கியோத்தோ நகரிய மாநிலம்

கியோத்தோ நகரிய மாநிலம் (Kyoto Prefecture (京都府, Kyōto-fu^?)) [[யப்பான்[ஜப்பானிலுள்ள]] ஒன்சூ தீவின் கன்சாய் பகுதியில் அமைந்துள்ள ஒரு மாநிலம்.^[1] இதன் தலைநகர் கியோத்தோ நகரம்.^[2] ஜப்பானின் பண்பாட்டுத் தலைநகராகக் கருதப்படும் இப்பகுதி ஜப்பானிலுள்ள இரண்டு நகரிய மாநிலங்களில் ஒன்று, மற்றொன்று ஓசகா நகரிய மாநிலம்.

வரலாறு

மெய்ஜி மறுசீரமைப்பு வரை, கியோத்தோ மாநிலம் உள்ள பகுதி யமஷீரோ என அழைக்கப்பட்டது.^[3] வரலாற்றின் பெரும்பகுதியில், ஜப்பானியப் பேரரசின் தலைநகராக கியோத்தோ நகர் இருந்துள்ளது. இதன் வரலாற்றை ஆறாம் நூற்றாண்டிலிருந்தே அறியலாம். 544 இல், நல்ல அறுவடைக்காகவும் மற்றும் நல்ல காலநிலைக்காகவும் ஆவொய் மட்சுரி வழிபாடு கியோத்தோவில் நடைபெற்றுள்ளது.

இரண்டாம் உலகப்போரின் ஆக்கிரமிப்பின் போது, அமெரிக்க ஆறாவது படை கியோத்தோவைத் தலைமையிடமாகக் கொண்டிருந்தது.

புவியியல்

கியோத்தோ மாநிலம் கிட்டத்தட்ட ஒன்சூ தீவிற்கும் ஜப்பானுக்கும் மையமாக அமைந்துள்ளது. 4,612.71 சதுர கிலோமீட்டர் பரப்பளவு கொண்ட இது ஜப்பானின் நிலப்பரப்பில் 1.2% ஆகும். இது ஜப்பானில் 31வது இடம் வகிக்கின்றது. ஜப்பான் கடல் மற்றும் ஃபுக்கி மாநிலம் வடக்கிலும் ஓசகா மற்றும் நாரா மாநிலங்களைத் தெற்கிலும் மீ மற்றும் ஷீகா மாநிலங்களைக் கிழக்கிலும் ஹியோகொ மாநிலத்தை மேற்கிலும் எல்லைகளாகக் கொண்டுள்ளது. இம்மாநிலத்தை நடுவில் பிரிக்கும் தன்பா மலைகளினால் இதன் வடக்கு ப்பகுதியும் தெற்குப்பகுதியும் மிகவும் மாறுபட்ட காலநிலைகளைக் கொண்டுள்ளன.

1 ஏப்ரல் 2012 நிலவரப்படி, மாநிலத்திலுள்ள மொத்த நிலப்பரப்பில் 6% இயற்கை பூங்காக்களுக்காக வரையறுக்கப்பட்டுள்ளது. இம்மாநிலத்தில் சனின் கைகன் தேசிய பூங்கா பிவாகோ, தங்கோ-அமனோஹஷிடட்டே-ஓயியமா மற்றும் வகாசா வான் குவாசி தேசிய பூங்காக்கள்; மற்றும் ஹொசுக்யோ, கசிகியாமா, மற்றும் ருரிக்கை மாவட்ட இயற்கை பூங்காக்கள் உள்ளன.^[4]

நிர்வாகப் பிரிவுகள்

நகரங்கள்

பதினைந்து நகரங்கள் கியோத்தோ மாநிலத்தில் அமைந்துள்ளன.

அயாபே
ஃபுகுச்சியாமா
ஜோயோ
கமியோகா
கிசுகாவா
கியோதனாபெ
கியோதங்கோ
கியோத்தோ (தலைநகர்)
மைசுரு
மியாசூ
முகோ
நகவோகக்யோ
நன்டன்
உஜி
யவாட்டா

மாவட்டங்களும் சிற்றூர்களும்

ஃபுனாய் மாவட்டம்
கியோடம்பா
குசெ மாவட்டம்
குமியாமா
ஒதொகுனி மாவட்டம்
ஓயமஸாக்கி
ஸோரக்கு மாவட்டம்
கசாகி
மினமியமஷிரோ
சைகா
வசூகா
த்சுசூகி மாவட்டம்
இதே
உஜிதவாரா
யோசா மாவட்டம்
இனே
யோசனோ

பொருளாதாரம்

கியோத்தோ பெருமளவில் சுற்றுலாவை நம்பியே உள்ளது. வடகியோத்தோவிலுள்ள தங்கோ தீபகற்பத்தில் மீன்பிடி தொழில் மற்றும் நீர் போக்குவரத்து உள்ளது, உட்கியோத்தோவில் வேளாண்மையும் வனவளமும் உள்ளன. நிண்டெண்டோவின் தலைமையிடமாக கியோத்தோ நகரம் உள்ளது.

பண்பாடு

ஆயிரம் ஆண்டுகளாக யப்பானின் தலைநகராக இருந்த கியோத்தோ ஜப்பானின் பண்பாட்டுத் தலைநகராக இன்றும் இருந்துவருகின்றது.

சுற்றுலா

கியோத்தோ மாநிலம் யப்பானிலுள்ள ஒரு புகழ்பெற்ற சுற்றுலா ஈர்ப்பு தளம். கியோத்தோவில் நடைபெறும் விழாக்களில் சில

544 லிருந்து ஆவொய் மட்சுரி
869 லிருந்து கியோண் மட்சுரி
எடோ காலத்திலிருந்து இனே மட்சுரி
1662 லிருந்து தைமோஞ்சி கோசான் ஒகுரிபி
1895 லிருந்து ஜிதை மட்சுரி

ஒவ்வொரு மடம் மற்றும் கோவில் நிகழ்வுகளில் சிலவற்றை பொது மக்கள் பார்வையிட அனுமதிக்கப்படுகின்றது.

கின்ககு ஜி
கிண்ககு ஜீ
அரஷியாமாவிலுள்ள தொகெட்சூ பாலம்
ஹையன் கோவில்

கல்வி

கியோத்தோவிலுள்ள பல்கலைக்கழகங்கள்

கியோத்தோ கல்வியியல் பல்கலைக்கழகம்
கியோத்தோ தொழில்நுட்ப நிறுவனம்
அயல்நாட்டுப் படிப்புகளுக்கான கியோத்தோ பல்கலைக்கழகம்
தோஷிஷா பல்கலைக்கழகம்
ரிட்சூமைக்கன் பல்கலைக்கழகம்
கியோத்தோ சங்யோ பல்கலைக்கழகம் (கியோட்டோ தொழிற்சாலை பல்கலைக்கழகம்)
ருயுகோகு பல்கலைக்கழகம்
புக்யோ பல்கலைக்கழகம்
ஒதனி பல்கலைக்கழகம்
கியோத்தோ காகுயென் பல்கலைக்கழகம்
ஹனசோனோ பல்கலைக்கழகம்

விளையாட்டு

கீழே பட்டியலிடப்பட்டுள்ள விளையாட்டு அணிகள் கியோத்தோவை அடிப்படையாகக் கொண்டவை.

கால்பந்து: கியோத்தோ சங்கா எஃப்.சி. (கியோட்டோ நகரில்), சகவா அச்சிடுதல் எஸ்.சி. (முகோ)
கூடைப்பந்து: கியோத்தோ ஹன்னரிஸ் (பிஜே லீக்)
பெண்களுக்கான அடிபந்தாட்டம்: கியோத்தோ ஆஸ்ட்ரோட்ரீம்ஸ்

மாநிலச் சின்னங்கள்

மாநிலப்பூ: அழும் செர்ரி
மாநில மரம்: கிதயாமா சூகி
மாநிலப் பறவை: கோடுகளுடைய ஷியர்வாட்டர் கடற்பறவை

நட்றவுப்பகுதிகள்

கியோத்தோ மாநிலம் பின்வரும் பகுதி / மாநிலங்களுடன் மாகாண அளவில் சகோதர / நட்புறவு கொள்ள ஒப்பந்தம் மேற்கொண்டுள்ளது.^[5] இந்த உறவு கியோத்தோ மாநிலத்திலுள்ள நகரங்கள் பிற நகரங்களுடன் கொண்டுள்ள நட்றவிலிருந்து வேறுபட்டது.