சுன்சுனூ மாவட்டம்
சுன்சுனூ மாவட்டம் (Jhunjhunu district) (இந்தி:झुन्झुनू जिला) மேற்கு இந்தியாவில் அமைந்துள்ள இராஜஸ்தான் மாநிலத்தின் 33 மாவட்டங்களில் ஒன்றாகும். இம்மாவட்டத் தலைமையிட நகரம் சுன்சுனூ ஆகும். இராஜஸ்தான் மாநிலத்தின் பகுதியில் அமைந்த இம்மாவட்டம் ஜெய்பூர் கோட்டத்தில் உள்ளது. இந்திய அளவில் இம்மாவட்டம் இந்திய இராணுவத்திற்கு அதிக வீரர்களை அனுப்பிய பெருமை உடையது. இம்மாவட்டத்தின் பிலானி நகரத்தில் உள்ள பிர்லா தொழில்நுட்பம் மற்றும் அறிவியல் கழகம், உலக அள்வில் பெயர் அறிவியல் மற்றும் தொழில்நுட்ப நிறுவனமாகும்.
| சுன்சுனூ மாவட்டம் झुन्झुनू जिला | |
|---|---|
.svg) சுன்சுனூமாவட்டத்தின் இடஅமைவு இராஜஸ்தான் | |
| 75°01′N 76°04′E / 75.02°N 76.06°E - 27°23′N 28°19′E / 27.38°N 28.31°E | |
| மாநிலம் | இராஜஸ்தான், இந்தியா |
| நிர்வாக பிரிவுகள் | ஜெய்பூர் |
| தலைமையகம் | சுன்சுனூ |
| பரப்பு | 5,928 km2 (2,289 sq mi) |
| மக்கட்தொகை | 2,137,045 (2011) |
| மக்கள்தொகை அடர்த்தி | 361/km2 (930/sq mi) |
| நகர்ப்புற மக்கட்தொகை | 22.89% |
| படிப்பறிவு | 74.13% |
| பாலின விகிதம் | 950 |
| வட்டங்கள் | 8 |
| மக்களவைத்தொகுதிகள் | சுன்சுனூ[1] |
| சட்டமன்ற உறுப்பினர் எண்ணிக்கை | 7 [2] |
| முதன்மை நெடுஞ்சாலைகள் | மாநில நெடுஞ்சாலை எண் 8 |
| அதிகாரப்பூர்வ இணையத்தளம் | |
மாவட்ட அமைவிடம்
தொகுசெகாவாதி பிரதேசத்தில் அமைந்த சுன்சுனூ மாவட்டத்தின் கிழக்கிலும்; வடகிழக்கிலும் அரியானா மாநிலமும்; தெற்கு, தென்கிழக்கு மற்றும் தென்மேற்கில் சீகர் மாவட்டம், வடக்கிலும், வடமேற்கிலும் சூரூ மாவட்டம் எல்லைகளாக அமைந்துள்ளது.
மாவட்ட நிர்வாகம்
தொகுஇம்மாவட்டம் சுன்சுனூ, சிராவா, புஹானா, நவால்காட், மேல்சிசர், சூரஜ்காட் என 6 வருவாய் வட்டங்களைக் கொண்டது.
இம்மாவட்டம் சுன்சுனூ, மண்டவா, நவால்காட், கேத்திரி, பிலானி, உதய்பூர்வாதி, சூரஜ்காட் என ஏழு சட்டமன்றத் தொகுதிகளையும்; சுன்சுனூ மக்களவைத் தொகுதியும் கொண்டுள்ளது.
மாவட்டப் பிரிப்பு
தொகுஇம்மாவட்டத்தின் சில வருவாய் வட்டங்களைக் கொண்டு 7 ஆகஸ்டு 2023 அன்று புதிய நீம் கா தானா மாவட்டம் நிறுவப்பட்டது.[3]
மக்கள் தொகையியல்
தொகு2011 ஆம் ஆண்டு இந்திய மக்கள் தொகை கணக்கெடுப்பின் படி இம்மாவட்டத்தின் மொத்த மக்கள் தொகை 2,137,045 ஆக உள்ளது. கிராமப்புறங்களில் 77.11% மக்களும்; நகரப்புறங்களில் 22.89% மக்களும் வாழ்கின்றனர். கடந்த பத்தாண்டுகளில் (2001-2011) மக்கள் தொகை வளர்ச்சி விகிதம் 11.67% ஆக உயர்ந்துள்ளது. மக்கள் தொகையில் 1,095,896 ஆண்களும்; 1,041,149 பெண்களும் உள்ளனர். ஆயிரம் ஆண்களுக்கு 950 பெண்கள் என்ற விகிதத்தில் பாலின விகிதம் உள்ளது. 5,928 சதுர கிலோ மீட்டர் பரப்பளவு கொண்ட இம்மாவட்டத்தின் மக்கள் தொகை அடர்த்தி ஒரு சதுர கிலோ மீட்டர் பரப்பளவில் 361 மக்கள் வீதம் வாழ்கின்றனர். இம்மாவட்டத்தின் சராசரி படிப்பறிவு 74.13% ஆகவும், ஆண்களின் படிப்பறிவு 86.90% ஆகவும், பெண்களின் படிப்பறிவு 60.95% ஆகவும் உள்ளது. ஆறு வயதிற்குட்பட்ட குழந்தைகளின் எண்ணிக்கை 288,470 ஆக உள்ளது. [4]
சமயம்
தொகுஇம்மாவட்டத்தில் இந்து சமயத்தவரின் மக்கள் தொகை 1,905,682 (89.17 %) ஆகவும்; இசுலாமிய சமய மக்கள் தொகை 228,178 (10.68 %) ஆகவும்; சமண சமய, சீக்கிய சமய, கிறித்தவ, பௌத்த சமய மக்கள் தொகை மிகக் குறைவாகவும் உள்ளது.
மொழிகள்
தொகுஇராஜஸ்தான் மாநிலத்தின் ஆட்சி மொழியான இந்தி மொழியுடன், பஞ்சாபி, உருது மற்றும் இராச்சசுத்தானி, மார்வாரி போன்ற வட்டார மொழிகளும் இம்மாவட்டத்தில் பேசப்படுகிறது.
தொழில்கள்
தொகுசுன்சுனூ மாவட்டத்தின் கேத்ரி வட்டத்தில் இந்தியாவின் பெரிய செம்பு சுரங்கங்கள் உள்ளது.
கல்வி நிறுவனங்கள்
தொகுபடக்காட்சியகம்
தொகு-
சுன்சுனூ நகரத்தில் ஜுஜ்கர் சிங் நெக்ராவின் சிலை -
இதனையும் காண்க
தொகுமேற்கோள்கள்
தொகு- ↑ "Parliamentary Constituencies of Rajasthan" (PDF). http://164.100.9.199/home.html. 2012. Archived from the original (PDF) on 2013-06-16. பார்க்கப்பட்ட நாள் 2012-02-23.
{{cite web}}: External link in|publisher= - ↑ "Assembly Constituencies of Jhunjhunu district" (PDF). gisserver1.nic.in. 2012. Archived from the original (PDF) on 2013-06-03. பார்க்கப்பட்ட நாள் 2012-02-23.
- ↑ Rajasthan govt announces 17 new districts, 3 new divisions in state
- ↑ Jhunjhunun (Jhunjhunu) District : Census 2011 data
வெளி இணைப்புகள்
தொகு- மாவட்ட இணையதளம்[தொடர்பிழந்த இணைப்பு]
- Jhunjhunu information பரணிடப்பட்டது 2019-08-17 at the வந்தவழி இயந்திரம்