில் இறுதிப் போட்டியையும் எட்டியது. ஆனால் இரண்டு போட்டிகளிலும் தோற்றது, லீகில் நான்காவது இடத்தைப் பிடித்தது.

1979 ஆம் ஆண்டு டிசம்பரில், மீண்டும் லீக் கோப்பை இறுதியில் அவர்கள் தோற்றனர், இந்தமுறை அவர்கள் டண்டீ யுனைடெட் அணியிடம், மறுஆட்டத்தில் தோற்றிருந்தனர். பெர்குசன் இந்த தோல்விக்கான பொறுப்பை ஏற்றுக் கொண்டார், மறுஆட்டத்திற்கான அணியில் தான் மாற்றங்கள் செய்திருக்கவேண்டும் என்று அவர் கூறினார்.[21]

கடைசியாக சில்வர்வேர் அணி

தொகு

அபெர்தீன் பருவத்தை மோசமாகத் துவங்கியிருந்தது என்றாலும் அவர்களது ஆட்டம் புத்தாண்டில் அதிரடியாய் மேம்பட்டது, அந்த பருவத்தின் ஸ்காட்டிஷ் லீகை இறுதி நாளில் 5-0 என்கிற கோல் கணக்கில் அவர்கள் வென்றனர். பதினைந்து வருடத்தில் லீகில் ரேஞ்சர்ஸ் அல்லது செல்டிக் கோப்பை வெல்லாதிருந்தது அந்த முறை தான். தனது வீரர்களின் மரியாதை கிட்டியிருந்ததை பெர்குசன் அந்த சமயத்தில் உணர்ந்தார். “எங்களை இணைத்த சாதனை அது தான். இறுதியில் வீரர்களின் நம்பிக்கையைப் பெற்று விட்டிருந்தேன்”[22] என்று பின்னாளில் அவர் கூறினார்.

ஆயினும் அப்போதும் அவர் கண்டிப்பு மிகுந்தவராய் தான் இருந்தார், அவரது வீரர்கள் எல்லாம் அவருக்கு கோபக்கனல் ஃபெர்ஜி (Furious Fergie) என்ற பட்டப் பெயரைச் சூட்டியிருந்தனர். ஜான் ஹெவிட் என்னும் அணி வீரர் ஒருவர் பொது ரோட்டில்[23] அவரை வேகமாக முந்திச் சென்றதற்கு அவருக்கு அபராதம் விதித்தார், ஒரு ஆட்டத்தில் முதல் பாதி[24] சரியாய் விளையாடாத நிலையில் வீரர்கள் மீது தேநீர் பாத்திரத்தை தள்ளி விட்டார்.[24] அபெர்தீன் ஆட்டங்களின் போதான சூழலில் திருப்தியுறாத அவர் அணியை ஊக்கத்தை அதிகப்படுத்துவதற்காக, கிளாஸ்கோ கிளப்களுக்கு ஸ்காட்டிஷ் ஊடகங்கள் அதிக சாதகமாய் நடந்து கொள்வதாகக் குற்றம்சாட்டி ஒரு “முற்றுகை மனோநிலையை” வேண்டுமென்றே உருவாக்கினார்.[25] அணி 1982 ஆம் ஆண்டின் ஸ்காட்டிஷ் கோப்பை வெற்றியுடன் தனது பயணத்தைத் தொடர்ந்தது. வூல்வ்ஸ் அணியில் அவருக்கு மேலாளர் வேலை கிட்டியது, ஆனால் வூல்வ்ஸ் அணி சிக்கலில்[26] இருந்தது என்றும், “அபெர்தீனில் தனது லட்சியங்கள் இன்னும் பாதி கூட பூர்த்தியாகவில்லை” என்றும் கூறி அந்த வாய்ப்பை பெர்குசன் ஏற்றுக் கொள்ளவில்லை.[27]

ஐரோப்பிய வெற்றி

தொகு

அடுத்து வந்த சீசனில் (1982-83) இன்னும் பெரிய வெற்றியை நோக்கி அபெர்தீன் அணியை பெர்குசன் வழிநடத்தினார். முந்தைய பருவத்தில் ஸ்காட்டிஷ் கோப்பையை வென்றதன் விளைவாக இந்த அணிக்கு ஐரோப்பிய கோப்பை வெற்றியாளர்கள் கோப்பைக்கு தகுதி கிட்டியிருந்தது. முந்தைய சுற்றில் டாட்டென்ஹேம் ஹாட்ஸ்பூர் அணியை 4-1 என்ற கோல் கணக்கில் வென்றிருந்த பேயர்ன் முனிச் அணியை சிறப்பான வகையில் தோற்கடித்தது. வில்லி மில்லர் கூறும்போது, இந்த வெற்றி தான் அவர்கள் தொடரை வெல்ல முடியும் என்கிற நம்பிக்கையைத் தந்ததாகத் தெரிவித்தார். அதேபோல் அவர்கள் 1983 மே 11 அன்று நடந்த இறுதிப் போட்டியில்[28] ரியல் மாட்ரிட் அணியை 2-1 என்கிற கணக்கில் வென்றனர். ஐரோப்பிய கோப்பையை வென்ற மூன்றாவது அணி என்கிற பெருமையை அபெர்தீன் அணி பெற்றது. “தனது வாழ்க்கையில் உருப்படியாய் ஒன்றை சாதித்த திருப்தி கிட்டியிருப்பதாக” பெர்குசன் இப்போது உணர்ந்தார்.[29] அந்த பருவத்தின் லீகிலும் அபெர்தீன் சிறப்பாக விளையாடியது, ரேஞ்சர்ஸ் அணியை 1-0 என்ற கணக்கில் வென்று ஸ்காட்டிஷ் கோப்பையையும் தக்க வைத்துக் கொண்டது. ஆனாலும் அந்த போட்டியில் அணியின் ஆட்டத்தில் திருப்தியுறாத பெர்குசன் போட்டிக்குப் பிந்தைய தொலைக்காட்சி பேட்டியில்[30] “மதிப்புக் குறைக்கும் ஆட்டம்” என்று கூறி வீரர்களை மனவருத்தம் கொள்ளச் செய்தார். அதற்குப் பின் அந்த கூற்றை திரும்பப் பெற்றுக் கொண்டார்.

1983-84 பருவத்தில் சராசரியானதொரு துவக்கத்திற்குப் பிறகு, அபெர்தீனின் ஆட்டம் மேம்பட்டது. அந்த அணி ஸ்காட்டிஷ் லீகை வென்றதோடு ஸ்காட்டிஷ் கோப்பையையும் தக்க வைத்தது. 1984 விருதுப் பட்டியலில்[31] ஃபெர்குஸனுக்கு OBE விருது வழங்கப்பட்டது, அத்துடன் அந்த பருவத்தில் ரேஞ்சர்ஸ், ஆர்ஸினல் மற்றும் டோட்டன்ஹேம் ஹாட்ஸ்பூர் ஆகிய அணிகளில் மேலாளராகச் சேர அவருக்கு வாய்ப்பு கிட்டியது. அபெர்தீன் தங்களது லீக் பட்டத்தை 1984-85 பருவத்திலும் தக்கவைத்துக் கொண்டனர். ஆனால் 1985-86 இல் ஏமாற்றமானதொரு பருவத்தை சந்தித்தனர். இரண்டு உள்ளூர் கோப்பைகளிலும் அவர்கள் வென்றனர் என்றாலும் லீகில் நான்காவது இடத்தையே பிடித்தனர். 1986 ஆம் ஆரம்பத்தில் அந்த கிளப்பின் இயக்குநர் குழுவில் ஒருவராக பெர்குசன் நியமிக்கப்பட்டிருந்தார், ஆனாலும் தான் அந்த கோடையிலேயே விலகும் எண்ணத்துடன் இருப்பதாக குழுவின் தலைவர் டிக் டொனால்டிடம் பெர்குஸன் அந்த ஏப்ரலில் தெரிவித்து விட்டார்.

1986 உலகக் கோப்பைத் தகுதிச் சுற்றுகளின் சமயத்தில் ஸ்காட்டிஷ் தேசிய அணிக்கான பயிற்சியாளர் குழுவில் ஃபெர்குஸனும் ஒரு பகுதியாக இருந்தார். ஸ்காட்லாந்து தங்களது குழுவில் இருந்து தேர்வு பெற்று ஆஸ்திரேலியாவிற்கு எதிராக விளையாட தகுதி பெற்ற போட்டியின் இறுதியில் 1985 ஆம் ஆண்டு செப்டம்பர் இறுதியில் மேலாளர் ஜாக் ஸ்டீன் நிலைகுலைந்து மரணமடைந்தார். ஆஸ்திரேலியாவிற்கு எதிரான போட்டிக்கும் அதனைத் தொடர்ந்து உலகக் கோப்பை போட்டிகளிலும் ஸ்காட்டிஷ் தேசிய அணிக்கு மேலாளராய் பொறுப்பாற்ற பெர்குசன் உடனடியாய் ஒப்புக் கொண்டார். தனது சர்வதேச கடமைகளை நிறைவு செய்வதற்கு அவர் ஆர்ச்சி நாக்ஸை தனது இணைமேலாளராக அபெர்தீனில் நியமித்தார்.

இந்த சமயத்தில் டாட்டென்ஹேம் ஹாட்ஸ்பூர் அணி பீட்டர் ஸ்ரீவெஸ் பார்த்துக் கொண்டிருந்த மேலாளர் பொறுப்பை ஃபெர்குஸனுக்கு அளிப்பதாக வாய்ப்பளித்தது. ஆனால் அவர் அந்த வாய்ப்பை நிராகரித்ததை அடுத்து, லுடன் டவுனைச் சேர்ந்த டேவிட் ப்ளீட்டுக்கு அவ்வாய்ப்பு சென்றது. ஆர்ஸினல் மேலாளராக டோன் ஹோவுக்குப் பதிலாக நியமிக்கப்படுவதற்கும் ஃபெர்குஸனுக்கு வாய்ப்புக் கிட்டியது. அந்த வாய்ப்பையும் அவர் நிராகரித்து விட்டார். இதனையடுத்து அவ்வாய்ப்பு சக ஸ்காட்லாந்துக்காரரான ஜார்ஜ் கிரஹாமுக்கு சென்றது.[32]

அந்த கோடையில் மான்செஸ்டர் யுனைடெட் அணியின் மேலாளர் பதவி ரான் அட்கின்சனிடம் இருந்து ஃபெர்குஸனுக்கு கைமாறவிருப்பதாகவும் ஊகம் கிளம்பியது. இந்த அணி துவக்கத்தில் தொடர்ந்து 10 ஆட்டங்களில் வெற்றி பெற்று வெற்றிப் பெருமிதம் உறுதி என்று தோன்றிய நிலையில் அதன்பின் தடுமாறி இங்கிலீஷ் தலைமை இடங்களில் நான்காவது இடத்திற்கு சரிந்தது. கோடையில் பெர்குசன் அந்த கிளப்பில் இருந்தார் என்றாலும், 1986 நவம்பரில் அட்கின்ஸன் நீக்கப்பட்ட போது பெர்குசன் இறுதியாக மான்செஸ்டர் யுனைடெடில் இணைந்தார்.

மான்செஸ்டர் யுனைடெட் அணியின் மேலாளராக

தொகு

நியமனமும் முதலாவது வருடங்களும்

தொகு

நவம்பர் 6, 1986 அன்று ஓல்டு டிராஃபோர்டில் பெர்குசன் மேலாளராய் நியமனம் பெற்றார். ஆரம்பத்தில், நார்மன் ஒயிட்ஸைட், பால் மெக்கிராத் மற்றும் ப்ரையன் ராப்சன் போன்ற பல வீரர்கள் அதிகமாய் குடிப்பதோடு தங்களது உடல்தகுதி குறித்து “மனச்சோர்வும்” கொண்டிருப்பதாய் இவர் கவலை கொண்டார். ஆயினும் வீரர்களின் ஒழுக்கத்தை மேம்படுத்துவதில் திறமையாக சமாளித்ததோடு அந்த பருவத்தில் யுனைடெட் அணி 11வது இடத்திற்கு உயர்வதற்கும் வகை செய்தார். அந்த பருவத்தின் லீகில் அவர்கள் பெற்ற ஒரே வெளியூர் வெற்றி என்பது ஆன்ஃபீல்டில் லிவர்பூல் அணியை 1-0 என்ற கோல் கணக்கில் அவர்கள் வென்றதே ஆகும். லிவர்பூல் அந்த பருவத்தில் தனது தாயகத்தில் பெற்ற ஒரே தோல்வியும் அதுவே. அது அவர்களின் லீக் பட்டத்தை பாதுகாப்பதையும் முடித்து வைக்க உதவியது. பெர்குசன் நியமனமான மூன்று வாரங்களில் ஒரு சொந்த வாழ்க்கை துயரத்தை சந்திக்க நேர்ந்தது; அவரது தாயார் எலிசபெத் நுரையீரல் புற்றுநோயால் 64 வயதில் இறந்து விட்டிருந்தார்.

அபெர்தீன் அணியில் தனது உதவியாளராய் இருந்த ஆர்ச்சி நாக்ஸை மான்செஸ்டர் யுனைடெட் அணியில் தனது உதவியாளராக பெர்குசன் நியமித்தார்.

1987-88 பருவத்தில் பல பெரிய ஒப்பந்தங்களை பெர்குசன் மேற்கொண்டார். ஸ்டீவ் புரூஸ், விவ் ஆண்டர்சன், ப்ரையன் மெக்கிளெய்ர் மற்றும் ஜிம் லேய்டன் ஆகியோர் இதில் அடங்குவர். புதிய வீரர்கள் யுனைடெட் அணியின் ஆட்டத்தில் மிகப்பெரும் பங்களிப்பு செய்தனர், லிவர்பூலுக்கு அடுத்து 9 புள்ளிகள் வித்தியாசத்தில் இரண்டாம் இடத்தைப் பிடித்தனர். பார்சிலோனாவுக்கு சென்று விட்டு இரண்டு ஆண்டுகளுக்குப் பிறகு மார்க் ஹியூக்ஸ் திரும்பியிருந்ததால் யுனைடெட் அணியின் ஆட்டம் இன்னும் சிறக்கும் என எதிர்பார்க்கப்பட்டது, ஆனால் 1988-89 பருவம் அணிக்கு ஏமாற்றமளிப்பதாய் அமைந்தது. லீகில் 11வது இடத்தைப் பிடித்ததோடு FA கோப்பை ஆறாவது சுற்றில் சொந்த ஊரில் நாட்டிங்ஹாம் ஃபாரஸ்ட் அணியிடம் 1-0 என்ற கோல்கணக்கில் தோற்றது. இந்த பருவத்தின் சமயத்தில், பெர்முடான் அணியின் இங்கிலாந்து பயணத்தின் ஒரு பகுதியாக, பெர்முடான் தேசிய அணி மற்றும் சோமர்செட் கவுண்டி கிரிக்கெட் கிளப் உடன் யுனைடெட் நட்பு ஆட்டங்களில் பங்கேற்றது. சோமர்செட்டுக்கு எதிரான போட்டியில், பெர்குசன் மற்றும் அவரது உதவியாளர் ஆர்ச்சி நாக்ஸ் இருவருமே களத்தில் இறங்கினர்; அத்துடன் நாக்ஸ் ஸ்கோர்ஷீட்டிலும் கூடம் இடம்பிடித்து விட்டார். மான்செஸ்டர் யுனைடெட் பிரதான அணியில் பெர்குசன் பங்கேற்று விளையாடிய ஒரே போட்டி இது தான்.

1989-90 பருவத்திற்கு, மிட்ஃபீல்டர்கள் நீல் வெப் மற்றும் பால் இன்ஸ், அத்துடன் டிஃபெண்டர் கேரி பாலிஸ்டர் ஆகியோருக்கு பெரும் தொகைகளை ஊதியமாய்க் கொடுத்ததன் மூலம் (மிடில்ஸ்பரோவில் இருந்தான ஒப்பந்தத்தில் தேசிய சாதனை அளவாய் 2.3 மில்லியன் பவுண்டு தொகை) அணியை பெர்குசன் மேலும் ஊக்கப்படுத்தினார். துவக்க நாளில் நடப்பு சாம்பியனான ஆர்ஸினல் அணியை 4-1 என்ற கணக்கில் வென்று பருவத்தை சிறப்புறத் துவங்கியது, ஆனால் யுனைடெட்டின் லீகின் மேம்பட்ட ஆட்டம் துரிதமாய் சறுக்கலுற்றது. செப்டம்பரில், கடுமையான எதிரியான மான்செஸ்டர் சிட்டி அணிக்கு எதிராக 5-1 என்ற கணக்கில் படுமோசமான தோல்வியை யுனைடெட் சந்தித்தது. இது மற்றும் இதற்கு முந்தைய பருவத்தில் எட்டு ஆட்டங்களில் ஆறு தோல்விகள் மற்றும் இரண்டு டிராக்களை சந்தித்தது ஆகியவற்றைத் தொடர்ந்து, “மூன்று வருடங்கள் சாக்கு சொல்லியும் இன்னமும் தேறவில்லை. டா ரா பெர்குசன்” என்கிற ஒரு பதாகை ஓல்டு டிராஃபோர்டில் காண்பிக்கப்பட்டது. அத்துடன் பல செய்தியாளர்களும் ஆதரவாளர்களும் பெர்குசன் நீக்கப்பட வேண்டும் என்று கோரினர்.[33] டிசம்பர் 1989 “இவ்விளையாட்டில் தான் சந்தித்த இருண்ட காலம்” என்று பின்னர் பெர்குசன் விவரித்தார்.[34]

ஏழு ஆட்டங்களில் ஒரு வெற்றி கூட காணாதிருந்த நிலையில், மான்செஸ்டர் யுனைடெட் அணி நாட்டிங்ஹாம் ஃபாரஸ்ட் அணியுடன் FA கோப்பை மூன்றாவது சுற்றில் மோத நேர்ந்தது. அந்த பருவத்தில் ஃபாரஸ்ட் அணி நன்கு விளையாடிக் கொண்டிருந்தது என்பதால்,[35] யுனைடெட் அணி தோற்கும், பெர்குசன் அணியில் இருந்து நீக்கப்படுவார் என்று எதிர்பார்க்கப்பட்டது. ஆனால் அந்த போட்டியில் மார்க் ராபின்ஸ் போட்ட ஒரு கோலின் காரணத்தால் யுனைடெட் ஆட்டத்தை வென்று இறுதியில் இறுதிப் போட்டிக்குள்ளும் நுழைந்தது. இந்த கோப்பை வெற்றி தான் ஃபெர்குஸனின் ஓல்டு டிராஃபோர்டு வாழ்க்கையை காப்பாற்றிய ஆட்டம் என்று பொதுவாய் குறிப்பிடப்படுவதுண்டு.[35][36][37] FA கோப்பையை யுனைடெட் அணி வென்றது, இறுதிப் போட்டியில் முதல் ஆட்டத்தில் 3-3 என டிராவில் முடிவடைந்ததை அடுத்து நடந்த இறுதி மறு ஆட்டத்தில் கிறிஸ்டல் பேலஸ் அணியை 1-0 என்ற கோல் கணக்கில் யுனைடெட் வென்றது. மான்செஸ்டர் யுனைடெட் மேலாளராக பெர்குசன் வென்ற முதல் பெரிய கோப்பை இதுவாகும். முதல் ஆட்டத்தில் யுனைடெட் அணியின் தற்காப்பு பலவீனத்திற்கு கோல்கீப்பர் ஜிம் லேய்டன் தான் காரணம் என ஒருமனதான கருத்து எழுந்ததை அடுத்து, முன்னாள் அபெர்தீன் வீரரான அவரை விலக்கி விட்டு லெஸ் ஸீலியை பெர்குசன் கொண்டு வந்தார்.

கண்டோனா மற்றும் முதல் லீக் பட்டம்

தொகு

1990-91 காலத்தில் யுனைடெட் அணியின் லீக் ஆட்டத்திறன் பெருமளவில் மேம்பட்டிருந்தது என்றாலும், அப்போதும் அவர்கள் சீரான திறனை வெளிப்படுத்தவில்லை. ஆறாவது இடத்தைத் தான் இறுதியில் பிடிக்க முடிந்தது. லீக் பட்டத்தை வெல்ல பஸ்பிக்கு பின்னர் வந்த எல்லா பிற மேலாளர்களும் தோல்வியுற்றிருந்த நிலையில் ஃபெர்குஸனால் முடியுமா என்கிற சந்தேகம், முந்தைய பருவத்தில் FA கோப்பை இறுதிப் போட்டியில் வென்றிருந்த போதும் கூட, அப்போதும் சிலரது மனதில் இருந்தது.[37] லீக் கோப்பையில் ஷெஃபீல்டு வெட்னெஸ்டே அணியிடம் 1-0 கணக்கில் தோற்று ரன்னர்ஸ் அப் இடத்தைப் பிடித்தனர். அத்துடன் அப்பருவத்தின் ஸ்பானிஷ் சாம்பியன்களான பார்சிலோனா அணியை 2-1 என்கிற கணக்கில் தோற்கடித்து ஐரோப்பிய கோப்பை வெற்றியாளர்கள் கோப்பையின் இறுதிப் போட்டியையும் அவர்கள் எட்டினர். போட்டிக்குப் பின், அடுத்த பருவத்தில் யுனைடெட் நிச்சயம் லீகை வெல்லும் என்று பெர்குசன் சபதம் எடுத்தார்.[38]

1991 நிறைவு பருவத்தில், ஃபெர்குஸனின் உதவியாளர் ஆர்ச்சி நாக்ஸ் விலகி கிளாஸ்கோ ரேஞ்சர்ஸ் அணியில் வால்டர் ஸ்மித்தின் உதவியாளராய் ஆகி விட்டார். இளைஞர் அணி பயிற்சியாளரான ப்ரையன் கிட்டினை நாக்ஸின் இடத்தில் உதவி மேலாளராக பெர்குசன் பதவி உயர்த்தினார்.

1991-92 பருவம் ஃபெர்குஸனின் எதிர்பார்ப்புகளைப் பூர்த்தி செய்ய முடியவில்லை. “தவறுகள் துயரத்திற்குக் காரணமாகி இருப்பதாக ஊடகங்கள் உணர்ந்தன” என்று பெர்குசன் தெரிவித்தார்.[39] யுனைடெட் அணி முதல்முறையாக லீக் கோப்பை மற்றும் சூப்பர் கோப்பையை வென்றது, ஆனால் பருவத்தின் அநேக காலத்திற்கு பட்டியலில் உயர்ந்த இடத்தில் இருந்த பின் லீக் பட்டத்தை எதிரணியான லீட்ஸ் யுனைடெட் அணியிடம் இழந்தது. லூடன் டவுன் அணியில் இருந்து மிக் ஹார்ஃபோர்டினை தான் ஒப்பந்தம் செய்ய முடியாமல் போனதே லீக் பட்டத்தை யுனைடெட் கோட்டை விட காரணமாகி விட்டதாக பெர்குசன் உணர்ந்தார். அடுத்த பருவத்தில் லீகை வெல்ல வேண்டும் வென்றால் தங்களுக்கு ”ஒரு கூடுதல் பரிணாமம்” அவசியப்படுவதாகவும் அவர் தெரிவித்தார்.[40]

1992 முடிவு பருவத்தின் போது, ஒரு புதிய ஸ்ட்ரைக்கரைத் தேடும் வேட்டையில் பெர்குசன் இறங்கினார். முதலில் சவுதாம்டன் அணியில் இருந்து ஆலன் ஷீரரை ஒப்பந்தம் செய்ய அவர் முயன்றார், ஆனால் பிளாக்பர்ன் ரோவர்ஸ் அணி முந்திக் கொண்டது. இறுதியில், கேம்பிரிட்ஜ் யுனைடெட் அணியின் ஸ்ட்ரைக்கரான 23 வயது டியான் டுப்ளினை 1 மில்லியன் பவுண்டு தொகைக்கு ஒப்பந்தம் செய்தார், இது தான் அந்த கோடையில் இவரது ஒரே பெரிய வீரர் ஒப்பந்தம் ஆகும்.

1992-93 பருவத்தில் மந்தமான துவக்கத்திற்குப் பிறகு (நவம்பரின் துவக்கத்தில் 22 எண்ணிக்கை வரிசையில் அவர்கள் 10வது இடத்தில் இருந்தனர்) யுனைடெட் லீக் பட்டத்தை (இப்போது பிரிமியர் லீக்) மீண்டும் தவற விடும் என்பதாய் தான் தோன்றியது. ஆயினும், லீட்ஸ் யுனைடெட் அணியில் இருந்து பிரான்ஸ் நாட்டின் ஸ்ட்ரைக்கரான எரிக் கண்டோனாவை 1.2 மில்லியன் பவுண்டு தொகைக்கு வாங்கிய பின், மான்செஸ்டர் யுனைடெட் அணியின் வருங்காலமும், மேலாளராக ஃபெர்குஸனின் நிலைமையும் பிரகாசமுற்றன. மார்க் ஹியூக்ஸ் உடன் கண்டோனா ஒரு வலிமையான கூட்டை உருவாக்கிக் கொண்டு அந்த அணியை பட்டியலின் உயரத்திற்குக் கொண்டு சென்றார். லீக் சாம்பியன்சிப்புக்கான யுனைடெட் அணியின் 26 ஆண்டு கால காத்திருப்பை முடிவுக்குக் கொண்டு வந்ததோடு, அந்த அணியை முதன்முதல் பிரீமியர் லீக் சாம்பியன்களாகவும் ஆக்கினார். ரன்னர்ஸ்-அப் அணியான ஆஸ்டன் வில்லாவைக் காட்டிலும் 10 புள்ளிகள் முன்னணி பெற்று சாம்பியன் பட்டம் வென்றிருந்த யுனைடெட் அணி, மே 2, 1993 அன்று ஓல்ட்ஹாமில் நடந்த போட்டியில் 1-0 என்ற கணக்கில் வென்று தான் பட்டத்தை வென்றிருந்தது. லீக் மேலாளர்கள் கூட்டமைப்பு அந்த ஆண்டின் மிகச் சிறந்த மேலாளராக அலெக்ஸ் ஃபெர்குஸனைத் தேர்வு செய்தது.

இரண்டு இரட்டைகள்

தொகு

1993-94 இன்னும் வெற்றிகளைக் கொண்டுவந்தது. நாட்டிங்ஹாம் ஃபாரஸ்ட் அணியின் 22 வயது மிட்ஃபீல்டரான ராய் கீன் பிரித்தானிய சாதனையாக 3.75 மில்லியன் பவுண்டு தொகைக்கு அமர்த்தப்பட்டார். தனது விளையாட்டு வாழ்க்கையின் நிறைவுக் காலத்தில் இருந்த ப்ரையன் ராப்சனுக்கு நெடுங்கால மாற்று வீரராக இவர் அமர்த்தப்பட்டார்.

1993 பிரீமியர் லீகில் ஏறக்குறைய ஆரம்பம் முதல் இறுதி வரைக்கும் யுனைடெட் பட்டியலில் முதலிடத்தில் இருந்தது. அனைத்து போட்டிகளிலும் அதிக கோல் போட்ட வீரராக கண்டோனா இருந்தார். அவர் மார்ச் 1994 சமயத்தில் ஐந்து நாள் இடைவெளியில் இரண்டு முறை வெளியேற்றப்பட்டார் என்ற போதிலும் மொத்தத்தில் 25 கோல்களைப் போட்டிருந்தார். யுனைடெட் லீக் கோப்பையின் இறுதிப் போட்டிக்குள்ளும் நுழைந்தது, ஆனால் ஆஸ்டன் வில்லாவிடம் 3-1 என்ற கோல்கணக்கில் தோற்றது. அந்த அணிக்கு மேலாளராய் ஃபெர்குஸனுக்கு முன்னாள் இருந்த ரான் அட்கின்ஸன் இருந்தார். FA கோப்பை இறுதிப் போட்டியில், செல்ஸியா அணிக்கு எதிராக மான்செஸ்டர் யுனைடெட் சிறப்பான 4-0 என்கிற கோல் கணக்கில் வென்று ஃபெர்குஸனுக்கு இரண்டாவது லீக் மற்றும் கோப்பை இரட்டையையும் பெற்றுத் தந்தது. முதலாவதை 1984-85 சமயத்தில் அபெர்தீன் அணியில் இருந்தபோது ஸ்காட்டிஷ் ப்ரீமியர் டிவிஷன் மற்றும் ஸ்காட்டிஷ் கோப்பை பட்டங்களின் மூலம் அவர் வென்றிருந்தார். பெர்குசன் ஒரே ஒரு பருவ முடிவு ஒப்பந்தம் மட்டும் செய்தார். டேவிட் மேக்காக 1.2 மில்லியன் பவுண்டு தொகையை பிளாக்பர்ன் ரோவர்ஸுக்கு செலுத்தினார்.

1994-95 ஃபெர்குஸனுக்கு ஒரு கடினமான பருவமாக அமைந்தது. ஸெல்ஹர்ஸ்ட் பார்க்கில் நடந்த ஒரு போட்டியில் கிறிஸ்டல் பேலஸ் அணியின் ஆதரவாளர் ஒருவரை கேண்டோனா அடித்து விட்டார், இதனையடுத்து அவர் இங்கிலீஷ் கால்பந்து விளையாட்டில் இருந்து விலகலாம் என்பதாய் தோன்றியது. அவர் மீது விதிக்கப்பட்ட எட்டு மாதத் தடையால் பருவத்தின் இறுதி நான்கு மாதங்களை கேண்டோனா தவற விட நேர்ந்தது. இந்த தாக்குதலுக்காக அவருக்கு 14 நாள் சிறைத் தண்டனையும் கிடைத்தது, ஆனால் மேல்முறையீட்டுக்குப் பின் இந்த தண்டனை ரத்து செய்யப்பட்டு 120 மணி நேர சமுதாய சேவை உத்தரவாக மாற்றப்பட்டது. நல்ல விஷயம் எனப் பார்த்தால், நியூகேஸில் அணியின் துரித ஸ்ட்ரைக்கரான ஆண்டி கோலெ பிரித்தானிய சாதனை அளவாக 7 மில்லியன் பவுண்டு தொகை செலுத்தி ஒப்பந்தமானார், அதே சமயத்தில் இளம் கெய்த் கிலெஸ்பி வடகிழக்குக்கு சென்று விட்டார்.

ஆயினும், பருவத்தின் இறுதி நாளில் வெஸ்ட் ஹேம் யுனைடெட் அணியுடன் 1-1 என்ற கணக்கில் டிரா செய்ததை அடுத்து மான்செஸ்டர் யுனைடெட் பிடியில் இருந்து சாம்பியன்சிப் நழுவியது. வெற்றி பெற்றிருந்தால் அவர்களுக்கு லீக் கிட்டியிருக்கும். FA கோப்பை இறுதிப் போட்டியிலும் யுனைடெட் அணி 1-0 என்ற கணக்கில் எவர்டன் அணியிடம் தோல்வியைச் சந்தித்தது.

1995 ஆம் ஆண்டின் கோடையில் யுனைடெட் அணியின் மூன்று நட்சத்திர வீரர்கள் விலக அனுமதிக்கப்பட்டு மாற்று வீரர்களும் வாங்கப்பட்டிராத நிலையில் பெர்குசன் கடுமையான விமர்சனத்திற்குள்ளானார். முதலில் பால் இன்ஸ் இத்தாலியைச் சேர்ந்த இண்டர்னேஷனல் அணிக்கு 7.5 மில்லியன் டாலர் தொகைக்கு ஒப்பந்தமாகி சென்று விட்டார்; நெடுங்காலம் இருந்த ஸ்ட்ரைக்கர் மார்க் ஹியூக்ஸ் திடீரென செல்ஸியா அணிக்கு 1.5 மில்லியன் பவுண்டு ஒப்பந்தத்தில் விற்பனை செய்யப்பட்டு விட்டார்; ஆண்ட்ரி கன்செல்ஸ்கிஸ் எவர்டனுக்கு விற்கப்பட்டார். பிரதான அணியில் இடம்பெறத் தயாரான நிலையில் இருந்த ஏராளமான இளம் வீரர்களை யுனைடெட் கொண்டிருந்ததாக பெர்குசன் கருதினார் என்பது தான் பரவலான கருத்தாய் இருக்கிறது. “ஃபெர்கியின் புதியவர்கள்” என்று அழைக்கப்பட்ட இவர்களில் கேரி நெவிலி, பில் நெவிலி, டேவிட் பெக்காம், பால் ஸ்கோலெஸ் மற்றும் நிக்கி பட் ஆகியோர் இருந்தனர். இந்த இளைஞர்கள் அணியின் முக்கிய உறுப்பினர்களாய் ஆகத் தயாராய் இருந்தனர்.

1995-96 பருவத்தின் முதல் ஆட்டத்தில் ஆஸ்டன் வில்லா அணியிடம் யுனைடெட் 3-1 என்ற கோல் கணக்கில் தோற்ற போது, ஊடகங்கள் பெர்குசன் மீது வெளிப்படையாக கேலி பேசின. அலெக்ஸ் ஃபெர்குஸனின் அணியில் நிறைய இளைஞர்களும் அனுபவமில்லாதவர்களும் இருப்பதால் அந்த அணிக்கு வாய்ப்பு குறைவு என அவர்கள் கூறினார்கள். அன்றைய ஆட்ட விமர்சகர் ஆலன் ஹேன்ஸன் “குழந்தைகளை வைத்து நீங்கள் எந்த ஒன்றையும் வெல்ல முடியாது” என்று கூறியது புகழ்பெற்ற வாசகமானது. ஆனாலும், இளம் வீரர்கள் திறமையாக விளையாடியதோடு தங்களது அடுத்த ஐந்து ஆட்டங்களிலும் வெற்றி பெற்றனர். தடை முடிந்து கேண்டோனா திரும்பியது அணிக்கு பெரும் பலமளித்தது, ஆனாலும் நியூகேஸில் அணியைக் காட்டிலும் 14 புள்ளிகள் பின் தங்கிய நிலையில் இவர்கள் இருந்தனர். ஆனபோதும், 1996 ஆம் ஆண்டு ஆரம்பத்தில் தொடர்ந்து பல தொடர்களில் நன்கு விளையாடியது இந்த இடைவெளியை நிரப்பியது, அத்துடன் மார்ச்சின் ஆரம்பம் முதல் பட்டியலில் யுனைடெட் முதலிடத்தைப் பிடித்தது. போட்டி அணியான நியூகேஸில், ஜனவரியில் 12 புள்ளிகள் அதிகமாய்ப் பெற்று முதலிடத்தில் இருந்தது என்றாலும், தங்களது ஆரம்ப வெற்றிகளைப் பயன்படுத்திக் கொள்ள முடியாமல் போனது. நியூகேஸில் அணியின் மேலாளரான கெவின் கீகன் நேரலைத் தொலைக்காட்சியில் அந்த புகழ்மிக்க ஆவேச வரிகளைக் கூறிய தருணம் தான் (”அவர்களைத் தோற்கடிப்பது தான் எனக்கு ரொம்பப் பிடிக்கும்! ஆம், எனக்கு ரொம்பப் பிடிக்கும்!”) தனது எதிரியைக் காட்டிலும் ஃபெர்குஸனின் கை ஓங்கிய தருணமாய் பொதுவாகக் குறிப்பிடப்படுவதுண்டு. பருவத்தின் இறுதி நாளில் யுனைடெட் அணியின் பிரீமியர் லீக் பட்ட வெற்றி உறுதியானது. அந்த வருடத்தின் FA கோப்பை இறுதிப் போட்டியில், லிவர்பூல் அணிக்கு எதிராக விளையாடிய இவர்கள், கேண்டோனாவின் ஒரு தாமதமான கோலில் 1-0 என்ற கணக்கில் வெற்றி பெற்றனர்.

ஐந்து பருவங்களில் தங்களது நான்காவது பிரீமியர் லீக் பட்டத்தை நோக்கி மான்செஸ்டர் யுனைடெட் அணி வெற்றிநடை போட பெர்குசன் வழிகாட்டுவதை 1996-97 கண்டது. அக்டோபரின் பிற்பகுதியில், மூன்று லீக் தோல்விகளை வரிசையாக சந்தித்ததோடு, இதில் 13 கோல்களும் இவர்களுக்கு எதிராகப் போடப்பட்டிருந்தன. ஐரோப்பாவில் 40 வருடங்களாக தாயகத்தில் தோற்காதிருந்த சாதனையையும் அவர்கள் அதிக பிரபலமுறாத ஃபெனர்பாசி (Fenerbahçe) துருக்கிய அணியிடம் தோற்று இழந்தனர். ஆனாலும் அவர்கள் சாம்பியன்ஸ் லீக் அரை இறுதியில் நுழைந்தனர், அங்கு ஜெர்மனியின் போருஸியா டோர்ட்மண்ட் அணியிடம் தோற்றனர். பருவத்தின் முடிவில், எதிர்பாராவிதமாய் கேண்டோனா கால்பந்தில் இருந்து ஓய்வு பெற்றார்.

முத்தான மூன்று

தொகு

1997-98 பருவத்தின் சவாலை சந்திக்கும் வகையில் யுனைடெட் அணியின் வலிமையைப் பலப்படுத்த பெர்குசன் 31 வயதான இங்கிலாந்து அணியின் ஸ்ட்ரைக்கர் டெடி ஷெரிங்காம் மற்றும் டிஃபெண்டரான ஹெனிங் பெர்க் ஆகிய இரண்டு புதிய வீரர்களை ஒப்பந்தம் செய்தார். ஆயினும் அந்த பருவத்தில் கோப்பை எதுவும் இவர்கள் வெல்லவில்லை. ஆர்ஸினல் அணி பிரீமியர் லீகை பிரெஞ்சு மேலாளரான ஆர்ஸீன் வெங்கரின் கீழ் வென்றது. இவர் பெர்குசன் உடன் ஒரு நீடித்த போட்டிக்கு துவக்கமளித்தார். 1998 கோடையில் ஸ்ட்ரைக்கர் ட்வைட் யோர்கெ, டச்சு டிஃபெண்டரான ஜாப் ஸ்டேம் மற்றும் ஸ்வீடன் விங்கர் ஜெஸ்பர் ப்ளோம்க்விஸ்ட் ஆகியோர் மான்செஸ்டர் யுனைடெட் அணியில் இணைந்தனர்.

1998 டிசம்பரில், ஃபெர்குஸனின் உதவியாளர் ப்ரையன் கிட் பிளாக்பர்ன் ரோவர்ஸ் அணியை நிர்வகிக்கக் கிடைத்த வாய்ப்பை ஏற்றுக் கொண்டார், அவரது இடத்திற்கு டெர்பி கவுண்டி அணியின் ஸ்டீவ் மெக்கிளாரெனை அவர் நியமித்தார். லீக் பருவத்தின் கடைசிக்கு முந்தைய ஆட்டத்தில் யுனைடெட் அணி கிட் அணியை 0-0 என்ற கணக்கில் டிரா செய்த சமயத்தில் கிட்டின் அணி மிகப் பரிதாபமான வரிசையில் இருந்தது.

1998-99 பருவத்தில் வரலாறு காணாத வகையில் இந்த கிளப் பிரீமியர் லீக் பட்டம், FA கோப்பை, மற்றும் சாம்பியன்ஸ் லீக் ஆகிய மூன்றையும் கைப்பற்றியது. இந்த பருவம் முழுக்கவே ரொம்பவும் பரபரப்பான ஆட்டங்கள் நிரம்பியிருந்தன. சாம்பியன்ஸ் லீக் அரையிறுதியின் இரண்டாவது சுற்றில், யுனைடெட் அணி ஜூவெண்டஸ் அணியை ஆரம்பத்திலேயே இரண்டு கோல்கள் போடுவதற்கு விட்டிருந்தது; ஆயினும் ராய் கீன் (இவர் பின்னர் இடைநீக்கத்தால் இறுதிப் போட்டியில் பங்குபெற முடியாமல் போனது) உத்வேகத்தால் முன்மாதிரி அளிக்க, ஜூவெண்டெஸ் அணியை இறுதியில் 3-2 என்ற கோல் கணக்கில் வென்று யுனைடெட் அணி 1968க்குப் பின் தனது முதல் ஐரோப்பிய கோப்பை இறுதிப் போட்டிக்குள் நுழைந்தது. FA கோப்பை அரையிறுதியில், நெருங்கிய எதிரிகளான ஆர்ஸினல் அணியுடன் மோதிய யுனைடெட் அணி தோல்வியை நெருங்கி விட்டதாகவே தோன்றியது, ஏனென்றால் கீன் வெளியேற்றப்பட்டிருந்தார், அத்துடன் ஆர்ஸினல் அணிக்கு கடைசி நிமிட பெனால்டி வாய்ப்பும் கிட்டியிருந்தது. பீட்டர் ஸ்கிமெய்செல் பெனால்டியில் காப்பாற்றினார், கூடுதல் நேரத்தில் ரியான் ஜிக்ஸ் ஆடுகளத்தில் வெகுதூரம் ஓடி வந்து, தனது வாழ்க்கையிலேயே மிகவும் நினைவுகூரத்தக்கதாய் அமைந்த அந்த கோலைப் போட்டு, ஆட்டத்தை வெல்ல வழிவகுத்தார். அதன்பின் வெம்ப்ளியில் நடந்த FA கோப்பை இறுதிப் போட்டியில் நியூகேஸில் யுனைடெட் அணியை 2-0 என்ற கோல் கணக்கில் தோற்கடித்தனர். டெடி ஷெரிங்ஹாம் மற்றும் பால் ஸ்கோலஸ் ஆகியோர் போட்ட கோல்கள் தான் இந்த வெற்றிக்கு காரணமாய் அமைந்தன. ஐரோப்பிய வெற்றி தான் அனைத்திலும் நம்ப முடியாத வெற்றியாக அமைந்தது. பார்சிலோனாவின் நௌ கேம்பில் நடந்த ஆட்டத்தில் கடிகாரத்தில் 90 நிமிடங்கள் முடிந்து விட்டிருந்த சமயத்தில் பேயர்ன் முனிச் அணியிடம் மரியோ பேஸ்லரின் ஃப்ரீ கிக் காரணமாக 1-0 என்ற கோல் கணக்கில் யுனைடெட் பின்தங்கியிருந்தது. ஆனால் நடுவர் பியர்லுய்கி கோலினா ஒதுக்கிய 3 நிமிட காய நேரத்தில், பதிலீட்டு வீரரான டெடி ஷெரிங்ஹாம் ஒரு கோல் போட்டு சமன் செய்ய கூடுதல் நேரத்தில் விளையாட வேண்டியிருக்கும் என்பது ஏறக்குறைய நிச்சயமான ஒன்றாகத் தோன்றியது. ஆனால் கடிகாரத்தில் சில விநாடிகளே இருந்த சமயத்தில், ஓலே குனார் சோல்ஸ்க்ஜேர் (Ole Gunnar Solskjær) [இவரும் ஒரு பிந்தைய பதிலீட்டு வீரர் தான்] வெற்றிக் கோலை அடிக்க, வரலாறு மாற்றி எழுதப்பட்டது.

ஜூன் 12, 1999 அன்று ஆட்டத்திற்கான தனது சேவைக்காக அலெக்ஸ் பெர்குசன் ஒரு நைட்ஹூட் பட்டத்தை வென்றார்.[41]

ஹேட்ரிக் பட்டங்கள்

தொகு

மூன்றே பிரீமியர் லீக் தோல்விகள் மற்றும் 18 புள்ளிகள் கையிருப்புடன் சாம்பியன்களாக 1999-2000 பருவத்தை மான்செஸ்டர் யுனைடெட் அணி நிறைவு செய்தது. யுனைடெட் அணிக்கும் பிரீமியர் லீகின் மற்ற அணிகளுக்கும் இடையில் இருந்த மிகப்பெரும் இடைவெளியைக் கண்டு சிலர், இந்த கிளப்பின் நிதி ஆதிக்கம் இங்கிலீஷ் கால்பந்து விளையாட்டிற்கே கிளம்புகிறதோ என்று கூட யோசித்தனர்.

2000 ஆவது ஆண்டு ஏப்ரலில், மான்செஸ்டர் யுனைடெட் அணி டச்சு ஸ்ட்ரைக்கரான ரூட் வான் நிஸ்டெல்ரூயை பிஎஸ்வி எய்ந்தோவன் அணியில் இருந்து பிரித்தானிய சாதனை அளவாக 18 மில்லியன் பவுண்டு தொகைக்கு ஒப்பந்தம் செய்திருப்பதாக அறிவிக்கப்பட்டது. ஆனால் வான் நிஸ்டெல்ரூய் மருத்துவ சோதனையில் தேறத் தவறியதை அடுத்து, இந்த முடிவு நிறுத்தி வைக்கப்பட்டது. அவர் தனது உடல்தகுதியை மீட்கும் பொருட்டு தாயகத்திற்கு திரும்பினார். ஆனால் அங்கு அவருக்கு நேர்ந்த ஒரு பெரிய கால்மூட்டு காயத்தால் ஏறக்குறைய ஒரு வருடத்திற்கு விளையாட முடியாமல் போனது.

மொனாகோ அணியில் இருந்து 28 வயது பிரெஞ்சு கோல்கீப்பரான ஃபேபியன் பார்தெஸ் 7.8 மில்லியன் பவுண்டு தொகைக்கு ஒப்பந்தமானார், ஒரு பிரித்தானிய கிளப்பால் ஒப்பந்தம் செய்யப்பட்ட மிக விலை உயர்ந்த கோல்கீப்பராக இவர் ஆனார். யுனைடெட் மீண்டும் பட்டம் வென்றது. 2001 முடிவு பருவத்தில் ரூட் வான் நிஸ்டெல்ரூய் இணைந்து கொண்டார். பின் வெகு விரைவில் அணிமாற்ற வீரருக்கான தொகையிலும் பிரித்தானிய சாதனையை மான்செஸ்டர் உடைத்தது. அர்ஜெண்டினாவைச் சேர்ந்த தாக்குதல் ஆட்டம் நடத்தும் மிட்ஃபீல்டரான யுவான் செபாஸ்டியான் வெரோன் (Juan Sebastián Verón) அணிமாறுவதற்கு லேஸியோ அணிக்கு 28.1 மில்லியன் பவுண்டு தொகை பேசப்பட்டது. ஆயினும் அவர் இந்த தொகையினால் எழுந்த எதிர்பார்ப்பை பூர்த்தி செய்யும் வகையில் விளையாடவில்லை. இரண்டு ஆண்டுகளுக்குப் பிறகு அவர் செல்ஸியா அணிக்கு 15 மில்லியன் பவுண்டு தொகைக்கு விற்பனை செய்யப்பட்டார்.

மறுகட்டுமானமும் உருமாற்றமும்

தொகு

2001-2002 பருவத்தில் இரண்டு ஆட்டங்களின் பின், டச்சு மைய டிஃபெண்ட்ரான ஜாப் ஸ்டாம் லேஸியோ அணிக்கு 16 மில்லியன் பவுண்டு ஒப்பந்தத்தில் விற்கப்பட்டார். ஸ்டாமின் ஹெட் டூ ஹெட் என்னும் சுயசரிதையில், தனது முந்தைய கிளப்பான பிஎஸ்வி எய்ந்தோவன் அணிக்கு தெரியும் முன்னதாகவே, மான்செஸ்டர் யுனைடெட் அணிக்கு மாறுவது குறித்து அலெக்ஸ் பெர்குசன் (சட்டவிரோதமாய்) தன்னிடம் பேசியிருந்ததாக அவர் கூறியிருந்தது தான் ஸ்டாம் விற்கப்பட்டதன் காரணம் என்பதாய் கூறப்படுவதுண்டு.[சான்று தேவை] ஸ்டாமின் இடத்தில் இண்டர்னேஷனல் அணியின் 36 வயது மைய டிஃபெண்டரான லாரெண்ட் பிளாங்க் கொண்டு பெர்குசன் இடம்பெயர்த்தார்.

அப்பருவம் துவங்கும் முன்னதாக, ஃபெர்குஸனின் உதவியாளரான ஸ்டீவ் மெக்கிளாரெனும் மிடில்ஸ்ப்ரோ மேலாளராக மாறி சென்று விட்டார். நிரந்தரமான ஒருவர் அந்த இடத்திற்கு அமர்த்தப்படும் வரை வெகுநாட்களாய் பயிற்சியாளராக இருந்து வரும் ஜேக் ரியான் அந்த பொறுப்பை பார்த்துக் கொள்ளும்படி பெர்குசன் ஏற்பாடு செய்தார்.

8 டிசம்பர் 2001 அன்று, மான்செஸ்டர் யுனைடெட் பிரீமியர் லீகில் ஒன்பதாவது இடத்தில் இருந்தது. லிவர்பூல் உடன் ஒரு ஆட்டம் பாக்கி இருக்க, அவர்களை விட 11 புள்ளிகள் பின்தங்கி இருந்தது. அதன்பின் தான் அதிரடியான திருப்பம் நிகழ்ந்தது, டிசம்பரின் மத்திக்கும் ஜனவரியின் பிற்பகுதிக்கும் இடையிலான காலத்தில், எட்டு தொடர்ந்த வெற்றிகளைப் பெற்ற மான்செஸ்டர் யுனைடெட் அணி பிரீமியர் லீகின் புள்ளிகள் பட்டியலில் முதலிடத்தைப் பெற்றதோடு தங்களது பட்டத்திற்கான சவாலை மீண்டும் சரியான பாதையில் கொண்டுவந்தது. ஆயினும், போட்டியாளர் ஆர்ஸீன் வெங்கர் ஆர்ஸினல் அணிக்கு பட்டத்தை வென்று கொடுத்தார். பருவத்தின் கடைசிக்கு முந்தைய ஆட்டத்தில் ஓல்டு டிராஃபோர்டில் நடந்த ஆட்டத்தில் அந்த அணி 1-0 என்ற கணக்கில் வென்று பட்டத்தைக் கைப்பற்றியது.

ஐரோப்பாவில் யுனெடெட் வெற்றிபெறவியலாமல் போனது, சாம்பியன்ஸ் லீக் அரையிறுதியில் அவர்கள் பேயர் லெவர்குஸென் அணியிடம் தோற்றுப் போயினர்.

மான்செஸ்டர் யுனைடெட் அணியின் மேலாளராக பெர்குசன் நீடிக்கும் கடைசி பருவமாக 2001-02 பருவம் இருப்பதாக இருந்தது, அவரது ஓய்வு தேதி நெருங்க நெருங்க அணியின் ஆட்டம் மோசமுற்று வருவதாக[யார்?] கூறப்பட்டது. தனது ஓய்வு குறித்து முன்கூட்டி அறிவித்தது எதிர்மறையான விளைவை அளித்திருக்கிறது என்றும், ஒழுக்கத்தை செயல்படுத்துவதிலும் அது பாதித்திருக்கிறது என்றும் ஃபெர்குஸனே ஒப்புக் கொண்டார். ஆனால் குறைந்தது மேலும் மூன்று ஆண்டுகளுக்கு பொறுப்பில் இருக்க 2002 பிப்ரவரியில் அவர் சம்மதித்தார்.

நிறைவு பருவத்தில் பிரித்தானிய அணிமாற்ற தொகை சாதனையை மீண்டும் மான்செஸ்டர் யுனைடெட் உடைத்தது. 24 வயது மைய டிஃபெண்டரான ரியோ ஃபெர்டினாண்டுக்காக லீட்ஸ் யுனைடெட் அணிக்கு அவர்கள் 30 மில்லியன் பவுண்டு தொகை அளித்தனர்.

அந்த கோடையில், போர்ச்சுகீசிய பயிற்சியாளர் கர்லோ குரோஸினை தனது உதவியாளராக பெர்குசன் கொண்டுவந்தார்.

பருவம் முடிவதற்கு வெறும் இரண்டு மாதங்களுக்கு முன்பாக ஆர்ஸினல் அணியை விட எட்டு புள்ளிகள் பின்தங்கி இருந்த நிலையிலும் மான்செஸ்டர் யுனைடெட் தங்களது எட்டாவது பிரீமியர் லீக் பட்டத்தை வெற்றிகரமாய் கைப்பற்றியது. யுனைடெட் அணியின் ஆட்டம் மேம்பட்டதும், ஆர்ஸினல் அணியின் ஆட்டத்திறம் சரிந்ததும், பிரீமியர் லீக் கோப்பை லண்டன் அணியினரின் பிடியில் இருந்து கொஞ்சம் கொஞ்சமாய் நழுவி மீண்டும் ஓல்டு டிராஃபோர்டுவாசிகளின் கைகளில் விழக் காரணமாய் அமைந்தது. அசத்தலாய் மீண்டு வெற்றி பெற்றதால், 2002-03 பட்டம் வென்றது தனக்கு முன்னெப்போதையும் விட திருப்தி தரும் தருணமாக அமைந்தது என்று பெர்குசன் குறிப்பிட்டார். இவ்வாறாக, ஆர்ஸினல் அணியின் ஒன்றமைந்த தோற்றத்தையும் மற்ற சமயங்களில் அசராத அந்த அணியின் மேலாளர் ஆர்ஸீன் வெங்கரையும் திகைப்பூட்டி, மேலாண்மை மூளை விளையாட்டுகளில் தான் ஒரு மன்னன் என்பதை பெர்குசன் நிரூபணம் செய்தது இது முதல்முறை அல்ல.

2003-04 பருவத்தின் முடிவில் தங்களது பதினொன்றாவது FA கோப்பையை மான்செஸ்டர் யுனைடெட் கைப்பற்றுவதற்கு பெர்குசன் வழிகாட்டினார். ஆயினும், அது அவர்களுக்கு ஒரு ஏமாற்றமளிக்கும் பருவமாகவே அமைந்தது. பிரீமியர் லீகில் மூன்றாவது இடத்தைப் பிடித்தனர் என்பதோடு சாம்பியன்ஸ் லீக் போட்டியில் இறுதியில் கோப்பை வென்ற FC போர்டோ அணியிடம் தோற்று வெளியேற நேர்ந்தது. ரியோ ஃபெர்டினாண்டு ஊக்கமருந்து பரிசோதனையைத் தவறவிட்டதால் எட்டு மாத தடைக் காலத்தை சந்திக்க நேர்ந்தது, இதனால் இப்பருவத்தின் இறுதி நான்கு மாதங்கள் அவர் போட்டிகளை தவறவிட்டார். எரிக் ஜெம்பா ஜெம்பா (Eric Djemba-Djemba) மற்றும் ஜோஸ் க்ளெபர்ஸன் (José Kléberson) ஏமாற்றமளித்தனர், ஆனால் ஒரு சிறந்த வீரர் கையெழுத்தானதும் நிகழ்ந்தது. 18 வயதான போர்ச்சுகீசிய விங்கர் கிறிஸ்டியானோ ரொனால்டோ கையெழுத்தானார்.

2004-05 பருவத்தின் துவக்கத்தில், வேய்ன் ரூனி மற்றும் அர்ஜெண்டினாவின் டிஃபெண்டர் கேப்ரியல் ஹெய்ன்ஸ் ஆகியோர் யுனைடெட் அணியில் இணைந்தனர். கிறிஸ்டியானா ரொனால்டோ முந்தைய பருவத்தில் தான் விட்ட இடத்தில் இருந்து தனது ஆட்டம் வெல்லும் சிறந்த ஆட்டத்திறனை தொடர்ந்து வெளிப்படுத்திக் கொண்டிருந்தார். ஆனால் வான் நிஸ்டெல்ரூய் பருவத்தின் அநேக காலத்தை காயத்துடன் கழித்துக் கொண்டிருந்த நிலையில் ஒரு ஸ்டிரைக்கர் இல்லாது போனதையடுத்து, இந்த கிளப் நான்கு பருவங்களில் மூன்றாவது முறையாக மூன்றாவது இடத்தைப் பிடித்தது. FA கோப்பையில் அவர்கள் பெனால்டிகளில் ஆர்ஸினல் அணியிடம் தோற்றனர்.

ராக் ஆஃப் கிப்ரால்டர் பந்தயக் குதிரையின் உரிமை விவகாரத்தில் கிளப்பின் முக்கிய பங்குதாரரான ஜான் மேக்னியர் உடன் ஃபெர்குஸனுக்கு உயர் மட்ட மோதல் ஏற்பட்டதை அடுத்து, அந்த பருவத்திற்கான ஃபெர்குஸனின் தயாரிப்புகள் பாதிப்புக்குள்ளாயின. மேக்னியரும் வர்த்தக கூட்டாளியான ஜே.பி.மெக்மேனஸும் தங்களது பங்குகளை அமெரிக்க வர்த்தக அதிபரான மால்கம் க்ளேஸரிடம் விற்க ஒப்புக் கொண்டதை அடுத்து, க்ளேஸருக்கு கிளப்பின் முழுக் கட்டுப்பாடும் கிட்டும் சூழ்நிலை உண்டானது. இது யுனைடெட் ரசிகர்களிடையே பெரும் எதிர்ப்புகளைக் கிளப்பியதோடு, அணிமாற்றச் சந்தையில் அணியை வலுப்படுத்தும் ஃபெர்குஸனின் திட்டங்களையும் பாதித்தது. இத்தனைக்கும் இடையில், யுனைடெட் அணியினர் தங்களது கோல்கீப்பிங் மற்றும் மிட்ஃபீல்டு பிரச்சினைகளை தீர்க்க முயன்று கொண்டிருந்தனர். இதற்காக, ஃபல்ஹாம் அணியில் இருந்து டச்சு கீப்பரான எட்வின் வான் டெர் சாரையும் பிஎஸ்வியில் இருந்து கொரிய வீரரான பார்க் ஜி-ஸங்கையும் யுனைடெட் ஒப்பந்தம் செய்தது.

அந்த பருவம் உருமாற்ற நிகழ்வுகளில் ஒன்றாய் அமைந்தது. நவம்பர் 18 அன்று, ராய் கீன் கிளப்பை விட்டு அதிகாரப்பூர்வமாக விலகி விட்டார், அவரது ஒப்பந்தம் பரஸ்பர சம்மதத்தின் அடிப்படையில் முடித்துக் கொள்ளப்பட்டது. UEFA சாம்பியன்ஸ்’ லீகின் நாக்-அவுட் கட்டத்திற்கு யுனைடெட் தகுதி பெறத் தவறியது. ஜனவரியின் அணிமாற்ற சாளரத்தில், செர்பிய டிஃபெண்டரான நெமஞ்சா விடிக் மற்றும் ஃபிரான்ஸின் ஃபுல்-பேக் வீரர் பேட்ரைஸ் எவ்ரா ஆகியோர் ஒப்பந்தமாயினர். அணி லீகில் இரண்டாவது இடத்தைப் பிடித்தது, செல்ஸியா முதலிடத்தைப் பெற்று விட்டிருந்தனர். வேறெங்கும் வெற்றி பெறாத நிலையில் லீக் கோப்பையை வென்றது ஒரு ஆறுதல் பரிசாக அமைந்தது. கார்லிங் கோப்பை இறுதியில் இடம்கிட்டாத நிலையில் ஓல்டு டிராஃபோர்டில் ரூட் வான் நிஸ்டெல்ரூயின் எதிர்காலம் சந்தேகத்திற்கிடமாய் ஆனது, அந்த பருவத்தின் இறுதியில் அவர் விலகி விட்டார்.

இரண்டாவது ஐரோப்பிய கோப்பை

தொகு
 
முன்னாள் துணை மேலாளர் கர்லோஸ் குரோஸ் உடன் பெர்குசன்

ராய் கீனுக்கு மாற்று வீரராக மைக்கேல் காரிக் 14 மில்லியன் பவுண்டு தொகைக்கு ஒப்பந்தம் செய்யப்பட்டார். ஆயினும் இத்தொகை பங்கேற்புகள் மற்றும் முடிவுகளின் அடிப்படையில் 18.6 மில்லியன் பவுண்டுகள் வரை எதிர்காலத்தில் அதிகரிப்பதானது. இந்த பருவத்தை நல்ல முறையில் துவங்கிய யுனைடெட் அணி, முதன்முறையாக தங்களது முதல் நான்கு பிரீமியர் லீக் ஆட்டங்களில் வென்றது. பிரீமியர் லீகில் ஆரம்ப வேகத்தை உருவாக்கிய அவர்கள் அந்த 38 போட்டிகள் கொண்ட பருவத்தின் பத்தாவது போட்டி முதல் முதலிடத்தை விட்டுக் கொடுக்கவில்லை. 2006 ஜனவரியின் ஒப்பந்தங்கள் யுனைடெட் அணியின் ஆட்டத்திறனில் பெரும் பாதிப்பைக் கொண்டிருந்தன; ஏற்கனவே இருந்த ரியோ ஃபெர்டினாண்ட் மற்றும் அணித் தலைவர் கேரி நெவிலி ஆகியோருடன் சேர்ந்து பேட்ரைஸ் எவ்ரா மற்றும் நெமாஞ்சா விடிக் ஒரு வலிமையான பின் வரிசையை உருவாக்கினர். மைக்கேல் காரிக்கின் ஒப்பந்தம் ஊடகத்தின் பெரும்பகுதியால் கேள்விகுட்படுத்தப்பட்டு விமர்சனத்திற்குள்ளானது என்றாலும், பால் ஸ்கோலெஸ் உடன் திறம்பட கூட்டு திறனை வெளிப்படுத்தும் வகையில் யுனைடெட் அணியின் மிட்ஃபீல்டுக்கு ஸ்திரத்தன்மையையும் கூடுதல் படைப்பாக்கத்தையும் அளித்தது. பார்க் ஜி-ஸங் மற்றும் ரியான் ஜிக்ஸ் ஆகியோர் வேய்ன் ரூனி மற்றும் கிறிஸ்டியானோ ரொனால்டோ ஆகியோருடன் இணைந்து குறிப்பிடத்தக்க வேகம் மற்றும் துல்லியத்துடன் பிரதான அணியில் தங்களது மதிப்பை கோடிட்டுக் காட்டினர்.

மான்செஸ்டர் யுனைடெட் அணியின் மேலாளராக தான் நியமிக்கப்பட்டதன் 20வது ஆண்டு நிறைவை நவம்பர் 6, 2006 அன்று பெர்குசன் கொண்டாடினார். ஃபெர்குஸனின் முன்னாள் வீரர்கள், இந்நாள் வீரர்கள்,[42] அத்துடன் அவரது பழைய எதிரியான ஆர்ஸின் வெங்கர்,[43] அவரது பழைய அணித்தலைவர் ராய் கீன், மற்றும் இப்போதைய வீரர்கள் அனைவரும் அவருக்கு வாழ்த்துகள் தெரிவித்தனர். அடுத்த நாளில் கார்லிங் கோப்பையின் நான்காவது சுற்றில் சவுத்எண்ட் அணியிடம் ஒற்றை கோல் தோல்வியை யுனைடெட் எதிர்கொண்டபோது இந்த கொண்டாட்ட சந்தோஷம் மறைந்து போனது. டிசம்பர் 1 அன்று 35 வயது வீரரான ஹென்ரிக் லார்ஸன் அணிக்கு ஒப்பந்தமாகி இருப்பதாய் அறிவிக்கப்பட்டது.[44] இவர் பல வருடங்களாய் அலெக்ஸ் ஃபெர்குஸனால் பெரிதும் போற்றப்பட்டு வந்த ஒரு வீரர் ஆகும். இவரை அணிக்குக் கொண்டு வர பெர்குசன் முன்னரே முயன்றிருந்தார். டிசம்பர் 23, 2006 அன்று கிறிஸ்டியானோ ஆஸ்டன் வில்லா அணிக்கு எதிராய் போட்ட கோல், பெர்குசன் தலைமையில் இந்த கிளப் எடுத்த 2000வது கோலாக ஆனது.[45]

இதனையடுத்து மான்செஸ்டர் யுனைடெட் தங்களது ஒன்பதாவது பிரீமியர் லீக் பட்டத்தைக் கைப்பற்றியது. ஆனால் வெம்ப்ளியில் நடைபெற்ற FA கோப்பை இறுதிப் போட்டியில் செல்ஸியா அணியின் டிடியர் ட்ராக்பா தாமதமான நேரத்தில் ஒரு கோல் போட்டதை அடுத்து இரட்டை பட்ட வாய்ப்பு தவறிப் போனது. இந்த ஆட்டத்தில் யுனைடெட் வென்றிருந்தால், நான்கு முறை இரட்டை பட்டங்கள் வென்ற முதல் இங்கிலீஷ் கிளப் என்கிற பெருமையை வென்றிருக்க முடியும். சாம்பியன்ஸ் லீகில், காலிறுதிச் சுற்றின் இரண்டாவது கட்டத்தில் ரோமா அணியை 7-1 என்ற கோல் கணக்கில் வென்று கிளப் அரையிறுதியை எட்டியது. ஆனால் அரையிறுதியின் முதல் கட்டத்தில் 3-2 என மேலே இருந்த நிலையில், இரண்டாவது கட்டத்தில் சான் சிரோவில் மிலனுக்கு எதிராக நடந்த ஆட்டத்தில் 3-0 என்ற கணக்கில் தோல்வியைச் சந்தித்தது.

2007-2008 பருவத்திற்கு, யுனைடெட் பிரதான அணியை வலுப்படுத்துவதற்கு குறிப்பிடத்தக்க ஒப்பந்தங்களை பெர்குசன் செய்தார். வெகு நாளாய் எண்ணிக் கொண்டிருந்த ஓவன் ஹார்கிரீவ்ஸ் பேயர்ன் முனிச் அணியில் இருந்து கொண்டுவரப்பட்டார். பல வருட பேச்சுவார்த்தைகளுக்குப் பின் இது சாத்தியமாகி இருந்தது. இளம் போர்ச்சுகீசிய விங்கரான நானி மற்றும் பிரேசில் வீரர் ஆண்டர்சன் ஆகியோர் மூலம் மிட்ஃபீல்டை பெர்குசன் மேலும் வலுப்படுத்தினார். ஒரு சிக்கலான நெடிய அணிமாற்ற சம்பவத்திற்குப் பிறகு அந்த கோடையின் கடைசி ஒப்பந்தமாக வெஸ்ட் ஹாம் யுனைடெட் மற்றும் அர்ஜெண்டினா ஸ்ட்ரைக்கர் கர்லோஸ் டெவெஸ் ஒப்பந்தம் செய்யப்பட்டார்.
பெர்குசன் தலைமையில் ஒரு பருவத்தின் மிக மோசமான ஆரம்பமாக அது அமைந்தது. முதல் இரண்டு லீக் ஆட்டங்கள் டிராவில் முடிவடைந்த நிலையில் மான்செஸ்டர் சிட்டி அணியிடம் 1-0 என்ற கோல் கணக்கில் அணி தோல்வியைச் சந்தித்தது. ஆயினும், அதன்பின் சுதாரித்து ஆடிய மான்செஸ்டர் பட்டம் வெல்ல ஆர்ஸினலுடன் போட்டியிட்டது. அந்த அணி சிறப்பான ஆட்டத்தை வெளிப்படுத்திய நிலையில், மான்செஸ்டர் யுனைடெட் அணியிலான தனது காலத்தில் தன்னால் மிகச் சிறந்த வகையில் ஒருங்குபடுத்த முடிந்த அணி அது தான் என பெர்குசன் பெருமிதம் பொங்க தெரிவித்தார்.[46]

2008 ஆம் ஆண்டு பிப்ரவரி 16 அன்று ஓல்டு டிராஃபோர்டில் நடந்த FA கோப்பை ஐந்தாவது சுற்று போட்டியில் யுனைடெட் அணி ஆர்ஸினலை 4-0 என்ற கோல் கணக்கில் தோற்கடித்தது. ஆனால் ஆறாவது சுற்றில் இறுதியில் கோப்பை வென்ற போர்ட்ஸ்மவுத் அணியிடம் 1-0 என்ற கோல் கணக்கில் தோற்றுப் போனது. யுனைடெட் அணியின் பெனால்டி கோரிக்கை நிராகரிக்கப்பட்ட நிலையில், புரொஃபஷனல் கேம் மேட்ச் அஃபிஷியல்ஸ் போர்டு அமைப்பின் பொது மேலாளரான கீத் ஹேகெட் “தனது வேலையை சரியாக செய்யவில்லை” என்று போட்டி முடிந்த பிறகு பெர்குசன் குற்றம் சாட்டினார். இதனையடுத்து முறையற்று நடந்து கொள்வதாக FA பெர்குஸன் மீது குற்றம் சுமத்தியது, இதனை எதிர்த்து முறையீடு செய்ய பெர்குஸன் தீர்மானித்தார். இது பெர்குசன் அந்த பருவத்தில் எதிர்கொண்ட இரண்டாவது குற்றச்சாட்டு ஆகும். போல்டன் வாண்டரர்ஸில் நிகழ்ந்த 1-0 தோல்விக்குப் பின் ஆட்ட நடுவர் மீது பெர்குசன் கூறிய புகார்களை அடுத்து எதிர்கொண்ட முதலாவது குற்றச்சாட்டினை எதிர்த்து முறையீடு செய்வதில்லை என அவர் தீர்மானித்திருந்தார்.

2008 ஆம் ஆண்டு மே 11 அன்று, சுமார் 25 வருடங்களுக்கு முன்பு ஐரோப்பிய கோப்பை வெற்றியாளர்கள் கோப்பையில் ரியல் மாட்ரிட் அணிக்கு எதிரான போட்டியில் அபெர்தீன் அணியை வெற்றிக்கு அழைத்துச் சென்ற அதே தினத்தில், மான்செஸ்டர் யுனைடெட் அணி தனது பத்தாவது பிரீமியர் லீக் பட்டத்தை வெல்ல பெர்குசன் அழைத்துச் சென்றார். மிக அருகில் இருந்த செல்ஸியா அணி இறுதி சுற்றில் செல்கையில் சம புள்ளிகளுடனும் ஒரே ஒரு கோல் எண்ணிக்கை குறைந்தும் இருந்தது. இந்த அணி தாயகத்தில் நடந்த போட்டியில் போல்டான் அணியிடம் 1-1 என்ற கணக்கில் டிரா செய்து மான்செஸ்டர் அணியை விட இரண்டு புள்ளிகள் பின்தங்கியது.

 
2009 ஆம் ஆண்டில் பெர்குசன்.

21 மே 2008 அன்று மான்செஸ்டர் யுனைடெட் அணியுடனான தனது இரண்டாவது ஐரோப்பிய கோப்பையை பெர்குசன் வென்றார். மாஸ்கோவில் உள்ள லுஸ்னிகி மைதானத்தில் நடந்த முதன்முதல் அனைத்து இங்கிலீஷ் UEFA சாம்பியன்ஸ் லீக் இறுதிப் போட்டியில் கூடுதல் நேரத்திற்குப் பிறகு 1-1 என டிராவில் இருந்ததைத் தொடர்ந்து பெனால்டிகள் அடிப்படையில் 6-5 என்ற கணக்கில் இந்த அணி செல்ஸியா அணியைத் தோற்கடித்தது. கிறிஸ்டியானோ ரொனால்டோ பெனால்டி கோலை தவற விட்டார், இதனால் ஜான் டெரி கோல் போட்டிருந்தால் கோப்பை செல்ஸியா அணியிடம் சென்றிருக்கும். ஆனால் டெரி அந்த வாய்ப்பை கோட்டை விட்டார். இறுதியில் எட்வின் வான் டெர் ஸர் நிகோலஸ் அனெல்காவின் பெனால்டியை தடுத்து விட்டதை அடுத்து பெர்குஸன் தலைமையில் இரண்டாவது முறையும், மொத்தத்தில் மூன்றாவது முறையுமாக இந்த கோப்பையை மான்செஸ்டர் யுனைடெட் கைப்பற்றியது.

2007-08 UEFA சாம்பியன்ஸ் லீகை வென்ற பின், அடுத்த மூன்று ஆண்டுகளுக்குள் தான் மான்செஸ்டர் யுனைடெட் அணியில் இருந்து விலகவிருப்பதாக பெர்குசன் கூறியிருந்தார்.[47] ஆனால் மான்செஸ்டர் யுனைடெட் அணியின் தலைமை நிர்வாகியான டேவிட் கில் உடனடியாகத் தலையீட்டு அலெக்ஸ் பெர்குசன் ஓய்வு பெறுவது குறித்த ஊகங்களை புறந்தள்ளினார்.

2008-09 பருவத்தில் அணி மந்தமான துவக்கத்தையே பெற்றது என்றாலும், ஒரு ஆட்டம் எஞ்சியிருக்கும் நிலையிலேயே பிரீமியர் லீக் பட்டத்தை வென்று விட்டது. இதனையடுத்து இங்கிலீஷ் கால்பந்து வரலாற்றில் இரண்டு வெவ்வேறு சந்தர்ப்பங்களில் மூன்றுமுறை தொடர்ந்து பிரீமியர் லீக் பட்டத்தை வென்ற மேலாளர் என்னும் பெருமை ஃபெர்குஸனுக்குக் கிடைத்தது. பெர்குசன் தலைமையில் இப்போது மான்செஸ்டர் யுனைடெட் 11 லீக் பட்டங்களை வென்றுள்ளது. 2009 பருவ வெற்றியின் மூலம் லீக் சாம்பியன்களாக மொத்தம் 18 முறை வென்று லிவர்பூல் உடன் சாதனை இடத்தைப் பகிர்ந்து கொள்கிறது. அவர்கள் 2009 சாம்பியன்ஸ் லீக் இறுதிப் போட்டியில் FC பார்சிலோனா அணிக்கு எதிராக மே 27, 2009 அன்று ஆடிய போட்டியில் 2-0 என்ற கணக்கில் தோற்றனர்.

பட்டம் வழங்கும் நிகழ்ச்சிக்குப் பிறகு பேசிய பெர்குசன் தனது உடல்நிலை ஒத்துழைக்கும் வரை தான் யுனைடெட் அணியுடன் இருக்கப் போவதாகவும், இன்னொரு முறை இந்த பட்டத்தை வெல்வது தனக்கு மிகுந்த மகிழ்ச்சியளிக்கும் என்றும் கூறினார். அந்த வெற்றி லிவர்பூல் அணியை விட ஒரு வெற்றியைக் கூடுதலாக அளித்து, மொத்த வெற்றிகளின் எண்ணிக்கையில் தனிப்பெரும் சாதனையாளராய் மான்செஸ்டர் யுனைடெட் அணியை ஆக்கும்.[48]

அணிக்கு அலெக்ஸ் பெர்குசன் செய்திருக்கும் பங்களிப்பை கவுரவிக்கும் விதமாக அக்டோபர் 11, 1999 அன்று ஒரு சிறப்பு கவுரவ ஆட்டத்திற்கு ஏற்பாடு செய்யப்பட்டது. இந்த போட்டியில் உலகெங்கும் இருந்து பல்வேறு வீரர்கள் கலந்து கொண்ட வேர்ல்டு XI அணிக்கு எதிராக மான்செஸ்டர் யுனைடெட் ஆடியது.

சர்ச்சைகள்

தொகு

தனது யுனைடெட் வாழ்க்கையில் பெர்குசன் ஏராளமான சர்ச்சைகளை சந்தித்திருக்கிறார்.

கார்டான் ஸ்ட்ராசான்

தொகு

“மை லைஃப் இன் ஃபுட்பால்” என்னும் தனது 1999 ஆம் ஆண்டு சுயசரிதையில் ஸ்ட்ராசான் பற்றி குறிப்பிட்ட பெர்குசன், “இந்த மனிதனை ஒரு அங்குலம் கூட நம்ப முடியாது என்று நான் தீர்மானித்தேன் - அவசரப்பட்டு அவரிடம் அதனையும் நான் சொல்லத் தயாராய் இல்லை” என்று கூறியிருந்தார்.[49] இக்கருத்து “ஆச்சரியமளிப்பதாகவும் ஏமாற்றமளிப்பதாகவும்”[49] இருந்ததாக இந்த தாக்குதலுக்கு எதிர்வினை செய்த ஸ்ட்ராசான், ஆயினும் அவதூறு வழக்கு எதுவும் தொடுக்கவில்லை.

டேவிட் பெக்காம் & போட்டியின் முன்கூட்டிய நிர்ணய சர்ச்சை

தொகு

2003 ஆம் ஆண்டில், யுனைடெட் அணி வீரரான டேவிட் பெக்காம்[50] உடன் ஃபெர்குஸனுக்கு ஆடை அறையில் விவாதம் ஏற்பட்டது. இச்சமயத்தில் பெர்குசன் வெறுப்பில் ஒரு கால்பந்து பூட்டை எட்டி உதைக்க அது பெக்காம் முகத்தில் பட்டு அவருக்கு காயம் ஏற்படுத்தியதாக கூறப்பட்டது. ஸ்பேனிய மற்றும் இத்தாலிய அணிகளுக்கு சாதகமாக சாம்பியன்ஸ் லீக் ஆட்ட பட்டியல் முன்கூட்டி தீர்மானிக்கப்பட்டு விட்டதாய் 2003 ஏப்ரல் 5 அன்று பெர்குசன் கூறினார்.[51] இதனால் 10,000 சுவிஸ் பிராங்குகள் (4,600 பவுண்டுகள்) அபராதமும் விதிக்கப் பெற்றார்.

ராக் ஆஃப் கிப்ரால்டர்

தொகு

2003 ஆம் ஆண்டில், ராக் ஆஃப் கிப்ரால்டர்[52] என்னும் பந்தயக் குதிரையின் உரிமைத்துவம் குறித்து யுனைடெட் கிளப்பின் மிகப்பெரும் பங்குதாரரான ஜான் மேக்னியர் மீது பெர்குசன் சட்ட நடவடிக்கையைத் துவக்கினார். மேக்னியர் அதற்கு எதிர்மனு[53] தாக்கல் செய்தார். ஜாப் ஸ்டாம், யுவான் வெரான், டிம் ஹோவார்டு, டேவிட் பெல்லியன், கிறிஸ்டியானோ ரொனால்டோ மற்றும் க்ளெபர்சன் ஆகியோர் உள்ளிட்ட வீரர்களின் அணிமாற்ற ஒப்பந்தங்கள் குறித்த “99 கேள்விகளுக்கு” பதிலளிக்க எழுந்த கோரிக்கையால் இந்த சட்ட விவகாரங்கள் மேலும் சிக்கலுற்றன.[54]. இறுதியில் இந்த வழக்கு நீதிமன்றத்திற்கு வெளியே தீர்த்துக் கொள்ளப்பட்டது.

பிபிசி

தொகு

2004 ஆம் ஆண்டில் இங்கிலாந்து தொலைக்காட்சியில் வந்த “ஃபாதர் அண்ட் சன்” என்கிற ஆவணப்படத்திற்குப் பின் பிபிசி தொலைக்காட்சிக்கு பேட்டிகள் எதுவும் கொடுப்பதற்கு பெர்குசன் மறுத்து வந்தார். இந்த ஆவணப்படத்தில் ”அவரது மகன் தனது தந்தையின் செல்வாக்கை அணிமாற்ற சந்தையில் தனது சொந்த தேவைகளுக்குப் பயன்படுத்திக் கொள்வது போன்று” சித்தரிக்கப்பட்டிருந்ததாக தி இண்டிபெண்டண்ட் செய்தித்தாளில் வந்த ஒரு கட்டுரை குறிப்பிட்டது. ”பெர்குஸனின் மகன்” எந்த தவறும் செய்ததாய் காணப்பட்டிருக்கவில்லை என்பதையும் அந்த கட்டுரை தெளிவுபடுத்தியிருந்தது. பெர்குசன் இது குறித்து கூறியதை பின்வருமாறு மேற்கோள் காட்டியிருந்தது: “அவர்கள் (பிபிசி) எனது மகன் குறித்து செய்திருக்கும் வேலை சுத்த அபத்தமானதாகும். எல்லாமே புனைவு விஷயங்கள். இது எனது மகனின் நன்னடத்தை மீது ஒரு பயங்கர தாக்குதல். அவர் மீது அத்தகையதொரு குற்றச்சாட்டு விழுந்திருக்கக் கூடாது.”[55]. அதன் பின் இன்றைய ஆட்டம் (மேட்ச் ஆஃப் தி டே) போன்ற பிபிசி நிகழ்ச்சிகளில் அவரது உதவியாளர் (தற்போது மைக் பீலன்) தான் பங்கேற்பார். ஆயினும் 2010-11 பருவத்திற்கு உத்தேசிக்கப்பட்டுள்ள புதிய பிரீமியர்ஷிப் விதிகளின் படி, பிபிசியைப் புறக்கணிப்பதை பெர்குசன் முடிவுக்குக் கொண்டுவர வேண்டியிருக்கும்.[56]

மூளை விளையாட்டுகளும் மற்ற மேலாளர்களுடனான உறவும்

தொகு

சக பிரீமியர்ஷிப் மேலாளர்களுடன் “மூளை கொண்டு மோதுவதில்” பெர்குசன் பிரபலமானவர். இந்த அணுகுமுறையில் பொதுவாக எதிரணி மேலாளர் அல்லது அவர்களது அணி குறித்து போட்டிக்கு முந்தைய செய்தியாளர் கூட்டத்தில் அவமதிக்கும் முறையில் பேசுவது இடம்பெற்றிருக்கும். கடந்த காலத்தில் கெவின் கீகன், ஆர்ஸீன் வெங்கர், ரஃபேல் பெனிடெஸ் ஆகியோருடன் நடப்பு பருவத்தில் மார்க் ஹியூக்ஸ் உடனும் பல்வேறு வார்த்தைமோதல்களுக்கு இது இட்டுச் சென்றுள்ளது.

நடுவர்கள்

தொகு

போட்டி அதிகாரிகள் தவறு செய்திருப்பதாக உணரும் சமயத்தில் அவர்களை நிந்திப்பது, வார்த்தைகளில் திட்டுவது மற்றும் வெளிப்படையாக விமர்சனம் செய்வது ஆகிய காரணங்களுக்காக ஏராளமான தண்டனைகளை பெர்குசன் பெற்றிருக்கிறார்:

20 அக்டோபர் 2003 - இரண்டு ஆட்ட தொடுகோட்டு தடை மற்றும் 10,000 பவுண்டு அபராதம். ஆட்டத்தின் நான்காவது அதிகாரியான ஜெஃப் விண்டரை நோக்கி தவறான மற்றும்/அல்லது அவமதிக்கும் வார்த்தைகளைப் பயன்படுத்திய குற்றத்திற்காக.[57]

14 டிசம்பர் 2007 - இரண்டு ஆட்ட தொடுகோட்டு தடை மற்றும் 5,000 பவுண்டு அபராதம். மார்க் கிளாட்டன்பர்கை நோக்கி தவறான மற்றும்/அல்லது அவமதிக்கும் வார்த்தைகளைப் பயன்படுத்திய குற்றத்திற்காக.[58]

18 நவம்பர் 2008 - இரண்டு ஆட்ட தொடுகோட்டு தடை மற்றும் 10,000 பவுண்டு அபராதம். போட்டி ஒன்றின் முடிவுக்குப் பின் மைக் டீனுடன் வார்த்தை மோதலில் ஈடுபட்டதற்காக.[59]

12 நவம்பர் 2009 - நான்கு ஆட்ட தொடுகோட்டு தடை (இரண்டு இடைநிறுத்தம் செய்யப்பட்டன) மற்றும் 20,000 பவுண்டு அபராதம். ஆலன் விலேயின் உடல்தகுதி குறித்து கூறிய கருத்துகளுக்காக.[60]

நடுவர்கள் ஃபெர்குஸனைப் பார்த்து மிரள்வது ஃபெர்ஜி டைம் என்கிற ஒன்றுக்கும் வழிவகுத்திருப்பதாய் கூறப்படுகிறது. அதாவது மான்செஸ்டர் யுனைடெட் அணி பின்தங்கியிருக்கும் நிலைமையில் அணிக்கு அசாதாரண தாராளத்துடன் கிட்டும் கூடுதல் காய நேரம் இவ்வாறு குறிப்பிடப்படுகிறது. இந்த பதம் 2004 ஆம் ஆண்டில் இருந்து[61] பயன்படுத்தப்படுகிறது. இந்த கருத்து செல்லுபடியாகத்தக்கதே என்பதை தி டைம்ஸ் இதழின் புள்ளிவிவர ஆய்வு தெரிவிக்கிறது. ஆயினும் கூடுதல் நேரத்திற்கும் யுனைடெட் பின்தங்கி இருக்கும் நிலைக்கும் இடையிலான இணையுறவை ஆய்வு செய்கையில் கால்பந்து விளையாட்டின் மற்ற தகுதிவகைகளும் கணக்கில் எடுக்கப்பட வேண்டும் என்பதை இந்தக் கட்டுரை சுட்டிக் காட்டுகிறது.[62]

பாரம்பரியம்

தொகு

எந்த ஒரு வீரரும் கிளப்பை விடவும் பெரியவர் இல்லை என்கிற பெர்குஸனின் கண்ணோட்டம் தான் மான்செஸ்டர் யுனைடெட் அணியை அவர் நிர்வகிப்பதன் முக்கிய அம்சமாய் கருதப்படுகிறது. “என்வழிக்கு வருகிறாயா அல்லது சாலை வழிக்குப் போகிறாயா” என்கிற அணுகுமுறையைத் தான் அவர் வீரர்கள் தொடர்பான விஷயங்களில் கையாண்டு வந்திருக்கிறார். இந்த மேலாண்மை தந்திரத்தின் அழுத்தத்தால் பல குறிப்பிடத்தக்க வீரர்கள் பல சமயங்களில் அணியை விட்டு விலகிச் சென்றுள்ளனர். இந்த வருடங்களில் எல்லாம் கார்டான் ஸ்ட்ராசன், பால் மெக்கிராத், பால் இன்ஸ், ஜாப் ஸ்டாம், ட்வைட் யோர்கெ, டேவிட் பெக்காம், மற்றும் மிக சமீபத்தில் ரூட் வான் நிஸ்டெல்ரூய் மற்றும் கேப்ரியல் ஹெய்ன்ஸ் ஆகியோர் ஃபெர்குஸனுடனான சில பல கருத்துவேறுபாடுகளின் காரணமாக கிளப்பை விட்டுச் சென்ற வீரர்களில் சிலர். கிளப்பின் வரலாற்றில் மிகப் பெரும் முன்னுதாரண வீரர்களில் ஒருவரான ராய் கீனும் கூட, MUTV என்னும் கிளப்பின் உறைவிட தொலைக்காட்சி சானலில், சக வீரர்கள் மீதான கடுமையான விமர்சனத்தைத் தொடர்ந்த ஃபெர்குஸனின் கோபத்திற்குப் பலியானவர் தான் என்றும் கூறப்படுகிறது. இத்தகைய மிக விலை கொடுக்கப்படும், உயர்ந்த ரக வீரர்களிடத்திலும் பெர்குசன் காட்டும் கண்டிப்பு தான் மான்செஸ்டர் யுனைடெட் அணியின் நடப்பு வெற்றிப் பாதைக்கான ஒரு காரணமாகக் குறிப்பிடப்படுகிறது.[சான்று தேவை]

சொந்த வாழ்க்கை

தொகு

பெர்குசன் செஷைர், வில்ம்ஸ்லோவில் தனது மனைவி கேதி பெர்குசன் (நடுப்பெயர் ஹோல்டிங்) உடன் வாழ்ந்து வருகிறார். இவர்கள் 1966 ஆம் ஆண்டு திருமணம் புரிந்து கொண்டனர். இவர்களுக்கு மூன்று பையன்கள்: மார்க் (1968 ஆம் ஆண்டு பிறந்தவர்) மற்றும் டேரன், ஜாசன் ஆகிய இரட்டையர்கள் (இவர்கள் 1972 ஆம் ஆண்டில் பிறந்தவர்கள்). டேரன் இப்போது பிரெஸ்டன் நார்த் எண்ட் அணியின் மேலாளராக இருக்கிறார். ஜாசன் ஒரு நிகழ்ச்சி நிர்வாக நிறுவனத்தை நடத்தி வருகிறார்.

1998 ஆம் ஆண்டில் தொழிற்கட்சிக்கு மிகப்பெரும் நன்கொடை வழங்கிய தனியார்களின் பட்டியலில் பெர்குசன் பெயர் இடம்பெற்றிருந்தது.[63]

மரியாதைகள்

தொகு

வீரர்

தொகு
செயிண்ட் ஜான்ஸ்டோன்
  • ஸ்காட்டிஷ் முதல் டிவிஷன் (1): 1962–63
ஃபால்கிர்க்
  • ஸ்காட்டிஷ் முதல் டிவிஷன் (1): 1969–70

மேலாளருக்காக

தொகு

இங்கிலீஷ் காலபந்தில் மேலாளராக இவரது பங்களிப்பிற்காக பெர்குசன் 2002 ஆம் ஆண்டில் இங்கிலீஷ் ஃபுட்பால் ஹால் ஆஃப் பேமில் துவக்க சேர்க்கையாக கவுரவிக்கப்பட்டார். 2003 ஆம் ஆண்டில் FA பயிற்சியாளருக்கான பட்டயத்தை முதலில் பெற்ற பெருமை ஃபெர்குஸனுக்குக் கிட்டியது. மேலாளர் அல்லது தலைமை பயிற்சியாளர் பொறுப்பில் குறைந்த பட்சம் 10 வருட அனுபவம் உள்ள பயிற்சியாளர்கள் அனைவருக்கும் இந்த பட்டயம் வழங்கப்பட்டது.

பிரெஸ்டனை மையமாகக் கொண்டு அமைந்திருக்கும் தேசிய கால்பந்து அருங்காட்சியகத்தில் இவர் துணைத் தலைவராக உள்ளார். அத்துடன் லீக் மேலாளர்கள் கூட்டமைப்பின் நிர்வாகக் குழுவில் ஒரு உறுப்பினராகவும் இருக்கிறார். அத்துடன் இங்கிலாந்து-ஸ்காட்லாந்து எல்லையில் வடக்கிலும் தெற்கிலும் (மான்செஸ்டர் யுனைடெட் அணியுடன் பிரீமியர் லீக் வென்றார், அபெர்தீன் அணியுடன் ஸ்காட்டிஷ் பிரீமியர் டிவிஷனை வென்றார்) உயர்ந்த லீக் கவுரவங்களையும் இரட்டை கவுரவத்தையும் பெற்ற ஒரே மேலாளர் என்கிற சிறப்பும் இவருக்கு உண்டு.[சான்று தேவை]

செயிண்ட் மிரென்
  • ஸ்காட்டிஷ் முதல் டிவிஷன் (1): 1976-77
அபெர்தீன்
  • ஸ்காட்டிஷ் பிரீமியர் டிவிஷன் (3): 1979–80, 1983–84, 1984–85
  • ஸ்காட்டிஷ் கோப்பை (4): 1981–82, 1982–83, 1983–84, 1985–86
  • ஸ்காட்டிஷ் லீக் கோப்பை (1): 1985–86
  • UEFA கோப்பை வென்றவர்கள் கோப்பை (1): 1982–83
  • UEFA சூப்பர் கோப்பை (1): 1991
மான்செஸ்டர் யுனைடெட்
  • பிரீமியர் லீக் (11): 1992–93, 1993–94, 1995–96, 1996–97, 1998–99, 1999–2000, 2000–01, 2002–03, 2006–07, 2007–08, 2008–09
  • FA கோப்பை (5): 1989–90, 1993–94, 1995–96, 1998–99, 2003–04
  • லீக் கோப்பை (4): 1991–92, 2005–06, 2008–09, 2009–10
  • FA தொண்டு/சமுதாய கேடயம் (8): 1990*, 1993, 1994, 1996, 1997, 2003, 2007, 2008 (* பகிர்ந்து கொள்ளப்பட்டது)
  • UEFA சாம்பியன்ஸ் லீக் (2): 1998–99, 2007–08
  • UEFA கோப்பை வென்றவர்கள் கோப்பை (1): 1990–91
  • UEFA சூப்பர் கோப்பை (1): 1991
  • கண்டங்களுக்கு இடையேயான கோப்பை (1): 1999
  • ஃபிஃபா கிளப் உலகக் கோப்பை (1): 2008
தனிநபர்
  • கால்பந்து எழுத்தாளர்கள் கழக மரியாதை விருது: 1996
  • முசாபினி பதக்கம்: 1999
  • ஆண்டின் சிறந்த UEFA சாம்பியன்ஸ் லீக் மேலாளர்: 1998–99
  • ஆண்டின் சிறந்த விளையாட்டு பிரபலத்திற்கான பிபிசி பயிற்சியாளருக்கான விருது: 1999
  • ஆண்டின் சிறந்த விளையாட்டு பிரபலத்திற்கான பிபிசி அணிக்கான விருது: 1999
  • ஆண்டின் சிறந்த IFFHS கிளப் கோச் விருது: 1999
  • தசாப்தத்தின் சிறந்த LMA மேலாளர்: 1990s
  • ஆண்டின் சிறந்த அணிக்கான லாரிஸ் உலக விளையாட்டு விருது: 2000
  • ஆண்டின் சிறந்த விளையாட்டு பிரபலத்திற்கான பிபிசி வாழ்நாள் சாதனைக்கான விருது: 2001
  • இங்கிலீஷ் கால்பந்தாட்ட புகழ்க் கூடம்: 2002
  • ஓன்ஸெ டி’ஓர் ஆண்டின் சிறந்த பயிற்சியாளர் (2): 1999, 2007
  • தொழில்முறை கால்பந்து வீரர்கள் கழகத்தின் திறமை விருது: 2007
  • ஆண்டின் சிறந்த UEFA அணி (2): 2007, 2008
  • பிரீமியர் லீக் 10 பருவங்கள் விருதுகள் (1992/3 - 2001/2)
    • தசாப்தத்தின் சிறந்த மேலாளர்
    • பயிற்சியாளராய் அதிகப்பட்ச பங்கேற்பு (392 ஆட்டங்கள்)
  • ஆண்டின் சிறந்த பிரீமியர் லீக் மேலாளர் (9): 1993–94, 1995–96, 1996–97, 1998–99, 1999–2000, 2002–03, 2006–07, 2007–08, 2008–09
  • மாதத்தின் சிறந்த பிரீமியர் லீக் மேலாளர் (24): ஆகஸ்டு 1993, அக்டோபர் 1994, பிப்ரவரி 1996, மார்ச் 1996, பிப்ரவரி 1997, அக்டோபர் 1997, ஜனவரி 1999, ஏப்ரல் 1999, ஆகஸ்டு 1999, மார்ச் 2000, ஏப்ரல் 2000, பிப்ரவரி 2001, ஏப்ரல் 2003, டிசம்பர் 2003, பிப்ரவரி 2005, மார்ச் 2006, ஆகஸ்டு 2006, அக்டோபர் 2006, பிப்ரவரி 2007, ஜனவரி 2008, மார்ச் 2008, ஜனவரி 2009, ஏப்ரல் 2009, செப்டம்பர் 2009
  • ஆண்டின் சிறந்த LMA மேலாளர் (2): 1998–99, 2007–08
  • உலகக் கால்பந்து இதழின் ஆண்டின் சிறந்த உலக மேலாளர் (4): 1993, 1999, 2007, 2008
கௌரவங்களும் சிறப்பு விருதுகளும்
  • பிரித்தானிய சாம்ராஜ்ய ஒழுங்கின் அதிகாரி (OBE): 1983
  • பிரித்தானிய சாம்ராஜ்ய ஒழுங்கின் தளபதி (CBE): 1995
  • நைட் பேச்சலர்: 1999

புள்ளிவிவரங்கள்

தொகு

ஒரு வீரராக

தொகு
Club performance League Cup League CupContinental Total
SeasonClubLeague AppsGoalsAppsGoals AppsGoals AppsGoals AppsGoals
Scotland LeagueScottish Cup Scottish League Cup Europe Total
1957–58 குவீன்’ஸ் பார்க் இரண்டாவது டிவிஷன்
1958–59
1959–60
1957–60 மொத்தம் 31 15
1960–61 செயிண்ட் ஜான்ஸ்டோன் முதல் டிவிஷன்
1961–62
1962–63 இரண்டாவது டிவிஷன்
1963–64 முதல் டிவிஷன்
1960–64 மொத்தம் (37) 19
1964–65 டன்ஃபெர்ம்லைன் அத்லெடிக் முதலாவது டிவிஷன்
1965–66
1966–67
1964–67 மொத்தம் 89 66
1967–68 ரேஞ்சர்ஸ் முதலாவது டிவிஷன்
1968–69
1967–69 மொத்தம் 41 25 6 10 4 9 6 0 57 44
1969–70 ஃபால்கிர்க் முதல் டிவிஷன்
1970–71
1971–72
1972–73
1969–73 மொத்தம் 95 36
1973–74 எய்ர் யுனைடெட் முதலாவது டிவிஷன் 24 9
1973–74 மொத்தம் 24 9
Total Scotland 317 170
Career Total 317 170

ஒரு மேலாளராக

தொகு
30 March 2010. அன்று இருந்த தகவல்களின் படி

குறிப்புகள்

தொகு
  1. ↑ Nick Barratt Published: 12:01AM BST 05 May 2007 (2007-05-05). "Family detective". Telegraph. Archived from the original on 2008-01-09. பார்க்கப்பட்ட நாள் 2009-10-30.{{cite web}}: CS1 maint: numeric names: authors list (link)
  2. ↑ The Boss. p. 33.
  3. ↑ "Get all the latest Scottish football news and opinions here". Dailyrecord.co.uk. 2009-08-11. பார்க்கப்பட்ட நாள் 2009-10-30.
  4. ↑ "Ferguson reveals earlier Canada emigration plans". ESPN Soccernet. 2010-02-04 இம் மூலத்தில் இருந்து 2010-02-06 அன்று. பரணிடப்பட்டது.. https://web.archive.org/web/20100206194338/http://soccernet.espn.go.com/news/story?id=736532&sec=england&cc=5901. பார்த்த நாள்: 2010-02-04. 
  5. ↑ "Scotland — List of Topscorers". Rsssf.com. 2009-06-12. பார்க்கப்பட்ட நாள் 2009-10-30.
  6. ↑ The Boss. p. 82.
  7. ↑ The Boss. p. 83.
  8. ↑ The Boss. p. 86.
  9. ↑ Reid, Harry (2005). The Final Whistle?. Birlinn. p. 223. பன்னாட்டுத் தரப்புத்தக எண் 1841583626.
  10. ↑ Managing My Life. p. ?.
  11. ↑ The Boss. p. 85.
  12. ↑ The Boss. pp. 108–9.
  13. ↑ "A leader of men is what he does best". The Guardian. 23 November 2004. பார்க்கப்பட்ட நாள் 9 March 2007.
  14. ↑ The Boss. p. 117.
  15. ↑ 15.0 15.1 "Sunday Herald St. Mirren article". Archived from the original on 2008-01-07. பார்க்கப்பட்ட நாள் 2007-11-09.
  16. ↑ "FA article". பார்க்கப்பட்ட நாள் 2007-11-09.
  17. ↑ "Guardian bullying article". பார்க்கப்பட்ட நாள் 2007-11-11.
  18. ↑ "31.05.1978: Alex Ferguson is fired by St Mirren". Guardian. 31 May 2008. http://www.guardian.co.uk/football/2008/may/31/manchesterunited.stmirren. பார்த்த நாள்: 29 December 2008. 
  19. ↑ The Boss. p. 159.
  20. ↑ The Boss. p. 171.
  21. ↑ The Boss. p. 174.
  22. ↑ The Boss. p. 175.
  23. ↑ The Boss. p. 179.
  24. ↑ 24.0 24.1 The Boss. p. 180.
  25. ↑ The Boss. p. 191.
  26. ↑ The Boss. p. 195.
  27. ↑ The Boss. p. 196.
  28. ↑ The Boss. p. 201.
  29. ↑ The Boss. p. 203.
  30. ↑ The Boss. p. 204.
  31. ↑ "Lewis heads sporting honours". BBC News. 1999-12-12. பார்க்கப்பட்ட நாள் 2007-06-18. {{cite web}}: Cite has empty unknown parameter: |coauthors= (help)
  32. ↑ "Ferguson 'almost became Arsenal boss'". BBC News. 10 June 2009. http://news.bbc.co.uk/sport1/hi/football/teams/m/man_utd/8092670.stm. பார்த்த நாள்: 2009-06-10. 
  33. ↑ "Arise Sir Alex?". BBC News, 27 May 1999. 27 May 1999. http://news.bbc.co.uk/1/hi/special_report/1999/05/99/uniteds_treble_triumph/354282.stm. பார்த்த நாள்: 3 December 2005. 
  34. ↑ Ferguson, Alex (1993). Just Champion!. Manchester United Football Club plc. p. 27. பன்னாட்டுத் தரப்புத்தக எண் 0952050919. {{cite book}}: Unknown parameter |coauthors= ignored (help)
  35. ↑ 35.0 35.1 "How Robins saved Ferguson's job". BBC News 4 November 2006. 4 November 2006. http://news.bbc.co.uk/sport1/hi/football/teams/m/man_utd/6096520.stm. பார்த்த நாள்: 8 August 2008. 
  36. ↑ "20 years and Fergie's won it all!". Manchester Evening News. 6 November 2006. பார்க்கப்பட்ட நாள் 8 August 2009.
  37. ↑ 37.0 37.1 "Recalling the pressure Ferguson was under". The Independent. 8 May 1997. Archived from the original on 1 மே 2009. பார்க்கப்பட்ட நாள் 8 August 2009.
  38. ↑ Managing My Life. p. 302.
  39. ↑ Managing My Life. p. 311.
  40. ↑ Managing My Life. p. 320.
  41. ↑ "Arise Sir Alex". BBC News. 12 June 1999. http://news.bbc.co.uk/1/hi/special_report/1999/06/99/queens_birthday_honours/366834.stm. பார்த்த நாள்: 18 June 2007. 
  42. ↑ "Saviour Robins: Fergie just cannot let go". ESPN Soccernet, 4 November 2006. Archived from the original on 27 நவம்பர் 2011. பார்க்கப்பட்ட நாள் 11 January 2007.
  43. ↑ "Wenger: Managers should emulate Ferguson". ESPN Soccernet, 4 November 2006. Archived from the original on 4 ஜூன் 2011. பார்க்கப்பட்ட நாள் 11 January 2007. {{cite web}}: Check date values in: |archive-date= (help)
  44. ↑ "Man Utd capture Larsson on loan". BBC Sport. 1 December 2006. http://news.bbc.co.uk/sport1/hi/football/teams/m/man_utd/6198464.stm. பார்த்த நாள்: 11 January 2007. 
  45. ↑ Bostock, Adam (23 December 2006). "Report: Villa 0 United 3". Manutd.com. பார்க்கப்பட்ட நாள் 18 June 2007.
  46. ↑ "Ferguson: This is the best squad I've ever had". Daily Telegraph. 12 November 2007. Archived from the original on 14 நவம்பர் 2007. பார்க்கப்பட்ட நாள் 27 November 2007.
  47. ↑ "Queiroz could step up to boss United when Sir Alex decides to call it a day". Mail Online (UK). 25 May 2008. http://www.dailymail.co.uk/sport/football/article-1021771/Queiroz-step-boss-United-Sir-Alex-decides-day.html. பார்த்த நாள்: 27 May 2008. 
  48. ↑ "Fergie won't be retiring for some while yet, insists Manchester United chief Gill". Mail Online (UK). 25 May 2008. http://www.dailymail.co.uk/sport/article-1021832/Fergie-wont-retiring-insists-Manchester-United-chief-Gill.html. பார்த்த நாள்: 27 May 2008. 
  49. ↑ 49.0 49.1 "Fergie v Strachan". The BBC. 2006-09-12. பார்க்கப்பட்ட நாள் 2009-12-14.
  50. ↑ "Sir Alex Ferguson factfile". The Times. 1997-11-05. பார்க்கப்பட்ட நாள் 2009-12-14.
  51. ↑ "Sir Alex Ferguson factfile". Manchester Evening News. 2006-11-06. பார்க்கப்பட்ட நாள் 2009-12-14.
  52. ↑ "Sir Alex Ferguson takes His case to Court". Racing and Sports. 2003-11-20. Archived from the original on 2013-08-23. பார்க்கப்பட்ட நாள் 2009-12-14.
  53. ↑ "Magnier's legal action damages hopes of a deal". The Independent. 2004-02-03. Archived from the original on 2010-01-22. பார்க்கப்பட்ட நாள் 2009-12-14.
  54. ↑ "United won't answer the 99 questions". The Guardian. 2004-02-01. பார்க்கப்பட்ட நாள் 2009-12-14.
  55. ↑ "Ferguson will never talk to The BBC again". The Independent. 2007-09-06. பார்க்கப்பட்ட நாள் 2009-12-14.
  56. ↑ "Sir Alex Ferguson will be forced to speak to the BBC under new Premier League rules". The Telegraph. 2009-11-14. Archived from the original on 2009-11-18. பார்க்கப்பட்ட நாள் 2009-12-14.
  57. ↑ "Sir Alex Ferguson Factfile". Manchester Evening News. 2006-11-06. பார்க்கப்பட்ட நாள் 2009-12-14.
  58. ↑ "Ferguson banned for two matches". The BBC. 2007-12-14. பார்க்கப்பட்ட நாள் 2009-12-14.
  59. ↑ "Sir Alex Ferguson banned and fined £10,000". The Times. 2008-11-19. பார்க்கப்பட்ட நாள் 2009-12-14.
  60. ↑ "Sir Alex Ferguson banned for two games and fined after Alan Wiley jibe". The Guardian. 2009-11-12. பார்க்கப்பட்ட நாள் 2009-12-14.
  61. ↑ "Wiley's time-keeping hands United lifeline". Daily Telegraph. 2004-08-30. பார்க்கப்பட்ட நாள் 2010-02-21.
  62. ↑ "It's a fact! Fergie time does exist in the Premier League". The Times. 2009-10-24. பார்க்கப்பட்ட நாள் 2010-02-21.
  63. ↑ "UK Politics | 'Luvvies' for Labour". BBC News. 1998-08-30. பார்க்கப்பட்ட நாள் 2009-10-30.

குறிப்புதவிகள்

தொகு

மேலும் காண்க

தொகு
  • அலெக்ஸ் பெர்குசன் சாட்சியம்

புற இணைப்புகள்

தொகு
 
 
விக்கிமேற்கோள் பகுதியில், இது தொடர்புடையவைகளைக் காண்க: அலெக்ஸ் ஃபெர்குஸன்

]]

[[பகுப்பு:

"https://ta.wikipedia.org/w/index.php?title=அலெக்ஸ்_ஃபெர்குஸன்&oldid=3924533" இலிருந்து மீள்விக்கப்பட்டது