கீழ் மெசொப்பொத்தேமியா

கீழ் மெசொப்பொத்தேமியா (Lower Mesopotamia)^[1]^[2] பண்டைய அண்மை கிழக்கில் அமைந்த மெசொப்பொத்தேமியாவின் கீழ் பகுதியாகும். கீழ் மெசொப்பொத்தேமிய தற்கால ஈராக் நாட்டின் தெற்கில் புறாத்து ஆறு மற்றும் டைகிரிசு ஆறுகள் பாரசீக வளைகுடாவில் கலக்கும் முன்னர் அமைந்த வடிநிலத்தில் அமைந்த நிலப்பரப்புகள் ஆகும்.

மத்திய காலத்தில் வண்டல் மண் நிறைந்த கீழ் மெசொப்பொத்தேமியாவை அரபு மொழியில் சாவத் (Sawad) என்றும் பாரசீக மொழியில் சிபால் (Jibal) என்றும் அழைப்பர்.^[3] கீழ் மெசொப்பொத்தேமியா பண்டைய சுமேரிய - பாபிலோனிய நாகரீகங்களின் பிறப்பிடமாகும்.^[4] இதன் மேற்பகுதியில் (வடக்கில்) மேல் மெசொப்பொத்தேமியா உள்ளது.

புவியியல்

இப்பகுதியில் என்றும் வற்றாத புறாத்து ஆறு மற்றும் டைகிரிசு ஆறுகள் பாய்வதால் பாக்தாத் முதல் பாரசீக வளைகுடா வரை 15000 சதுர கிலோ மீட்டர் நிலப்பரப்புகளில் வேளாண்மை செய்வதற்கு ஏற்ற வண்டல் மண் படிந்துள்ளது. மேலும் பாரசீக வளகுடாவை ஒட்டியுள்ள கடற்கரை பகுதிகளில் சதுப்பு நிலங்கள் காணப்படுகிறது.கீழ் மெசொப்பொத்தேமியாவில் இரண்டு பெரிய நன்னீர் ஏரிகள் உள்ளது.

பண்டைய நாகரிகங்கள்

கீழ் மெசொப்பொத்தேமிய சுமேரிய, அக்காடிய, பாபிலோனிய மற்றும் சால்டிய நாகரிகங்களின் தாயகமாக விளங்கியதற்கு முன்னர் இப்பகுதியில் உபைதுகள் பண்பாடடு (கிமு 6500 — கிமு 3800) சிறந்து விளங்கியது.