கரைதுறைப்பற்று பிரதேச செயலாளர் பிரிவு
கரைதுறைப்பற்று பிரதேச செயலாளர் பிரிவு இலங்கையின் முல்லைத்தீவு மாவட்டத்தில் உள்ள ஒரு நிர்வாக அலகாகும். இது யாழ்ப்பாணக் குடாநாட்டுக்குத் தெற்கே வன்னியில் அமைந்துள்ளது. இப் பிரிவு துணை நிர்வாக அலகுகளாக 46 கிராம அலுவலர் பிரிவுகளைக் கொண்டுள்ளது. முள்ளிவாய்க்கால், அளம்பில், அம்பலவன்பொக்கணை, செம்மலை, கள்ளப்பாடு, கணுக்கேணி, கருநாட்டுக்கேணி, கள்ளிக்காடு, கேப்பாப்புலவு, கொக்கிளாய், கொக்குத்தொடுவாய், கோவில்குடியிருப்பு, குமாரபுரம், குமுழமுனை, மாமூலை, மணல்குடியிருப்பு, மதவாளசிங்கன்குளம், முல்லைத்தீவு, முள்ளியவளை, நீராவிப்பிட்டி, புதரிக்குடா, செல்வபுரம், சிலாவத்தை, தண்ணிமுறிப்பு, தண்ணீரூற்று, உப்புமாவெளி, வண்ணான்குளம், வற்றாப்பளை ஆகிய ஊர்கள் இப் பிரதேச செயலாளர் பிரிவினுள் அடங்குகின்றன. இப்பிரிவின் வடக்கில் கிளிநொச்சி மாவட்டமும்; மேற்கில் ஒட்டுசுட்டான் பிரதேச செயலாளர் பிரிவு, புதுக்குடியிருப்பு பிரதேச செயலாளர் பிரிவு என்பவற்றோடு வவுனியா மாவட்டமும்; தெற்கில் திருகோணமலை மாவட்டமும்; கிழக்கில் இந்தியப் பெருங்கடலும் எல்லைகளாக உள்ளன.
இப்பிரிவு 789 சதுர கிலோமீட்டர் பரப்பளவு கொண்டது[1].
